Դատարանը հեռացել է խորհրդակցական սենյակ՝ Աբրահամ Մանուկյանի խափանման միջոցի վերաբերյալ որոշում կայացնելու

Երեւանի ընդհանուր իրավասության դատարանը՝ դատավոր Արտուշ Գաբրիելյանի նախագահությամբ, այսօր հեռացավ խորհրդակցական սենյակ՝ ԲՀԿ-ական նախկին պատգամավոր Աբրահամ Մանուկյանի խափանման միջոցի վերաբերյալ որոշում կայացնելու:

Այս մասին «Հայկական ժամանակ»-ի հետ զրույցում ասաց նրա պաշտպան Հրանտ Անանյանը՝ նշելով, որ որոշումը կհրապարակվի հունիսի 24-ին. «Հուսով ենք, որ դատարանը օբյեկտիվ եւ անաչառ կգտնվի»:

Աբրահամ Մանուկյանին, հիշեցնենք, մեղադրանք է առաջադրվել ՀՀ ՔՕ-ի 38-154.2 հոդվածի 2-րդ մասով (կուսակցություններից կամ թեկնածուներից որևէ մեկի օգտին կողմ կամ դեմ քվեարկելու կամ ընտրություններին մասնակցելուց հրաժարվելու կամ մեկից ավելի անգամ քվեարկելու համար ընտրողին անձամբ կամ միջնորդի միջոցով կաշառք տալուն օժանդակելը): Նա առաջադրված մեղադրանքը չի ընդունում: Հունիսի 17-ին հայտնի էր դարձել, որ Մանուկյանը ձերբակալվել է, սակայն մեկ օր անց ազատ էր արձակվել. դատարանի որոշմամբ նրա ձերբակալությունը ճանաչվել էր ոչ իրավաչափ: Դրանից հետո վարույթն իրականացնող մարմինը միջնորդություն էր ներկայացրել նրա նկատմամբ կալանավորումը որպես խափանման միջոց ընտրելու համար: Միջնորդության քննության՝ նախորդ շաբաթ կայացած վերջին նիստը հետաձգվել էր, քանի որ Մանուկյանի ինքնազգացողությունը վատացել էր, եւ նա տեղափոխվել էր հիվանդանոց: Նիստը շարունակվել է այսօր առավոտյան:

Պաշտպան Հրանտ Անանյանի խոսքով՝ Մանուկյանի կալանավորումը օբյեկտիվ լինել չի կարող. «Երեք տարի առաջ տեղի ունեցած միջին ծանրության հանցագործության պատասխանատվության ենթարկելու ժամկետը հինգ տարի է, եւ վաղեմության ժամկետը հոսում է մինչեւ դատավճռի ուժի մեջ մտնելը, հետեւաբար իրատեսական էլ չէ, որ այս գործով կարող է լինել մեղադրական դատավճիռ. գործի քննությունը կտեւի ավելի քան մեկ տարի, մինչեւ նախաքննությունը ավարտվի եւ եռաստիճան դատական համակարգով անցնի, եւ եթե դու հիպոթետիկ առումով ունես դատավճռի կատարման ապահովման խնդիր, մտնես կալանքի, ես դա օբյեկտիվ չեմ համարում»: Անանյանը նաեւ նշեց, որ նախկինում եղել են ընտրակաշառքի վերաբերյալ դատական գործեր, որոնցով ազատազրկում չի նշանակվել. օրենքը նախատեսում է նաեւ պատիժ տուգանքի ձեւով. «Էլ չեմ ասում խոցելի խմբում գտնվող՝ 60-անց անձի նկատմամբ կալանավորում կիրառելը… Մենք իրավիճակ ունենք, երբ առանձնապես ծանր հանցագործության մեջ մեղադրվող անձանց կալանավորումը փոխվում է գրավով կամ այլ խափանման միջոցով»,- ընդգծեց նա՝ հավելելով, որ Մանուկյանը մի շարք հիվանդություններ ունի, նաեւ՝ սրտի հետ կապված, ինչով պայմանավորված էլ նիստի ժամանակ, երբ հերթը հասել էր իր ելույթին, ինքնազգացողությունը վատացել էր, տեղափոխվել էր հիվանդանոց. այժմ արդեն դուրս է գրվել, այսօրվա նիստին էլ մասնակցել է:

Պաշտպան Հրանտ Անանյանի խոսքով՝ Աբրահամ Մանուկյանի մեղադրանքը հիմնված է մեկ անձի ցուցմունքի վրա. «Այլ տվյալ իմ վստահորդի՝ ենթադրյալ ընտրակաշառքի գործընթացում ներգրավված լինելու վերաբերյալ, չկա, փաստաթղթերում գրված չէ, որ ընտրակաշառքի համար է գումարը, ընդամենը կա նշում, որ 35 միլիոն դրամ գումար են վերցրել Աբրահամ Մանուկյանից, բայց այդ նույն փաստաթղթերի մեջ կան նաեւ օրինական նպատակներով օգտագործված գումարներ. քարոզարշավի, տրանսպորտային ծախսեր կան, դահլիճների վարձակալության, գովազդային վահանակների… Հետեւաբար, այդ փաստաթղթից չի բխում, որ գումարը վերցվել է ենթադրյալ ընտրակաշառքի համար»: Անանյանի խոսքով՝ Մանուկյանի դեմ ցուցմունք տված անձը եւս այս գործով մեղադրյալ է. նա կոնկրետ տեղանքում ԲՀԿ-ի մեծամասնական ընտրակարգով թեկնածուներից է եղել եւ մեղադրվում է իր օգտին քվեարկելու համար ընտրակաշառք բաժանալու համար. «Այդ անձը քրեական հետապնդման մարմիններից կախվածություն ունեցող անձ է, այս գործից բացի, 2020 թվականի փետրվարից սկսած՝ այլ գործով էլ է մեղադրյալ… Իսկ իմ վստահորդն ասում է, որ նրան չի ճանաչում, շփում չի ունեցել, կարող է՝ 1-2 անգամ տեսած լինի, չի բացառում, որ 3 տարի առաջ ինչ-որ փաթեթ փոխանցած լինի, բայց ասում է՝ առանց իմանալու փաթեթի բովանդակությունը կամ նպատակը, ինքը որեւէ բանի մեջ ներգրավված չի եղել»,- նշեց պաշտպանը:

Տպել
1211 դիտում

Ֆրանսիայի հայերը լայնամասշտաբ բողոքի ակցիա են իրականացրել Փարիզի սրտում (տեսանյութ)

Կարեն Շաքարյանն ու Հունան Հայրումյանը ԱՀ նախագահի կողմից արժանացել են «Արցախի հերոս» բարձրագույն կոչման

Քաջաբար ելեք հայրենիքի պաշտպանության նվիրական պայքարի, կանգնեք սահմանագծում մարտնչող քաջերի կողքին. Կաթողիկոսի ուղերձը

Այս պահի դրությամբ Արցախի ՊԲ կարիքների համար քնապարկերի անհրաժեշտ քանակը լրացված է. ՊԲ

Պարզ չէ, թե որտեղ է ավարտվում Բաքվի պահանջների և ախորժակի սահմանը. վարչապետն ընդունել է Ֆրանսիայի խորհրդարանականներին

Ահաբեկիչները բողոքում են, որ ադրբեջանցիները նրանցից խլում են ոչ միայն անձնագրերը այլ նաև հեռախոսները. Ա. Հովհաննիսյան

Հակառակորդի՝ այսօր խոցված հերթական ԱԹՍ-ն (լուսանկարներ)

Ադրբեջանում մշակութային գործիչները, մտավորականները հրապարակային խրախուսում և տարածում են ատելություն ու բռնության կոչերը

Թշնամական ոչնչացված հերթական զրահատեխնիկան (տեսանյութ)

Վերլուծությունը փաստել է Ադրբեջանի զինվորի կողմից ծանր վիրավոր հայ զինվորին գնդակահարելու կադրերի իսկությունը

ԱՀ նախագահի հետ քննարկվել են թշնամուն անդառնալի կորուստներ հասցնելու մասին անելիքները

Ադրբեջանական տեսանյութի 8 հայ գերիների մասով Հայաստանը դիմել է ՄԻԵԴ

Աջարահայերն աջակցում են Արցախին. խաղաղ ցույց Բաթումիում. (լուսանկարներ)

Մ. Մայիլյանը շնորհակալական նամակ է հղել Ավստրալիայի Նոր Հարավային Ուելս նահանգի պատգամավորին

Պատերազմը հենց մեր հայերն են ավարտելու, ու սա լինելու է վերջինը. արցախցի 4 երեխաների մայր

Ամենայն Հայոց կաթողիկոսը հանդես կգա ուղերձով

Կրակային դիրք, դիտակետեր, շարասյուներ ոչնչացնելու, կրակի տակ վիրավորներին դուրս բերելու համար կպարգևատրվեն զինծառայողներ

Արտակ Բեգլարյանը այցելել է Ստեփանակերտի և Շուշիի մի շարք ապաստարաններ (լուսանկարներ)

Արցախի ՊԲ-ն հրապարակել է ղարաբաղա-ադրբեջանական սահմանի մարտերում զոհված եւս 11 զինծառայողի անուն

Ֆրանսիայի խորհրդարանական պատվիրակությունը հարգանքի տուրք մատուցեց Ծիծեռնակաբերդի հուշահամալիրում