Երևան
16 °C
Հայաստանի բասկետբոլի ֆեդերացիան այս մարզաձեւի ամենահայտնի լիգայի՝ NBA-ի հետ բանակցությունների արդյունքում մանկապատանեկան մրցաշար անցակցնելու բացառիկ հնարավորություն է ստացել: Խոսքը մինչեւ 14 տարեկանների մրցաշարի մասին է, որը, այսպես ասած, օգտագործելու է NBA-ի հեղինակությունը, ունենալու է նույնքան թիմ, որքան NBA-ը, այդ թիմերը կրելու են նույն անվանումները եւ խաղալու են նույն ձեւաչափով: Սա նաեւ կրթական ծրագիր է, որի ընթացքում երեխաների ու մարզիչների հետ սեմինարներ են անցկացնելու հրավիրված մասնագետներ: NBA-ի մասնակցությամբ նման նախագիծ իրականացվում է աշխարհի շուրջ 60 երկրներում «Հայկական ժամանակ»-ի հետ զրույցում ՀՀ Բասկետբոլի ֆեդերացիայի գլխավոր քարտուղար Արթուր Նազարյանը ներկայացրեց մանրամասները՝ նշելով, որ Հայաստանի համար սա կարող է շատ կարեւոր լինել մասսայական սպորտը զարգացնելու առումով:
-Պատանեկան NBA անցկացնելու առաջարկ է: Այդ ծրագիրը միտված է պատանեկան բասկետբոլի զարգացմանը: Մինչեւ 14 տարեկան երեխաների համար է: NBA-ը, լինելով բասկետբոլային ամենահայտնի լիգան, նման ծրագիր է իրականացնում մի շարք՝ այդ թվում մեր հարեւան երկրներում՝ Վրաստանում եւ Ադրբեջանում: Մոտ 60 երկրներում նման ծրագիր կա: Ծրագիրն իրենից ներկայացնում է 30 մարզադպրոցներ կամ ակումբներ, որոնք ստանում են NBA-ի այսօրվա մասնակիցների անունները, ըստ աշխարհագրական դիրքի՝ կոնֆերենցիաների են բաժանվում, խաղում են ու միաժամանակ նաեւ կրթվում են տարբեր առաջատար մասնագետների գլխավորությամբ: NBA-ը նաեւ զբաղվում է կազմակերպչական մի շարք հարցերով, գործուղում է մասնագետների, որ ներկա լինեն, առաջնորդեն ծրագիրը: Այս ծրագիրն ստացել ենք հայկական լոբինգի շնորհիվ: Երկար ժամանակ խոսում էինք, որպեսզի NBA-ը պատրաստակամություն հայտնի Հայաստանում էլ նման ծրագիր իրականացնելու, բայց Հայաստանը՝ պետությունն էլ իր հերթին պետք է պատրաստակամություն ունենա, որովհետեւ միայն Հայաստանի Բասկետբոլի ֆեդերացիայի միջոցներով հնարվոր չի լինի: Մյուս երկրների փորձից կարող եմ ասել, որ պետությունը եւս մասնակցում է: Սա բավական լուրջ ծրագիր է, նաեւ մեծ նշանակություն ունի կրթական տեսանկյունից, որովհետեւ համակարգ է ներդրվելու, որը տասնամյակներ ծառայելու է տվյալ երկրի սպորտին:
-Որքանո՞վ է NBA-ը մասնակցում կառավարմանը:
-NBA-ը խիստ հետեւում է, որպեսզի պատշաճ իրականացվի, քանի որ իր անունն է օգտագործվում: Մասնակցում է կառավարմանը, բայց, թե որ երկիրը ինչպես կիրականացնի, կախված է երկրից: Նրանց մեթոդները, աշխատելաոճն է կիրառվում, փորձը, որը լավագույնն է աշխարհում: Այդ ամենը, որքանով հնարավոր է, փոխանցվում է մեզ, եւ թե մենք դա ոնց կօգտագործենք, արդեն մեզանից է կախված:
-Մենք ունե՞նք համապատասխան ենթակառուցվածքներ այդ մրցաշարի համար:
-Խոսքը մինչեւ 14 տարեկանների մասին է: Այստեղ կարեւոր չէ, որ 5-հազարանոց դահլիճ լինի: Կարեւորն այն է, որ լինեն թիմեր, մարզադպրոցներ, որոնք ի վիճակի են Ա կետից գնալ Բ կետ ու խաղալ: Պարզ է՝ իրենց ահագին կօժանդակենք գույքով, գնդակներ, մարզահագուստ կտրամադրենք, բայց մենք, օրինակ, չենք կարող մարզերի թիմերին ֆինանսավորել: Մենք մի քանի մարզադպրոցների հետ խոսել ենք, բյուջե չունեն նման միջոցառումների մասնակցելու համար: Այդ դեպքում արդեն պետության աջակցության կարիքը կա: Օրինակ, ես որքան տեսել եմ մյուս երկրներում, բոլորն ինչ-որ աջակցություն են ստանում թեկուզ տեղական ինքնակառավարման մարմիններից, թեկուզ տարբեր օղակներով, որպեսզի կարողանան մասնակցել: Եթե մասնակցեն, մենք արդեն կապահովենք ամեն հնարավոր պայմաններով: Իսկ ինչ վերաբերում է մարզադահլիճներին, հասարակ մարզադահլիճներում էլ կարող ենք խաղեր անցկացնել: Հատուկ պահանջներ չկան: Այո՛, եզրափակիչ փուլը կփորձենք այնպես անել, որ լավ մարզադաշտում լինի, բայց այս պահին ինչ կա, բավականացնում է:
-Քանի՞ մարզադպրոցներ կան, որ ուզում են մասնակցել, որ կարող են:
-Տոկոսային հարաբերակցությամբ չեմ կարող ասել, բայց այսպես ասեմ՝ պետական մարզադպրոցների բյուջեն պետք է ավելացվի, որ կարողնանան: Պետականներից ոչ մեկը պատրաստ չէ: Իսկ մասնավոր խմբակները հիմնականում պատրաստ են որոշ չափով, որովհետեւ երեխաները վճարում են ու ցանկությունն էլ մեծ է, որ հնարավորինս շատ իրադարձությունների մասնակցեն: Պետականներն անվճար են, ու ամեն ինչ կախված է տվյալ մարզադպրոցի տարեկան ֆինանսավորումից: Մենք փետրվարին դիմել ենք Կրթության, գիտության, մշակույթի եւ սպորտի նախարարությանը, բայց դեռ արձագանք չկա: Առաջիկա օրերին եւս մեկ անգամ ենք դիմելու արդեն գրավոր: Հանդիպում է եղել, որի ժամանակ առձեռն ենք տվել ծրագիրը, հիմա մենք արդեն էլեկտրոնային տարբերակով ենք դիմելու: Հույս ունեք, որ 2-րդ անգամ գոնե կարձագանքեն, որ իմանանք մեր անելիքները, որովհետեւ սա եզակի հնարավորություն է: Հայաստանում մասսակայան սպորտը զարգացնելու համար սա շատ լավ է, որովհետեւ բազմաթիվ մասնագետներ կգան՝ երեխաների հետ աշխատելու, բազմաթիվ հնարավորություններ են բացվելու, ու շատ ափսոս կլինի, որ մենք կտրվենք սրանից: Այսօր աշխարհում շատ երկրներ սրանից օգտվում են: Սա կարելի է ներկայացնել որպես սպորտային-կրթական ծրագիր, որովհետեւ մեծ քանակությամբ երեխաներ են ներգրավվում:
-Բացի կառավարման մեջ ներգրավված լինելուց՝ NBA-ն այլ մասնակցություն ունենալո՞ւ է: Օրինակ, ֆինանսական աջակցություն ցույց տալո՞ւ է:
-Գումարի տեսքով չի տալու, բայց մասնագետների գալն իրենք են ֆինանսավորելու, մարզահագուստի առումով էլ կօգնեն: Ինչ վերաբերում է գումարին, կախված է նրանից, թե տվյալ միջոցառումն ինչ արձագանք կստանա: Եթե մարքետինգից էլ գումարներ լինեն, NBA-ը պատրաստ է դա եւս տրամադրելու Հայաստանին: Եթե հայտնվեն հովանավորներ, որոնք պատրաստ են աջակցել, բնականաբար այդ գումարներն էլ կուղղվեն մանկապատանեկան սպորտի զարգացմանը:
-Մրցաշարի ձեւաչափի մասին նշեցիք, որ 30 թիմ է լինելու ու կոնֆերենցիաների են բաժանվելու: Ինչպիսի՞ն է լինելու այդ բաժանումը, աշխարհագրությունը:
-Մարզերում կան թիմեր: Օրինակ, կարող են լինել հյուիսային եւ հարավային կոնֆերենցիաներ, Գյումրիի, Արթիկի, Վանաձորի ու Երեւանի որոշ թիմեր կարող են լինել հյուիսում, Արարատը, Երեւանի որոշ թիմեր, Գորիսը, Կապանը՝ հարավայինում: Կան, եթե միջոցներ լինեն, 30 թիմ կհավաքվի, որովհետեւ սա այն տարիքն է, որ շատ երեխաներ են զբաղվում բասկետբոլով:
-Հովանավորներ փորձո՞ւմ եք գտնել:
-Հովանավորներին ծրագիրն այնքան էլ չի հետաքրքրում, որովհետեւ սա սոցիալական հարց է: Մանկապատանեկան սպորտը զարգացնելը հովանավորներին չի հետաքրքրում, նրանք հետաքրքրված են կոմերցիոն բնույթի միջոցառումներով, որոնք հիմնականում մեծահասակների մասնակցությամբ են, ու դժվար է այսպիսի ծրագրերի համար աջակիցներ գտնել: Դիմել ենք մի շարք բարերաների, կազմակերպությունների, բայց առայժմ արձագանք չկա:
-Ընդհանրապես ինչպիսի՞ն է Հայաստանում բասկետբոլի նկատմամբ հետաքրքրությունը հատկապես այդ տարիքի երեխաների շրջանում:
-Հետաքրքրությունը մեծ է: Մարզադահլիճները եթե շատանան, կշատանան նաեւ մարզվողները մանավանդ փոքր տարիքում: Մինչեւ 18 տարեկան բավական մեծ է հետաքրքրությունը: Հետո բանակի հարցն է գալիս, որը հասկանալի պատճառներով արդեն մեզնից չի կախված:
-Կրթական առումով սա ի՞նչ է տալու:
-Նախ սպորտային տեսանկյունից են կրթվում՝ որպես մարզիկ: Բացի այդ՝ այս ամբողջն իրականացվելու է անգլերենով: Այսինքն՝ շատերի համար հնարավորություն կլինի նաեւ անգլերենն ավելի լավ յուրացնելու համար: Զուգահեռ մի շարք օգտակար միջոցառումներ կլինեն թե՛ մարզիչների, թե՛ խաղացողների համար: Մարզիչների համար առանձին դասընթացներ են նախատեսվում:
-Անգլերեն լավ չիմանալը խոչընդոտ կլինի՞ երեխայի կամ մարզչի համար:
-Ո՛չ, ուղղակի անգլերենի վրա էլ շեշտը կդրվի, որ բարելավեն: Անգլերենի իմացության պահանջ չկա:
-Էլ ի՞նչ կտա սա Հայաստանին:
-Հեղինակության առումով շատ կարեւոր է, որովհետեւ, ինչպես նշեցի, արդեն մի շարք երկրներում այս ծրագիրն իրականացվում է, ու մենք հետ չենք մնա աշխարհի առաջատար երկրներից: Գումարած, մեր սպորտի մասսայականացման համար սա շատ օգտակար ու կարեւոր է, որովհետեւ ասեմ, որ այսօր դպրոցականների 70%-ը բուհ է ընդունվում առողջական տարբեր խնդիրներով: Շատ կարեւոր է, որ այսօր հնարավորինս շատ դպրոցականներ զբաղվեն սպորտով:
-Ի՞նչ քայլեր պետք է նախաձեռնի նախարարությունը:
-Կան մի շարք հարցեր, որոնք պետք է քննարկենք, դրանք թե՛ մարզադպրոցների հետ են կապված, թե՛ տեղական ինքնակառավարման մարմինների: Օրինակ, կան մարզական օբյեկտներ, որոնք պատկանում են պետությանը եւ որոնցից օգտվելը թանկ հաճույք է: Դրանց տրամադրումն էլ կարող է աջակցության մի մաս լինել:
-Եթե նախարարությունը չօգնի, ծրագիրը չի՞ իրականանա:
-Ամենայն հավանականությամբ չի իրականանա, որովհետեւ մեր ֆեդերացիայի բյուջեն բավական սուղ է նման միջոցառումներ իրականացնելու համար: Չմոռանանք, որ բասկետբոլը թիմային մարզաձեւ է, ու մենք բազմաթիվ անհատական մարզաձեւերից քիչ ենք ֆինանսավորվում:
-Մինչեւ ե՞րբ ժամանակ ունեք NBA-ին պատասխան տալու՝ Հայաստանը կկազմակերպի այդ միջոցառումը, թե ոչ:
-Մենք պետք է ամռանը պատասխանենք, ինչ-որ կերպ արձագանքենք, որովհետեւ բավական ծավալուն ծրագիր է: Եթե ամեն ինչ հաջողվի, կփորձենք 2021 թվականից իրականացնել:
Բրյուսելում կայանալիք հանդիպումը ինչի կարող է դրդել Հայաստանին․ ինչ է հայտարարել Ադրբեջանի ԱԳՆ-ն
Արտույտի ապօրինի որս է կատարվել․ ԲԸՏՄ-ն առգրավել է որսագողերի զենքերը
Վարչապետն ընդունել է Հայաստանի ամերիկյան համալսարանի նախագահին․ անդրադարձ է կատարվել ծրագրերին և նախաձեռնություններին
