ԵԽ-ի պատգամավորները Բելառուսում են. չեղարկված հանդիպումներ եւ բողոք ԲելԱԷԿ-ի գործարկման դեմ

Եվրոպական խորհրդարանի պատվիրակությունը Բելառուսում է, նախատեսված է, որ երկրում նրանք մնալու էին այս ամբողջ շաբաթվա ընթացքում: ԵԽ-ի անդամները Մինսկ էին մեկնել՝ երկրում տիրող իրավիճակին, համագործակցության հեռանկարներին եւ առկա խնդիրներին ծանոթանալու նպատակով: Այցն առանց սկանդալների չի անցել:

Նախ՝ բելառուս պատգամավորների հետ հանդիպումը չեղարկվել է ամենավերջին րոպեին, քանի որ ԵԽ-ն լեգիտիմ չի համարում Բելառուսի խորհրդարանը: 

Առանց այս հանդիպման էլ, ԵԽ-ի պատվիրակների օրակարգը բավեկան հագեցած է:  Բելառուսի հետ հարաբերությունների գծով Եվրապառլամենտի պատվիրակության ղեկավարների տեղակալներ Վալդեմար Տոմաշեւսկու (Լիտվա) եւ Կարին Կարլսբրոյի (Շվեդիա), ինչպես նաեւ Բելառուսի հարցով Եվրախորհրդարանի մշտական զեկուցող Պյատրաս Ավստրավիչուսին (Լիտվա), հանդիպումներ ունեցան Բելառուսի իշխանությունների եւ ընդդիմության ներկայացուցիչների, փորձագետների հետ, ինչպես նաեւ վերլուծական կենտրոնների եւ քաղաքացիական հասարակության ներկայացուցիչների, ինչպես նաեւ ուսանողների հետ: 

Տարեսկզբին Բելառուսը եւ ԵՄ-ն հսկայական առաջխաղացում ունեցան երկկողմ հարաբերություններում. նրանք ստորագրեցին վիզայի ռեժիմի ազատականացման մասին երկար սպասված եւ մեծ ջանքեր խլած համաձայնագիրը, որոնց շուրջ կողմերը բանակցություններ էին վարել ավելի քան 5 տարի: Այժմ, սակայն, պարզ չէ, թե որն է լինելու բելառուսա-եվրոպական կապերի ամրապնդման հաջորդ քայլը: 

Լրագրողների համար ճեպազրույցի ժամանակ Եվրախորհրդարանի պատգամավոր Պյատրա Ավստրավիչուսը ասել է, որ Բելառուսը Արեւելյան գործընկերության բոլոր երկրների մեջ ունի ամենաքիչ զարգացած հարաբերությունները ԵՄ-ի հետ: «Մենք եկել ենք Բելառուս ՝ ավելի շատ տեղեկություններ եւ ապացույցներ ստանալու համար, որ մեր համագործակցությունը կարող է ավելի լավ պտուղներ տալ», - ասել է Ավստրավիչուսը:

Կարին Կարլսբրոն էլ, խոսելով Բելառուսի ու Եվրամիության միջեւ հարաբերությունների զարգացման առաջնահերթությունների մասին, առանձնացրել է 3 ոլորտ ՝ ժողովրդավարության զարգացում, շրջակա միջավայրի պաշտպանություն եւ առեւտրի ընդլայնում: Կարլսբրոն անեւ առանձնացրել է մարդու իրավունքների պաշտպանությունը՝ նշելով, որ դա իրենց համար առաջնային է եւ իրենք բոլոր հանդիպումներում են բարձրաձայնում այդ մասին:

Մինչ Կարին Կարլսբրոն խոսում էր տնտեսական հարաբերությունների զարգացման մասին, մյուս եվրապատգամավորը՝ Պյատրա Ավստրավիչուսն ավելի շատ անհանգստացած էր Օստրովեցում Բելառուսի ատոմակայանի («ԲելԱԷԿ») առաջիկա գործարկման կապակցությամբ: Պատգամավորը Եվրախորհրդարանում ներկայացնում է Լիտվան՝ երկիրը, որը շարունակ դեմ է հանդես գալիս այդ ատոմակայանի շինարարությանը: Ավստրավիչուսը բոլոր հանդիպումների ժամանակ կրում էր կոստյում, որի վրա տարբերանշան կար՝ «Չկա Օստովեցի ԱԷԿ-ը» գրառմամբ: Լիտվայում գտնում են, որ « Օստրովեց » ատոմակայանը ռիսկ է տարածաշրջանի եւ  հաեւետեւաբար, ամբողջ աշխարհի համար:

Ավստրավիչուսի ներկայացրած մոտեցումները ոչ բոլոր ԵԽ պատգամավորներն են կիսում:

Վալդեմար Տոմաշեւսկին, մասնավորապես, ասել է, որ անհնար կլինի քանդել «ԲելԱԷԿ» -ը, որը պատրաստվում է շահագործման հանձնվել, հետեւաբար ԵՄ-ն կշարունակի երկխոսությունը բելառուսական կողմի հետ `ռիսկերը նվազեցնելու եւ երկրում անվտանգության բարձրացման համար:

Եվրոպական պատվիրակության՝ Բելառուս այցի ծրագրի հիմնական կետերից մեկը հանդիպումն էր բելառուս պատգամավորների հետ: Բելառուսի խորհրդարանը մանրակրկիտ պատրաստվել էր դրան. Նրանք հրավիրել էին մամուլի ներկայացուցիչներին, պատրաստել եվրոպական պատգամավորների անուններով թղթեր, կազմել տեղեկանքներ:

Սակայն լրագրողների մոտ դուրս է եկել միայն Բելառուսի Ներկայացուցիչների պալատի միջազգային գործերի մշտական հանձնաժողովի նախագահ Անդրեյ Սավինյիխը, որը հայտնել է, որ նախատեսված հանդիպումը չեղարկվել է եվրոպական կողմի նախաձեռնությամբ: «Մենք միշտ կողմնակից ենք փոխշահավետ եւ բաց երկխոսության: Բայց, ցավոք, մեր պարզած ձեռքն այսօր օդում է մնացել», - շեշտել է  Սավինյիխը:

DW-ն հայտնում է, որ բելառուս պատգամավորներին հանդիպման չեղարկման մասին հայտնել են հանդիպումը սկսելուց ընդամենը 15 րոպե առաջ: Լրագրողներին պատգամավորներն ասել են, որ ԵԽ-ի ներկայացուցիչները սկսել են առաջ քաշել վաղուց ծեծված խոսքն այն մասին, որ քանի դեռ չեն ընդունում բելառուսական խորհրդարանը, չեն մտնի այնտեղ գլխավոր մուտքից:

Բանն այն է, որ Բելառուսի Ներկայացուցիչների պալատը գտնվում է Կառավարական տան շենքում, որտեղ տեղակայված են իշխանության ներկայացուցիչ մարմինները: Եվրախորհրդարանից DW-ին փոխանցել են, որ հանդիպումը չեղարկել են, քանի որ այն նախատեսված չի եղել խորհրդարանի շենքում, բայց իրենց հրավիրել են այնտեղ: 

Եվրախորհրդարանի պատգամավոր Պյատրաստ Ավստրավիչուսը, ելույթ ունենալով երկրի ընդդիմադիր դաշտի ներկայացուցիչների հետ հանդիպման ժամանակ, ասել է, որ Բելառուսը նման է այն սիրահար տղային, որն իր սիրած աղջկան նայում է միայն շենքի հինգերորդ հարկի պատշգամբից՝ հաճախ տեսնում է նրան, սակայն ինչպես մոտենալ՝ չգիտի:

Ամփոփելով հանդիպումների արդյունքները, պատգամավորը ասել է, որ բելառուսական պաշտոնյաների հետ հանդիպումների ժամանակ եվրոպացի պատգամավորները հետաքրքրվել են բելառուսական սահմանադրության սպասվող փոփոխությունների, «ԲելԱԷԿ» - ի առաջիկա մեկնարկի մասին, երկրում մարդու իրավունքների իրավիճակի մասին, բայց բելառուսական իշխանությունների ներկայացուցիչների կողմից իրենց հարցերին հստակ պատասխաններ չեն ստացվել:

«Մի բան է լսել նախարարությունների պաշտոնյաներին, եւ միանգամայն այլ բան է լսել այն մարդկանց, որոնքպայքարում են մարդու իրավունքների համար երկրում: Հաճախ նրանց տեղեկատվությունը տարբերվում է, ուստի Բելառուսում առկա մառախուղը մեզ համար չի ցրվել», - Բելառուսի հարցով մշտական խոսնակը Եվրախորհրդարանին փոխանցել է իր տպավորությունները:

Տպել
574 դիտում

Երրորդ զորամիավորումում անցկացվել են անվտանգության կանոնների պահպանման պարապմունքներ

Վաղը փակ կլինի Նեղոցի ենթակայանից մինչև Հաղպատի խաչմերուկ տանող ճանապարհահատվածը

«Ես տասներկու տարի սպասել եմ այդ արդարացմանը». Մարտի 1-ի գործով դատավճիռների դեմ՝ 16 բողոք

Եթե մեկն ասի, որ առասպելական վիշապի կաշին հնդկահավի փետուրի հետ կօգնի կորոնավիրուսին, շատերը կհավատան․ Արմեն Փամբուխչյան

Դավիթաշենում դիտարկված 27 տնտեսվարողից 17-ի մոտ ԱԱՏՄ-ն խախտումներ է արձանագրել

Սյունիքի մաֆիոզական խմբակին պետք է տրվի համարժեք պատասխան. Ենգիբարյանն անդրադարձավ Սյունիքում տեղի ունեցած միջադեպին

Հայկավանում հակակարկտային կայաններ են տեղադրվել

Սերբիան պատրաստակամ է կորոնավիրուսի դեմ պայքարում աջակցել Հայաստանին. Արմեն Սարգսյանը զրուցել է Սերբիայի նախագահի հետ

ՏՄՊՊՀ-ն դիմակների շրջանառության ոլորտում վարույթ է հարուցել

Ըստ Արսեն Ջուլֆալակյանի՝ Թամարզյանը ձախողել է սպորտի ոլորտը. ինքը հուսով է՝ ԿԳՄՍ նախարարի հետ հանդիպում կլինի ԱԺ-ում

Լոռիում մինչ օրս կորոնավիրուսով վարակվել է 70 քաղաքացի. 54-ը առողջացել ու դուրս է գրվել. մարզպետ

Փոխադարձ վիրավորանքներ, միմյանց հերթ չտալով հուզված ու պաթետիկ ելույթներ. ԵԿՄ-ին տարածք տալու նախագիծն ընդունվեց

ԱԻՆ 8 աշխատակցի մոտ կորոնավիրուս է հաստատված, մեկուսացված է 46-ը (տեսանյութ)

ՀՀ տարածքում ավտոճանապարհները հիմնականում անցանելի են. Քարի լիճ տանող ավտոճանապարհին տեղ-տեղ առկա է մերկասառույց

Դավթաշենի նախադպրոցական ուսումնական հաստատություններում վերահսկողական աշխատանքներ են իրականացվել

Ոստիկանությունը շարունակում է արտակարգ ռեժիմով ծառայությունը (տեսանյութ)

Հանրային տրանսպորտի նկատմամբ վերահսկողական խիստ միջոցառումներ են իրականացվել Երեւանի Դավթաշեն վարչական շրջանում

Կորոնավիրուսի 2-րդ ալիքի հետ գործ ունենք. կխստացվեն վարչական լծակները, կիրականացվեն «ռեյդեր». Նիկոլ Փաշինյան (տեսանյութ)

Ինեկոբանկ․ վարկային արձակուրդից օգտված հաճախորդների վարկերի մարման գրաֆիկին ավելացվում է 12 ամիս

Սնանկության գործով կառավարիչների հետ քննարկվել են Արդարադատության նախարարի հրամանների կիրարկմանն առնչվող մի շարք հարցեր