Գյումրու Մհեր Մկրտչյան փողոցը վաճառված է. սեփականատերը պարիսպ է կառուցում

Գյումրու կենտրոնական հատվածների փողոցներից մեկում ծառեր են հատվել, կառուցապատում է սկսվել: Նման բողոքով ՀԺ-ին դիմած գյումրու բնակիչ Մալխաս Ղազարյանն ասաց՝ շատ բան չգիտի ոչ վաճառողի, ոչ գնորդի մասով, բայց որ քաղաքի փողոցի այդ հատվածը վաճառվել է, ու սկսել են ծառուղին վերացել, որպեսզի դա դառնա փակ տարածք, հստակ է:

Նշենք, որ Մհեր Մկրտչյան փողոցի մի հատվածը ձգվում է մինչև Խրիմյան Հայրիկ խճուղի, երկրորդ մասն ավարտվում է Հայաստանի ազգայի պոլիտեխնիկական համալսարանի Գյումրու մասնաճյուղի մոտ՝ դեպի Ձորի թաղ կոչվող հատվածում:

«Ֆունդամենտն են փորել, պարիսպ բդի շարեն: Լրիվ փողոցը վաճառված է: Կսեմ՝ ո՞վ է ծախել, որ առել ես, կսե մետրը 2000 դրամով առել եմ:

Եկել է, ընձի կսե՝ տոկ կուտա՞ս, գործ ենեմ: Ըսի՝ չէ, չեմ տա, ես մենակ կռնամ բողոքե, որ ուլիցն առել ես, բայց ո՞վ է ծախել: Լավ դու առար, բայց քաղաքապետարան ու կադաստրը ինչխ են հաստատել:

Հարցրեցի, կըսե՝ ես չեմ հասկընա՝ ընդիկ քու ի՞նչ գործդ է, ես էլ ըսի՝ այ մարդ, ես էլ չեմ հասկընա, թե դու ինչղ ես առել»,-վրդովված ներկայացրեց քաղաքացին:

Վիճահարույց տարածքը ժամանակին պատկանել է նախկին Տեքստիլ գործարանին: 88-ի աղետից հետո գործարանը չի աշխատել, այնուհետ սեփականաշնորհվել է, սեփականատերն էլ գործարանն ու գործարանի տարածքը մաս-մաս վաճառել է:

«Էդ մարդն էլ իրեն իրավունք վերապահեց, որ ինքն է էդ տարածքի և ճարտարապետը, և քաղաքապետը, և ամեն ինչը, ու սկսեց էդ հողամասերն իր գիտելիքների չափով բաժանել մանր մասերի, առանց հաշվի առնելու գլխավոր հատակագծի պահանջները, հողի օգտագործման, գործառնական  նպատակային նշանակությունը: Ու սկսեց աճուրդով վաճառել էդ հողամասերը, առանց որևէ քաղաքաշինական փաստաթուղթ հաշվի առնելու: Մենք դրա դեմ բողոք ներկայացրեցինք էն ժամանակ, որ անթույլատրելի է, դատական պրոցես սկսվեց, մենք պարտվեցինք:

Դրանից հետո արդեն, երբ որ էդ հողատերերն արդեն ուզում էին ստանալ ճարտարապետական առաջադրանք, նախագծման շինթույլտվություն, արդեն մեր իրավունքներն օգտագործելով, մեր պահանջները դրեցինք, որ անպայման պետք է տարածքի կառուցապատումն իրականացվի գլխավոր հատակագծին համապատասխան»,- բացատրեց Գյումրու քաղաքապետարանի ճարտարապետ Հենրիկ Գասպարյանը:

Նախկին սեփականատերը վաղուց է մահացել, սակայն գնորդները կան:

Նրանցից մեկն էլ Հովհաննես Հարությունյանն է, որն օրեր առաջ  տարածքում կառուցապատում է սկսել իրականացնել:

Տարածքը ձեռք է բերել աճուրդով՝ 2007-2008 թվականներին: Մեզ հետ զրույցում Հարությունյանը նշեց՝ օրենքով, փաստաթղթով:  ՀԺ-ի հարցին, թե ինչու այսքան ժամանակ սեփական տարածքում որևէ աշխատանք չի արվել, ասաց՝ տարբեր պատճառներով չի հարմարվել:

«Հիմա արդեն տարածքը կառուցապատվում է՝ արտադրություն հիմնելու համար: Ներդրում է արվելու էն հողի վրա, որը հանդիսանում է սեփականություն, ունի սեփականության վկայական և պահանջվող բոլոր փաստաթղթերը: Օրինական դիմել ենք Գյումրու համայնքապետարան, ստացել ենք շինթույլտվություն  և սկսել ենք իրականացնել շինաշխատանքները»,- ասաց սեփականատերը:

