Ավանի հոգեբուժարանում երկու աշխատողներ ծեծել են եղբորս, ուշքի է եկել, որ բերանքսիվայր, արնաշաղախ ընկած է գետնին

Ապրիլյան պատերազմի մասնակից, նախկինում պայմանագրային զինծառայող 35-ամյա Հովհաննեսն Ավանի հոգեբուժարանում ծեծի է ենթարկվել, ապա անօգնական վիճակում մնացել այնքան, մինչեւ ուշքի է եկել եւ առանց որեւէ մեկի օգնության տեղափոխվել հիվանդասենյակ:

Հովհաննեսի եղբոր՝ Արթուրի խոսքով՝ տղամարդն ապրիլի 28-ին էր տեղափոխվել Ավանի հոգեբուժարան: Դեպքն էլ տեղի է ունեցել հենց նույն օրը՝ այնտեղ հայտնվելու առաջին 30 րոպեների ընթացքում: Արթուրի խոսքով՝ եղբայրը ծեծի է ենթարկվել սպասարկող անձնակազմի երկու տղամարդկանց կողմից: Ըստ մեր զրուցակցի պատմածի՝ այդ երկու աշխատակիցները մեկ այլ հիվանդի վրա են գոռգռացել ու անբարո խոսքեր ասել, որին միջամտել է Հովհաննեսը, եւ կռիվ է սկսվել:

«Եղբայրս պահանջել է, որ հիվանդի հետ այդ տոնով չխոսեն ու նորմալ վերաբերվեն: Նրանցից մեկն էլ ասել է՝ լավ եմ անում, արա, պետք լինի կխփեմ, քեզ ինչ: Լեզվակռիվ է եղել, եղբայրս կա՛մ հրել է, կա՛մ խփել այդ ասողին, որից հետո երկու հոգով գցել են գետնին ու լավ ծեծել»,- պատմեց Արթուրը:

Նշեց, որ երբ Հովհաննեսին ծեծել են, նա ուշագնաց է եղել: Բերանքսիվայր արնաշաղախ ընկած է եղել գետնին, բայց այդ վիճակում նրան թողել են: Ոչ ոք նրան որեւէ աջակցություն չի ցուցաբերել: Ապա հաջորդ օրը ծեծի ենթարկող տղամարդկանցից մեկը՝ Թեւան անունով աշխատակիցը, մարդիկ է ուղարկել Հովհաննեսի մոտ, որպեսզի տանեն իր մոտ ներողություն խնդրելու իրենից, այլապես շատ ավելի վատ կլինի: «Ասել են մենք գիտենք՝ դու որտեղ ես ապրում, կնիկ երեխուդ կվառենք: Եղբայրս ներողություն է խնդրել, ամեն ինչ անցել է: Ես այդ մասին իմացել եմ մայիսի 10-ին: Եղբայրս կնոջ հետ տեսակապով խոսելիս մի թեթեւ պատմել է, կինն իմ կնոջը նկար է ուղարկել եւ այդ կերպ կատարվածն ինձ է հասել»,- պատմեց Արթուրը:

Դեպքը լսելուց հետո Արթուրը շտապել է հիվանդանոց, սակայն նրան մուտքից ներս չեն թողել: Այնուհետեւ դիմել է ոստիկանություն: ՀՀ ոստիկանությունը նրա բողոքից հետո այցելել է Ավանի հոգեբուժարան, Հովհաննես Աղաջանյանին հարցեր տվել: «Եղբորս լսել, վերջում տակը գրել են՝ բողոք չունի: Ընդունենք, որ ասել է՝ բողոք չունեմ, իրավունք ունե՞ն նման հիվանդին՝ ստացիոնար բուժում ստացող՝ առանց ներկայացուցչի հարցեր տալ ու առանց ուսումնասիրելու՝ հենց այդ ասածը հիմք ընդունել»,- տարակուսեց նա:

Արթուրի խոսքով՝ դեպքի մանրամասներն ինքը պարզել է աստիճանաբար, եղբոր հետ խոսելու եւ աշխատակիցների հետ թեթեւ վեճերի արդյունքում: Եղբորը մայիսի 11-ի գիշերը տեղափոխել է Ավանի հոգեբուժական կենտրոնից, այն մտավախությամբ, որ այնտեղ կարող է անվտանգ չլինել նրա համար. «Ես չգիտեի, եթե նա այդտեղ մնա, կլուսացնի, թե չէ»:

35-ամյա Հովհաննեսը խաղաղապահ զորքերի զինվորական է եղել, Ապրիլյան պատերազմի ժամանակ վախից է ձեռք բերել հոգեկան հիվանդություն: «Աֆղանստան էլ է գնացել, այնտեղ էլ ծանր դեպքի է ականատես եղել, ապրիլյանի ժամանակ էլ կողքը մարդ են խփել, ընկել է իր վրա ու... Զորամասի հոգեբուժարան էլ է պառկել, հետո, երբ զորացրեցին, հիվանդությունը կրկնվեց: Արդեն մենք ստիպված եղանք տեղափոխել ստացիոնար բուժման»,- պատմեց Արթուրը: Հովհաննեսն ամուսնացած է, ունի 7-ամյա տղա:

