ՈՒԵՖԱ-ի նախագահը կարծում է, որ ընթացիկ մրցաշրջանը հնարավոր է՝ չեղարկվի. BBC

ՈՒԵՖԱ-ի նախագահ Ալեքսանդր Չեֆերինը կարծում է, որ ընթացիկ՝ 2019-20 մրցաշրջանը կարող է չավարտվել: Այս մասին գրում է BBC-ն: Նա հարցազրույց է տվել եւ հայտնել, որ իրենք 3 տարբերակ են քննարկում, սակայն եթե մինչեւ հունիս ֆուտբոլը չվերսկսվի, մրցաշրջանը կարելի է կորած համարել:

«Եթե չկարողանանք հաջողությամբ վերսկսել, մրցաշրջանն ամենայն հավանականությամբ կորած կլինի: Մենք 3 տարբերակ ունենք՝ սկսել մայիսի կեսին, հունիսի սկզբին կամ հունիսի վերջին: Նաեւ հնարավորություն կա սկսել հաջորդ մրցաշրջանի սկզբին, իսկ մյուսը մրցաշրջանը սկսել ավելի ուշ: Մենք պետք է լավագույնը անենք լիգաների ու ակումբների համար»,- ասել է նա:

Չեֆերինը խոսել է նաեւ առանց հանդիսականների ֆուտբոլային հանդիպումներ անցկացնելու հնարավորության մասին: Նշել է, որ իր համար դժվար է նման տեսարան պատկերացնել: Մյուս կողմից ասել է, որ դա եւս տարբերակ է:

«Ինձ համար բարդ է պատկերացնել բոլոր հանդիպումները փակ դռների հետեւում, սակայն մենք դեռ չգիտենք՝ վերսկսելուց հետո հանդիսականներ կլինեն, թե ոչ: Եթե այլընտրանք չկա, ավելի լավ կլինի ավարտին հասցնել առաջնությունները»,- ասել է նա:

Ավելի վաղ ֆուտբոլի դադարի ու վերսկսման մասին խոսել էր նաեւ ՖԻՖԱ-ի նախագահ Ջիանի Ինֆանտինոն: Նա կարծիք էր հայտնել, որ կորոնավիրուսի պատճառով ստեղծված ճգնաժամից հետո ֆուտբոլը կարող է լրիվ այլ տեսք ունենալ: Թե կոնկրետ ինչպիսին կլինի, նա չի կանխատեսել:

«Գուցե կարող ենք բարեփոխումներ իրականացնել ֆուտբոլում՝ մի քայլ հետ գնալով: Գուցե կլինեն ավելի քիչ, բայց ավելի հետաքրքիր մրցաշարեր, ավելի քիչ թիմեր, ինչը, սակայն, հավասարակշռվածություն կապահովի, գուցե ավելի քիչ, բայց ավելի մրցունակ հանդիպումներ կլինեն, ինչի շնորհիվ կպահպանենք ֆուտբոլիստների առողջությունը»,- ասել է նա La Gazzetta dello Sport-ին տված հարցազրույցում:

Ստեղծված իրավիճակի պատճառով Եվրո 2020-ը հետաձգվել է 1 տարով: Ընթացիկ մրցաշրջանի գրեթե բոլոր առաջնությունները դադարեցված են: Վերսկսման համար նախատեսված ժամկետների պահպանումը հարցականի տակ է: Այս ընթացքում եվրոպական ակումբները, այդ թվում՝ գրանդերը, աշխատում են այն ուղղությամբ, որ այս իրավիճակից հնարավորինս քիչ վնասով դուրս գան: Որոշ ակումբներ, օրինակ՝ «Բարսելոնան», «Յուվենտուսը», պատրաստվում են կրճատել աշխատակիցների, այդ թվում՝ իրենց մարզիկների աշխատավարձերը:

Տպել
406 դիտում

ԶՈւ գլխավոր շտաբի պետ Արտակ Դավթյանը շնորհավորել է Ռուս սահմանապահի օրվա կապակցությամբ

Սա ձեր երկար տարիների աշխատանքի բարձր գնահատականն է. նախագահ Արմեն Սարգսյանը պետական բարձր պարգևներ է հանձնել

Գեղարքունիքում հաստատվել է կորոնավիրուսի 49 նոր դեպք, 10 մարդ առողջացել է. մարզպետ

Ո՛չ, մենք չենք պատրաստվում ձախողել․ Սուրեն Պապիկյանը՝ Արկադի Խաչատրյանին

«Իմ քայլը» հիմնադրամի նախաձեռնությամբ մեկնարկեց «Հանրակրթական դպրոցներում առողջ ապրելակերպի խթանում» ծրագիրը

Բացահայտվել է զորակոչից խուսափելու համար 3000 դոլար կաշառք տալու դեպք. հարուցվել է քրեական գործ. ԱԱԾ

ԱԺ-ում կառավարության հետ հարցուպատասխանի ժամ է․ հերթագրվել է 34 պատգամավոր

Աշխատանքի և սոցիալական հարցերի նախարարությունը և «Հայ առաջադեմ երիտասարդություն» ՀԿ-ն ստորագրել են փոխըմբռնման հուշագիր

Փարիզը կարող է հրաժարվել 2024թ. օլիմպիական խաղեր անցկացնելուց

Կստեղծվի Փաստահավաք հանձնաժողով՝ 9 անդամով. կուսումնասիրվեն 1991-ից մինչեւ հեղափոխությունը տեղի ունեցած իրավախախտումները

ԲՀԿ-ն ակնարկում է՝ իշխանությունը վախենում է հանրաքվեն անցկացնել, «Իմ քայլը» արձագանքում է՝ ժամը մեկ կարող ենք անցկացնել

IDBank-ը պետական ֆինանսավորմամբ հատուկ ծրագրի շրջանակում նվազեցրել է ուսանողական վարկերի տոկոսադրույքը

ՄԻԵԴ-ը Քոչարյանի գործով խորհրդատվական կարծիքը կհրապարակի մայիսի 29-ի առավոտյան

Մայիսի 28-ին քաղաքացիներին չի թույլատրվի այցելել Սարդարապատի հուշահամալիր

Հայտարարվել են Մ11-Ախպրաձոր ճանապարհի 2 հատվածների վերականգնման աշխատանքների մրցույթներ

ԱՀԿ-ն՝ COVID-19-ի տարածման, բուժման եւ արեւի, ճանճերի, պղպեղի, ասպիրինի, քլորի ու 5G ցանցերի կապի մասին

ՏՄՊՊՀ-ն պաշտպանիչ և բժշկական ձեռնոցների շրջանառության ոլորտում վարույթ է հարուցել մի շարք տնտեսվարողների նկատմամբ

Ակնալիճ գյուղի 56-ամյա բնակիչը ձերբակալվել է՝ համագյուղացուն դանակահարելու կասկածանքով

Ոստիկանությունը հորդորում է առաջիկա օրերին զերծ մնալ մասսայական միջոցառումներից

Փլուզման եզրին գտնվող տանիքը կվերականգնվի