Խնդրի պարզաբանման նպատակով Գյումրու քաղաքապետարանին ուղղված մեր հարցերին կառույցի որոշմամբ պատասխանող գլխավոր ճարտարապետ Հենրիկ Գասպարյանը վստահ ընդգծեց. տարածքում ապօրինի շինարարություն է սկսված:

«Ես չգիտեմ ով է, բայց գիտեմ, որ էնտեղ ինչ-որ պարսպի կառուցման փորձ է կատարվել: Սկսել էին շինարարություն կատարել, որն ապօրինի էր: Մեր կողմից շինարարական աշխատանքների թույլտվություն չի տրվել, կասեցվել է սկսած աշխատանքը:

Թույլտվություն չկա, կարող  է տարիներ առաջ դիմել են, բայց էս վերջերս չեն դիմել շինարարությունից առաջ»,- ասաց քաղաքապետարանի պատասխանատուն:

Ոչ  թե էս վերջերս, կամ ավելի վաղ, այլ 2020 թվականի  մայիսին է Հարությունյանը քաղաքապետարանից ստացել  իր շինթույլտվությունը: Մայիսի 22-ին: Փաստաթղթի հաստատումն ու ստորագրությունը Գյումրու քաղաքապետ Սամվել Բալասանյանինն է:

ՀԺ-ի խնդրանքով փաստաթուղթը փոխանցեց Հովհաննես Հարությունյանը: Դրանով սեփականատեր Հովհաննես Ավետիքի Հարությունյանին թույլ է տրվում Մհեր Մկրտչյան 48 հասցեում իրականացնել պարսպի կառուցում:

Լուսանկարում սեփականատիրոջ կողմից ներկայացված փաստաթուղթն է

Քաղաքապետարնի պատասխանատուն պնդում է, որ շինարարությունն ապօրինի է, սեփականատերը ներկայացնում է նույն քաղաքապետարանի կողմից իրեն տրված շինթույլտվությունը: Տարածքի բնակիչն էլ պնդում է՝ թույլ չի տա, որ որևէ մեկը փողոցը զավթի, պարիսպներ դնի, փակի իր, մյուսների և մեքենաների ճանապարհը:

Ճարտարապետն ասում է, իրենք էլ թույլ չեն տա, քանի որ Մհեր Մկրտչյան փողոցը քաղաքի մայր երակն է: Այն սեփականաշնորհված հատվածում միանալու է Խրիմյան Հայրիկ խճուղուն, իսկ հակյառակ ուղղությամբ՝  ձոր կա, որի վրայով կառուցվելիք կամրջով Մհեր Մկրտչյանը կմիանա Շիրակացի փողոցին:

«30 մետր լայնությամբ հսկա փողոցի մասին է խոսքը, որտեղ որևէ կառուցապատում անել որևէ մեկին թույլ չի տրվելու»,-ասաց Գասպարյանը:

Սեփականատերն էլ իր պնդումն ունի: Ասաց՝ հենց իրենց տարածքում, իրենց ունեցած իրավունքով պարիսպ են կառուցելու, ներսում արտադրություն սկսեն:

Արդեն մի քանի ծառ է կտրվել փողոցին հարակից ծառուղուց: ՀԺ-ին դիմած քաղաքացին ասաց, իրենց առաջարկվում է որպես փողոց ծառայեցնել հենց ծառուղին: Ճարտարապետը պնդում է. այլևս ծառեր չեն հատվի, փողոցը կմնա փողոց, ծառուղին՝ ծառուղի:

Տարածքի սեփականատերը այլ պնդում ունի: Ընդգծում է. իրեն պատկանող տարածքը երբեք փողոց չի եղել: Քաղաքի գլխավոր հատակագծում նշված Մհեր Մկրտչյան փողոցը փաստացի չի համապատասխանում այն տարածքին, որն իրենն է, և որով տարիներ շարունակ մեքենաներն անցել-դարձել են՝ այն վերածելով ճանապարհի:

«Դա փողոց չի: Պատկերացրեք, որ դաշտի միջով մի 5 տարի գնանք-գանք, գնանք-գանք, հետո ասենք, էստեղ փողոց կա:  Հողի սեփականատերը գա, որ իր էդ հողում կարտոֆիլ աճեցնի, հարևան գյուղի ժողովուրդը ելնի ասի, գիտես ինչ կա, ես 5 տարի էս ճանապարհով եկել-գնացել եմ, հիմա ինչի ես իմ ճանապարհը փոխում, ուրիշ ձևի դարձնում:

