Երևան
12 °C
Խարբերդի Ամառանոցներ թաղամասի 2-րդ փողոցում ապրող մի երեխա՝ յոթամյա Ա.-ն, հոր եւ տատի կողմից պարբերաբար ենթարկվում է բռնությունների, որպես պատիժ՝ նրան քնեցնում են բետոնե հատակին. այս մասին ահազանգ է հնչեցրել «Երազանքի ճանապարհով» հասարակական կազմակերպությունը՝ ներկայացելով երկու տեսանյութ:
Առաջին տեսանյութում երեւում են հակահիգիենիկ պայմանները, որոնցում ապրում է ընտանիքը, երեխան ցույց է տալիս հատակի այն հատվածը, որ իր «անկողինն է»՝ մի քրքրված, փոշոտ ծածկոց ու երկու կեղտակուր բարձ բետոնե հատակին: Սենյակի մյուս անկյունում երեւում է մի ուրիշ մահճակալ, որի վրա շորեր են կիտված. ՀԿ-ի ներկայացուցիչների խոսքից պարզ է դառնում, որ երեխան կարող էր քնել այդ մահճակալին, սակայն «դաստիարակչական նպատակներով» նրան քնեցրել են չոր հատակին: Պայմանները դիտարկելու եւ օժանդակություն հատկացնելու նպատակով այս ընտանիքին այցելած ՀԿ-ի ներկայացուցիչների խիստ, երբեմն էլ՝ անթույլատրելի զգացական քննադատությանը, անեծքներով համեմված արտահայտություններին երեխայի մայրը, ում գրկում մոտ երեք տարեկան երեխա կա, հակադարձում է դանդաղ, դժվարությամբ. այցելուները նշում են՝ նա կրկին ալկոհոլի ազդեցության տակ է: Սենյակի հատակին աղտոտ տոպրակներ են, դրանց մեջ երեւում են խառնիխուռն լցված շորեր, հատակին թափթփված են շորեր ու կոշիկներ, փոքրիկ սեղանի վրա՝ լի կեղտոտ սպասք:
Երկրորդ տեսանյութում կազմակերպության աշխատակիցները ուտելիք են տալիս երեխայի տատին, եւ վերջինս թույլատրում է, որ այս օտար մարդիկ երեխային տանեն՝ իբրեւ կենդանաբանական այգի եւ ինչ-որ «անալիզներ հանձնելու»: Տնից դուրս գալուց ու ավտոմեքենայի մեջ նստելուց հետո կազմակերպության ղեկավար Հերմինե Անդրյանը պատմում է, որ իրենք հաճախ են այսպես կաշառում տատիկին՝ երեխային իրենց հետ վերցնելու համար, իսկ երբ հետ են բերում երեխային, անհանգիստ են լինում նրա կյանքի, առողջության, անվտանգության համար: Նա մի քանի անգամ կրկնում է, որ դիմել է բազմաթիվ ատյաններ՝ Ազգային ժողովի պատգամավորների, աշխատանքի եւ սոցիալական հարցերի նախարարություն, ոստիկանություն, Մարդու իրավունքների պաշտպանին, սակայն երեխայի խնդրի վրա ուշադրություն հրավիրել չի հաջողվում: «Ես եմ գալիս, սենց խաբում եմ, էրեխուն վերցնում՝ մի երկու օր պահեմ, որ չծեծեն, մի քիչ հանգստանա: Հետո ոստիկանությունը զանգում ասում ա՝ հետ տար»,- նշում է Անդրյանը՝ խնդրելով, որ ամեն ոք օգնի իր հնարավորության սահմաններում՝ այս երեխայի անվտանգության խնդիրը լուծելու համար: Նա ընդգծում է՝ գիտակցում է, որ օրինականության տեսանկյունից իր արարքը ճիշտ քայլ չէ, սակայն անտարբեր մնալ եւ երեխային գոնե երբեմն հանգիստ ապրելու հնարավորություն չտալ չի կարողանում. «Օգնեք, եթե կարող եք: Ես պատրաստ եմ որդեգրել էրեխուն, երկուսը չունենամ, երեքը ունենամ, կպահեմ, մենակ թե չմնա էս ահավոր վիճակում»,- ասում է կինը:
«Հայկական ժամանակ»-ի հետ զրույցում երեկ Հերմինե Անդրյանն ասաց, որ տեսանյութում ներկայացված խնդիրները միայն մի փոքր մասն են այն ամենի, որ առկա են այս ընտանիքում: Նրա խոսքով՝ խորթ հայրը բավական կոշտ բնավորությամբ մարդ է, որից պետք է զգուշանա ոչ միայն երեխան, այլեւ մեծերը, անծանոթները, քանի որ «չգիտես՝ ինչպես կարձագանքի»: Բռնությունն ու հարբեցողությունն ընտանիքի առօրյան են, երեխան զրկված է դպրոց գնալու հնարավորությունից: «Քանի անգամ հարցրել եմ՝ ինչու չի գնում դպրոց, մայրն ասել է՝ շոր չունի: Շորեր ենք նվիրել, մյուս անգամ գնացել տեսել ենք՝ ծախել են, էլի ոչ մի բան չունի»,- ասաց նա:
Հերմինե Անդրյանի խոսքով՝ նվիրել են նաեւ սառնարան ու գազօջախ, սակայն ընտանիքը վաճառել է նաեւ կենցաղային տեխնիկան, ու հերթական այցի ժամանակ իրենք նորից արձանագրել են այս աղքատիկ ու հակահիգիենիկ վիճակը: ՀԿ-ի ղեկավարը երեկ հրավիրվել էր ոստիկանություն՝ իր արձանագրած այս դեպքի մասին ցուցմունք տալու:
Ոստիկանության հասարակայնության հետ կապի եւ լրատվության վարչությունից տեղեկացանք, որ երեխան երեկ տեղափոխվել է երեխաների աջակցության կենտրոն: «Երեկվանից ոստիկանությունը զբաղվել է այս դեպքով. փաստի առթիվ նյութեր են նախապատրաստվում, երեխայի ծնողների նկատմամբ կիրառվել է անհետաձգելի միջամտություն 20 օր ժամկետով (երեխային չտեսնելը), վերջիններս ոստիկանության տարածքային բաժնում վերցվել են հաշվառման»,- նշեց ոստիկանության հասարակայնության հետ կապի եւ լրատվության վարչության պետի տեղակալ Էդգար Ջանոյանը:
Մեր տեղեկություններով՝ երեխան տեղափոխվել է Երևանի «Զատիկ» երեխաների աջակցության կենտրոն:
«Հայկական Ժամանակ»-ը Telegram-ում
Երկրում ռեժիմի փոփոխությունը բացառվում է, նոր գերագույն առաջնորդ կընտրվի 1-2 օրվա ընթացքում. Արաղչի
Բավրայի մաքսային անցակետը բաց է բոլոր տրանսպորտային միջոցների համար․ ՊԵԿ
Իրանը հրթիռներով հարձակում է ձեռնարկել ամերիկյան «Abraham Lincoln» ավիակրի վրա. IRIB
ԱՄԷ-ից ՀՀ քաղաքացիները կարող են տարհանվել Օմանի տարածքով. ԱԳՆ-ն հայտարարություն է հրապարակել
Հասանք Ալավերդի. ՀՀ վարչապետը տեսանյութ է հրապարակել
Ավտովթար Երևան-Մեղրի ճանապարհին. կան տուժածներ
Իրանի նախկին նախագահ Մահմուդ Ահմադինեժադը սպանվել է. INLA
Այո, մենք կարող ենք կարկանդակ ուտել, որովհետև մենք խաղաղություն ենք հաստատել. Ռուբինյանը՝ ընդդիմությանը
Էս մարդու աղջիկը չպետք է մանկապարտեզում աշխատի. մնացել էր տնօրենի պապան գար, պահանջեր նշանակել. վարչապետ
Քաղաքացիական պաշտպանության համակարգի զարգացումը ՆԳ նախարարության գերակա ուղղություններից է. Արփինե Սարգսյան
