Եթերաժամի մեկ րոպեն՝ 6 հազարից մինչեւ 100 հազար դրամ. «Այո»-ի եւ «Ոչ»-ի վերահսկողական եւ քարոզչական հնարավորությունները

Ապրիլի 5-ին կայանալիք Սահմանադրական հանրաքվեին ընդառաջ տեղամասային ընտրական 7 հոգանոց հանձնաժողովներում 2-ական անդամ նշանակելու համար «Այո»-ի եւ «Ոչ»-ի շտաբները մինչեւ մարտի 1-ը ժամանակ ունեին: 

ԿԸՀ նախագահ Տիգրան Մուկուչյանից երեկ տեղեկացանք, որ «Այո» քարոզչական կողմը նշանակումներ է կատարել բոլոր՝ 2008 տեղամասային ընտրական հանձնաժողովներում՝ յուրաքանչյուրում ներկայացնելով 2-ական անդամ:

«Ոչ»-ի կողմը, սակայն, 2-ական անդամ նշանակել է 2008 ընտրական տեղամասերից 1975-ում: Տիգրան Մուկուչյանի փոխանցմամբ՝ 31 տեղամասում «Ոչ»-ի շտաբի կողմից կատարվել է 1-ական նշանակում, միայն 2 տեղամասում է, որ «Ոչ»-ի կողմը որեւէ նշանակում չի արել:

Նշված 2 տեղամասերը, ԿԸՀ նախագահի փոխանցմամբ, գտնվում են Լոռու մարզի Պետրովկա եւ Նովոսելցովո բնակավայրերում: 

«Այո»-ի շտաբի մամուլի պատասխանատու Վահագն Ալեքսանյանից տեղեկացանք, որ իրենց կողմից ներկայացված հանձնաժողովականներն ընտրվել են «Քաղաքացիական պայմանագիր» կուսակցության գրասենյակների կողմից՝ կուսակցության անդամների, համակիրների ու տվյալ համայնքում բնակվող լիցենզավորված այլ անձանց միջից:

«Ոչ»-ի շտաբի ներկայացուցիչ, փաստաբան Ռուբեն Մելիքյանն էլ հայտնեց, որ տեղամասային ընտրական հանձնաժողովների 99 տոկոսում ներկայացուցիչներ ապահովելը համարում են մեծ հաջողություն՝ հաշվի առնելով, որ փորձ չունեին: «3 օր մենք մեր անվճար եթերաժամն օգտագործեցինք, քաղաքացիներին տեղեկացրինք, թե ինչպես պետք է մեզ դիմեն, եթե ուզում են հանձնաժողովի անդամ դառնալ: Մեծաթիվ դիմումներ ստացանք, մեծածավալ աշխատանք կատարեցինք: Մեր հիմնական շահառուն այս քաղաքացիներն էին: Ինչ վերաբերում է կուսակցություններին, ապա մենք  4 կուսակցության էինք դիմել, որից ԲՀԿ-ն չէր ընդառաջել, մյուս 3-ը՝ ՀՅԴ-ն, «Լուսավոր Հայաստանը», ՀՀԿ-ն, ընդառաջեցին, եւ հանձնաժողովներում մեր կողմից նշանակված անդամների բազան ձեւավորվեց այս 4 խմբերից»,- ասաց Մելիքյանը:

Խոսելով 2 տեղամասում ընդհանրապես որեւէ անդամ չնշանակելու պատճառի մասին՝ իրավաբանը հայտնեց, որ «մարդ չունեին»: «Չկար որեւէ մեկը, որ դիմել էր այդ տարածքում հանձնաժողովի անդամ լինելու հարցով»,- հավելեց նա: 

