Երևան
12 °C
Վարչապետի տիկին Աննա Հակոբյանը ֆեյսբուքյան իր էջում երեկ հրապարակած լուսանկարներից մեկին կից գրառմամբ անդրադարձել էր արտակարգ իրավիճակների նախարարության մի ծրագրի, որով սահմանամերձ մի քանի գյուղում ԱԻՆ աշխատակիցները հսկում են, որ գյուղացին ապահով իր դաշտային աշխատանքներն անի: ԱԻՆ աշխատակիցների հետ Աննա Հակոբյանը հանդիպել էր Մովսես գյուղի համայնքապետարանում, որի շենքի մի մասը տրամադրվել է ծառայության աշխատակիցներին:
«ԱԻՆ աշխատակիցների միջոցով բնակչության անվտանգության պահպանման ծրագիրն արդեն տարիների կյանք ունի, սակայն անդադար համալրվում է նոր բաղադրիչներով»,- «Հայկական ժամանակ»-ի հետ զրույցում նշեց ԱԻՆ փրկարար ծառայության տնօրեն Վրեժ Գաբրիելյանը: Նրա խոսքով՝ Տավուշի մարզի Նոյմբերյանի հատվածի հինգ եւ Բերդի հատվածի յոթ գյուղում ԱԻՆ-ը սկսել է հիմնել հենակետեր 2016 թվականից՝ հետզհետե ավելացնելով տեղում աշխատակիցների քանակն ու գործառույթների բաղադրիչները:
«Ծրագրի հիմքում դրվել է տարածքային պաշտպանության գաղափարաբանությունը, որպեսզի սահմանամերձ գյուղերի բնակիչները զգան, որ իրենց կողքին կան մարդիկ, որ հստակ պատրաստված են՝ իրենց պաշտպանելու համար, որ կարող են իրենց պաշտպանել ոչ միայն զենքով, այլեւ գիտեն, թե ինչպես ցուցաբերել առաջին բուժօգնություն, ինչպես կողմնորոշվել տարբեր իրադրություններում: Մեր աշխատակիցները կարող են հակառակորդի հանկարծակի հարձակման կամ այլ պարագաներում բնակչությանը ճիշտ ուղղորդել եւ օգնել: Այս համակարգը մարդկանց վստահություն է ներշնչում, ինչն ամենակարեւոր բանն է: Բանակը սահմանին է, սակայն պաշտպաններ պիտի լինեն նաեւ թիկունքում»:
ԱԻՆ աշխատակիցները, ըստ Վրեժ Գաբրիելյանի, հսկում են տարածքում առկա ջրամբարները՝ կանխելու համար հակառակորդի կողմից հավանական թունավորման փորձերը, նրանք պատրաստված են՝ կատարելու հրդեհաշիջման աշխատանքներ, ցուցաբերել առաջին օգնություն եւ լուծել քաղաքացիական պաշտպանության այն բոլոր հավանական խնդիրները, որ կարող են լինել սահմանամերձ գոտում: Այս հատվածի հրշեջ-մեքենաների կազմը շարունակաբար համալրվում է, որպեսզի առավելագույնս արագ կազմակերպվեն բոլոր անհրաժեշտ աշխատանքները:
«Սա երկարատեւ գործընթաց է, որ անընդհատ նորանոր բաղադրիչներով է համալրվում: Սկզբում, օրինակ, ծառայությանը մեքենաներ տրամադրված չէին, միայն աշխատակիցներն էին իրենց զենքով ու զրահաբաճկոնով, միայն պարեկություն էին անում: Հետագայում համակարգը զարգացվեց այնպես, որ մեր աշխատակիցները կարողանան նաեւ հրշեջ-փրկարարություն անել իրենց ծառայության բնակավայրերում: Տվեցինք մեքենաներ, որ կարողանան արագ օգնության հասնել թե՛ իրենց ծառայության գյուղերում, թե՛ հարակից գյուղերում: Օրերս նոր մեքենաներ տրամադրվեցին Ներքին Կարմիր Աղբյուրին, Բերդին: Չինարիում խփված ՈՒԱԶ-ի փոխարեն էլ գյուղում արդեն կգործի ավելի նոր, ավելի լավ ավտոմեքենա»,- ասաց Գաբրիելյանը:
ԱԻՆ աշխատակիցները սահմանամերձ գյուղերում ուշադիր են բոլոր անծանոթների նկատմամբ: «Նրանք օտար մարդկանց անմիջապես նկատում են, քանի որ իրենք էլ՝ բոլորը տեղի բնակիչներ են, բոլոր համագյուղացիներին ճանաչում են»,- ասաց Վրեժ Գաբրիելյանը՝ ընդգծելով նաեւ այս ծրագրով տեղի բնակիչներին աշխատանքով ապահովելու կարեւորությունը:
