ԱԺ-ում տեղի է ունենում հանդիպում բուհ չընդունված դիմորդների, նրանց ծնողների եւ ԱԺ պատգամավորների մասնակցությամբ

Ազգային ժողովում այժմ ընթանում է հանդիպում բուհերի ընդունելության քննության արդյունքում դուրս մնացած դիմորդների, նրանց ծնողների եւ ԱԺ պատգամավորների մասնակցությամբ։ 

Քննարկումը տեղի է ունենում «Պահանջատեր դիմորդ» նախաձեռնության անդամների առաջարկով (շարժումը ստեղծվել է օրերս, նրանք բողոքում են ընդունելության նոր կարգից):

Ինչպես ավելի վաղ իր ֆեյսբուքյան էջում տեղեկացրել էր «Լուսավոր Հայաստան» խմբակցության պատգամավոր Աննա Կոստանյանը, հանդիպմանը քննարկվելու են «Պահանջատեր դիմորդ» նախաձեռնության անդամների կողմից ներկայացվելիք առաջարկները եւ հետագա հնարավոր քայլերը։

«Այս հարցը պետք է ունենա օբյեկտիվ, արդար եւ պահանջատեր դիմորդների համար ընդունելի լուծում, քանի որ հենց այս տարի թագավարակով պայմանավորված, ինչպես նաև նախարարության կայացրած` բազմակողմանի չհաշվարկված որոշումների արդյունքում տուժել են հենց այս երեխաները, այդ իսկ պատճառով լիազոր մարմնի կողմից կայացվելիք հետագա որոշումները պետք է բխեն հենց այս դիմորդների շահերից եւ հօգուտ նրանց՝ հաշվի առնելով մի քանի պարզ սխալ, որ արվել է նախարարության կողմից։ Գիտելիքը երբեք չպետք է ստորադասել»,- գրել է Կոստանյանը։

Նշենք նաեւ, որ «Պահանջատեր դիմորդ» երիտասարդական շարժման փաստաբանական թիմն այսօր պատրաստվում է 2 հայցադիմում ներկայացնել դատարան։ Փաստաբանական թիմի ղեկավար Ալեքսանդր Կոչուբաեւն իր ֆեյսբուքյան էջում տեղեկացրել է, որ 1-ին հայցադիմումով ՀՀ վարչական դատարանի առջեւ բարձրացվում է ընդունելիության կարգի անվավերության հարցը (դա հիմնավորվում է այն հանգամանքով, որ ցածր իրավաբանական ուժ ունեցող ակտը՝ ընդունելության քննությունների կարգը հաստատելու մասին որոշումը գերադասվել է առավել բարձր իրավաբանական ուժ ունեցող ակտերին: Մասնավորապես Կրթության մասին օրենքին, որում փոփոխությունները կատարվել են որոշումն ընդունելուց հետո):
2-րդ հայցով պահանջ է դրված անհատական մակարդակում, լիազորագիր տված բոլոր դիմորդների նկատմամբ կարգի կիրառումը ճանաչել անվավեր:

Նա նաեւ շարժման մասնակիցներին ժամը 13:30-ին հրավիրել է ՀՀ վարչական դատարանի բակ՝ հայցը մուտքագրելուց հետո մանրամասները քննարկելու համար։

«Սիրելի՛ դիմորդներ, ձեր պայքարն անկասելի է, ձեր հաղթանակը՝ անխուսափելի, դուք հաղթող եք, դուք արդեն հաղթել եք»,- գրել է Կոչուբաեւը։

Հիշեցնենք, որ արդեն քանի օր է՝ շարունակվում են անցկացվել բողոքներ՝ ընդունելության նոր կարգի հետ կապված, որով գերակա է առաջին հայտը, եւ մի շարք դիմորդներ չեն ընդունվել բուհ՝ հավաքելով համեմատաբար բարձր միավորներ։

Տպել
3910 դիտում

Ֆրանսիայի հայերը լայնամասշտաբ բողոքի ակցիա են իրականացրել Փարիզի սրտում (տեսանյութ)

Կարեն Շաքարյանն ու Հունան Հայրումյանը ԱՀ նախագահի կողմից արժանացել են «Արցախի հերոս» բարձրագույն կոչման

Քաջաբար ելեք հայրենիքի պաշտպանության նվիրական պայքարի, կանգնեք սահմանագծում մարտնչող քաջերի կողքին. Կաթողիկոսի ուղերձը

Այս պահի դրությամբ Արցախի ՊԲ կարիքների համար քնապարկերի անհրաժեշտ քանակը լրացված է. ՊԲ

Պարզ չէ, թե որտեղ է ավարտվում Բաքվի պահանջների և ախորժակի սահմանը. վարչապետն ընդունել է Ֆրանսիայի խորհրդարանականներին

Ահաբեկիչները բողոքում են, որ ադրբեջանցիները նրանցից խլում են ոչ միայն անձնագրերը այլ նաև հեռախոսները. Ա. Հովհաննիսյան

Հակառակորդի՝ այսօր խոցված հերթական ԱԹՍ-ն (լուսանկարներ)

Ադրբեջանում մշակութային գործիչները, մտավորականները հրապարակային խրախուսում և տարածում են ատելություն ու բռնության կոչերը

Թշնամական ոչնչացված հերթական զրահատեխնիկան (տեսանյութ)

Վերլուծությունը փաստել է Ադրբեջանի զինվորի կողմից ծանր վիրավոր հայ զինվորին գնդակահարելու կադրերի իսկությունը

ԱՀ նախագահի հետ քննարկվել են թշնամուն անդառնալի կորուստներ հասցնելու մասին անելիքները

Ադրբեջանական տեսանյութի 8 հայ գերիների մասով Հայաստանը դիմել է ՄԻԵԴ

Աջարահայերն աջակցում են Արցախին. խաղաղ ցույց Բաթումիում. (լուսանկարներ)

Մ. Մայիլյանը շնորհակալական նամակ է հղել Ավստրալիայի Նոր Հարավային Ուելս նահանգի պատգամավորին

Պատերազմը հենց մեր հայերն են ավարտելու, ու սա լինելու է վերջինը. արցախցի 4 երեխաների մայր

Ամենայն Հայոց կաթողիկոսը հանդես կգա ուղերձով

Կրակային դիրք, դիտակետեր, շարասյուներ ոչնչացնելու, կրակի տակ վիրավորներին դուրս բերելու համար կպարգևատրվեն զինծառայողներ

Արտակ Բեգլարյանը այցելել է Ստեփանակերտի և Շուշիի մի շարք ապաստարաններ (լուսանկարներ)

Արցախի ՊԲ-ն հրապարակել է ղարաբաղա-ադրբեջանական սահմանի մարտերում զոհված եւս 11 զինծառայողի անուն

Ֆրանսիայի խորհրդարանական պատվիրակությունը հարգանքի տուրք մատուցեց Ծիծեռնակաբերդի հուշահամալիրում