Գաղափար կա, որ դիմակները ավտոմատ ապարատների միջոցով հանրային վայրերում վաճառենք․ Գեւորգյան

Դիմակների հետ կապված շուկայում ծագած խնդիրների ուսումնասիրությունն ավարտել ենք։ Այս մասին այսօր ՀՀ Ազգային ժողովում ասաց Տնտեսական մրցակցության պաշտպանության պետական հանձնաժողովի նախագահ Գեղամ Գեւորգյանը՝ անդրադառնալով «Իմ քայլը» խմբակցության պատգամավոր Նազելի Բաղդասարյանի հարցին, թե ի՞նչ ուսումնասիրություններ կան շուկայում, արդյոք ոչ բարեխիղճ մրցակցություն կա՞։

«Վաղը կարծում եմ՝ հանձնաժողովի հերթական նիստի օրակարգում ընդգրկված է գերիշխող դիրքի չարաշահման եւ հակամրցակցային համաձայնության փաստի հիմքով վարույթի հարուցումը։ Հետեւյալ երեւույթն է տեղի ունեցել. մենք վերցրել ենք դեկտեմբերից մինչեւ մայիս ժամանակահատվածը, համեմատել ենք բոլոր մեծածախ եւ մանրածախ վաճառք իրականացնող խոշոր 7 ընկերությունների մարժաները եւ գնային քաղաքականությունները։

Նախ ներկրման արժեքը մոտ 10 անգամ թանկացել է, բայց, բացի դրանից, մի հատ մեծածախ ձեռքբերում է իրականացվում, որտեղ մարժա է գումարվում, մի հատ էլ մանրածախ վաճառքի կետում է մարժա կիրառվում»,- ասաց Գեւորգյանը։   

Նրա խոսքով՝ այդ մարժաների չափը ՏՄՊՊՀ-ին անհանգստացրել է, եւ դրա հիման վրա ուսումնասիրություն են անցկացրել. «Բայց ուզում եմ մի բան հստակ նշել՝ հանձնաժողովը չի կարող ուղղակի 1, 2, 3 օրվա ընթացքում դա անել։ Մենք ուսումնասիրում ենք ամբողջ շուկան, որպեսզի պատկերացնենք տնտեսվարող սուբյեկտի տեղադիրքը, ՊԵԿ տվյալներն ենք վերցնում, քանի որ մասկարադի դիմակը, բժշկական եւ ոչ բժշկական դիմակը նույն կոդով են գալիս, փաստացի նայում ենք բոլոր դեղատնային ցանցերում տեղի ունեցող իրավիճակը, այդ թվում՝ մարզերում։ Այս բոլոր տվյալների հաշվարկ է իրականացվում, աշխարհում տեղի ունեցող տնտեսությունն ենք նայում, եւ այդ փաստերի համադրության հիման վրա, եթե առաջանում է վարույթի հիմք, վարույթ է հարուցվում»։

ՏՄՊՊՀ նախագահն ընդգծեց՝ այդքան ուսումնասիրության պատճառն այն է, որ այս իրավախախտումը չափազանց ծանր է, եւ պատասխանատվությունը չափազանց մեծ է։ Նախորդ տարվա ամբողջ շրջանառության հասույթի մինչեւ 10 տոկոսը, ընդ որում, եթե փոխկապակցված են տնտեսվարող սուբյեկտները, այդ բոլորի կոմուլյատիվ հասույթի մինչեւ 10 տոկոսը. «Ինչը նշանակում է, որ պետք է լինենք շատ պատրաստված եւ շատ ճշգրիտ հաշվարկներ իրականացնենք»։

Նա անդրադարձավ նաեւ միջազգային գներին. «Միջազգային գներն էլ կարող եմ ասել. Ռուսաստանում դիմակը Հայաստանից թանկ է, Վրաստանում Հայաստանից էժան է մի փոքր։ Հայաստանում ամենաբարձր դիմակի գինը 220 դրամ է, ամենահասարակ դիմակի մասին է խոսքը, ամենալայն սպառման դիմակներն են դրանք։ 2 արտադրություն կա, դրանց ձեռքբերման ինքնարժեքն ենք հաշվել։ Մի արատավոր երեւույթ. ՀՀ-ում արտադրված դիմակը տնտեսվարողները ձեռք են բերում մեծածախ, հետո վաճառում են դեղատներին, այսինքն՝ 2 մարժա է կիրառվում»։