Ելնելով իրենց աշխատանքի առանձնահատկություններից՝ ԱԻՆ աշխատակիցները հաճախ իրենք են կողմնորոշվում՝ ինչպես իրականացնել ծառայությունը՝ կանխատեսելով սպառնալիքը: «Իրենք են վտանգը, սպառնալիքը նկատում ու գյուղացիներին տեղեկացնում»,- նշեց Փրկարար ծառայության տնօրենը:
Վրեժ Գաբրիելյանը հաղորդեց, որ նախորդ շաբաթվա՝ սահմանագոտում փոխհրաձգության պայմաններում ԱԻՆ աշխատակիցներն ԱԹՍ-ներ նկատել են Մովսես, Չինարի եւ այլ գյուղերում, նրանք մարդկանց արագ առաջնորդել են ապաստարաններ, թաքստոցներ: Փրկարար ծառայության պետի խոսքով՝ իրենց աշխատակիցները ճանաչում են այդ սարքերը եւ արագ կողմնորոշվելով՝ օգնում, որ մարդիկ հարվածի տակ չընկնեն: «Նաեւ դրանով է պայմանավորված, որ այս օրերին խաղաղ բնակիչների մեջ զոհեր չենք ունեցել: Երբ սահմանի որեւէ հատվածում լարվում է իրավիճակը, մեր աշխատակիցներն անմիջապես սկսում են աշխատել բնակչության հետ: Սա շատ կարեւոր է պաշտպանության առումով»:
Նա հաղորդեց նաեւ, որ Տավուշի մարզի 21 գյուղում տեղադրվել են ազդարարման շչակներ, որ միացված են մարզային փրկարարական վարչությանը. «Այսինքն՝ մի ակնթարթում բոլոր այդ գյուղերը կարող են իրազեկվել օդային հարձակման մասին: Այս համակարգի կարիքը դեռ չի եղել, քանի որ օդային հարձակում չենք ունեցել, սակայն եթե լինի ռմբահարման վտանգ, ապա ՊՆ-ն կփոխանցի ինֆորմացիան, եւ մենք անմիջապես կաշխատեցնենք ազդարարման համակարգերը»:
Մեզ հետ զրույցում Մովսես համայնքի ղեկավար Արտակ Պապյանն էլ հաղորդեց, որ իրենց գյուղում գործող այս ծրագրի շրջանակում արտում հսկողություն իրականացնող ԱԻՆ աշխատակիցը նկատել է ԱԹՍ, զգուշացրել կոմբայնավարին, որն էլ անջատել է շարժիչն ու պատսպարվել թաքստոցում:
«Կոմբայնն այս տարի առաջին անգամ դաշտ է մտել երկու օր առաջ, որ գարին հնձի, հիմա գարին է, դրանից հետո էլ պիտի լինի հացահատիկը: Երկու ԱԻՆ աշխատակից կանգնել է այնտեղ՝ հերթապահելու, որպեսզի աշխատող գյուղացին ապահով լինի անօդաչու սարքից. ԱԻՆ աշխատակիցները հսկում են երկինքը, իմաց են տալիս կոմբայնավարին՝ կոմբայնն անջատեցեք: Եվ հենց դաշտ մտնելու առաջին օրը մեկուկես-երկու ժամ էր, որ սկսել էին աշխատանքը, նկատել էին թռչող սարքը»,- պատմեց նա:
Արտակ Պապյանի խոսքով՝ այս պահին գյուղում աշխատում է երկու կոմբայն: Արտերում կոմբայնավարների և մյուս հողագործների երկնքի անվտանգությունն է հսկում ԱԻՆ երկուական աշխատակից:
«Հայկական Ժամանակ»-ը Telegram-ումԳագիկ Սուրենյանը Գեղարքունիքի կայծակից լուսանկար է հրապարակել
ՀՀ-Իռլանդիա հարաբերությունների խորացման և քաղաքական երկխոսության ակտիվացման անհրաժեշտություն կա. Խաչատուրյան
Երևանի հեռուստաաշտարակին հարող տարածքի հողամասերն ամրացվել են Շրջակա միջավայրի նախարարությանը
«Մուրացան» մանկական հիվանդանոցում հարձակվել են բժշկուհու վրա. ընտանիքը նրան մեղադրում է երեխայի մահվան համար
Սերժ Սարգսյանի՝ շուրջ 3 մլն դոլար կաշառքի գործը դատարանում է. մեղադրանք է ներկայացվել նաև փեսային և ևս 1 անձի
Պապոյանը միջազգային համաժողովում ներկայացրել է ՀՀ ներդրումային, գործարար միջավայրը և «Խաղաղության խաչմերուկ»-ը
Մենք շահագրգռիռ ենք Ուրուգվայի հետ հարաբերությունների զարգացման հարցում. ՀՀ նախագահը՝ նորանշանակ դեսպանին
Քննարկումների փուլով պետք է գտնենք լուծումներ՝ կա՛մ «այո», կա՛մ «ոչ». Քոչարյանը՝ Հայկ Սարգսյանի նախագծի մասին
