Կանաչապատման ՀՈԱԿ-ի հեռացված աշխատակիցը Մոնումենտի այգում խորոված փարթի է արել, որտեղ հաջորդ օրը հրդեհ է բռնկվել

Երեկ շատերն ականատես եղան այն բողքի ցույցին, որտեղ ասվում էր, որ «Կանաչապատում եւ շրջակա միջավայրի պահպանություն» ՀՈԱԿ-ի նորաթուխ տնօրենը նույնիսկ մեկ ամիսը չբոլորած՝ կադրային ջարդ է իրականացնում, հրահանգներ է տալիս ու մունաթ գալիս: Այս մասին ավագանու նիստի հարցուպատասխանի ընթացքում այսօր հայտարարեց Երեւանի ավագանու «Լույս խմբակցության անդամ Թեհմինա Վարդանյանը:

«Շեշտեմ, որ այս տնօրենը պարոն Մարությանի անձնական ընտրութունն է եղել: Մրցույթը հաղթել էին երկու հոգի: Օրեր առաջ ենք իմացել, որ քաղաքապետի սիրելի, նախկին խորհրդական Կարեն Համբարձումյանի մտերիմներից է ՀՈԱԿ-ի տնօրեն Արա Աղայանը: Պարոն Աղայանը մեկ ամիսը չբոլորած, արդեն իսկ հոխորտում է աշխատակիցների վրա, ստիպում դիմումներ գրել, ստիպում է նաեւ հեռախոսները թողնել դրսում, ապա նոր ներս մտնել, որի իրավունքը իհարկե՝ նա չունի»,- ասաց ավագանու անդամը:

Թեհմինա Վարդանյանը նշեց, որ այսօր տեղեկություն է ստացել, որ Կանաչապատման ՀՈԱԿ-ի Քանաքեռ- Զեյթուն վարչական շրջանի բաժնի պետը հրահանգավորվել է, որ դիմում գրի եւ հեռանա: Նա հրաժարվել է, ապա վատ ձեւով դուրս հանվել: «Այսօր վարչական շրջանի ղեկավարն այդ մարդուն իր իրերով ուղղակի դուրս է հանել իր աշխատավայրից:  Պարոն քաղաքապետ, խնդրում եմ ուշադրության կենտրոնում պահել այդ հիմնարկի խնդիրները»,- ասաց Թեհմինա Վարդանյանը: Նշենք, որ երեկ ՀՈԱԿ-ի աշխատակցները մամուլի ասուլիս էին հրավիրել, որի ժամանակ «Կանաչապատում եւ շրջակա միջավայրի պահպանություն» ՀՈԱԿ-ի հասարակայնության հետ կապերի բաժնի ղեկավար Արթուր Աղաբեկյանը հայտարարել էր, որ ՀՈԱԿ-ում վատ մթնոլորտ է տիրում ապրիլի 28-ից:

«Ապրիլի 27-ին նախկին տնօրեն Արմեն Բեգոյանին հեռացրեցին, ապրիլի 28-ին բերեցին Արա Աղայանին որպես նոր տնօրեն եւ այդ օրվանից սկսեց քաոսը, որը մինչև այսօր շարունակվում է»,- հայտարարել էր նա: Նշենք որ Արթուր Աղաբեկյանն այսօր արդեն հայտարարել է ազատման դիմում ներկայացնելու մասին:

Ավագանու հարցուպատասխանին ներկա էր նաեւ «Կանաչապատում եւ շրջակա միջավայրի պահպանություն» ՀՈԱԿ-ի նորանշանակ տնօրեն Արա Աղայանը: Պատասխանելով կադրային ջարդ իրականացնելու մասին հարցին՝ Աղայանը նշեց. «Այս պահին ՀՈԱԿ-ում աշխատում է մոտ 760 աշխատակից: Իմ պաշտոնավարման պահից աշխատանքի է ընդունվել 12 նոր աշխատակից, այդ ընթացքում աշխատանքից ազատվել 18 անձ: Նրանք ազատվել են իրենց դիմումների համաձայն: Վերջին մեկ ամսվա ընթացքում 50 հոգի փորձաշրջան են անցել, նրանցից էլ ընդամենը 3 հոգու ենք ասել, որ չեն համապատասխանում մեր պահանջներին: Ակնհայտ է, որ 700 հոգանոց կոլկտիվում մի քանի հոգու հեռանալը չի կարող համարվել կադրային ջարդ»:

Քաղաքապետը խնդրեց մեկնաբանել նաեւ երեկ արված հայտարարություներից մեկը, թե իբր ՀՈԱԿ-ի տնօրենը հղի կնոջ է աշխատանքից ազատել: «Դա ակնհայտ հերհուրանք է: Մեզ մոտ մի հղի կին է աշխատում, նրա մոտ ամեն ինչ նորմալ է: Կարող եք զանգել եւ հարցնել հենց իրենից»,- ասաց ՀՈԱԿ-ի տնօրենը:

Քաղաքապետ Մարությանը խնդրեց նաեւ արձագանքել Թեհմինե Վարդանյանի առաջ քաշած հարցին, թե Քանաքեռ-Զեյթուն վարչական շրջանի կանաչապատման ղեկավարը դուրս է շպրտվել աշխատավայրից: Նիստին ներկա Քանաքեռ-Զեյթուն վարչական շրջանի ղեկավար Կարեն Հակոբյանը նշեց, որ Կանաչապման ՀՈԱԿ-ի աշխատակցին զեկուցագիր է տվել, որտեղ էլ նշված են եղել նրա պաշտոնավարման ընթացքում կատարած բոլոր անցանկալի արարքները: Վարչական շրջանի ղեկավարը պատմեց զավեշտալի մի դեպք, որին օրերս է ականատես եղել եւ ինչն էլ հիմք է դարձել աշխաակցին ազատելու համար:

«Մոնումենտի Հաղթանակ զբոսայգում մեր կատարած հերթական շրջայցի ժամանակ լսում եմ բարձր, անճաշակ երաժշտություն, հիշում եմ, որ ոչ մի օբյեկտ իրավունք չունի աշխատելու: Տղաներին ասում եմ՝ գտեք այդ երաժշտության կետը: Գնում ենք հետքերով, մեկ էլ տեսնենք՝ ծուխ է, մի քիչ էլ ենք գնում՝ կրակ, մեկ էլ տեսնենք՝ Մոնումենտի այգու մեջ խորոված են անում, կրակ, մանղալ, շշեր: Մոտենում եմ, տեսնեմ՝ խորովածի կողքն էլ խաշլամա է դրած ամանով: Ասում եմ՝ տղե՛ք արագ շրջապատեք, որ ոչ մեկ չփախնի: Շրջապատում ենք, մոտենում՝ ինչքան մոտենում ենք, այդքան ծանոթ դեմքեր: Մեկ էլ տեսնեմ՝ մեր կանաչապատման ՀՈԱԿ-ի աշխատակիցն իր մեքենան բերել մտցրել է Մոնումենտի այգու մեջ, արգելված տեղը՝ թքած ունենալով պարետի որոշումների վրա ձեռքերը բարձրացրած աշխատակիցների հետ քեֆ են անում: Իսկ հաջորդ օրը Մոնումենտում հրդեհ բռնկվեց…»,- պատմեց վարչական շրջանի ղեկավարը: Քաղաքապետն էլ մի կերպ ծիծաղը զսպելով՝ նկատեց, որ շարունակելու կարիք չկա:

Թեհմինա Վարդանյանը արձագանքեց՝ կարելի՞ էր նկատողություն տալ: Քաղաքապետն էլ ասաց, որ դա արդեն վարչական շրջանի որոշելիքն է, որին նա լիիրավ է:

Տպել
2306 դիտում

Ազատամուտ գյուղում այրվել է փայտյա տնակ (տեսանյութ)

Ներքաղաքական պայքարի անվան տակ

Սևանավանքի տարածքում մարդկային կուտակումներ և անկանոն հերթեր չեն արձանագրվել․ ԲԸՏՄ

Վաղը քննությունների ամենածանրաբեռնված օրն է. մաթեմատիկայից քննություն կհանձնի ավելի քան 5000 դիմորդ. նախարար

Հուլիսի 7-ին տեղի կունենա Վորոնեժ-Երևան չվերթը

Սևանում և Գավառում խստացված ստուգումներ են. ՍԱՏՄ-ն շարունակում է մշտադիտարկումները սննդի շղթայի օբեկտներում

Աթլետիկայի համաշխարհային ֆեդերացիան պաշտոնապես հայտարարել է մի քանի համաշխարհային ռեկորդների վավերացման մասին

Եկեղեցու տոնացույցով այս տարի Վարդավառը հուլիսի 19-ին է

Հայ-ռուսական հարաբերությունների մասին

Հրդեհ Նուբարաշեն վարչական շրջանում. այրվել է մոտ 200 խմ տոլ (տեսանյութ)

Սիրիայում թուրքական օդուժը մեկ ամիս շարունակ ռմբակոծել է Աֆրինի և Շահբայի շրջանները

ԱԻՆ ջրափրկարարները վերսկսել են հունիսի 26-ից կորած քաղաքացու ստորջրյա որոնողական աշխատանքները

Վթար Ապարան-Վարդենիս ավտոճանապարհին․ տուժածի վիճակը գնահատվել է բավարար

Կիևյան կամրջի տակ դի է հայտնաբերվել

Իրենց արշինով են չափում

Մոտ օրերին ուլտրամանուշակագույն ճառագայթումը նորմայից բարձր է լինելու․ խորհուրդ է տրվում խուսափել ուղիղ ճառագայթներից

Ռեփեր Քանյե Ուեսթը կրկին հայտարարել է ԱՄՆ-ի նախագահի ընտրություններում առաջադրվելու մասին

«ՎԱԶ-2106» մակնիշի ավտոմեքենան բախվել է կայանած ավտոքարշակին. կա տուժած

Ոստիկանների ստուգումներով հայտնաբերվել է օրինախախտման 3072 դեպք, խախտումների ընդհանուր թիվը 68.305 է

Արցախի ՊԲ հրամանատարը շնորհավորել է ծառայության անցնող զորակոչիկներին