Քարոզարշավը դեռ պասիվ է

Քարոզարշավը մեկնարկել է փետրվարի 17-ից: 14 օր է անցել, սակայն մինչ օրս ո՛չ «Այո»-ի, ո՛չ «Ոչ»-ի շտաբներն աչքի չեն ընկել ակտիվ քարոզարշավով: Ըստ նախօրոք հայտարարվածի՝ «Այո»-ի կողմը երեկ պետք է սկսեր ակտիվ քարոզչությունն ամբողջ հանրապետությունով մեկ: Քարոզարշավը, սակայն, երեկ եւս չսկսվեց: Վահագն Ալեքսանյանից տեղեկացանք, որ պատճառը քարոզչանյութերի տպագրման ուշացումն է. «Այսօր (երեկ.-խմբ.) մենք տպարանից կստանանք նյութերը, կբաշխենք մարզերով եւ Երեւանի շտաբներով, վաղվանից կամ մյուս օրվանից մեր պատգամավորները, մարզային կուսակցական գործիչները կսկսեն քայլել, թռուցիկներ, բրոշյուրներ բաժանել, զրուցել քաղաքացիների հետ»,- ասաց Ալեքսանյանը:

Ի դեպ, երեկ հայտնի դարձավ, որ ՀՀ վարչապետի որոշմամբ մարտի 13-ից արձակուրդ է մեկնելու Կոտայքի մարզպետ Ռոմանոս Պետրոսյանը: Մեր զրույցում մարզպետն ասաց, որ արձակուրդը պայմանավորված է քարոզարշավով: Պետրոսյանը կհամակարգի «Այո»-ի Կոտայքի մարզի շտաբի աշխատանքները: Հարցին՝ քարոզարշավը Կոտայքում կսկսվի մարտի 13-ի՞ց, Պետրոսյանը պատասխանեց. «Կարելի է այդպես ասել»:

«Ոչ»-ի կողմն ակտիվ քարոզչություն իրականացնելու մտադրություն չունի: Ռուբեն Մելիքյանը մեր զրույցում հայտնեց, որ իրենք այդպիսի խնդիր չէին էլ դրել: Ըստ նրա՝ իրենց խնդիրը վերահսկողություն իրականացնելն էր, բայց որեւէ բան չի բացառում: 

Նախընտրական շտաբներ

«Այո»-ի քարոզչական կողմն ամբողջ հանրապետության տարածքում կունենա 65 նախընտրական շտաբ: Մեր հարցին ի պատասխան՝ հայտնեց «Այո»-ի շտաբի մամուլի պատասխանատու Վահագն Ալեքսանյանը:

«Ոչ»-ի կողմը նախընտրական շտաբներ չի ունենա: «Կուզենայինք ունենալ տարածքներ, բայց հնարավորություն չունենք: Հիշենք, որ մենք որեւէ կազմակերպություն չենք ներկայացնում, մենք մեկ կարեւոր գաղափարի շուրջ հավաքված իրավաբաններ ենք, իսկ այդ գաղափարը հետեւյալն է՝ առանց այն էլ ի սկզբանե այս հանրաքվեն հակասահմանադրական է, դրան չգումարվի նաեւ քարոզարշավի ընթացքում առաջացող այլ խնդիրներ: Իսկ դրա համար մեզ անհրաժեշտ են վերահսկողական լծակներ: Հանձնաժողովներում անդամներ նշանակեցինք, հիմա կանցնենք նաեւ վստահված անձանց նշանակելու խնդրի լուծմանը, որն ավելի կարեւոր ենք համարում: Մենք 6000 վստահված անձ ունենալու հնարավորություն ունենք օրենքով եւ փորձելու ենք օգտվել այդ հնարավորությունից»,- ՀԺ-ին հայտնեց Ռուբեն Մելիքյանը: 

Վճարովի եթեր եւ քարոզչական պաստառներ

«Այո»-ի եւ «Ոչ»-ի քարոզչական կողմերն առայժմ օգտվում են միայն Հանրային հեռուստաընկերության ընձեռած անվճար եթերաժամանակով իրենց տեսակետները տարածելու հնարավորությունից: Ռուբեն Մելիքյանն ասում է՝ վճարովի եթերներից օգտվելու մասին մտածում են, բայց առայժմ դրա հնարավորությունը չունեն. «Բայց մեզ պարբերաբար դիմում են ուժեր, որոնք առաջարկում են իրենց միջոցներով քարոզչական վահանակների տեղադրման հնարավորություն, քննարկման փուլում է նաեւ վճարովի եթերի վերաբերյալ հարցը: Արդեն հայտարարել ենք, որ «Ազգային օրակարգ» կուսակցությունն է վահանակների առաջարկ արել, քննարկում ենք նաեւ այլ առաջարկներ»:

Ինչ վերաբերում է «Այո»-ի կողմին, ըստ Վահագն Ալեքսանյանի, իրենք արդեն նաեւ «5-րդ ալիք» հեռուստաընկերությանն են դիմել՝ վճարովի եթերաժամի հարցով, իսկ առաջիկայում պատրաստվում են նաեւ այլ հեռուստաընկերությունների վճարովի եթերաժամերից օգտվել:

Տեղեկացնենք, որ, ըստ Կենտրոնական ընտրական հանձնաժողով ներկայացված տվյալների, «5-րդ ալիք»-ով քաղաքական գովազդ հրապարակելու մեկ րոպեի արժեքն ամենաէժաններից է՝ 6900 դրամ: Ամենացածր արժեքն ունի «21TV»-ի 1 րոպեն  (6000 դրամ): Ամենաբարձրը գնահատվել է «Շանթի» եւ «Արմենիայի» եթերաժամանակի արժեքը. այս հեռուստաընկերություններով մեկ րոպե գովազդ հեռարձակելու համար պետք է վճարել 100 հազար դրամ: Հանրայինով 1 րոպե գովազդը կարժենա 50 հազար դրամ, Հ2-ով՝ 60 հազար, «Կենտրոն»- ով՝ 24 հազար, «Երկիր Մեդիայով»՝ 25 հազար դրամ:

Նյութը հրապարակվել է «Հայկական ժամանակ»-ի մարտի 2-ի համարում

«Հայկական Ժամանակ»-ը Telegram-ում
Տպել
3603 դիտում

ՔԿՀ ծառայողները «Հայփոստ»-ով ուղարկված ծանրոցից թաքցրած բջջային հեռախոս են հայտնաբերել

Աշտարակ համայնքին է վերադարձվել 4 հա մակերեսով «հատուկ պահպանվող տարածք»

Թե բա՝ էկոնոմիկայի նախարարն ինձ ասում է Վարդանիկ. Պապոյանը տեսանյութ է վերահրապարակել

Ունի հարուստ աշխատանքային փորձ. Խուդաթյանը «Երևանի ՋԷԿ»-ի աշխատակազմին է ներկայացրել տնօրենի պաշտոնակատարին

Հովիկ Աբրահամյանի խափանման միջոցը փոխվել է. դատախազությունը կբողոքարկի

ՀՀ-ում բոլոր պացիենտներն անվճար շարունակում են ստանալ հեպատիտ Ց-ի դեմ վերջին սերնդի դեղերը. տեսանյութ

Հաստատվել են 2025-2026 ուստարվա պարապմունքների տևողությունը և արձակուրդների ժամկետները

Մարտունի համայնքին է վերադարձվել 320.000 ԱՄՆ դոլար արժեքով մարզադաշտը. դատախազություն

Անկում տարադրամի շուկայում. ինչ փոփոխություններ են արձանագրվել հուլիսի 28-ին

Ավարտվել է Միքայել Աջապահյանի վերաբերյալ քրեական վարույթի նախաքննությունը

Եթե վարչապետ լինեմ ու արագ կարգով երկիրը ոտքի չհանեմ, հորս տղան չեմ. եթե չեմ անի, 2 ձեռքս կտրեք. Ղուկասյան

Կրեմլը չի բացառում Պուտինի և Թրամփի հանդիպումը Պեկինում

Նոր ծրագիր լսողության խնդիրներ ունեցող քաղաքացիների համար. Երևանի քաղաքապետարան

Եղել է հաքերային հարձակում. «Աէրոֆլոտ»-ի համակարգային խափանման դեպքով քրգործ է հարուցվել

