Ամիրյանի պահանջած շուրջ 7 մլն դրամը գրպանի ծախսի համար էր. ռեժիսորն ու նախկին տնօրենը մանրամասնում են, Ամիրյանը՝ հերքում

Մշակույթի նախկին նախարար Արմեն Ամիրյանը ռեժիսոր Հովհաննես Գալստյանից 6 միլիոն 800 հազար դրամը պահանջել է իր ներկայացուցչի միջոցով որպես Կաննի փառատոնին մասնակցելու «գրպանի ծախս»: 

Չվերադրաձված գումարի ու դրա շուրջ մանրամասների մասին «Հայկական ժամանակը» զրույցեց ռեժիսոր Հովհաննես Գալստյանի հետ: «Այս գործով ես անցնում եմ որպես տուժող, որը քննչական մարմնի հայտարարություններում չկա»,- ասաց նա:

Ռեժիսորը պատմեց, որ 2017 թվականին Կաննի կինոփառատոնին ՀՀ պատվիրակության մասնակցության ծախսերը հոգալու պատրվակով ՀՀ մշակույթի նախկին նախարարը միջնոդավորված կերպով իրենից գումար է խնդրել: Վերջինս էլ չի հրաժարվել՝ հույս ունենալով, որ գումարը հետ կվերադարձվի: Ըստ Գալստյանի՝ ինքը համաձայնել է, քանի որ փառատոնը նախատեսված էր մայիսին, իսկ «Տատիկիս վարսերը» ֆիլմը, որի համար հատկացված գումարից էլ պահանջել էր Արմեն Ամիրյանը, պետք է նկարահանվեր օգոստոսից: 

«Ես ուղղակի ուզում էի, որ Հայաստանը հնարավորինս լավ ներկայանար Կաննի փառատոնին: Գումարը ստանալն Ամիրյանի կողմից հենց սկզբից եղել է խնդրանք, ոչ թե պահանջ»,- ասաց նա:

Գալստյանը գումարն Ամիրյանին է փոխանցել վերջինիս ներկայացուցչի միջոցով՝ պարտադիր վերադարձի պայմանով: Գալստյանն ավելի վաղ բազմիցս նշել է, որ նախկին նախարարն իրենից գումար է վերցրել ու չի վերադարձրել: Այս մասին նա լրատվամիջոցներով խոսել է իր հացադուլների ժամանակ եւ մանրամասներ ներկայացրել, սակայն դրան ժամանակին այնքան էլ կարեւորություն չի տրվել:

Ռեժիսորից Ամիրյանը գումարը մաս-մաս է ստացել՝ երկու անգամ:

Գալստյանը պատմեց, որ իրականում այդ 6 միլիոն 800 հազարը Ամիրյանը սկզբում ոչ թե հենց իրենից է ուզել, այլ Ազգային կինոկենտրոնի նախկին տնօրեն Գեւորգ Գեւորգյանից, բայց քանի որ Կինոկենտրոնն այդքան գումար չի ունեցել, որոշել են արտադրության փուլում գտնվող ֆիլմերից մեկին հատկացված գումարից վերցնել: Գալստյանի խոսքով՝ ո՛չ իր, ո՛չ էլ Կինոկենտրոնի նախկին տնօրենի մտքով չի անցել, որ այդ գումարները կվերցվեն ու ետ չեն վերադարձվի:

«Ես այդ նույն չափի գումար հետո ստիպված  էի վարկ վերցնել, որպեսզի «Տատիկիս վարսերը» նկարեմ: Մինչեւ հիմա էլ այդ վարկը կա, պետք է Ամիրյանը գա եւ փակի»,- ասաց նա: Գալստյանի վերջին խոսակցությունն Ամիրյանի հետ եղել է 2018 թվականին: Սա եղել է այն բանից հետո, երբ ռեժիսորը նամակ է գրել նախկին վարչապետ Կարեն Կարապետյանին: «Այդ նամակից անմիջապես հետո Ամիրյանն ինձ իր կաբինետ կանչեց, վկաներ էլ կան, որոնց անունները չեմ ցանկանա դեռեւս բարձրաձայնել: Ամիրյանը կանչեց ու ասաց՝ նախարարի խոսք եմ տալիս, որ առաջիկա երկու ամսում այդ գումարը կստանաս»,- պատմեց Գալստյանը:

«Հայկական ժամանակը» կապ հաստատեց նաեւ ՀՀ ազգային կինոկենտրոնի նախկին տնօրեն Գեւորգ Գեւորգյանի հետ, որն էլ, առավել մանրամասնելով կատարվածը, որոշ դետալներ ներկայացրեց:

Գեւորգյանը շեշտեց, որ Արմեն Ամիրյանն իրեն առաջարկել է 5 միլիոն դրամ տալ Կաննի փառատոնին մասնակցելու համար՝ իբր թե որպես գրպանի ծախս, սակայն մերժում է ստացել: Ես Ամիրային որեւէ գումար չեմ տվել, քանի որ այդ գումարը նախատեսված է եղել ֆիլմերի համար: Երբ ես դա իրեն ասացի, ինձ հարցրեց, թե ինչ ֆիլմներ են արտադրության մեջ: Նրան հետո ուղարկել եմ այդ ֆիլմերի ցանկը, որով էլ Ամիրյանը որոշել է, թե ումից կարելի է վերցնել գումարը: Կարծում եմ՝ քանի որ այդ ժամանակ Հովհաննես Գալստյանն էլ պիտի գնար Կաննի շուկա, դրա համար Ամիրայնն իրեն ընտրեց, բայց այդ խոսակցություններին ես մասնակից չեմ եղել»,- պատմեց Գեւորգ Գեւորգյանը:

Վերջինս նկատեց, որ իր մերժումն Ամիրյանին շատ տրամաբանական էր, քանի որ բացի աշխատավարձից ու կոնկրետ ֆիլմերի համար նախատեսված գումարից, Կինոկենտրոնն այլ գումար չէր ստանում եւ բյուջե չուներ: «Չգիտեմ, թե Հովհաննես Գալստյանի հետ այն ժամանակ ինչ էին խոսել, պահանջել էր, թե խնդրել այդ գումարը: Գալստյանն ասում է՝ խնդրել է, բայց քիչ է հավանական, երեւի ստիպել կամ հանձնարարել է, որ այդ գումարը տա Արսեն Բաղդասարյանին»,- նկատեց Գեւորգյանը:

Նախկին տնօրենի խոսքով՝ այդ գումարը նախատեսված է եղել ֆիլմհանձնակատար Արսեն Բաղդասարյանի համար՝ Կաննի փառատոնում որպես «գրպանի ծախս», որն էլ Հովհաննես Գալստյանն անձամբ փոխանցել է: Կինոկենտրոնի նախկին ղեկավարը նաեւ հիշեց, որ սկզբում Ամիրյանը Հովհաննես Գալստյանին է խոստացել ֆիլմհանձնակատար նշանակել, ապա վերջին պահին փոխել է որոշումն ու նշանակել Արսեն Բաղդասարյանին:

Նա ոչ միայն խոստացված նշանակումը չի արել, այլեւ մի կլորիկ գումար է վերցրել Գալստյանի ձեռքից:

«Ես երկար տարիներ ղեկավարել եմ այդ դելեգացիան. Կաննում տաղավար ենք ունեցել, երբեւէ ոչ ոք պետական միջոցներից այդքան գրպանի ծախս չէր վերցրել: Մենք մեր գրպանից կոնյակ ենք տարել, շոկոլադ, բայց պետական միջոցներից մեզ որեւէ մեկը գումար չի տվել: Այդ ժամանակ ես ապշած էի... մոտ 7 միլիոն գրպանի ծախս»,- հիշեց Գեւորգյանը:

Կինոկենտրոնի նախկին տնօրենը նաեւ անկեղծացավ, որ գումարը մերժելու խոսակցություններից հետո Ամիրյանի եւ իր հարաբերությունները կտրուկ լարվել են: Ըստ նրա՝ նախկին նախարարը ամեն ինչ արել է, որպեսզի կինոկենտրոնում նախ ստուգումներ արվեն, ապա կենտրոնացել մանրուքների վրա եւ հասել նրան, որ Գեւորգյանը ազատման դիմում գրի ու հեռանա: «Ես վիրավորված հեռացա, բայց իմ ազատման դիմումի տեքստի բովանդակությունը փոխվեց եւ բոլորովին այլ բան ներկայացրեց Ամիրյանը: Ես այնտեղ գրել էի, որ ինքը մշակույթից, կինոյից ոչինչ չի հասկանում, որ կինոն իր համար ընդամենը վաճառվող տոմսեր են եւ այլն»,- պատմեց նախկին տնօրենը:

Մշակույթի նախկին նախարար Արմեն Ամիրյանի հետ կապ հաստատել չհաջողվեց, վերջինիս հեռախոսահամարն անհասանելի է: Ավելի ուշ նա ֆեյսբուքյան իր էջում անդրադարձավ թեմային՝ գրելով հետեւյալը. 

