Ես մարզպետի հետ կռվի մեջ եմ, դու «լայքո՞ւմ» ես. Վարդաբլուրի ղեկավար Ռուսլան Օհանյանն աշխատանքից ազատման դիմում է գրել

Լոռու մարզի Գյուլագարակ խոշորացված համայնքի Վարդաբլուր բնակավայրի վարչական ղեկավար Ռուսլան Օհանյանը (լուսանկարում) աշխատանքից ազատման դիմում է ներկայացրել Գյուլագարակի գյուղապետ Մհեր Գեւորգյանի պահանջով:

ՀԺ-ի հետ զրույցում Ռուսլան Օհանյանը, ներկայացնելով եղելությունը, պատմեց, որ երեկ Վարդաբլուր են այցելել Մհեր Գեւորգյանն ու գյուղապետարանի բազմաթիվ աշխատակիցներ: Գեւորգյանը մի քանի րոպե տեւած հանդիպման ժամանակ պահանջել է վարչական ղեկավարի հրաժարականը՝ պատճառաբանելով, որ ինքը «լայքում» է մարզպետի ու նրա մասին դրական գրառումները:

«Գյուղապետն ու աշխատակազմը եկան մեր գյուղապետարան, գյուղապետն ասաց՝ ազատման դիմում ես գրում, ես քո հետ չեմ աշխատում, ես իրեն ասացի, որ ժողովրդի հետ կարողանում եմ աշխատել, ասաց՝ գիտեմ, բայց ասաց նաեւ, որ ես, լինելով իր նշանակած մարդը, իր հետ չեմ քայլում, ուրեմն պետք է չաշխատեմ… ես մարզպետի հետ կռվի մեջ եմ, դու դրել մարզպետի էջը «լայքում» ես, պետք է իմ հետ չաշխատես»:

Ռուսլան Օհանյանն ասաց՝ ինքը «լայքել» է մարզպետի այդ ուղիղ եթերը, «Աստղիկ» հիմնադրամի կողմից Կուրթանում կառուցվող արտադրամասի մասին մարզպետի գրառումը, ինչպես նաեւ մի քանի այլ գրառումներ եւս. «Մարզպետը մեր գյուղ բազմաթիվ ծրագրեր է բերել, բարեգործական ծրագրեր իրականացրել»:

Արդեն նախկին վարչական ղեկավարը համեմատության համար նշեց՝ մարզպետարանի որոշ աշխատակիցներ էլ բացասական բազմաթիվ գրառումներ են հավանում, ինչո՞ւ այդ դեպքում մարզպետը չի ազատում նրանց. «Անհիմն մեղադրանքներ էր Մհեր Գեւորգյանը հնչեցնում: Հրաժարականի դիմում ներկայացնելու պահանջ է ներկայացրել նաեւ Կուրթանի գյուղապետին: Երեկ քանի անգամ զանգել են ու պահանջել, որ մինչեւ 16:00-ն դիմումը ներկայացնենք, ինձ ասացին, որ եթե դիմում չգրենք, հրամանով կազատեն, աշխատանքի ղեկավարն ասում էր, թե եթե ինձ հրամանով ազատեն, այլեւս ոչ մի տեղ չեմ կարողանա աշխատել»:

Ռուսլան Օհանյանն ազատման առաջին դիմումում նշել է, որ աշխատանքից ազատման դիմումը գրել է պարտադրանքով, որին հաջորդել է աշխատակազմի ղեկավարի զանգը՝ դիմումը փոխելու պահանջով: Երկրորդ դիմումն արդեն գրվել է, որ ազատվում է՝ սեփական դիմումի համաձայն:

Ռուսլան Օհանյանն ասում է՝ անգամ եթե դիմումը չընդունվի, այլեւս չի պատրաստվում նման ղեկավարի հետ աշխատել: Վարչական ղեկավարի ու գյուղապետի միջեւ կոնֆլիկտ ի սկզբանե եղել է: Խոշորացված համայնքի ղեկավարը աշխատանքից ազատվելու դիմում պահանջել էր գրել դեռ նախորդ տարեվերջին, ըստ Օհանյանի, անհիմն մեղադրանքով. «Այն ժամանակ էլ պահանջեց դիմում գրել՝ չգրեցի»:

Ռուսլան Օհանյանը 2016թ.-ին ընտրվել էր Վարդաբլուրի գյուղապետ, 2017-ի խոշորացումից հետո նշանակվել վարչական ղեկավար: Սեփական կապերով ու նախաձեռնություններով գյուղում բազմաթիվ ծրագրեր են կյանքի կոչվել ինչպես անհատների ու բարերարների, այնպես էլ տարբեր կառույցների հետ համատեղ: Ծրագրեր ու անելիքներ դեռ շատ կային, վստահեցրեց Ռուսլան Օհանյանը:

Հիշեցնենք՝ օրեր առաջ Գյուլագարակի գյուղապետ Մհեր Գեւորգյանը ավագանու նիստում հրաժարականի դիմում էր ներկայացրել՝ նշելով, որ մարզպետ Անդրեյ Ղուկասյանը ստիպել է իրեն ազատվել պաշտոնից: Ավագանին Գեւորգյանի հրաժարականի դիմումը չէր ընդունել: Գեւորգյանի եւ մարզպետի հարաբերությունները շարունակում են լարված մնալ մինչ օրս: Իսկ, թե ինչով են մեղավոր վարչական ղեկավարները, հայտնի չէ:

Ռուսլան Օհանյանի ազատմանն արձագանքել են Գյուլագարակ խոշորացված համայնքից՝ ֆեյսբուքյան իրենց էջում գրառում կատարելով եւ պաշտոնապես հերքելով Ռուսլան Օհանյանի բերած պատճառաբանությունը:

«Տեղեկացնում ենք ձեզ, որ Ռուսլան Օհանյանը ազատվել է Վարդաբլուր գյուղի վարչական ղեկավարի պաշտոնից՝ համաձայն «Տեղական ինքնակառավարման մարմինների մասին օրենք»-ի 35-րդ հոդվածի 10-րդ կետի՝ «Համայնքի ղեկավարը նշանակում և ազատում է համայնքային վարչական և համայնքային հայեցողական պաշտոններ զբաղեցնող անձանց, աշխատակազմի քարտուղարին, կառուցվածքային և առանձնացված ստորաբաժանումների ղեկավարներին»: Այս պարագայում աշխատանքից ազատման դիմում գրելը թողնվում է աշխատողի հայեցողությանը՝ հետագայում իր աշխատանքային գործունեությունը կազմակերպելու համար:

Ֆեյսբուքյան «լայքերը» հիմք չեն՝ վարչական ղեկավարին պաշտոնից ազատելու համար: Ռուսլան Օհանյանի ոչ արդյունավետ և ոչ համագործակցային աշխատելաոճը հիմք է՝ նրան ազատելու զբաղեցրած պաշտոնից:

Վարդաբլուր գյուղի վարչական ղեկավարի լիազորություններն ու պարտականությունները ստանձնել է նույն գյուղի բնակիչ Հակոբ Գեղամի Վարդանյանը»,- նշված է հայտարարության մեջ:

Տպել
2857 դիտում

ԱՄՆ-ում բողոքի ցույցեր են՝ ոստիկանական գործողությունների հետեւանքով սեւամորթ ամերիկացու մահվան պատճառով (լուսանկարներ)

18-րդ միջոցառման շրջանակներում 12200 տնտեսվարողի շահառու հանդիսանալու ծանուցում է ուղարկվել․ Մկրտչյան

Արմեն Սարգսյանը Սարդարապատի հուշահամալիրում հարգանքի տուրք է մատուցել հերոսամարտի զոհերի հիշատակին (տեսանյութ)

ԿԳՄՍ փոխնախարար դառնալու զրո ցանկություն ունեմ. Արսեն Ջուլֆալակյան

Հրդեհ «Պապա-ֆուդ» պանդոկում. հայտարարվել է հրդեհի բարդության «1-ԲԻՍ» կանչ. տուժածներ չկան (տեսանյութ)

Սրբության պես պետք է պահենք մեր պետականությունն ու ինքնիշխանությունը, որ արժանապատիվ կյանքի երաշխավորն են. ՄԻՊ-ի ուղերձը

Մհեր Գրիգորյանը հանդիպել է Արցախի Հանրապետության նախագահի հետ. քննարկվել են սոցիալ-տնտեսական իրավիճակի մասին հարցեր

ԱԺ նախագահ Արարատ Միրզոյանը շնորհավորական ուղերձ է հղել Առաջին հանրապետության օրվա կապակցությամբ

Վարչապետը շնորհավորական ուղերձ է հղել Եթովպիայի վարչապետին Ազգային տոնի կապակցությամբ

Տեղի է ունեցել Նիկոլ Փաշինյանի և Արայիկ Հարությունյանի առաջին պաշտոնական հանդիպումը Երևանում (տեսանյութ)

Լոռու մարզում գրանցվել է կորոնավիրուսից մահվան առաջին դեպքը. քաղաքացին վերջերս էր ժամանել Ֆրանսիայից

Շարժական մամոգրաֆիան վերջապես ժամանեց Իտալիայից. մեկնարկը կլինի Լոռու մարզից. Արսեն Թորոսյան (տեսանյութ)

Դժբախտ դեպք Շիրակի մարզում. վիճաբանությունից հետո 20-ամյա երիտասարդ է մահացել

Ղարաքիլիսայի հերոսամարտին նվիրված «Կոտրած եկեղեցի» հուշակոթողն այս տարի մարդաշատ չէր

Հրազդան-Հանքավան հատվածում երեկ երկնաքար է ընկել. Գագիկ Սուրենյանը անկման տեսանյութն է հրապարակել

Ավարայրից մինչեւ Սարդարապատ եւ Շուշի մեր բոլոր հաղթանակների խորհուրդը մեկն է. Արայիկ Հարությունյան

«Զվարթնոց» օդանավակայանում ռումբի առկայության մասին կեղծ ահազանգ է եղել

Բազում դժնդակ օրեր հաղթահարած ժողովուրդը միաբան ջանքերով կհաղթահարի նաեւ առկա մարտահրավերը. կաթողիկոսի ուղերձը

Կամրջից նետված 14-ամյա աղջնակի վիճակը ծանր է, բայց՝ կայուն. ունի բազմաթիվ դիմածնոտային վնասվածքներ

Քաղաքացին ցանկացել է ինքնասպանություն գործել՝ նետվելով Կիևյան կամրջից