Բուժանձնակազմերի երկու առաքելություններն էլ Հայաստան են եկել իշխանությունների հրավերով. ՀՀ-ում Ֆրանսիայի դեսպանություն

Ֆրանսիացի բժիշկների՝ Հայաստան կատարած երկու առաքելությունների մասին ապատեղեկատվություն տարածող հրապարակումներին է արձագանքել Հայաստանում Ֆրանսիայի դեսպանությունը, որի հաղորդագրության մեջ նշվում է, որ ֆրանսիական բուժանձնակազմերի երկու առաքելություններն էլ Հայաստան են ժամանել ՀՀ իշխանությունների հրավերով, որոնք էլ ապահովել են սույն առաքելությունների կայացումն ու կազմակերպումը։

«Այցերի մասին Հայաստանում Ֆրանսիայի դեսպանությունն իրազեկվել է Հայաստանի կառավարության միջոցով եւ ներկա գտնվելով պատվիրակություններին դիմավորելիս՝ դեսպանությունը վերջիններիս Հայաստանում գտնվելու ընթացքում մշտապես կապի մեջ է եղել նրանց հետ։

Ի պատասխան ՀՀ Կառավարության խնդրանքի՝ Ֆրանսիան հոգացել է երկրորդ պատվիրակության տրանսպորտի եւ կեցության ծախսերը։ Հայաստանում Ֆրանսիայի դեսպանությունը կրկին անգամ իր երախտագիտությունն է հայտնում բուժանձնակազմերին, որոնք շատ սեղմ ժամկետներում համաձայնեցին գալ Հայաստան` խորհուրդներով աջակցելու իրենց հայ գործընկերներին»,- հաղորդում է դեսպանությունը ։

Հիշեցնենք, որ Ֆրանսիայում հրատարակվող «Ֆրանսիա Հայաստան» (FranceArménie.fr) ամսագրի հուլիսի համարում լույս էր տեսել «Մազ՝ ճաշի մեջ» վերնագրով մի հոդված, որ երեկ հատվածաբար թարգմանվեց եւ տարածվեց հայաստանյան լրատվամիջոցներում: Հոդվածագիրը նշում էր, որ կորոնավիրուսի դեմ պայքարում Հայաստանին օժանդակելու նպատակով Ֆրանսիայից եկած բժիշկները որակավորված մասնագետներ չէին եւ ոչ թե մարդասիրական առաքելություն են իրականացրել, այլ՝ վճարվել են 1800-ական եվրո: Ըստ հոդվածի՝ այս այցերը նաեւ Ֆրանսիայի կառավարության հետ համաձայնեցված չեն եղել։

Երեկ «Հետքի» հետ զրույցում բժիշկների առաջին առաքելության ղեկավար Ալեքսանդր Մինյոնը հերքել բուժանձնակազմի վարձատրության մասին տեղեկությունը։

Իսկ «Արմենպրես»-ի հետ զրույցում Սփյուռքի գործերի գլխավոր հանձնակատար Զարեհ Սինանյանն ընդգծել էր, որ Ֆրանսիայի կառավարությունը ոչ միայն տեղյակ էր ֆրանսիացի բժիշկների Հայաստան այցից, այլ նաեւ ինչ-որ փուլում ներգրավված է եղել այդ աշխատանքներում։ Նա հիշեցրել էր, որ բժիշկների առաջին խմբին դիմավորելու էին գնացել նաեւ Հայաստանում Ֆրանսիայի դեսպան Ժոնաթան Լաքոտը եւ ԱՄՆ դեսպան Լին Թրեյսին: «Ես խոսեցի դեսպան Լաքոտի հետ եւ խնդրեցի, որպեսզի երկրորդ թիմի ֆինանսավորման հարցում մեզ օգնեն, քանի որ առաջին թիմի այցելությունը լիովին ֆինանսավորում էին USAID եւ ԱՄՆ-ի դեսպանատունը։ Իմ դիմումից հետո դեսպան Լաքոտը 36-48 ժամվա ընթացքում կապվեց մեզ հետ եւ ասաց, որ Ֆրանսիայի կառավարությունը ստաձնում է թիմի այցելության ծախսերը»։

Անդրադառնալով թիմի մասնագիտական ունակությունների մասին նշված կասկածներին՝ Սինանյանը հիշեցրել է, որ առաջին թիմը ղեկավարել է պրոֆեսոր Ալեքսանդր Մինյոնը, որը բնագավառի ամենահարգված մասնագետներից է, երկրորդ թիմի ղեկավարը՝ պրոֆեսոր Լորան Փափազյանն է, որը լավագույն մասնագետն է Ֆրանսիայում: «Նրանք են հավաքել իրենց թիմերը։ Թիմի մեջ չէին կարող լինել մարդիկ, որոնք առնչություն չէին ունեցել կորոնավիրուսի հետ, հետեւաբար հոդվածն անհեթեթ է եւ հիմնած է ստերի վրա»,- նշել է նա։

Տպել
338 դիտում

ՎՏԲ-Հայաստան Բանկը բարելավել է սպառողական վարկերի պայմանները

Նոր դաստիարակները մասնագիտական նրբություններով կկիսվեն երիտասարդ երկաթուղայինների հետ

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)

«Մեգա Տեխնիկս»-ի պահեստում խոշոր հրդեհ է բռնկվել. հայտարարվել է «1-ԲԻՍ» կանչ, տեղում է եղել նախարարը (լուսանկարներ)