Լոռու մարզում 17 հոգի կարանտինում է, իսկ Իրանից ժամանած քույրերը կորոնավիրուսի կասկածով տեղափոխվել են «Գոլդեն Փելես»

Լոռու մարզում մինչ այս պահը թեպետ կոնավիրուսով վարակման դեպքեր չեն արձանագրվել, 17 քաղաքացի դեռեւս գտնվում է կարանտինի մեջ:

Լոռու մարզպետարանի առողջապահության եւ սոցիալական ապահովության վարչության պետի պաշտոնակատար Լուսինե Վարդանյանը ՀԺ-ի հետ զրույցում ասաց, որ մարզում իրավիճակը վերահսկելի է ոչ միայն կորոնավիրուսով, այլ նաեւ մյուս վիրուսներով պայմանավորված: 

«Այս պահի դրությամբ կորոնավիրուսի կասկածով անձ մարզում չունենք: Ունենք միայն կոնտակտային անձինք, որոնք վերադարձել են Իրանից, Իտալիայից եւ Չինաստանից»,- ասաց Լուսինե Վարդանյանը՝ նշելով, որ աշխարհում կորոնավիրուսի հայտնաբերման պահից (նախորդ տարեվերջից) մինչ օրս մարզի տարածք է մտել հիշյալ երկրներից 58 քաղաքացի, որոնցից 41-ն արդեն անցել է 14-օրյա կարանտինը, նրանց մոտ ոչ միայն ջերմության բարձրացում, այլեւ որեւէ այլ խնդիր չի արձանագրվել՝ թե՛ այն ժամանակ, թե՛ հիմա, լիովին առողջ վիճակում են: 

«17 հոգի դեռեւս գտնվում են շուրջօրյա հսկողության տակ, սակայն որեւէ կլինիկական ախտանշաններ չունեն: Պարզապես հսկողության տակ են, գտնվում են իրենց տներում: Նրանց նկատմամբ ամենօրյա հսկողություն իրականացնում են ամբուլատոր պոլիկլինիկական հաստատությունների բժիշկները, ինչպես նաեւ հիվանդությունների վերահսկման եւ կանխարգելման Լոռու մարզային կենտրոնի բժիշկները»,- հավելեց մեր զրուցակիցը:

Թեհրան-Երեւան վերջին չվերթն իրականացրած ինքնաթիռում, որի ուղեւորներից մեկի մոտ էլ հաստատվեց Հայաստանում առաջին ու առայժմ միակ կորոնավիրուսի դեպքը, եղել են նաեւ կոնտակտային 2 հարազատ քույրեր, որոնցից մեկը Լոռու մարզի բնակիչ է, մյուսը՝ Երեւան քաղաքի: Նրանք տեղափոխվել են Ծաղկաձոր. «Քանի որ գտնվել են բարձր համաճարակաբանական վիճակում, այդ 2 կանանց հատուկ շտապօգնության մեքենաներով տեղափոխել ենք Ծաղկաձորի համապատասխան հյուրանոց: Նրանց մոտ եւս կլինիկական ոչ մի ախտանշան չի եղել, պարզապես նույն ինքնաթիռում են եղել»:

Վարչության պետի պաշտոնակատարը վստահեցրեց՝ մարզի ամբուլատորիաները փետրվարից անցել են ամենօրյա աշխատանքային ռեժիմի, հետեւաբար բոլոր առողջապահական հիմնարկները բաց են:

Ըստ Լուսինե Վարդանյանի՝ մարզի բոլոր հիվանդանոցներն արդեն ունեն համապատասխան մեկուսարաններ, ապահովված են համապատասխան արտահագուստով ու մաքրող նյութերով, ինչը թույլ կտա անհրաժեշտության դեպքում ընդունել կորոնավիրուսով վարակված մարդու: «Նախարարի հրամանով Տաշիրի բժշկական կենտրոնը կցված է նաեւ Գոգավանի մաքսակետին»,- ասաց նա:

Տպել
30636 դիտում

Մեր նպատակը կապիտալ ծախսերի խթանման միջոցով նոր աշխատատեղերի ստեղծումն է. վարչապետ (տեսանյութ)

ՀՀ քաղաքացիական ավիացիայի կոմիտեն լիցենզիայից չի զրկվել. կոմիտեն հայտարարություն է տարածել

Վերակենդանացման բաժանմունքներում 25 հիվանդ կա. նրանցից 1-ի վիճակը ծայրահեղ ծանր է

Կորոնավիրուսը, Արմեն Մուրադյանը եւ նախարարի պորտֆելը

ՀՀ մարզերում ձյուն է տեղում, Լարսը բաց է միայն բեռնատարների համար

Արցախում առայսօր կորոնավիրուսային վարակի դեպք չի գրանցվել, մեկուսացվածներ ևս չկան

Աբովյանի բնակարաններից մեկում 62-ամյա տղամարդու դի է հայտնաբերվել

Ապրիլի 6-ին Մոսկվայից կազմակերպվող չարտերային թռիչքի ուղևորներն ընտրվել են ըստ առաջնահերթության

Ապրիլի 4-ին Արցախում աճել է ադամաթզի, սոխ գինը, անկել՝ վարունգի, բենզինի, կիտրոնի, լոլիկի և այլ ապրանքների գները

ՀՀ ՊՆ պարզաբանումը լրատվամիջոցներում հրապարակված բաց նամակի կապակցությամբ

Երևանում բետոնե պատշգամբ է փլուզվել

Մեր «մշտական կորոնավիրուսը»

«Աղավնո», «Խարխափուտ», «Խնձորեսկ» բժշկասանիտարական հսկիչ կետերում ջերմաչափվում են Արցախ մեկնող բոլոր քաղաքացիները

Մոսկվա-Երևան չարտերային թռիչքի ապրիլի 6-ի տոմսերը սպառված են. երկրորդ թռիչքի անհրաժեշտություն կա

Ապրիլի 6-ին, ժամը 18.30-ից Նիկոլ Փաշինյանը ֆեյսբուքի իր էջի ուղիղ եթերում կպատասխանի քաղաքացիների հարցերին

Վթարի ենթարկված շտապօգնության մեքենայում կորոնավիրուսով հիվանդ 3 պացիենտ է գտնվել. Ալինա Նիկողոսյան

2017թ-ից հետախուզման մեջ գտնվող տղամարդը ներկայացել է ոստիկանության Արաբկիրի բաժին

ԱԻՆ-ը Երևանում 49 սուպերմարկետ և 128 հանրային տարածք է վարակազերծել

Կենտրոն համայնքում քամին ծառեր է տապալել

Հայաստանում կորոնավիրուսով վարակվածներից 500-ը բուժման կարիք չունի, նրանք նաև ջերմություն չունեն. Նիկոլ Փաշինյան