Արթուրը խոսել է ե՛ւ բուժող բժշկի, ե՛ւ բաժնի վարիչի, ե՛ւ հոգեբուժարանի այլ աշխատակիցների հետ: Գլխավոր պատասխանատուները դեպքի մասին լսել են իրենից, համենայնդեպս իրեն այդպես են ներկայացրել:

Բուժող բժիշկն Արթուրին ասել, որ հիվանդին հարցրել է դեմքի կապտուկների մասին, նա էլ պատասխանել է, որ ընկել է: Սակայն Արթուրը վստահեցնում է՝ ընկնելու հետեւանքով չէր կարող եղբոր դեմքի ու մարմնի տարբեր հատվածներ կապտել ու այտուցվել. «Մորուքի տակից հետ ամբողջը կապույտներ են, բայց իրենք ասում են ընկել է: Սանիտարկաները տեսել են ու ինձ պատմել, որ վեճ է եղել»:

«Հայկական ժամանակը» կապ հաստատեց Հովհաննեսին բուժող բժշկի՝ Բագրատ Բերբերյանի հետ, սակայն վերջինս չցանկացավ մեր հարցերին պատասխանել: Նշեց, որ կատարվածի մասին լսել է, գործը ոստիկանությունն է քննում, սպասում են նրանց պատասխանին: Նա միայն հաստատեց այն տեղեկությունը, որ հիվանդին տեսնելով դեմքն այդ վիճակում, հարցրել է, թե  ինչ է պատահել, իսկ վերջինս էլ ասել է, որ ընկել է: Ենթադրյալ ծեծի ենթարկող տղամարդկանց հետ կապ հաստատել մեզ չհաջողվեց: Հոգեբուժարան մեր զանգերն անպատասխան մնացին:

ՀՀ ոստիկանությյունից  հայտնեցին, որ ծեծի վերաբերյալ ահազանգ ստացվել է ոստիկանություն: Հանգամանքները պարզվում են, նյութեր են նախապատրաստվում:

Տպել
4558 դիտում

ԱԻՆ-ը կատարել է 1245 վարակազերծում. 872-ը՝ մարզերում, 373-ը՝ Երևանում

Կվերանորոգվի Օշական համայնքի «Անահիտ» մանկապարտեզը

ՀՀ ՔԿ Երևան քաղաքի քննչական վարչությունն ամփոփել է հունվարից մինչև մայիս կատարած աշխատանքը

Երրորդ զորամիավորումում անցկացվել են անվտանգության կանոնների պահպանման պարապմունքներ

Վաղը փակ կլինի Նեղոցի ենթակայանից մինչև Հաղպատի խաչմերուկ տանող ճանապարհահատվածը

«Ես տասներկու տարի սպասել եմ այդ արդարացմանը». Մարտի 1-ի գործով դատավճիռների դեմ՝ 16 բողոք

Եթե մեկն ասի, որ առասպելական վիշապի կաշին հնդկահավի փետուրի հետ կօգնի կորոնավիրուսին, շատերը կհավատան․ Արմեն Փամբուխչյան

Դավիթաշենում դիտարկված 27 տնտեսվարողից 17-ի մոտ ԱԱՏՄ-ն խախտումներ է արձանագրել

Սյունիքի մաֆիոզական խմբակին պետք է տրվի համարժեք պատասխան. Ենգիբարյանն անդրադարձավ Սյունիքում տեղի ունեցած միջադեպին

Հայկավանում հակակարկտային կայաններ են տեղադրվել

Սերբիան պատրաստակամ է կորոնավիրուսի դեմ պայքարում աջակցել Հայաստանին. Արմեն Սարգսյանը զրուցել է Սերբիայի նախագահի հետ

ՏՄՊՊՀ-ն դիմակների շրջանառության ոլորտում վարույթ է հարուցել

Ըստ Արսեն Ջուլֆալակյանի՝ Թամարզյանը ձախողել է սպորտի ոլորտը. ինքը հուսով է՝ ԿԳՄՍ նախարարի հետ հանդիպում կլինի ԱԺ-ում

Լոռիում մինչ օրս կորոնավիրուսով վարակվել է 70 քաղաքացի. 54-ը առողջացել ու դուրս է գրվել. մարզպետ

Փոխադարձ վիրավորանքներ, միմյանց հերթ չտալով հուզված ու պաթետիկ ելույթներ. ԵԿՄ-ին տարածք տալու նախագիծն ընդունվեց

ԱԻՆ 8 աշխատակցի մոտ կորոնավիրուս է հաստատված, մեկուսացված է 46-ը (տեսանյութ)

ՀՀ տարածքում ավտոճանապարհները հիմնականում անցանելի են. Քարի լիճ տանող ավտոճանապարհին տեղ-տեղ առկա է մերկասառույց

Դավթաշենի նախադպրոցական ուսումնական հաստատություններում վերահսկողական աշխատանքներ են իրականացվել

Ոստիկանությունը շարունակում է արտակարգ ռեժիմով ծառայությունը (տեսանյութ)

Հանրային տրանսպորտի նկատմամբ վերահսկողական խիստ միջոցառումներ են իրականացվել Երեւանի Դավթաշեն վարչական շրջանում