Օլիմպիական խաղերը հետաձգվեցին 1 տարով. պաշտոնական

Ամառային 32-րդ օլիմպիական խաղերը հետաձգվեցին 1 տարով: Այս մասին այսօր՝ մարտի 24-ին, պաշտոնապես հայտարարեց Միջազգային օլիմպիական կոմիտեն: ՄՕԿ-ը նման որոշում է կայացրել այսօր՝ մարտի 24-ին, հյուրընկալող երկրի՝ Ճապոնիայի իշխանությունների հետ քննարկումներից հետո:

«Հաշվի առնելով ներկա իրավիճակը եւ Առողջապահության համաշխարհային կազմակերպության տվյալները՝ ՄՕԿ-ի նախագահը եւ Ճապոնիայի վարչապետը եկան եզրակացության, որ ամառային 32-րդ օլիմպիական խաղերը Տոկիոյում պետք է կայանան 2020 թվականից հետո, սակայն ոչ ավելի ուշ, քան 2021 թ. ամռանը՝ ի բարօրություն մարզիկների, խաղերում ներգրավված բոլոր մարդկանց ու միջազգային հանրության»,- գրված է հայտարարության մեջ:

ՄՕԿ-ը նաեւ հայտնում է, որ այս ընթացքում օլիմպիական կրակը մնալու է Ճապոնիայում: Բացի այդ՝ որոշվել է, որ խաղերը կշարունակեն կրել Տոկիո 2020 անվանումը, թեեւ կայանալու են 2021 թ:

Տեւական ժամանակ ՄՕԿ-ը եւ Ճապոնիայի իշխանությունները փորձում էին խուսափել կտրուկ որոշումից, սակայն օլիմպիական խաղերը հետաձգելու հավանականությունն օրեցօր ավելանում էր ու անխուսափելի էր դարձել հատկապես այն բանից հետո, ինչ աշխարհում ստեղծված իրավիճակի պատճառով իրար հետեւից հետաձգվում էին վարկանիշային մրցաշարերը: Մինչեւ դրանց հետաձգումը մարզիկների 57%-ն էր հասցրել օլիմպիական ուղեգրեր նվաճել, մյուս ուղեգրերի տերերը դեռ պարզ չէին: Բացի այդ՝ այս օրերին աշխարհի տարբեր երկրներում, այդ թվում՝ Հայաստանում, բազմաթիվ մարզիկներ զրկված են մարզվելու սովորական պայմաններից, նրանց մարզումների բնականոն ընթացքը խաթարված է:

Այս պայմաններում մի շարք երկրների օլիմպիական կոմիտեներ իրար հետեւից հանդես էին գալիս կոչերով ու հորդորներով: Օրինակ՝ Ավստրալիան ու Կանադան հրաժարվել էին իրենց մարզիկներին ուղարկել խաղեր, եթե դրանք չհետաձգվեն: Մի շարք երկրների, այդ թվում՝ Շվեյցարիայի, Բրազիլիայի օլիմպիական կոմիտեներն էլ խնդրել էին հետաձգել:

Սա մարզական հերթական խոշոր իրադարձությունն է, որը հետաձգվում է: Ավելի վաղը 1 տարով հետաձգվել էին ֆուտբոլի Եվրոպայի 2020 թ. առաջնությունը՝ Եվրո 2020-ը, եւ Հարավային Ամերիկայի 2020 թ. գավաթի խաղարկությունը՝ «Կոպա Ամերիկա 2020»-ը:

Տպել
967 դիտում

Կարծում եմ՝ լինելու են արտահերթ ընտրություններ․ քաղաքագետը՝ Փաշինյանի ակնարկների, սպասվող զարգացումների մասին

Մահացել է բանաստեղծ Եղիշե Չարենցի թոռնուհին՝ բանաստեղծուհի Հասմիկ Չարենցը

Ում հասանելի կլինեն եւ որքան կարժենան կորոնավիրուսի դեմ պատվաստանյութի տարբեր տեսակները

Լոռու մարզի 18 դպրոցում կտեղադրվեն արևային վահանակներ, կկառուցվեն ջերմոցներ, ինտենսիվ այգիներ

Այս տարի Վայոց ձորում աննախադեպ է եղել խաղողի բերքը․ տեղեկություններ մթերումների մասին

Ադրբեջանում գտնվող գերիների վերաբերյալ ողջ տեղեկատվությունը տրամադրվել է ՄԻԵԴ-ին, նաեւ ԱԳՆ, ՊՆ եւ Կարմիր խաչին

Հավատում ենք խաղաղությանն ու պայծառ ապագային. ԱՄՆ ՄԶԳ/Հայաստանի աշխատակիցներն այցելել են Արցախից տեղահանված երեխաներին

Հիմնանորոգվում է Գառնի-Լանջազատ ճանապարհը

Շուտով կավարտվի Արմավիր քաղաքի Երևանյան փողոցի ճանապարհահատվածի հիմնանորոգումը

Տեղի է ունեցել Գերիների, պատանդների և անհայտ կորած անձանց հարցերով զբաղվող միջգերատեսչական հանձնաժողովի նիստ

81-ամյա կինը մահացել է որդու հարվածների հետևանքով.43-ամյա տղամարդը կալանավորված է

Երազանք էր նրա դեմ խաղալը. Ռազմիկ Գրիգորյանն ու Խորեն Հովհաննիսյանը վերհիշում են Մարադոնայի հետ հանդիպումները

Գիշերային շրջիկ ծառայության ժամանակ ոստիկաններն ապօրինի թմրաշրջանառության դեպք են բացահայտե լ(տեսանյութ)

ԿԽՄԿ ներկայացուցիչը վարչապետին տեղեկատվություն է տրամադրել հայ գերիների հետ հանդիպումների մասին

Սարալանջ գյուղի մոտակայքում մոտ 3 հա բուսածածկույթ է այրվել

«Արմավիր» ՔԿՀ-ում կանխվել է նույն անձին թմրամիջոց փոխանցելու 3-րդ դեպքը

Մայիսյանում թեթև և ծանր տեխնիկայի կայանման սպասարկման կենտրոն է կառուցվում. ստեղծվում է 5 հիմնական աշխատատեղ

Էդուարդ Հարությունյանը կգործուղվի Մոսկվա՝ նախապատրաստելու վարչապետ Նիկոլ Փաշինյանի այցը

ՀՀ պաշտպանության նախարարն ընդունել է ՌԴ խաղաղապահ զորախմբի հրամանատարին

Ֆրանսիայից Հայաստան է ժամանել արցախահայությանը տրամադրված հումանիտար օժանդակության երկրորդ ինքնաթիռը (տեսանյութ)