Երեւանում հասարակական տրանսպորտը վերագործարկվելուց հետո 14 երթուղի նորից չի սպասարկվում

Ուղեւորահոսքի զգալի պակասի ու ֆինանսական խնդիրների պատճառով Երեւանի ավտոբուսային 2 եւ միկրոավտոբուսային 10 երթուղիներում հասարակական տրանսպորտ ժամանակավորապես չի շահագործվի: Այս մասին «Հայկական ժամանակին» հայտնեց Երեւանի քաղաքապետի խոսնակ Հակոբ Կարապետյանը՝ նշելով, որ գործունեությունը կասեցրած ընկերությունները մասնավոր են: Չեն սպասարկվում ավտոբուսային 24 եւ 37 համարի երթուղիները, իսկ միկրոավտոբուսայիններից՝ 24, 26, 27, 36, 47, 50, 52, 57, 59, 75ա, 71 եւ 114 համարները: 

Հայաստանում արտակարգ դրություն հայտարարվելուց հետո շուրջ երկու ամիս չգործած հասարակական տրանսպորտի աշխատանքը վերսկսվել էր մայիսի 18-ից: Բայց ուղեւորահոսքը փոքր է՝ կրթական հաստատությունները չեն գործում, քաղաքացիների մի մասը շարունակում է աշխատել տանը, սահմանված նստատեղերից մեծ քանակով ուղեւոր տեղափոխելու արգելքը խստորեն է պահպանվում: Դեռ երթուղի դուրս գալու առաջին օրը որոշ վարորդներ ՀԺ-ի հետ զրույցում ասել էին, որ պատրաստվում են մինչեւ երեկո աշխատել, բայց եթե նվազ ուղեւորահոսքի պատճառով օրվա վերջում գումար ընդհանրապես չմնա, այլեւս երթուղի դուրս չեն գա: Այժմ հենց այդ պատճառով էլ վերը նշված երթուղիներում տրանսպորտը դադարել է գործել:

Քաղաքապետի խոսնակի փոխանցմամբ, հասարակական տրանսպորտը ապասարկում են ե՛ւ համայնքապատկան ընկերություններ ե՛ւ մասնավորներ, ու որպեսզի խնդիրը որոշակի մեղմվի, քաղաքապետարանն առաջիկայում այդ երթուղիները կլրացնի իր ենթակայությամբ գործող ընկերությունների տրանսպորտային միջոցներով: Թե քանի ավտոբուս կամ միկորավտոբուս կաշխատի այդ երթուղիներում, դեռ պարզ չէ:

Երեւանի քաղաքապետի առաջին տեղակալ Հրաչյա Սարգսյանը հասարակական տրանսպորտի վերագործարկման առաջին օրը, անդադառնալով աննախադեպ ցածր ուղեւորահոսքին, նշել էր, որ օրվա վերջում կամփոփեն, հաջորդ օրն էլ կաշխատեն եւ դրանից հետո պարզ կդառնա, թե ինչ ճանապարհով պետք է առաջ շարժվեն: Իսկ նման պայմաններում աշխատող եւ օրվա պլանը չկատարող մասնավոր ընկերությունների վարորդների հետ կապված, Սարգսյանը նշել էր. «Մասնավոր կազմակերպություններն իրենք են որոշում իրենց գործունեության հետ կապված սահմանաչափերը»: Հակոբ Կարապետյանը հայտնեց, որ ուսումնասիրություններն ու քննարկումները դեռ ընթացքի մեջ են, սակայն մինչեւ երկուշաբթի արդեն հստակ որոշում կլինի:

Խոսնակը նաեւ հայտնեց, որ քաղաքապետարանի ենթակայությամբ գործող կազմակերպությունների աշխատակիցերը, անկախ նրանից՝ աշխատում են, թե ոչ, շարունակում են վճարվել ինչպես արտակարգ դրության սկզբի երկու ամիսներին: «Նաեւ, դրան գումարած, այդ վարորդները բոլորը աջակցություն են ստացել Կառավարությունից՝ միանվագ 68 հազար դրամ»,- ասաց նա:

Խոսնակը նկատեց՝ այս պահին ավելի շատ ուղեւորահոսքի պակաս ունենք, քան ավանդաբար եղած գերբեռնվածության վտանգ: Այս պահին հասարակական տրանսպորտը սպասարկող երթուղայինների թիվը 700-850-ի է հասնում:

Հիշեցնենք՝ պարետի որոշմամբ՝ խիստ պայմաններ են սահմանված ե՛ւ հասարակական տրանսպորտը շահագործող ընկերությունների, ե՛ւ վարորդների, ե՛ւ ուղեւորների համար: Պարետատան սահմանած նոր կանոններով խստիվ արգելվում է կանգնած ուղեւոր փոխադրելը: Խախտողների համար նախատեսված է տուգանք: Իսկ այն, որ միայն նստատեղերի քանակով ուղեվարձ ստանալը շահավետ չէ եւ հենց այդ պատճառով միշտ լուռ համաձայնությամբ թույլատրվել է երթուղայինների գերբեռնված աշխատանքը, նորություն չէ:

Տպել
1484 դիտում

Վրաերթ է տեղի ունեցել Բաղյան փողոցում. դեպքի վայրում են փրկարարները

Հունան Պողոսյանն ազատման դիմում է գրել․ օգնականը հաստատում է

Աննա Հակոբյանը հանդիպել է Արցախյան պատերազմում գերեվարված, անհետ կորած ժամկետային զինծառայողների մայրերի հետ

Ռոմանոս Պետրոսյանը Բեդրիխ Կոպեցկիի հետ քննարկել է բնապահպանության բնագավառում համագործակցության համատեղ հռչակագիրը

Աշխատանքի և սոցիալական հարցերի նախարարն այցելել է Արցախի պաշտպանության ընթացքում վիրավորում ստացած զինվորներին

Վաղարշակ Հարությունյանը կարևորել է Արցախում խաղաղապահ առաքելության իրականացման արդյունավետությանն ուղղված ՌԴ ջանքերը

Ֆուտզալի Հայաստանի հավաքականը պատրաստվում է փլեյ-օֆֆի հանդիպումներին. հայտնի է հավաքականի կազմը

Ստեփանակերտ անվճար ուղևորվող ավտոբուսները դեկտեմբերի 1-ից կվերսկսեն իրենց աշխատանքը

Մայրաքաղաքում համալրվում է էներգախնայող լուսատուներով լուսավորվող փողոցների ցանկը

«Ալաշկերտը» հաղթեց «Վանին»

Նիկոլ Փաշինյանը հեռախոսազրույց է ունեցել Միխայիլ Միշուստինի հետ․ ԵԱՏՄ նիստը կիրականացվի հեռահար եղանակով

Հայաստանի հավաքականի 4 ֆուտբոլիստ դարձավ Ղազախստանի առաջնության մրցանակակիր, Յուրչենկոն հեռացավ «Շախտյորից»

Շաքարավազի, ձեթի, կարագի թանկացումն առավելապես պայմանավորված է օբյեկտիվ գործոններով. ՏՄՊՊՀ

Մայրաքաղաքում 500 վերելակներից 251-ն արդեն տեղադրված են

ԵԱՏՄ միջկառավարական խորհրդի նիստը կանցկացվի առցանց. Փաշինյանը Մոսկվա չի մեկնի

Թուրքիայի և Ադրբեջանի կողմից ահաբեկչական խմբավորումներին ֆինանսավորելու դեպքի առթիվ քրգործ է հարուցվել․ դատախազություն

Վահե Ղազարյանը շնորհավորական ուղերձ է հղել Արցախի Հանրապետության ոստիկանության օրվա առթիվ

Առաջարկվում է լուծարել «Մարալիկի առողջության կենտրոն» ՓԲԸ մանկաբարձագինեկոլոգիական բաժանմունքը

Նիկոլ Փաշինյանի մոտ իրավապահ համակարգի ղեկավարների մասնակցությամբ խորհրդակցություն է տեղի ունեցել

Ավարտվել է շուրջ 100 հետիոտնային անցումների լուսավորման ծրագիրը