«Սիրելի՛ հայրենակիցներ,
Այսօր Ավագ ուրբաթ է՝ Հիսուսի խաչելության, մահվան ու թաղման հիշատակության օրը։
Սուտն ու կեղծիքը մարդկության պատմության մեջ միշտ էլ ճակատագրական, քայքայիչ դերակատարում են ունեցել, բայց գոնե այս օրերին սուտը, կեղծիքը, կեղծ մատնությունը մեր կյանքում տեղ պետք չէ ունենան։
Փաստորեն ՀՀ քննչական կոմիտեն, լսելով մեկ կամ գուցե մի քանի բանսարկուի, կարող է քրեական գործ հարուցել և հետն էլ հրապարակային շեփորահարել, թե տեսեք-տեսեք՝ նախկին նախարարը յուրացում է կատարել։
Ո՞վ է ինձ գումար տվել, այդ ո՞ւմ միջոցով եմ ստացել ձեր նշած գումարը։
Չկա որևէ մեկը, որ կարող է ասել՝ ինձ՝ Արմեն Ամիրյանին, երբևէ գումար է տվել։
Անամոթաբար ցեխ են շպրտում մարդու վրա, թե գողացել ես, յուրացրել ես, իսկ դուք՝ քննչական կոմիտեի հարգելի քննիչներ, ձեր կենսագրության մեջ ևս մեկ իբր «բացահայտում» եք ավելացնում։
Ես միշտ էլ փող տվող եմ եղել, ոչ թե վերցնող։
Կեղծ մատնությամբ, ստով և կեղծիքով լցոնված բանսարկուներին խորհուրդ կտամ օգտվել առիթից և ապաշխարելով մաքրվել։
Դեռ ուշ չէ, մեծ պահքի ժամանակ ընդհանրապես մաքրվում են։ Վերջում, սիրելի՛ հայրենակիցներ, բոլորին ցանկանում եմ ուրախ զատիկ և անսահման առողջություն»,- գրել է նա։

Հիշեցնենք՝ ՀՀ քննչական կոմիտեն պարզել է, որ «Տատիկիս վարսերը» ֆիլմի ռեժիսոր Հովհաննես Գալստյանից մշակույթի նախկին նախարարը պահանջել և միջնորդավորված մաս-մաս ստացել է նշված ֆիլմի նկարահանումների համար նախատեսված գումարներից շուրջ 6.800.000 դրամ գումար: Գործն ուղարկվել է դատախազություն:

Այս մասին հայտնում են ՀՀ ՔԿ լրատվական ծառայությունից՝ ներկայացնելով մանրամասներ: Քրեական գործն ուղարկվել է ՀՀ դատախազություն՝ ըստ քննչական ենթակայության ՀՀ հատուկ քննչական ծառայություն ուղարկելու միջնորդությամբ:

Տպել
5133 դիտում

Red Wings ավիաընկերության այսօրվա Մոսկվա-Երևան չվերթը կիրականացվի ուշացումով

Մոսկվայի կենտրոնում ՀՀ քաղաքացու դի է հայտնաբերվել՝ ցանկապատից կախված վիճակում, խոշտանգված

«Ուշադրություն, խոսում է ՀՀ կառավարությունը, բոլորիդ կոչ ենք անում կրել դիմակներ». ոստիկանական մեքենաներն իրազեկում են

Էդմոն Մարուքյանը նշանակվել է ԵԽԽՎ համազեկուցող

Կապանի գործով մեղադրյալ Լեւոն Համբարձումյանը դատարանի որոշմամբ կալանավորվեց

Մարզերում 24 ժամով կասեցվել է հանրային սննդի մի շարք կետերի, այդ թվում՝ «ԳՆԹՈՒՆԻՔ»-ի գործունեությունը

Հայաստանում ուժգին երկրաշարժ չի գրանցվել. ԱԻՆ-ը հերքում է համացանցում շրջանառվող տեղեկությունը

ՄԻԵԴ-ը հրապարակել է Ռոբերտ Քոչարյանի գործով խորհրդատվական կարծիքը

Նարեկ գյուղից դեպի «Գյոլասոր» հատվածում փրկարարները գտել են մոլորված կնոջն ու նրա 3 երեխաներին

Մինչև համավարակի ավարտը Ռոբերտ Քոչարյանը կմնա «Իզմիրլյան» ԲԿ-ում

Շարունակվում են ՀՀ զբոսաշրջային ենթակառուցվածքների բարելավման աշխատանքները. հայտնում է էկոնոմիկայի նախարարությունը

Մահացել է ռեժիսոր Սամվել Գասպարովը. նա «Մոսկվան արցունքներին չի հավատում» ֆիլմի աստղ Նատալյա Վավիլովայի ամուսինն էր

Հայաստանը համերաշխություն է հայտնում Իսպանիային համավարակի դեմ պայքարում. Արմեն Սարգսյանը ցավակցել է Իսպանիայի թագավորին

Բարեկարգվում են Խոր Վիրապ վանքի ավտոկայանատեղին եւ հարակից տարածքները

Վճռաբեկ դատարանը բավարարել է Ախթալայի կամրջի վրա 2015թ. սպանության փորձի գործով դատախազության ներկայացրած բողոքը

Արմավիրի մարզի ընդհանուր իրավասության դատարանի նախագահը դատի է տվել Արման Բաբաջանյանին

Մայիսի 29-ի կեսօրից հետո շրջանների զգալի մասում սպասվում է կարճատեւ անձրեւ

ԱՄՆ-ի Մինեապոլիս քաղաքում ցուցարարներն այրել են ոստիկանության բաժանմունքի շենքը

Հայաստանում կա մոտ 432 հազար բնակարան, որոնց 64%-ի կադաստրային արժեքը 3 միլիոն դրամից ցածր է․ Թունյան

«Ձորակ» հոգեկան առողջության խնդիրներ ունեցող անձանց կենտրոնում մեկուսացված անձանց թեստերի պատասխանները բացասական են