ՆԳՆ շրջիկ սպասարկման գրասենյակները ծառայություններ կմատուցեն Կոտայքի և Գեղարքունիքի մարզերում

Արագածավան գյուղում «Մոսկվիչ»-ը հայտնվել է ջրատարում. վարորդը տեղում մահացել է

Լուվրի հավաքածուից Հայաստան կբերվեն նշանակալի ցուցանմուշներ. Անդրեասյանն ընդունել է ՀՀ-ում Ֆրանսիայի դեսպանին

«Իմ Քայլը» հիմնադրամի ջանքերով Չինաստան մեկնած երրորդ պատվիրակությունն ավարտել է այցը, ստացել հավաստագրեր

Պարզաբանում եմ պահանջել՝ տեղի ունեցածը համարելով անթույլատրելի. Մինասյանը դիմել է Գյումրու քաղաքապետին

Հորդանանի և ԱՄԷ-ի կողմից օդից մարդասիրական օգնություն է նետվել Գազայի հատված

Հաստատվել է հանրակրթական դպրոցների ղեկավարման հավաստագրի համար հավակնորդների քննության ժամանակացույցը

Ավարտվել է Սեյրան Օհանյանի, Արծվիկ Մինասյանի և ևս 4 անձի վերաբերյալ քրվարույթի նախաքննությունը. ինչ է պարզվել

Առանձնապես խոշոր չափերով շորթում կատարելու համար մեղադրվող անձը հանձնվել է Ուզբեկստանի իրավասու մարմիններին

Գեղարքունիքի մարզի գյուղերից մեկում ՌԴ քաղաքացի 16-ամյա պատանի է մահացել

Մանուկներին «Доля воровская» հրամցնող խավարի մնացուկնե՛ր, ձեր «կարապի երգն» էիք միացրե՞լ. Խաչատրյան

Տաք հոսանքներ են մոտենում. զգուշացում առաջիկա օրերին բարձր ջերմային ֆոնի և մինչև +40 աստիճան տաքության մասին

ՊՆ-ն արձագանքել է Ջերմուկի ուղղությամբ բանակային դիրք գրավվելու մասին հրապարակումներին

Ընտանիքով Սևան գնալը, ռեստորանում ընթրելը, ուղևորության մեկնելը շոշափելի ծախսեր են, ինչպե՞ս է արվում. վարչապետ

Վարդավառի տոնակատարությունների հատվածներում ՆԳՆ ծառայություններն ուժեղացված հսկողություն են իրականացրել

Խափանում «Աէրոֆլոտ» համակարգում. Շերեմետևո և Պուլկովո օդանավակայաններում բազմաթիվ չվերթեր չեղարկվել են

Վրաերթ Արարատի մարզում. հետիոտնը տեղում մահացել է

Այգուն չհետևելը համապատասխան հետևանք պետք է ունենա. մինչ դատարանում գործը քննում են, այգին չորանում է. Ավինյան

Ուկրաինան առաջին անգամ գազ կներմուծի Ադրբեջանից

Ո՞վ է հիշում գողտրիկ երեկոն, երբ Բաղրամյանից Աշոտյանին աշոտյան արեցինք, ու նրա հետ էր Ֆարմանյանը. Ջուլհակյան

Տրանսպորտում վերահսկողություն իրականացնողների համար կանցկացվեն դասընթացներ

Հուլիսի 25-ի երեկոյան Երևանում 20 րոպեում կրկնակի ավել տեղում է եղել, քան մեկ ամսվա նորման էր․ Արեյան

Մեր մինչհեղափոխական կյանքից. Աննա Հակոբյանը լուսանկարներ է հրապարակել

Իսկ քանի՞ երկրի գործակալ է պետք լինել՝ վարչապետի թեկնածու դառնալու համար. Չախոյանը՝ Կարապետյաններին

Տեխնիկական խոտան է եղել. Գյումրու քաղաքապետարանը պարզաբանում է աղմկահարույց իրավիճակը

Վարչապետ Նիկոլ Փաշինյանը կգտնվի արձակուրդում