Crocus City Hall-ի ահաբեկչությունից հետո պատահաբար այնտեղ հայտնված և մարդկանց փրկած 35-ամյա Կարեն Ենգիբարյանը մահացել է
Կրակը մարելուց հետո այրված շինությունում տղամարդու դի է հայտնաբերվել
Նարեկ Մանթաշյանին նոր մեղադրանք է առաջադրվել
Զինծառայողն ինքնասպան է եղել համածառայակիցների և իր ոչ կանոնադրական հարաբերությունների պատճառով․ վարույթը դատարանում է
Վասիլիս Մարագոսը վերահաստատել է ԵՄ աջակցությունը արդարադատության ոլորտի բարեփոխումներին
Հայուհի Վարսեն Աղաբեկյանը Պաղեստինի արտաքին գործերի նախարար է նշանակվել (լուսանկար)
Աննա Հակոբյանը մասնակցել է «Փրկություն» հաշմանդամ երիտասարդների կենտրոնի շահառուների ներկայացմանը (լուսանկարներ)
Մոսկվայում կարծում են, թե ՀՀ-ում 102-րդ ռազմաբազայի առկայությունը Հայաստանի ինքնիշխանության միակ իրական երաշխիքն է
Մահացել է Crocus City Hall-ի ահաբեկչությունից տուժած ևս մեկ մարդ․ զոհերի թիվը հասել է 144-ի
Ucom-ի գլխավոր տնօրենը ելույթ է ունեցել աշխատաշուկային նվիրված համաժողովին
Արաբկիրում կառուցապատող ընկերությունը հարկեր չվճարելու նպատակով պայմանագրերում պակաս է նշել բնակարանների իրական արժեքը
Սպառնացել է վնասել մեքենան, ավելի ուշ կրակել է ավտոտեխսպասարկման կետի ուղղությամբ․ 32-ամյա տղամարդը կալանավորվել է
Ռուբլին էժանացել է․ ինչ փոփոխություններ է արձանագրել տարադրամի շուկան մարտի 29-ին
Հայաստանն ԱՄՆ-ի ու Եվրամիության հետ անվտանգային հարցեր չի քննարկելու. Ստանո
Ինչո՞ւ ադրբեջանական լրատվամիջոցը չի հրապարակել Արայիկ Հարությունյանի հետ հարցազրույցը
Ամերիաբանկը ճանաչվել է 2024 թ-ի լավագույն բանկը Հայաստանում ըստ Global Finance ամսագրի
«Վանաձոր» ՔԿՀ-ի 17 ծառայողի նկատմամբ կիրառվել է կարգապահական տույժ
«Crocus City»-ի գործով Տաջիկստանում ձերբակալվել է 9 մարդ
Տեղի է ունեցել ՀՀ պաշտպանության նախարարին կից կոլեգիայի նիստ (լուսանկարներ)
Շիրակում գործում է պետական ծառայությունների անվան տակ գործող ինքնակոչների խումբ. Կարեն Սարուխանյանը զգուշացնում է
Ալեքսեյ Սանդիկովը կգործուղվի Մոսկվա
Ծանրամարտի աշխարհի առաջնությունը տեղի կունենա Երևանում. Հայաստանի հայտը ճանաչվել է լավագույնը
ԱԺ պատգամավորները կգործուղվեն Բեռլին
5 հայ ծանրորդ կմեկնի Թայլանդ՝ մասնակցելու վարկանիշային աշխարհի գավաթին
Հայաստանում տեղումների դադար է, ջերմաստիճանը կբարձրանա 8-10 աստիճանով
«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել
200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության
Սյունիքի մարզում դատավոր է նշանակվել
Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները
Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում
Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում
Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)
Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք
«Երևան ավտոբուս» ընկերության տնօրենն աշխատանքից ազատման դիմում է ներկայացրել
Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում
Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին
Կարեն Գիլոյանը հետևել է հեծանվուղու և մարզադպրոցի կառուցման աշխատանքներին
© 2024 Հայկական ժամանակ