ԲՈԿ նախագահն աշխատանքից ազատման դիմում է գրել. նա նշել է որոշման երեք շերտ-պատճառները

Բարձրագույն որակավորման կոմիտեի նախագահ Սմբատ Գոգյանն այսօր աշխատանքից ազատման դիմում է ներկայացրել: Իր ֆեյսբուքյան էջում նա նշել է ազատման որոշման երեք շերտերը։

Նախ կրթության եւ գիտության բարեփոխման իր պատկերացումները չեն համընկել նախարարության ռազմավարության հետ, եւ ժամանակի ընթացքում այդ հակասությունները խորացել են։ Համակարգում բարեփոխում անելու համար, ըստ նրա, անհրաժեշտ էին օրենքի կողմից լիազորող նորմեր, որոնք ստանալ այդպես էլ չի կարողացել։

«Նախարարի կողմից ԱԺ ամբիոնից նոր օրենքով ԲՈԿ-ը փակելու հայտարարությունից հետո աշխատելը դարձավ անիմաստ։ Իմ գաղափարներն այլեւս կյանքի կոչել չեմ կարող։ Գրագողերը սպասում են կառույցի փակվելուն»,- գրել է Գոգյանը։

ԲՈԿ նախագահը հիշեցրել է, որ 2019 թվականի օգոստոսին հարցազրույցներից մեկում ասել էր՝ եթե Հայաստանի պետական տնտեսագիտական համալսարանի նախկին ռեկտոր Ռուբեն Հայրապետյանը հրաժարականի դիմում չգրեր, ապա ինքը կհեռանար։ Գոգյանը նշել է, որ իր խոսքը կոնկրետ Ռուբենի մասին չէր, այլ երեւույթի։ «Նրանից հետո նշանակված ռեկտորի պաշտոնակատարի դոկտորական աշխատանքում առկա են ակնհայտ թարգմանություններ եւ արտագրություններ, բայց համապատասխան կապերի եւ հովանավորչության միջոցով նա առ այսօր զբաղեցնում է իր պաշտոնը։ Իր պաշտոնավարումն արժեքային ընտրություն է՝ իմ եւ իր միջև»։

Գոգյանի ներկայացրած 3-րդ պատճառն այն է, որ սկսել է ավելի քիչ ուրախանալ։ Նրա խոսքով՝ նշանակումից երեք ամիս անց կնոջ հետ պայմանավորվել են, որ եթե նա ասի, որ մեծամտացել կամ հղփացել է, ապա նույն օրն աշխատանքից ազատման դիմում կգրի։ Կինն այդպիսի բան չի ասել, սակայն աշխատանքը սկսել է հաճույք չպատճառել, քանի որ հստակ գիտակցում է՝ արդյունավետությունը կտրուկ ընկել է։

ԲՈԿ նախագահը վերջում շնորհակալություն է հայտնել ՀՀ վարչապետին՝ այս պատասխանատու ժամանակաշրջանում այդպիսի պատասխանատու պաշտոն վստահելու համար։

Հիշեցնենք, որ դեռ ամիսներ առաջ մամուլում տեղեկություններ էին շրջանառվում, որ Գոգյանն ազատվելու է զբաղեցրած պաշտոնից: Նշվում էր, որ նա աշխատանքային տարաձայնություններ ունի ՀՀ կրթության, գիտության, մշակույթի եւ սպորտի նախարար Արայիկ Հարությունյանի հետ:

Սմբատ Գոգյանը Բարձրագույն որակավորման կոմիտեի նախագահ էր նշանակվել 2018 թվականի հունիսին։

Տպել
1929 դիտում

Թուրքական օդուժը Իրաքի հյուսիսում թիրախավորել է բնակավայրեր. կա 2 զոհ

Հրետանավորներն անցկացրել են մասնագիտական պարապմունքներ. ՊՆ

Թրամփն ու ընտանիքը տեղափոխվել է ստորգետնյա բունկեր. ԱՄՆ-ում ցույցերի հետեւանքով 20 զոհ, 4 000 բերման ենթարկված կա

Հաշմանդամություն ունեցող երեխային պետք է սովորեցնել ինքնուրույն կյանք վարելու հմտություններ. ՄԻՊ (լուսանկարներ)

13-ամյա Նազելիի խնամակալությունը կստանձնի Գյումրիում ապրող հորաքույրը. կապրեն այլ հասցեում

Սահմանամերձ Բարեկամավանի միակ շրջանավարտի ավարտական երեկոն․ մի կողմից հակառակորդի հետ սահման, մյուսից՝ անտեսանելի թշնամի

Ամենահաճախակի խախտումները՝ գեղեցկության սրահներում, դեղատներում եւ ստոմատոլոգիական կենտրոններում․ ԱԱՏՄ

Սահմանադրական փոփոխությունների մասին քվեարկությունը ՌԴ-ում կանցկացվի հուլիսի 1-ին

Ակնկալվում է մի քանի անգամ մեծացնել Հայաստան ներմուծվող գազի և Իրան ներմուծվող էլեկտրաէներգիայի ծավալները

Լացող փոքրիկներ, մարզերից եկած հուսախաբ երեխաներ. հունիսի մեկն առանց ատրակցիոնների առաջվանը չէր

ՄԻԵԴ-ի պատասխանից առնվազն պետք է մտահոգվեն այն մարդիկ, որոնք ուղղել են հարցերը․ Վլադիմիր Վարդանյան

Եվրոպայում ֆուտբոլասերներին աստիճանաբար վերադարձնում են խաղադաշտ

ՍԱՏՄ-ն Կենտրոն վարչական շրջանում կասեցրել է կրկնակի խախտում կատարած երկու հանրային սննդի օբյեկտների աշխատանքը 48 ժամով

Օդային հաղորդակցության վերաբացումը կթույլատրվի հուլիսի կեսից. քննարկումն ու ժամկետը նախնական է

22-ամյա երիտասարդը աղջկա մերկ լուսանկարները չտարածելու դիմաց 3 միլիոն դրամ էր պահանջել. երիտասարդը ձերբակալվել է

Վարչապետին ծննդյան օրվա առթիվ շնորհավորական ուղերձ է հղել Ղազախստանի նախագահը

Վաղը հայկական արտադրության թեստերի առաջին խմբաքանակը՝ 350 հատ, կհանձնվի ՀՎԿԱԿ-ին. Տիգրան Ավինյան

Սահմանին գազի ներկա գնի պահպանման պարագայում, կարծում եմ, ՀԾԿՀ-ի հաշվարկները ողջամիտ են․ փոխվարչապետ

Ռեանիմացիոն եւ ինտենսիվ թերապիայի մահճակալային ֆոնդը կհամալրվի մոտ 120 մահճակալով

Տեղից չի շարժվել «Հարսնաքար»-ի սպանության գործը, ինչը դրա հեղինակներին դրդել է նորանոր հանցագործությունների․Բաբաջանյան