Կորոնավիրուսն ընդմիշտ կմնա մեզ հետ, սակայն չորս-հինգ տարի հետո իրավիճակը կվերահսկենք. ԱՀԿ

Աշխարհում կորոնավիրուսի տարածման իրավիճակը վերահսկողության տակ առնելու համար կպահանջվի մոտ հինգ տարի: Այս կանխատեսումն արել է Առողջապահության համաշխարհային կազմակերպության գլխավոր տնօրենի տեղակալ Սումիա Սվամինաթան Financial Times պարբերականի կազմակերպած քննարկման ժամանակ: «Չորս-հինգ տարի հետո կունենանք վերահսկողության համակարգ»,- նշել է նա:

Ճշգրիտ ժամանակահատվածը, ԱՀԿ փոխտնօրենի խոսքով, կախված է բազմաթիվ գործոններից ՝ արդյոք վիրուսը մուտացիայի կենթարկվի՞, ե՞րբ արդյունավետ պատվաստանյութ կմշակվի, կամ որքան խիստ եւ երկար է կլինի կարանտինը տարբեր երկրներում:

«Պատվաստանյութի հետ շատ հույսեր են կապված,- նշել է Սվամինաթանը,- բայց դրա մշակման, օգտագործման, արդյունավետության եւ անվտանգության հետ կապված կան ռիսկի բազմաթիվ գործոններ: Խնդիրներ կլինեն նաեւ զանգվածային արտադրության ու բաշխման հետ կապված»:

ԱՀԿ արտակարգ իրավիճակների ծրագրի ղեկավար Մայք Ռայանն իր հերթին հայտարարել է՝ այս վիրուսը կարող է հավերժ մնալ մեզ հետ՝ համեմատելով այն ՄԻԱՎ-ՁԻԱՀ-ի հետ: «ՄԻԱՎ-ը չի վերացել: Մենք ապրում ենք դրանով, մենք գտել ենք դրա բուժման-կանխարգելման եղանակներ: Մարդիկ այլեւս դրանից չեն վախենում: Շատերն այս հիվանդությամբ ապրում են երկար ու լիարժեք»,- ասել է նա:

Կորոնավիրուսը կանխարգելող պատվաստանյութերին անդրադառնալով՝ ԱՄՆ հետախուզության բարձրաստիճան պաշտոնյան BBC-ին հաղորդել է, որ օտարերկրյա լրտեսները մեծ հետաքրքրություն են դրսեւորում այդ առումով: Հակահետախուզության եւ անվտանգության ազգային կենտրոնի տնօրեն Բիլ Էվանինան ասել է, որ իշխանություններն արդեն նախազգուշացրել են բժշկական հետազոտություններով զբաղվող կազմակերպություններին նման ռիսկերի մասին: Սակայն նա չի մանրամասնել, թե արդյոք կան տվյալների գողության հաստատված դեպքերի մասին:

Բրիտանական հետախուզական ծառայության աղբյուրները եւս նկատել են արտաքին հետախուզության անառողջ ակտիվություն:

Աշխարհում կորոնավիրուսի պատվաստանյութի պատրաստման իրական մրցավազք է, եւ դրանում ներգրավված են անհատ հետազոտողներ, խոշոր ընկերություններ եւ ամբողջ կառավարություններ: Իսկ օտարերկրյա հետախուզության եւ հակահետախուզության գործակալներն անում են հնարավոր ամեն ինչ նրանց խանգարելու համար:

«Մենք սերտորեն համագործակցում ենք բիզնեսի եւ կառավարության աշխատակիցների հետ եւ անում ենք ամեն ինչ, որպեսզի նրանք կարողանան լավագույնս պաշտպանել իրենց հետազոտություններն ու տվյալները»,- ասել է Էվանինան:

ԱՄՆ կառավարությունն աջակցում է պատվաստանյութերի մշակման աշխատանքներին՝ մի ծրագրի շրջանակում, որն, ըստ որոշ տվյալների, Operation Warp Speed ծածկանունն ունի:

Հասկանալի է, որ ցանկացած երկիր, որն առաջինը գտնի արդյունավետ եւ անվտանգ դեղորայքի բանաձեւը, առաջին հերթին կփորձի դա տրամադրել իր քաղաքացիներին:

«Մենք կապվել ենք բժշկական հետազոտական բոլոր կազմակերպությունների հետ, որ իրականացնում են այս մշակումները, եւ նրանց հորդորել ենք զգոն լինել, - ավելացրել է հակահետախուզության պատասխանատուն,- այսօրվա աշխարհում կորոնավիրուսի պատվաստանյութից ավելի հափշտակության արժանի բան չկա»:

Կիբերհարձակում հիվանդանոցների վրա

Ապրիլի կեսին ԱՄՆ ԱԱԾ-ն հաղորդել էր կորոնավիրուսի հետազոտությամբ զբաղվող կազմակերպություններ ներթափանցելու փորձերի մասին:

Ըստ ԱԱԾ տնօրենի տեղակալ Տոնյա Ուգորեցի՝ կենսաբժշկական հետազոտությունների տվյալները վաղուց արդեն դարձել են «կիբեր լրտեսության առաջնահերթությունները», իսկ այս ուղղությամբ աշխատանք կատարող կազմակերպությունները «աչքի տակ են պահվում»: Ավելի ուշ, Ազգային անվտանգության ծառայության գլխավոր դատախազի օգնական Ջոն Դեմերսը նշել է, որ «անհեթեթության շրջանակում» կլինի հավատալ, որ Չինաստանը շահագրգռված չէ նման տեղեկություններով:

Դեռ մարտին Կանադայի կիբերանվտանգության կենտրոնը նախազգուշացրել է, որ «լուրջ վտանգ ներկայացնող որոշ տարրեր կարող են փորձել գողանալ հետազոտական կազմակերպությունների՝ կորոնավիրուսի հետ կապված մտավոր սեփականությունը»:

Ապրիլին Չեխիայի երկու հիվանդանոց է ենթարկվել կիբերհարձակումների, եւ այդ իրավիճակին անսպասելիորեն արձագանքել էր ԱՄՆ պետքարտուղարը: «Կոչ ենք անում այս հարձակման հեղինակին ձեռնպահ մնալ նման չարամիտ կիբերգործողություններից՝ կապված թե Չեխիայի առողջապահական համակարգի, եւ թե նման այլ ենթակառուցվածքների հետ աշխարհի ցանկացած վայրում», - ասել էր Մայք Պոմպեոն:

Տպել
2227 դիտում

Ո՞ւմ հորդորով Խաչատուրովը չեկավ ԱԺ. Ապրիլյան պատերազմի վավերագրությունը պատրաստ է, սպասենք սենսացիոն բացահայտումների

Սարդարապատ համայնքում սուբվենցիոն ծրագրի շրջանակում կտեղադրվի 10 հակակարկտային կայան

Տարիների աղետ Արկտիկայի համար. ինչ է հայտնի գետերը լցված 21 հազար տոննա նավթամթերքի մասին

Լանջազատ համայնքում գազաֆիկացման աշխատանքների կատարման համար հայտարարվել է մրցույթ

Գյումրու Սավոյան փողոցի տնակներից մեկից հեռուստացույց ու համակարգիչ են գողացել (տեսանյութ)

ԱՀ նախագահ Արայիկ Հարությունյանը խորը վշտով է տեղեկացել Սաթենիկ Սաֆարյանի մահվան մասին

Վարակը չի ստիպել վայր դնել զենքը. արյունալի հակամարտությունները շարունակվում են

ԶՈՒ ԳՇ պետ Արտակ Դավթյանն այցելել է զինվորական հոսպիտալ

Վաղը օլիմպիադաների հանրապետական փուլն է. նախարարը ծնողներին խնդրում է հեռու լինել դպրոցից և կուտակումներ թույլ չտալ

Մենք պայքարում ենք և ձեզ վերադարձնում ընտանիք, դուք էլ մեր համար պայքարեք և մեզ վերադարձրեք մեր ընտանիք. ռեանիմատոլոգ

Սահմանափակումներին վերադառնալու դեպքում տնտեսապես այդ բեռը կլինի անտանելի, բայց հարցը քննարկվում է. վարչապետ

Գերմանիայում աշխատող բժշկին գումար են առաջարկել, որ հայ հասարակության շրջանում խոսի ընդդեմ դիմակների և պատվաստանյութերի

ԱԱԾ-ն չի պատասխանում Գագիկ Խաչատրյանի ընտանիքին առնչվող քրեական գործի մասին ՀԺ-ի գրավոր հարցմանը

Կորոնավիրուսը հնարավոր չէ կանխարգելել որևէ դեղով, պաշտոնապես հայտարարում եմ. Արսեն Թորոսյան (տեսանյութ)

Կորոնավիրուսից 33-ամյա քաղաքացի է մահացել. 418 ծանր, 81 ծայրահեղ ծանր վիճակում գտնվող պացիենտ կա. Արսեն Թորոսյան

24 ժամով կասեցվել է Երեւանի Խորենացի պողոտայի վրա գտնվող ոսկու շուկայի գործունեությունը (տեսանյութ)

Կորոնավիրուսային իրավիճակը երկրում շարունակվում է լարվել. Նիկոլ Փաշինյան (ուղիղ)

Պատգամավորների կյանքին ու առողջությանն սպառնալիքներ հնչեցնելու դեպքի առթիվ քրեական գործ է հարուցվել

Վրաց քաղաքական ու հասարակական գործիչներն առաջարկում են օգնել Հայաստանին. aliq.ge

ՀՀ ֆուտբոլի հավաքականի խաղացողը կարող է հայտնվել Կիպրոսի բազմակի չեմպիոնի կազմում