Տարածքը փաստացի ունի սեփականատեր, նա էլ որոշել է իրականացնի կառուցապատում,  մեքենաները , որոնք ինչ-որ ժամանակ անցել-դարձել են էդ հատվածով, փաստացի ճանապարհ չի եղել դա: Գոյություն ունի գենպլան, գոյություն ունի սեփականության վկայական, կա սևով սպիտակի վրա գրված կետեր, որոնք մենք չենք խախտել»,- վստահեցրեց Հարությունյանը:

Տարածքում ներկա պահին շինարարություն չի ընթանում: Ըստ սեփականատիրոջ՝ ինքը մյուս սեփականատերերի հետ եկել է համաձայնության, իրենց կամքով դադարեցրել են աշխատանքները, տարածքում ստեղծել մեքենաների և մարդկանց երթեկեւության համար հնարավորորււթյուն, մինչև քաղաքապետարանը քաղաքի գլխավոր հատակագծի հարցում հստակություն մտցնի:

Քաղաքապետարանի ճարտարապետն էլ պնդում է. աշխատանքն իրենք են կասեցրել, քանի որ այն սկսված է եղել ապօրինի:

Իսկ քաղաքի գլխավոր հատակագծում հստակություն, առաջիկայում, իրոք նախատեսվում է:

Հնարավո՞ր  է Գյումրու քաղաքապետարանը  դիմի կառավարությանը օգնությանը՝  նշված տարածքները որպես գերակա շահ ճանաչելու և համայնքին վերադարձնելու համար: Ճարտարապետն ասաց դեպի դրան տանող մեկ քայլ իրենց նախորդ տարի են արել: Հարցը քննարկվել է քաղշինկոմիտեում, հետո ընթացք չի եղել:

«Մենք էդ տարածքի վերաբերյալ մեր դիրքորոշումը մոտ օրերերս կհայտնեք, որովհեև հենց հիմա իրականացվում է քաղաքի գլխավոր հատակագծի  վերանայում:

Բայց որ դա լինելու է փողոց, հատակագծի հիմնական դրույթներից մեկն է, դա քաղաքի երակներից մեկն է, պատահական փողոց չէ»,-պնդեց ճարտարապետը:

Տարևածքի սեփականատերը ևս վեևջի համար ասելիք ուներ: Հարությունյանն ասաց, իրենք իրենց շինարարությունն անելու են, քանի որ շինթույլտվությունը երեք ամիս ժամկետով է տրվում: Անկախ առկա բողոքներից, դա իր տարածքն է, իսկ մայիսի 22-ին տրված թույլտվության ժամկետը լրանում է օգոստոսի 22-ին:

«Երբ որ մենք դադարեցրել ենք լայնամասշտաբ շինարարությունը, դա եղել է մեր բարի կամքի դրսևորումը: Համ ուզում ենք ներդրում լինի, աշխատատեղ բացվի, համ էլ կողքից անընդհատ խանգարող ունենք:  Է հա ինչ անենք, ճամփեն պիտի մի քիչ կողքից անցնի»,-զրույցը եզրափակեց Հովհաննես Հարությունյանը:

 

Տպել
8738 դիտում

Ալիևի նախկին փեսան հայտարարել է՝ իրենց պատկանող «Crocus city»-ի վերականգնումը կախված է Պուտինի և Վորոբյովի կարծիքից

ՔԿԾ-ին անհրաժեշտ են վարորդներ. ովքեր և ինչպես կարող են դիմել

Հայաստանում վտարանդի կառավարություն ներկայացող բոլոր գրասենյակները պետք է փակել. Չախոյան

Այս անգամ դաշտ են նետել սիրելի պահեստայինին, որը մեկ շաբաթում մեկ ստորագրությամբ լուծարեց ԼՂ-ն. Հովհաննիսյան

Ընթանում է «Հայաստանը՝ որպես քաղաքակրթական խաչմերուկ» միջազգային գիտաժողովը (տեսանյութ)

Հայաստանի գոյությունը կարող է երաշխավորվել բացառապես եվրոպական ընտանիքում․ Արման Բաբաջանյան

ԿԳՄՍ նախարարն ու Ֆրանսիայի դեսպանն այցելել են ակադեմիական քաղաքի տարածք

Եթե մենք մնում ենք Ռուսաստանի հետ, խնդիրները լուծվելու են մեր հաշվին. Արամ Սարգսյան