Օմանի ափերի մոտ նավթատար է խորտակվում. այն խոցել է Իրանը. տեսանյութ
ՀՀ վարչապետի և ՔՊ կուսակիցները այցը Տավուշ շարունակվում է. կանգառներ՝ Ոսկեպարի եկեղեցում ու Նոյեմբերյանում
ՌԴ քաղաքացիները կարող են լքել Իրանը Հայաստանի տարածքով. դեսպանատուն
Մարտի 1-ը նշվում է որպես Քաղաքացիական պաշտպանության միջազգային օր․ ՆԳՆ ՓԾ տնօրենի ուղերձը
Դուբայում հրդեհվել է ԱՄՆ Կենտրոնական հետախուզական վարչության կողմից օգտագործվող շենքը. տեսանյութ
Սփյուռքի գործերի գլխավոր հանձնակատարի գրասենյակը գործարկել է թեժ գիծ
Զոհերի շրջանում ՀՀ քաղաքացիների վերաբերյալ տվյալներ չկան. ԱԳՆ-ն՝ Մերձավոր Արևելքում ստեղծված իրավիճակի մասին
Իրանի Ջամկարան մզկիթի վրա բարձրացվել է վրեժխնդրության կարմիր դրոշը. տեսանյութ
Ինչպես են սպանվել Ալի Խամենեին ու նրա ընտանիքը, և ինչպես է ղեկավարվելու Իրանը՝ մինչև նոր առաջնորդի նշանակում
Թոշակը կբարձրանա գնաճին զուգահեռ. վարչապետն ընդունել է առաջարկը՝ որքան գնաճ, այդքան թոշակի բարձրացում
Իրանը հարվածել է Էրբիլում գտնվող ԱՄՆ ավիաբազային
Հասանք Իջևան. վարչապետը տեսանյութ է հրապարակել
Իրանում հաստատել են՝ սպանվել է ԶՈՒ գլխավոր շտաբի պետը
ԱՄՆ-ն և Իսրայելը այրել են Իրանի ժողովրդի սիրտը, մենք կայրենք նրանցը․ Լարիջանի
ՀՀ վարչապետը Դիլիջանից տեսանյութ է հրապարակել
Մենք Իրանին կհարվածենք այնպիսի ուժով, որը նախկինում երբեք չեն տեսել. Թրամփ
Իրանում սգում են Ալի Խամենեիի մահը. տեսանյութ
Նախաճաշ. ՀՀ վարչապետն ու ՔՊ թիմն ուղևորվել են Տավուշ և Լոռի
Ընդլայնված կազմով աշխատանքային քննարկում ՀԷՑ-ում. առանցքում նոր կառուցվող շենքերի բաշխման ցանցի խնդիներն են
Դուբայի օդանավակայանը ենթարկվել է Իրանի կողմից ԱԹՍ հարձակման. ինչ իրավիճակ է այնտեղ այժմ. տեսանյութ
Թող խաղաղություն լինի, մենք էլ սենց կատակներ անենք. քաղաքացու պատգամը՝ Միրզոյանի հետ հանդիպման ժամանակ
Արաբական Միացյալ Էմիրություններից և Կատարից դեպի Հայաստան 6 չվերթ չի կայանա
Իրանը հաստատել է պաշտպանության խորհրդի քարտուղարի և ԻՀՊԿ-ի հրամանատարի զոհվելու փաստը
Վարչապետը հարգանքի տուրք է մատուցել 2008 թ. մարտի 1-ի զոհերի հիշատակին. լուսանկարներ
Իրանի գերագույն առաջնորդ Ալի Խամենեին սպանվել է. երկրում 40-օրյա սուգ է հայտարարվել
Իրանում տեղի ունեցող իրադարձությունների համատեքստում տեղի է ունեցել ԱԽ նիստ. վարչապետը տվել է հանձնարարականներ
Ոստիկանները բացահայտել են սպանության նախապատրաստություն. կա ձերբակալված
Ո՞վ համոզեց Վանեցյանին «նաջարյանաբար» փոշմանել․ ԱԱԾ նախկին տնօրենը՝ պրոռուսական ուժերի դետեկտոր
Արարատ Միրզոյանը հեռախոսազրույց է ունեցել Կանադայի ԱԳ նախարար Անիտա Անանդի հետ
Իրանը փակել է Հորմուզի նեղուցը
