Չինաստանը նպատակադրված թաքցրել և ոչնչացրել է կորոնավիրուսի մասին կարևոր տեղեկություններ. 5 երկրներ զեկույց են հրապարակել

նկարի ձախ վերին անկյունում Ուհանի լաբորատորիան է, աջ վերին անկյունում՝ Չինաստանի նախագահը

5 անգլալեզու  երկրների հետախուզությունները հրապարակել են համատեղ զեկույց այն մասին, որ Չինաստանը նպատակադրված է թաքցրել եւ ոչնչացրել նոր տիպի կորոնավիրուսի մասին կարեւորագույն տեղեկություններ: Այս մասին հայտնում է ավստրալական Sunday Telegraph թերթը՝ պնդելով, որ ունի զեկույցի օրինակը:

Այս տեղեկությունը պաշտոնապես դեռ չի հաստատվել, սակայն ավստրալական թերթի այս պնդումը եւս մեկ կայծ է ավելացրել  Արեւմուտքի եւ Չինաստանի միջեւ բռնկված տեղեկատվական պատերազմին:

Sunday Telegraph-ը հայտնում է, որ «Հինգ աչք»  (Five Eye) անվանումով հետախուզական ալյանսը, որը միավորում է ԱՄՆ-ի, Մեծ Բրիտանիայի, Կանադայի, Ավստրալիայի եւ Նոր Զելանդիայի հետախուզական ծառայությունները, 15 էջանոց զեկույցում գրում է, որ չինական իշխանությունները վտանգի տակ են դրել այլ երկրներին՝ գիտակցաբար թաքցնելով կորոնավիրուսի մասին ուշագրավ տվյալներ:

Զեկույցում, ըստ թերթի հրապարակման, նշվում է, որ Չինաստանի իշխանությունները ստիպել են լռել բժիշկներին, որոնք փորձել են աշխարհին հայտնել վտանգների մասին, վերացրել են լաբորատոր էքսպերիմենտների հետքեր եւ հրաժարվել են օտարերկրյա գիտնականներին, որոնք աշխատել են նոր կորոնավիրուսի դեմ պատվաստանյութի ստեղծման վրա, տրամադրել կարեւոր նմուշներ:

ԱՄՆ-ի նախագահ Դոնալդ Թրամփն ու Պետքարտուղար Մայք Փոմփեոն  արդեն քանիցս մեղադրել են Չինաստանին այն բանում, որ կորոնավիրուսն իբր ստեղծվել է Ուհանի վիրուսոլոգիայի ինստիտուտի լաբորատորիայում: Ի դեպ, այս թեմայի շուրջ հարյուրավոր մտորումներ  եւ քննարկումներ են եղել համաշխարհային մամուլի էջերում դեռ համաճարակի ամենասկզբից:

Մինչդեռ «Հինգ աչք»-ի զեկույցում, ըստ Sunday Telegraph-ի, չկան ուղիղ մեղադրանքներ այն մասին, որ վարակը ստեղծվել է չինական լաբորատորիայում: Այս թեմայի մասին զեկույցում ընդամենը թվարկվում են մի շարք կասկածելի հանգամանքներ եւ ստուգման անհրաժեշտություն պահանջող կասկածներ:

Պաշտոնական Չինաստանը վճռականորեն հերքում է իրեն ուղղված բոլոր մեղադրանքները եւ՛ տեղեկատվություն թաքցնելու, եւ՛ վարակի՝ լաբորատոր պայմաններում ստեղծված լինելու մասին:

Մեծ Բրիտանիայի Պաշտպանության նախարար Բեն Ուոլլեսը հրաժարվել է մեկնաբանել ավստրալական թերթի հրապարակումը:

«Ես ամեն օր հետախուզական տվյալներ եմ ստանում ամբողջ աշխարհից: Ես չեմ մեկնաբանում կոնկրետ հետախուզական գործողություններ եւ չեմ պատմում երբեք, թե ինչ եմ ինքս տեսել կամ ինչ չեմ տեսել: Դա սխալ կլիներ»,-այսօր, BBC-ի հետ զրույցում, ասել է Ուոլլեսը :

Միացյալ Նահանգների նախագահ Դոնալդ Թրամփը մի քանի օր առաջ, պատասխանելով լրագրողների հարցերին, թե տեսե՞լ է ինքը ապացույցներն այն մասին, թե իբր կորոնավիրուսը ստեղծվել է Չինաստանի Ուհան քաղաքի լաբորատորիայում, ասել էր. «Այո, այո, ես իսկապես դրանք տեսել եմ»: Իր այս խոսքերից հետո, սակայն, նա անմիջապես էլ հրաժարվել է խոսել մանրամասների մասին եւ սկսել է խորհրդավոր կերպով վերլուծել վարակի տարածման հնարավոր սխալների մասին, որոնք հավանական է՝ թույլ է տվել Չինաստանը:

ԱՄՆ-ի Ազգային հետախուզական ծառայության տնօրենը, սակայն, հենց նույն օրը հայտարարեց, որ ամերիկյան հատուկ ծառայությունները տարակարծիք են գիտնականների մի մեծ խմբի հետ, քանի որ կարծում են՝ վարակը ոչ թե մարդածին, արհեստածին ծագում ունի, այլ  բնության գործոնների հետեւանք է: Միաժամանակ, ԱՄՆ-ի հետախուզական ծառայությունից պաշտոնապես հայտնել են, որ խոստանում են մանրամասն հետաքննել իրենց փոխանցվող տեղեկությունները, որպեսզի հնարավոր լինի վերջնականապես հասկանալ՝ վարակի տարածումը սկսվել է կենդանիներից, թե՞ տարածման պատճառ է հանդիսացել Ուհանի լաբորատորիայում տեղի ունեցած ինչ-որ պատահար:

Այս ամենից հետո, կիրակի օրը, ԱՄՆ-ի Պետքարտուղար Մայք Փոմփեոն, ABC հեռուստաալիքին տված հարցազրույցում  հայտնել էր, որ Միացյալ Նահանգներն ունի «հսկայական քանակությամբ ապացույցներ այն մասին, որ վարակի տարածման սկզբնաղբյուր է հանդիսացել չինական լաբորատորիան»: Հատկանշական է, որ վայրկյաններ անց էլ Փոմփեոն հակասել է ինքն իրեն՝ լրագրողի այն հիշեցմանը, թե հետախուզական ծառայությունը առավել հավանական է համարել վարակի բնածին, ոչ թե արհեստածին  լինելը, պատասխանելով. «Այո, ճիշտ է: Ես տեղեկությանը ծանոթ եմ եւ դրա հետ համաձայն եմ»:

Բրիտանական The Telegraph թերթն էլ երեկ, MИ-6 հետախուզական ծառայության իր աղբյուրներին հղում տալով հայտնել է, որ բրիտանական հետախուզությունը արդեն վաղուց է հայտնում բրիտանական կառավարությանն այն մասին, որ Չինաստանի իշխանությունները թաքցրել են աշխարհից իրենց երկրում Covid-19 վարակի տարածման իրական մասշտաբների եւ  բռնկման հանգամանեների մասին տեղեկությունները:

Տպել
7045 դիտում

Նոր Պարեկային ծառայության ստեղծման հետեւանքով ոստիկանությունը աշխատանքի է հրավիրում աշխատակիցների

Նախարարությունը հրապարակել է կորոնավիրուսային հիվանդության թեթև դեպքերի տնային բուժման ուղեցույց

ԱՄՆ-ում բողոքի ցույցեր են. ոստիկանը սեւամորթ ամերիկացու մահվան պատճառ է դարձել (լուսանկարներ)

18-րդ միջոցառման շրջանակներում 12.200 տնտեսվարողի շահառու հանդիսանալու ծանուցում է ուղարկվել․ Մկրտչյան

Արմեն Սարգսյանը Սարդարապատի հուշահամալիրում հարգանքի տուրք է մատուցել հերոսամարտի զոհերի հիշատակին (տեսանյութ)

ԿԳՄՍ փոխնախարար դառնալու զրո ցանկություն ունեմ. Արսեն Ջուլֆալակյան

Հրդեհ «Պապա-ֆուդ» պանդոկում. հայտարարվել է հրդեհի բարդության «1-ԲԻՍ» կանչ. տուժածներ չկան (տեսանյութ)

Սրբության պես պետք է պահենք մեր պետականությունն ու ինքնիշխանությունը, որ արժանապատիվ կյանքի երաշխավորն են. ՄԻՊ-ի ուղերձը

Մհեր Գրիգորյանը հանդիպել է Արցախի Հանրապետության նախագահի հետ. քննարկվել են սոցիալ-տնտեսական իրավիճակի մասին հարցեր

ԱԺ նախագահ Արարատ Միրզոյանը շնորհավորական ուղերձ է հղել Առաջին հանրապետության օրվա կապակցությամբ

Վարչապետը շնորհավորական ուղերձ է հղել Եթովպիայի վարչապետին Ազգային տոնի կապակցությամբ

Տեղի է ունեցել Նիկոլ Փաշինյանի և Արայիկ Հարությունյանի առաջին պաշտոնական հանդիպումը Երևանում (տեսանյութ)

Լոռու մարզում գրանցվել է կորոնավիրուսից մահվան առաջին դեպքը. քաղաքացին վերջերս էր ժամանել Ֆրանսիայից

Շարժական մամոգրաֆիան վերջապես ժամանեց Իտալիայից. մեկնարկը կլինի Լոռու մարզից. Արսեն Թորոսյան (տեսանյութ)

Դժբախտ դեպք Շիրակի մարզում. վիճաբանությունից հետո 20-ամյա երիտասարդ է մահացել

Ղարաքիլիսայի հերոսամարտին նվիրված «Կոտրած եկեղեցի» հուշակոթողն այս տարի մարդաշատ չէր

Հրազդան-Հանքավան հատվածում երեկ երկնաքար է ընկել. Գագիկ Սուրենյանը անկման տեսանյութն է հրապարակել

Ավարայրից մինչեւ Սարդարապատ եւ Շուշի մեր բոլոր հաղթանակների խորհուրդը մեկն է. Արայիկ Հարությունյան

«Զվարթնոց» օդանավակայանում ռումբի առկայության մասին կեղծ ահազանգ է եղել

Բազում դժնդակ օրեր հաղթահարած ժողովուրդը միաբան ջանքերով կհաղթահարի նաեւ առկա մարտահրավերը. կաթողիկոսի ուղերձը