Խոսելով դիմակի գների հարցով իրենց կողմից իրականացվող քայլերի մասին՝ Գեւորգյանն ասաց. «Պարետատան նիստում երեկ քննարկել ենք, եւ գաղափար կա, որ դիմակները ավտոմատ ապարատների միջոցով հանրային վայրերում վաճառենք, եթե դա ֆիզիկապես հնարավոր կլինի, այսօր այդ քննարկումը կանենք։ Այս պարագայում կարծում եմ՝ մոտ 100 դրամով դիմակի գինը կիջնի, քանի որ միջնորդներն ուղղակի դուրս կգան»։  

Տպել
919 դիտում

Սուրբ Սոֆիայի տաճարին մզկիթի կարգավիճակ տալով թուրքական իշխանությունները վերահաստատեցին այլատյաց կեցվածքը. ԱՀ նախագահ

Կորոնավիրուսի 489 նոր դեպք և 710 առողջացած, մահացել 13 քաղաքացի, եւս 3-ը՝ այլ հիվանդությունից

Հաստատվել է Ակտաու-Երևան «SCAT» ավիաընկերության DV 5077 չարտերային չվերթը.այն կկայանա վաղը՝ հուլիսի 12-ին

ՃՏՊ Գրիգոր Հասրաթյանի փողոցում. կա 2 տուժած (լուսանկարներ)

Քաղաքացին ընկել է Աղձք գյուղի ջրանցքը

Հրդեհ է բռնկվել Նարեկ և Դարակերտ գյուղերի միջնամասում

Ալագյազ-Ապարան ավտոճանապարհին մեքենաներ են բախվել. 37-ամյա տուժածը հոսպիտալացվել է

ՀՀ տարածքում ավտոճանապարհներն անցանելի են

Օտար լեզվի քննության ժամանակ արձանագրվել է արտակարգ դրության իրավական ռեժիմի կանոնների խախտման 27 դեպք

Ոչ մեկը հստակ չի կարող ասել, Նարեկը ուր է, սահմա՞նն է անցել, թե՞ ինչ-որ դեպք է տեղի ունեցել

Ամեն անգամ նմանատիպ դեպքերը մեզ համար կարծես նորություն են, դասեր չենք քաղում․ Մարտիրոսյանը՝ «Յուքոմ»-ի խափանման մասին

Փարիզի Աստվածամոր տաճարը հրդեհից հետո կվերականգնվի նախկին ճարտարապետությամբ

30-ամյա Նարեկ Սարդարյանը որոնվում է որպես անհետ կորած

«Աջարաբեթ»-ի գրասենյակում պայթուցիկ սարք չի հայտնաբերվել

Ռուսաստանը հուլիսի 15-ից վերսկսելու է միջազգային ավիահաղորդակցությունը. ով կարող է մեկնել ՌԴ եւ ինչպես

Նրա գմբեթը բավական մեծ էր բոլորի համար. Գարո Փայլանն անդրադարձել է Սուրբ Սոֆիայի տաճարը մզկիթի վերափոխելու որոշմանը

«Է»-ն լեզվի «փողկապ»- ն է, երբ այն չկա, մարդը բարեկիրթ չէ. Վիկտոր Կատվալյան

Գերդրամատիկ խաղում «Նոան» առաջին անգամ Հայաստանի ֆուտբոլի գավաթակիր դարձավ

Կարեն Վարդանյանի հոգեհանգիստը տեղի կունենա հուլիսի 12-ին, Նոր Նորքի 5-րդ զանգվածի Սբ. Սարգիս եկեղեցում

12 մլն դրամ, 8000 դոլար, կենսաթոշակ ոստիկանությունից․ Սյունիքի մարզպետ Հունան Պողոսյանի հայտարարագիրը