2 զոհ, 7 վիրավոր. վթար Մարգարա-Վանաձոր-Տաշիր ճանապարհին

Գագիկ Սուրենյանը սպասված նորություն է հայտնել

«Տոյոտա»-ի 51-ամյա վարորդը, լինելով խմածության ամենաբարձր աստիճանի, բախվել է 3 մեքենայի

Քննչական կոմիտեի վետերանները հանդիպել են նորանշանակ քննիչների հետ

ԼՂ-ից բռնի տեղահանվածները ևս 9 ամիս սոցիալական աջակցություն կստանան, ընդլայնվել է նաև շահառուների շրջանակը

Հայաստանը մարդասիրական օգնություն կցուցաբերի Գազային

Եկամուտների հայտարարագիր ներկայացնող քաղաքացիները պետք է իրականացնեն անձի նույնականացման գործընթաց․ ՊԵԿ

ԼՂ-ից բռնի տեղահանված շուրջ 17 հազար երեխա կրթություն է ստանում ՀՀ դպրոցներում

Խմելու ջրի սակագինը չի թանկանա

ԱՄՆ-ը համաձայն չէ Ադրբեջանի պնդումների հետ․ Մեթյու Միլլեր

Հայաստանը կստանա 92,3 մլն եվրոյի բյուջետային վարկ և 16 մլն եվրոյի դրամաշնորհ. ինչ նպատակների համար կծառայեն դրանք

Հայաստանում, բացի ՀՀ կառավարությունից, որևէ այլ կառավարություն չի կարող գոյություն ունենալ. Փաշինյան

Ադրբեջանի ՊԱԾ ղեկավարը Հայաստանին սպառնում է՝ մեղքը բարդելով Ֆրանսիայի վրա

«Կովկասի գերուհի» ռեստորանի մենեջերը կասկածվում է 11 միլիոն դրամ հափշտակելու համար

ԱԱԾ-ն հայտարարություն է տարածել

Հայաստանը ՀԱՊԿ-ից դուրս գալու ծանուցում չի ուղարկել, բայց աշխատանքներին չի մասնակցում. Թասմագամբետով

Հաստատվել է նախադպրոցական հաստատության ղեկավարման իրավունքի քննության թեստավորման նոր հարցաշարը. ԿԳՄՍՆ

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Հայ-վրացական սահման տանող ճանապարհի փակ հատվածը թեթև մարդատար մեքենաների համար բացվել է

Թալանել են Սայաթ-Նովա պողոտայի «Զիգզագ» խանութը. հափշտակվել է 5,5 մլն դրամի բջջային հեռախոս

1000-րդ գործն է մակագրվել ամբողջությամբ թվայնացված քաղաքացիական դատարան. Մինասյանը նշել է համակարգի առավելությունները

Հաստատվել է Բլինքենի և Սամանթա Փաուերի մասնակցությունը ՀՀ-ԱՄՆ-ԵՄ եռակողմ հանդիպմանը

Սպանդարյան, Տոլորս և Տաթև ջրամբարներում ձկնապաշտպան կառույցների նախագծում. հայտարարվում է մրցույթ

Ինչպես ապահովել երեխաների անվտանգ երթևեկությունը. Առողջապահության նախարարության խորհուրդը

Ucom ընկերությունը ցանցային վերազինման աշխատանքներ է մեկնարկում մի շարք մարզերում

ՀՀ տարածքում կան փակ և դժվարանցանելի ավտոճանապարհներ

«Ինկած բերդի իշխանուհին»՝ 6 մրցանակի դափնեկիր. հայտնի են «Արտավազդ» թատերական մրցանակաբաշխության հաղթողները

Գեղամ Մանուկյանը երբ լսեց կատարված աշխատանքների մասին, երևի ուրախությունից հուզվել է, և լացը կարող էր գալ․ Քոչարյան

Crocus City Hall-ի ահաբեկչության զոհերի թիվը հասել է 143-ի

Մտածում էի՝ այստեղ միակ հնդիկն եմ լինելու. գրող Արջուն Կրիշնա Լալիի արկածները Հայաստանում (տեսանյութ)

15 օրվա ընթացքում վճարելու դեպքում տուգանքը կնվազի 30 տոկոսով․ երբ կսկի գործել համակարգը

ՀՀ-ն պատրաստ է Ադրբեջանի հետ արդեն համաձայնեցված սկզբունքների հիման վրա գնալ խաղաղության պայմանագրի անհապաղ ստորագրմանը