Օրեր առաջ Հավայան կղզիներում են եղել, հավաքը ղեկավարել են «կոկորդիլոսները». Հակոբյանը տեսանյութեր է հրապարակել
Ավշար համայնքի նախկին ղեկավարը ձերբակալվել է
Ադրբեջանից պարզաբանում ենք ուզել, հրաժարվել են, որ դա իրենք են արել. Պապիկյանը՝ Խոզնավարի կրակոցների մասին
Հայաստանի հետ ամուր գործընկերությունը ձևավորում է բարեկեցություն. Հաքի գրառումը Միրզոյանի հետ հանդիպումից հետո
Հիմնական տարընկալումը գումարով կարճ ժամանակ ծառայելու նորմի հետ է կապված, նախագիծը պետք է լավարկվի. Խաչատրյան
«Քաղաքացիական պայմանագիր» խմբակցությունն ԱԺ-ում հանդիպել է Սուրեն Պապիկյանի հետ
Վարչապետի գլխավորությամբ քննարկվել է Ակադեմիական քաղաքի ենթակառուցվածքային աշխատանքների մեկնարկի պլանը
Հայաստանը եղել է և կշարունակի հավատարիմ մնալ փոխշահավետ հարաբերություններ ձևավորելու ռազմավարությանը. Պապոյան
ԱԽ քարտուղարը Ջոշուա Հաքին ներկայացրել է ՀՀ-Ադրբեջան հարաբերությունների կարգավորման գործընթացի զարգացումները
ԱԳ նախարարն ու Ջոշուա Հաքը Հայաստան-ԱՄՆ ռազմավարական գործընկերության օրակարգային հարցեր են քննարկել
Երևանի քննչական վարչության ծանր հանցագործությունների քննության բաժինը նոր պետ ունի
Պաշտոնանկություններ Քննչական կոմիտեում 590 հազար դոլարի հափշտակության գործի շրջանակներում
Կարևորել եմ կրթության դերը անձի զարգացման գործում. գյումրեցի աշակերտները հանդիպել են Զարուհի Բաթոյանի հետ
Կայացել է «Հաջողակից՝ սկսնակին» ծրագրի շրջանակում իրականացվող «Ստեղծենք միասին» նախագծի բարեգործական ընթրիքը
Եվրոն էժանացել է. ինչ փոփոխություններ է արձանագրել տարադրամի շուկան մայիսի 29-ին
Հայաստանը և Ադրբեջանն ապրելու են խաղաղ. տարօրինակ են մարմնավաճառի, ալկաշի ու զիբիլի կատվի աղմուկը. Սիմոնյան
Հրացան, ատրճանակներ, նռնակ և 161 փամփուշտ. Գյումրիում զենք-զինամթերք է հայտնաբերվել
Այս հարցում նվազագույն մտահոգություն չկա. էրդողանը՝ Հայաստանի հետ կարգավորման մասին
236 մլն եվրո՝ Սիսիան-Քաջարան ճանապարհահատվածի կառուցման համար
Արա Շիրինյանն ու Քրիստինե Մելքոնյանը նշանակվել են Հանրային հեռարձակողի խորհրդի անդամներ
Երևանում ու մարզերում սպասվում են հորդառատ անձրևներ. ջերմաստիճանը կնվազի
Մոսկվան Ստամբուլում հանդիպում անցկացնելու համար Կիևից համաձայնություն չի ստացել. Կրեմլ
Երևանը պատրաստ է Մինսկի խմբի լուծարման դիմումը ստորագրել «Խաղաղության պայմանագրի» ստորագրման օրը. Գրիգորյան
Թուրքիան գոհունակությամբ է ընդունում Ադրբեջանի և Հայաստանի միջև ձեռնարկվող քայլերը. Էրդողան
Մենք երբեք խաղաղության օրակարգով չենք խաբել, շարունակում ենք աշխատել սահմանազատման համար. Գրիգորյան
«Մուրացան» հիվանդանոցում 1,5 տարեկան երեխա է մահացել. բուժկենտրոնը մանրամասներ է հայտնել դեպքից
Երեխան ծնողի սեփականությունը չէ, հասուն մարդը ինչո՞ւ պետք է ապրի իր ծնողի հետ. վարչապետ
«ՔոնթուրԳլոբալ Հիդրո Կասկադ»-ը հրավիրում է «բազմաֆունկցիոնալ տպիչ սարքի մատակարարման և տեղադրման» մրցույթ
«Hayat Project»-ի համերգի ժամանակ երգչուհին ընկել է բեմից․ տեսանյութ
ՊՎԾ նախկին պետ Դավիթ Սանասարյանն արդարացվել է
Ավելացվում են արձակուրդի ժամկետները. Պապիկյանը ներկայացրել է «Զինվորական ծառայության» օրենքի դրույթները
Սուրեն Պապիկյանը բարձրաստիճան զինվորականների ուղեկցությամբ այցելել է ՊՆ խաղաղապահ ուժերի բրիգադ. լուսանկարներ
© 2025 Հայկական ժամանակ
Website by MATEMAT