Ուզեք, թե չուզեք ես ինձ համարում եմ Հայաստանի լավագույն քաղաքական գործիչներից մեկը. Նաիրա Զոհրաբյան

«Բարգավաճ Հայաստան» կուսակցության եւ արտախորհրդարանական ուժերի միջեւ հուշագրի ստորագրման մասին դեռեւս տեղեկություններ չկան: ԲՀԿ-ական պատգամավոր Նաիրա Զոհրաբյանն այսօր լրագրողներին տեղեկացրեց, որ կոնսուլտացիաները տարբեր ուժերի միջեւ շարունակվում են, սակայն ինքը դրանց չի մասնակցում եւ տեղեկություն չունի:

Միեւնույն ժամանակ պատգամավորը հերքեց մամուլում տարածված տեղեկությունները, որ քաղաքական ուժերի միջեւ խնդիրներ են առաջացել:

Նաիրա Զոհրաբյանն անդրադարձավ նաեւ ԲՀԿ առաջնորդ Գագիկ Ծառուկյանի եւ այլ ԲՀԿ-ականների նկատմամբ հարուցված քրգործին, 2017-ի խորհրդարանական ընտրություններում ընտրակաշառք բաժանելու վերաբերյալ մեղադրանքներին.

«Մեր բազմաթիվ կողմնակիցների, համակիրների շարունակում են հրավիրել քննչական տարբեր բաժիններ, տալ անհեթեթ հարցեր։ Նախկին գործընկերներիցս մեկին՝ հայտնի ռեժիսորի, լուրջ մտավորականի, որը եկել է ԱԱԾ-ի մոտ եւ սատարել մեզ, հրավիրել են բաժին, հարցրել՝ Նաիրա Զոհրաբյանը Ձեր ընկե՞րն է, ասել է՝ այո՛, ասել են՝ զանգո՞ւմ եք նրան, ասել է՝ այո՛, էլի՞ եք զանգելու, ասել է՝ այո՛, հետո ասել են՝ իսկ կարո՞ղ է մտաբերեք, Երեւանի ավագանու ընտրությունների ժամանակ տիկին Զոհրաբյանը Ձեզ ասե՞լ է՝ պլակատ բռնեք (նկատի ունեն՝ գումար ենք տվել, որ պլակատ բռնեն)։ Ասել է՝ մի հատ ինձ նայեք, ես նմա՞ն եմ պլակատ բռնող մարդու»,- հայտարարեց Զոհրաբյանը։

Ըստ նրա՝ իրավապահներն մարդկանց գալիս, որոնք ցուցմունք կտան, որ 2017թ. ընտրությունների ժամանակ ԲՀԿ-ականներից ինչ-որ մեկը ինչ-որ ձեւով շահագրգռել է մարդկանց՝ ընտրելու իրենց:

«Եթե կգտնեք այս մոլորակի վրա գոնե մեկ homo sapiens, որ փաստարկված (ոչ թե A4 ֆորմատի թղթի վրա), այլ փաստարկված կասի, որ Նաիրա Զոհրաբյանը որեւէ մեկին գումար է տվել կամ բոնբոներկա է տվել կամ «պեպսի-կոլա» է տվել կամ լահմաջո է տվել եւ ասել, որ ձայն կբերես մեր կուսակցությանը, ես կասեմ՝ դուք ճիշտ էիք, ես՝ սխալ: Ինձ համար նվաստացուցիչ կլիներ, որ ինձ՝ Նաիրա Զոհրաբյանիս, ում ես ուզեք թե չուզեք համարում եմ Հայաստանի լավագույն քաղաքական գործիչներից մեկը, ինչ-որ մեկը ձայն տար գումարի, բոնբոներկայի կամ «պեպսի-կոլա»-ի դիմաց»,- հայտարարեց նա:

Զոհրաբյանը իրեն հետեւող ԱԱԾ-ականներին հորդորեց իզուր ռեսուրսներ չվատնել. եթե ինչ-որ մեկի հետ ինչ-որ բան զրուցելու լինի, դա կանի ոչ թե հեռախոսով, այլ առերես:

Լրագրողներից մեկը հետաքրքրվեց այն տեղեկությունների իսկությամբ, ըստ որոնց՝ Ծառուկյանի ընտանիքում կորոնավիրուսով վարակակիր կա:

Զոհրաբյանը պատասխանեց, որ ինքը նման տեղեկություն չունի, ապա հավելեց, որ պարբերաբար շփվում է Ծառուկյանի հետ, եթե լիներ նման բան, կիմանար:

Տպել
985 դիտում

Հուլիսի 6-ին՝ ժամը 11:00-ից, կդադարեցվի Արմավիր քաղաքի, Լուկաշին և Նորավան գյուղերի ջրամատակարարումը

Նիկոլ Փաշինյանը շնորհավորական ուղերձ է հղել Ալեքսանդր Լուկաշենկոյին Անկախության օրվա առթիվ

ՍԴ դատավոր Հրանտ Նազարյանի մուտքը ՍԴ արգելվել է վերջինիս լիազորությունների դադարեցման պատճառով. ոստիկանություն

Սպիտակի բժշկական կենտրոնը երեկվանից միացել է համավարակի դեմ պայքարին. նախարարը Լոռիում էր

«Ձեր ոլորտը մեր երկրի ապագան է». Արմեն Սարգսյանը հանդիպել է ՏՏ ոլորտի մի խումբ ընկերությունների ղեկավարների հետ

Այս գիշեր սպանության փորձ է եղել Վանաձորում. տուժածը բուժօգնություն է ստացել, հարուցվել է քրեական գործ

Պետք է նոր խորհրդի կազմավորում և արդեն նոր կառավարման խորհրդով ռեկտորի ընտրությունների անցկացում. ՀՊՏՀ խորհրդի նախագահ

Արսեն Թորոսյանը դատարանում է. նա հարցաքննվում է Ռազմիկ Աբրահամյանի եւ Արսեն Դավթյանի գործով

Ֆրանսիայի վարչապետը պաշտոնից ազատման խնդրագիր է ներկայացրել

Արցախից Հայաստան տանող բոլոր հսկիչ-անցագրային կետերում շարունակվում են ախտահանման աշխատանքները

Սահմանադրական դատարանում ԱԺ ներկայացուցիչը միջնորդել է հետաձգել հուլիսի 7-ին նշանակված Քոչարյանի գործի քննությունը

Առաջիկա օրերին չվերթներ են սպասվում Ռուսաստանից եւ Բելառուսից. Քաղավիացիան մանրամասնում է

Ուռուցքաբանության ազգային կենտրոնի աշխատակիցները կերթեւեկեն անվճար հարմարավետ ավտոբուսներով

Ստեփանակերտում կորոնավիրուսի նոր օջախ է հայտնաբերվել. Արցախում վարակման 4 նոր դեպք կա

Varks.am-ը երկարաձգել է վարկերի վերակառուցման հնարավորության ժամկետը․ Կենտրոնական բանկ

«Գրիգոր Լուսավորիչ» բուժկենտրոնի նոր վերակենդանացման բաժանմունքին անհրաժեշտ են բուժքույրեր և կրտսեր բուժաշխատողներ

Հաստատվել է կորոնավիրուսի 662 նոր դեպք. գրանցվել է 13 մահ, 3-ը՝ այլ հիվանդության հետեւանքով

Արցախի նախագահը հաստատել է կառավարության որոշումներ՝ փոխնախարարների նշանակումների մասին

ԱԱԾ-ն աշխատանքի է հրավիրում պարսկերենի և վրացերենի գերազանց իմացությամբ քաղաքացիների

Արմեն Սարգսյանը շնորհավորական ուղերձ է հղել Ալեքսանդր Լուկաշենկոյին Բելառուսի Անկախության օրվա առթիվ