«Ձորահէկ»-ի գործով Սեյրան Օհանյանն առերեսվել է ՊՆ երկու աշխատակիցների հետ

Պաշտպանության նախկին նախարար Սեյրան Օհանյանը «Ձորահէկ»-ի գործով առերեսվել է ՊՆ երկու աշխատակիցների հետ, որոնք գործով ունեն վկայի կարգավիճակ:

Այս մասին «Հայկական ժամանակ»-ի հետ զրույցում տեղեկացրեց Օհանյանի պաշտպան Կարեն Մեժլումյանը՝ նշելով, որ տեղեկություն չունի՝ նրանք այժմ էլ աշխատում են ՊՆ-ում, թե ոչ:

Մեժլումյանի խոսքով՝ նշված երկու անձինք, ըստ էության, ասել են նույնը, ինչ իրենք, եւ այդ առերեսումով հիմնավորվել է, որ Օհանյանը իրեն վերագրված մեղադրանքի հետ որեւէ առնչություն չունի: Հարցին, թե գլխավոր հակասությունը, որ հիմք է հանդիսացել առերեսման համար, որն է եղել, պաշտպանը պատասխանեց. «Որեւէ հակասություն չի եղել, պարզապես առերեսել են՝ առերեսելու համար»: Դիտարկմանը, որ առերեսումը ցուցմունքների հակասության դեպքում է իրականացվում, Մեժլումյանը պատասխանեց. «Դե, մենք էլ էինք այդպես մտածում, բայց որեւէ հակասություն չկար»:

Պաշտպանի հետ մեր հարցազրույցը՝ ստորեւ.

-Պարո՛ն Մեժլումյան, Սեյրան Օհանյանը հարցաքննվե՞լ է, մեղադրանքի վերաբերյալ դիրքորոշում հայտնե՞լ է:

-Այո՛, հարցաքննվել է, եւ մեր դիրքորոշումն այն է, որ պարոն Օհանյանը որեւէ առնչություն չունի իրեն վերագրված մեղադրանքին, մեղադրանքը ե՛ւ փաստական, ե՛ւ իրավական առումով անհիմն է:

-Նախաքննական մարմինը մեղադրանքի հիմքում ի՞նչ է դրել, նրա դեմ ցուցմունք կա՞:

- Չէ՛, որեւէ ցուցմունք պարոն Օհանյանի դեմ չկա, պարզապես քանի որ «Ձորահէկ»-ի բաժնետոմսերը մինչ դրա մասնավորեցումը ՊՆ-ի կառավարմանն են հանձնված եղել, դրա համար պարոն Օհանյանին մեղադրանք է առաջադրվել: Ընդամենը դա է. պարոն Օհանյանի առնչությունը ձեւական է եղել, նա ոչ մեկի հետ ո՛չ հանդիպել է, ո՛չ նախաձեռնել է այդ գործընթացը, նախաձեռնողը այլ նախարարություն է եղել, եւ պայմանագիրն էլ կնքվել է կառավարության որոշման հիման վրա:

- Ըստ ՀՔԾ-ի՝ Սեյրան Օհանյանի անունից կառավարության որոշման նախագծի առաքման վերաբերյալ գրություն է կազմվել: Ի՞նչ բովանդակություն է այն ունեցել:

- Տեսեք, քանի որ այդ նախագիծը Պաշտպանության նախարարության հաշվեկշռում է եղել, ձեւական առումով հենց ՊՆ-ի կողմից է ուղարկվել, եւ հետագայում էլ կառավարության հաստատմամբ որոշում դարձել, բայց այդ նախագծի կազմելու հետ ո՛չ պարոն Օհանյանը, ո՛չ ընդհանրապես ՊՆ-ն առնչություն չեն ունեցել: Այսինքն՝ ՊՆ-ի առնչությունը ավելի պակաս է եղել, քան զուտ տեխնիկականը:

- Այդ դեպքում ո՞ր մարմինն է առնչություն ունեցել:

- Էներգետիկայի ոլորտի մարմինը, որն այդ դաշտը ղեկավարողն է եղել:

- Իսկ որեւէ փորձաքննական մարմնի կողմից գնահատական տրվե՞լ է այն գնային արժեքին, որով «Ձորահէկ»-ը օտարվել է:

- Ես չեմ կարող ասել, թե ինչից ելնելով է այդ գումարը ընտրվել, որովհետեւ, ինչպես նշեցի, ՊՆ-ն չի այն նախաձեռնել, ով նախաձեռնել է, նա կարող է ասել՝ պաշտոնապես գնահատվել է, թե ոչ, մենք գործի նյութերին ամբողջությամբ ծանոթ չենք, որ իմանանք, բայց, ամեն դեպքում, այսօրվա տվյալներով որ նայում եմ, կարծես թե 2010 թվականի համար ողջամիտ գումար է եղել:

- Պարոն Օհանյանն էլ վերջերս լրագրողների հետ զրույցում նշել էր, որ առավելապես առնչություն են ունեցել Էներգետիկայի նախարարությունը եւ կառավարությունը: Նշված կառույցներից նախկին կամ ներկա պաշտոնյաներ կա՞ն, որոնք այս գործով կարգավիճակ ունեն, կամ հնարավո՞ր է՝ նրանց միջեւ եւս առերեսումներ եղած լինեն…

- Չէ՛, կառավարությունից կամ այլ նախարարությունից կասկածյալի կամ մեղադրյալի կարգավիճակ ունեցող անձի մասին տեղեկություն չունեմ, եւ նման անձանց հետ առերեսում չի եղել:

- Քննչական այլ գործողություններ պարոն Օհանյանի մասնակցությամբ կատարվո՞ւմ են:

- Պարոն Օհանյանի մասնակցությամբ՝ ո՛չ:

- Իր վերջին հարցազրույցում նա նշել էր՝ քանի որ նախագծի ընդունման ժամանակ ՀՀ-ում չի եղել, այդ գործընթացներին մասնակցություն է ունեցել իր տեղակալը: Իհարկե, չի հստակեցվում, թե կոնկրետ որ տեղակալի մասին է խոսքը, բայց գուցե տեղեկություն ունեք՝ հիշյալ տեղակալը գործով հարցաքննվե՞լ է, կարգավիճակ ունի-չունի…

- Հավանաբար հարցաքննվել է, դե, հարցաքննված կլինի, բայց ասում եմ՝ ՊՆ-ի առնչությունը ընդամենը դա է, բաժնետոմսերն ընդամենը ՊՆ-ի հաշվեկշռում են եղել, բայց նույնիսկ կառավարության նիստին պարոն Օհանյանը չի մասնացել, քանի որ ՀՀ-ում չի եղել:

- Որո՞նք են լինելու Ձեր հաջորդ գործողությունները, բողոքարկելո՞ւ եք մեղադրանք առաջադրելու որոշումը:

- Հիմա սպասողական վիճակում ենք. առերեսումներից հետո ենթադրում էինք, թե գուցե քննչական մարմինն ինքը գործը կարճի: Դրանից բացի, ես փաստաբանական հարցումներ էի արել, հիմա որոշակի նյութեր ենք ուսումնասիրում, չեմ կարող բացահայտել, թե ինչի հետ կապված, բայց, ամեն դեպքում, բաներ կան, որ ակնհայտ ճչացող են մեղադրանքի անհիմն լինելու իմաստով: Պետք է փորձեմ նաեւ ցույց տալ, որ նշվածը կարծես ողջամիտ գումար է եղել, թեպետ ասում ենք, որ դա մեզ հետ կապ չունի, բայց պարոն Օհանյանին, մեղադրանք առաջադրելով, ստիպում են, որ իր պաշտպանական թիմը փորձի նաեւ դա հիմնավորել:

Հիշեցնենք՝ մարտի 2-ին Հատուկ քննչական ծառայությունը հայտարարեց, որ ՊՆ նախկին նախարար Սեյրան Օհանյանը որպես կասկածյալ է ներգրավվել ՀՀ քրեական օրենսգրքի 179-րդ հոդվածի 3-րդ մասի 1-ին կետով նախատեսված հանցավոր արարքի՝ առանձնապես խոշոր չափերի՝ 1,046,400,000 ՀՀ դրամ արժողությամբ գույքի վատնում կատարելու կասկածանքով: Երկու օր անց նույն հոդվածով նրան մեղադրանք առաջադրվեց, եւ որպես խափանման միջոց ընտրվեց երկրից չհեռանալու մասին ստորագրությունը: Ըստ ՀՔԾ-ի՝ քրեական գործով ձեռք բերված փաստական տվյալների համաձայն՝ 2010 թվականի ընթացքում ՀՀ պաշտպանության նախարարության կողմից մշակված ՀՀ կառավարության գաղտնի որոշման նախագծով, առանց օրենքի մի շարք պահանջների պահպանման, մասնավորապես՝ առանց գույքի պարտադիր գնահատման, առաջարկվել է թույլատրել ՀՀ ՊՆ-ին՝ որպես «Ձորահէկ» ՓԲԸ պետական սեփականություն հանդիսացող բաժնետոմսերի փաթեթի կառավարման լիազորություններն իրականացնող մարմնի, հավանություն տալ 3,6 միլիարդ ՀՀ դրամ գումարով ընկերության գույքի օտարմանը «Ձորագետ Հիդրո» ՍՊ ընկերությանը, մինչդեռ դրա շուկայական գինը կազմել է 4.6 միլիարդ դրամ: Արդյունքում, այն իրացվել է իրական արժեքից 1,046,400,000 ՀՀ դրամ պակաս գումարով:

Տպել
1394 դիտում

Սարալանջում արևային ֆոտովոլտային կայան է տեղադրվել, 3 փողոցում ընդլայնվել է լուսավորության ցանցը

Մանե Թանդիլյանը տեղափոխվել է Արցախ ապրելու եւ Արցախն ապրեցնելու

Երևանի Իսահակյան և Թամանյան փողոցների խաչմերուկում կկատարվի երթևեկության կազմակերպման ժամանակավոր փոփոխություն

Աշխատանքի միջոցով պետք է ԱՄՆ-ի կողմից ՀՀ-ին տրամադրվող հումանիտար օգնությունը 100 մլն դոլարի հասցնել. Զարեհ Սինանյան

Պատերազմը չի ավարտվել, մենք դեռ հաղթելու ենք, որ կարողանանք պատասխան տալ տասնապատկված Եռաբլուրի առաջ. Ռոմիկ Մխիթարյան

Վարդենիս համայնքի Այրք բնակավայրում ավարտվել է խմելու ջրատարի արտաքին ցանցի կառուցումը

ՀՀ-ում տրվել է դպրոցական աստղագիտական դասախոսությունների 2020թ. ծրագրի մեկնարկը

Անհետ կորած զինծառայողների և մահացածների մարմինները հարազատներին փոխանցելու հարցը գտնվում է ՌԴ ուշադրության կենտրոնում

Դաշտ և Կոբավան համայնքներում ձեռք է բերվել սուբվենցիոն ծրագրով հաստատված անհրաժեշտ գյուղտեխնիկան

ՀՀ տարածքում ավտոճանապարհներն անցանելի են. Գեղարքունիքի մարզի ավտոճանապարհներին տեղ-տեղ առկա է մերկասառույց

ԱԳ նախարարը ՀԱՊԿ նիստում ընդգծեց Ադրբեջանի՝ կովկասյան տարածաշրջանում միջազգային ահաբեկչության օջախ ձևավորելու քայլերը

Արայիկ Հարությունյանն ու Վաղարշակ Հարությունյանը քննարկել են անհայտ կորած զինծառայողների և գերիների հարցը

Ոստիկանները պատերազմի ժամանակ ձեռք բերված զինամթերք և առանձնապես խոշոր չափերով թմրամիջոց են հայտնաբերել (տեսանյութ)

Ինչպես է ազդել կորոնավիրուսն ու պատերազմը անշարժ գույքի շուկայի վրա. պատասխանում է կադաստրի կոմիտեի ղեկավարը

Անիեր-Սյուր-Սենի քաղաքային խորհուրդն Արցախի Հանրապետության ճանաչման մասին բանաձև է ընդունել

Լավրովը խոսել է Ղարաբաղյան հակամարտության գերիների ու զոհերի փոխանակման գործընթացի, ՀԱՊԿ նիստի որոշումների մասին

Սյունիքի մարզից որեւէ գյուղ հանձնելու հարց չի քննարկվում. Սյունիքի մարզպետարան

Քարամշակման արտադրամասն օգտագործում է մակերևույթային ջուր՝ չունենալով ջրօգտագործման թույլտվություն․ ԲԸՏՄ ստուգումները

ՀՀ ՏԿԵ նախարարության մասնագետները Շիրակի մարզում ուսումնասիրել են ընթացող փողոցաշինական աշխատանքները, կատարել նմուշառում

Երևանում 28-ամյա տաքսու վարորդը դանակահարել է33-ամյա մի տղամարդու (տեսանյութ)