Նկարել ու ասեղնագործել սեփական դիմակի վրա, բրենդային տեսք հաղորդելով գումար աշխատել. արվեստը «ճեղքում է» կորոնավիրուսը

Աշխարհում տիրող համավարակով պայմանավորված, դիմակը ցավոք սրտի դեռ շարունակում է մնալ մեր առօրյայի անբաժան մասնիկը: Բժշկական պաշտպանիչ դիմակներից զատ, վերջին մեկ ամսում Հայաստանում արվեստի մի քանի կենտրոններ սկսել են նոր ու էսթետիկ տեսք հաղորդել անհրապույր, բայց պարտադիր դարձած մեր կյանքի այս կարեւոր «ատրիբուտին»:

Արվեստի կենտրոններից Երվանդ Քոչարի թանգարանում արդեն մի քանի շաբաթ է՝ աշխատում են նոր դիմակներ ստեղծելու ուղղությամբ, որոնք եւս մեկ անգամ կհանրահռչակեն Քոչարի գործերը:

Երվանդ Քոչարի թանգարանի տնօրեն Կարինե Քոչարը «Հայկական ժամանակի» հետ զրույցում մանրամասնեց, թե ինչ անակնկալներ են սպասվում Քոչարի գործերը սիրող մեր հանրությանը: Վերջինս անկեղծացավ, խոսելով համավարակի պատճառով առաջացած ֆինանսական խնդիրներից, որը նաեւ դիմակներ ստեղծելու մտահղացման պատճառներեից մեկն է եղել:

Դիմակների հեղինակը Քոչարի թանգարանի աշխատակիցներից մեկն է, դրանք արված են Քոչարի աշխատանքների տարբեր դիմանկարային մոտիվներով: Նախատեսված են տարբեր տարիքի անձանց համար, ըստ նախասիրության, կա նաեւ կանանց եւ տղամարդկանց համար առանձին ոճեր, որոնք հեղինակն արդեն իսկ տարբերակել  է: 

Տնօրենը նշեց, որ այս պահին 11 տեսականի ունեն: Իսկ ընդամենը հաշված օրեր անց, երբ որոշակի նրբություններ կհստակեցվեն, թանգարանը կհայտարարի, որ պատրաստ է պատվերներ ընդունել:

«Կարծում եմ՝ մարդկանց թվում է, որ դիմակով զրկում են իրենց անհատական կերպարներից: Երբ հասկացանք, որ մարդիկ խուսափում են դիմակներ կրել, ինչը, իհարկե՝ ունի որոշակի պատճառներ. շատ անգամ դրանք այնքա՜ն անհրապույր են թվում, իսկ Քոչարի արվեստը շատ բազմաժանր է, բազմաշերտ եւ միշտ էլ հնարավորություն է տվել հետաքրքրիր լուծումներով հուշանվերներ ստեղծել, որոշեցինք այս նորույթը ստեղծել»,-ասաց Կարինե Քոչարը:

Տնօրեի խոսքով՝ քանի որ այսօր խիստ արդիական է թանգարաններում թանգարանային հավաքածուների հիման վրա հուշանվերիների տեսականու ստեղծումը եւ իրենք էլ վաղուց փորձում են զարգացնել այդ ոլորտը, որոշեցին նաեւ նման ոճի դիմակներ ստեղծել:

«Բացի դրանից, այսօր թանգարանը շատ տխուր իրավիճակում է գտնվում: Այն զրկված է իր այցելուներից եւ բացի հուշանվերների ստեղծումից այնտեղ շատ լուրջ գիտական աշխատանք է կատարվում, որն իհարկե՝ որոշակի ծախսեր է ենթադրում: Մեր աշխատակիցները, որոնք ներգրավված են այդ աշխատանքներում վճարվելու խնդիր էին ունենում: Եվ մեր աշխատակցուհու առաջարկով, որն ուներ համապատասխան կրթություն, փորձեցինք դիմակների կոնցեպտուալ մի պաստառ հրապարակել ֆեյսբուքում, հասկանալու համար, թե որքանով դա կհետաքրքրի մեր հետեւորդներին»,-պատմեց թանգարանի տնօրենը: Կարինե Քոչարը նշեց, որ իրականում շատ զարմացան՝ տեսնելով արձագանքն ու լայն հետաքրքրվածությունը:

Քոչարի թանգարանն այսօր արդեն լուծել են դիմակների փաթեթավորման հարցը: Դրանք պատրաստված են հաճելի թեթեւ կտորներից: Բացի արտաքին նկարազարդ հատվածից, ներսից կարված է բնական կտորից, որը հեշտացնում է շնչելը:

«Իրականում, սրանք դեկորատիվ աքսեսուար են, հուշանվերային, բրենդային օրինակով, որոնք երբեք չի կարելի շփոթել լուրջ բժշկական դիմակների հետ: Անգամ կարելի է բժշկական դիմակի վրայից հագնել»,-ասաց Կարինե Քոչարը:

Այս նորարական դիմակները նախատեսված են բազմակի օգտագործման համար: Ամեն մի դիմակ ունի ուղեկցվող ստեղծագործությունների բացիկ, որի հիման վրա այն սեղծվել է: Նաեւ առոջության մաղթանք  ուղղված յուրանքնաչյուր գնորդի: Նկատենք նկարազարդումները լինելու են  Քոչարի 1925-ից 1930 թվականների փարիզյան գործերի ոճավորված ստեղծագործությունների հիման վրա:

Կարինե Քոչարը նկատեց՝ ինչպես իրենց բոլոր հուշանվերները, սրանք էլ չեն կարող լինել էժան: Գինը մոտավորապես 2000 դրամի սահմաններում կլինի. «Ոչ ավելի, պակասի մասին դեռ մտածում ենք, բայց տարբերակ չունենք»:

Տնօրենից հետաքրքրվեցինք, թե դիմակների վաճառքը միայն պատվերով է լինելու, թե՞ իրականացվելու եւ նաեւ թանգարանից: Վերջինս նկատեց՝ երկու տարբերակով էլ կլինի, բնականաբար կպահպանեն պարետի ոլոր ցուցումները: Գնորդները կարող են տեղում հասկանալ, թե որն են ուզում՝ առաջնորդվելով նկարներով: Եվ կարող են պատվիրել, կամ գնալ տոեղում վերցնել, քանի որ թանգարանը գրեթե միշտ բաց է այնտեղ իրականացվող գիտական աշխատանքների նպատակով:

Քոչարի կարծիքով՝ դիմակները պիտի որ երիտասարդներին ավելի շատ հետաքրքրեն: Բայց նպատակն է՝ այնպիսի որակի ապրանք ստանալ, որ Քոչարի գործերին համահունչ լինի:

Իսկ ահա դիմակների մեկ այլ տարբերակ էլ, որը միայն մանուկների համար է նախատեսված, ստեղծում ՀՀ Ազգային պատկերասրահը (ՀԱՊ): Պատկերասրահի կրթական ծրագրեր գիտակրթական բաժինն առաջարկում է բոլոր մանուկներին միանալ մարտահրավերին եւ պատրաստել ձեռագործ դիմակ կամ արդեն պատրաստի դիմակը զարդարել ՀԱՊ-ի հավաքածուներից մեկով։

«Մենք հուսով ենք, որ կարող ենք նաև տեսնել Ձեզ այդ դիմակները կրելիս, երբ հնարավորություն կունենաք այցելելու Պատկերասրահ: Կարող եք անցնել հղումով՝ http://www.gallery.am/hy/database/, ՀԱՊ-ի հավաքածուն բացահայտելու եւ ոգեշնչվելու համար»,- նշված է պատկերասրահի ֆեյսբուքյան ջում:

ՀԱՊ-ի մամուլի խոսնակ Անուշ Նիկողոսյանը ՀԺ-ի հետ զրույցում նշեց, որ սա միայն մանուկների համար նախատեսված ծրագիր է եւ պատրաստված դիմակները վաճառքի համար չեն, ամեն երեխա ինքը պիտի իր դիմակը կրի: Գաղափարը՝ պատկերասրահի կրթական ծրագրերն իրականացնողներին է, սկսել են իրագործել մայիսի կեսերից:

Նիկողոսյանը ասաց, որ այս օրերին երեխաները առցանց են աշխատել եւ որպեսզի իրադարձությունների կենտրում լինեին, նման գաղափար է ծնվել՝ գունավորել դիմակները ազգային պատկերասրահի գործերով: Երեխաները տարբեր նկարիչների գործերից ընտրում են իրենց նախընտարծն ու փորձում արտանկարել, կամ ասեղնագործել իրենց իսկ դիմակների վրա: Սա օգնում է ե՛ւ զարգացնել տաղանդը, ե՛ւ ավելի հաճույքով կրել սեփական ձեռքով արված աշխատանքը:

Լուսանկարը՝ ՀԱՊ-ի Ֆբ էջից

«Երեխաները դիմակներ են պատրաստում սեփական կրման համար՝ ըստ իրենց նախասիրության: Բազմաթիվ երեխաներ կարող են նախաձեռնությանը միանալ հենց տնից եւ այդպես կրել»,-ասաց նա: Նկարազարդ դիմակներ ստղծելու համար երեխաները կարող են կիրառել տարբեր տեխնիկաներ՝ նկարել, ասեղնագործել եւ այլն։

Լուսանկարը՝ ՀԱՊ-ի Ֆբ էջից

 

Տպել
1082 դիտում

«ԳեոՊրոՄայնինգ» ընկերությունը 50 մլն. դրամ սուբսիդավորում կտրամադրի Վարդենիս համայնքի մի շարք ծրագրերի իրակնացմանը

Ucom-ի աշխատակիցը պարգևատրվել է ՀՀ քննչական կոմիտեի «Համագործակցության համար» մեդալով

Վիվա-ՄՏՍ. «Լիցք+». այժմ արդեն մինչև 2000 Դ չափով

ՎՏԲ Բանկն առաջարկում է շուկայի ամենացածր սակագինը՝ Հայաստանից Ռուսաստան դրամական փոխանցումներ իրականացնելու համար

Բանկային համակարգին սպառնացող աղմկահարույց գործը Վճռաբեկ դատարանում է

Բացվեց Յունիբանկի «Սիսիան» մասնաճյուղը

Նավը, որը անվանվեց Առնո Բաբաջանյանի անունով, պատրաստ է մեծ նավարկության (լուսանկարներ)

Պայքարի օրենքը. Սևրի պայմանագրի 100-ամյակը

«Նոան» դարձավ Հայաստանի սուպերգավաթակիր՝ կրկին «քամբեք» անելով «Արարատ-Արմենիայի» դեմ խաղում

ՎՏԲ-Հայաստան Բանկը բարելավել է սպառողական վարկերի պայմանները

Նոր դաստիարակները մասնագիտական նրբություններով կկիսվեն երիտասարդ երկաթուղայինների հետ

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են