Թոռներին ծեծելու մեղադրանքով կալանավորվել է 57-ամյա տղամարդը. երեխաներն իրենց տուն առայժմ չեն վերադառնա

Տավուշի մարզի Խաշթառակ համայնքի մեկ ընտանիքից օրեր առաջ հոսպիտալացվել էր 7 երեխա՝ կապտուկներով, թունավորում ախտանիշով: Պապիկի տանը ապրող 1-ից 9 տարեկան երեխաներից երկուսը հոսպիտալացվել էին Երեւանի «Սուրբ Աստվածամայր» բուժկենտրոնում, մյուսները՝ «Մուրացան» համալսարանական հիվանդանոցում:

Հոսպիտալացման պահին 6-ամյա տղայի վիճակը ծայրահեղ ծանր էր. «Հայկական ժամանակ»-ի հետ զրույցում «Սուրբ Աստվածամայր» բուժկենտրոնի խոսնակ Գեւորգ Դերձյանը հաղորդեց, որ նրա մոտ դրական դինամիկա չի գրանցվել: «Նա ունի համակցված վնասվածքներ, գլխուղեղի, երիկամների վնասվածքներ, մարմնի վերջույթների սալջարդեր։ Անգիտակից է, միացված է արհեստական շնչառության սարք։ Երեխայի կյանքին վտանգ է սպառնում»,- ասաց Դերձյանը: «Մուրացան» բուժկենտրոնից հաղորդեցին, որ այնտեղ տեղափոխված փոքրիկ Հակոբջանյաններն իրենց լիովին լավ են զգում, կարող են վաղն էլ դուրս գրվել: «Համայնքապետարանի հետ կապի մեջ ենք, երեխաների հետեւից պիտի գան»,- ասացին բուժկենտրոնից:

Տավուշի մարզապետարանի Ընտանիքի, կանանց եւ երեխաների իրավունքների պաշտպանության բաժնի գլխավոր մասնագետ Արմենուհի Բաղդասարյանը մեզ հետ զրույցում ընդգծեց, որ երեխաներն իրենց տուն, համենայն դեպս, մոտ ապագայում չեն վերադառնալու: «Կարճաժամկետ ծրագրերով կկազմակերպվի նրանց խնամքը որեւէ հաստատությունում՝ Հայ օգնության ֆոնդում կամ, օրինակ, SOS մանկական գյուղում, մինչեւ քննչական գործողություններն ավարտվեն, եւ կարողանանք վերջնական որոշում կայացնել, թե որտեղ պետք է ապրեն երեխաները: Նախնական գիտենք, որ տատիկն էլ չի կարող պահել. նա ասել է, որ ծեր է և կդժվարանա»,- նշեց Բաղդասարյանը:

Հարցին, թե ինչպե՞ս համայնքապետարանի սոցաշխատողները չեն նկատել, որ նման բազմանդամ ընտանիքում երեխաներն անպաշտպան են, ինչպես հարեւաններն են նշել, ապրել են կիսաքաղց ու անխնամ, եղել են հոգեկան խնդիրներ ունեցող մեծահասակների հետ, Բաղդասարյանը պատասխանեց, որ երբեւէ այս ընտանիքի մասին համայնքապետարանն ահազանգ չի ստացել: «Իմացել ենք, որ խնդրահարույց ընտանիք է, սոցիալական օգնություն ենք հատկացրել, համանքապետարանն էլ աջակցություն է հատկացրել պարբերաբար, սակայն այլ որեւէ խնդրի մասին, նման խնդրի մասին որեւէ ահազանգ չի եղել»,- ասաց նա:

Բաղդասարյանը հաղորդեց, որ օգոստոսի 21-ին համայնքապետարանում գումարվել է ժողով, որին մասնակցել է նաեւ այն դպրոցի տնօրենը, ուր հաճախել են փոքրիկ Հակոբջանյանները. «Տնօրենը եւս ասաց, որ երեխաները չեն եղել անխնամ, դպրոց եկել են նորմալ հագնված»: Նա նաեւ հավելեց, որ երեխաների մայրը վարկ է ունեցել, եւ, ըստ վարկային կազմակերպության, եղել է պատասխանատու վարկառու:

Տեղեկություններ կան, որ երեխաների հորաքույրը փորձել է երեխաներին հանձնել խնամքի կենտրոն, սակայն նրան ասել են, որ «երեխաները պիտի ապրեն ընտանիքում, այդպիսին է պետության ռազմավարությունը», սակայն արդո՞ք կարելի էր թույլ տալ, որ երեխաները շարունակեին ապրել ոչ անվտանգ միջավայրում. այս հարցին ի պատասխան՝ Բաղդասարյանը նշեց, որ երեխաները 2015 թվականին երեք ամիս ապրել են SOS մանկական գյուղում, սակայն հետո վերադարձել են գյուղ՝ ընտանիքի դիմումի համաձայն. «Նրանք խնամքի կենտրոնում էին կարճաժամկետ ծրագրով, որից կարող էին վերադառնալ միայն դիմումի համաձայն, համայնքապետարանն այլեւս այդ հարցը չէր կարող քննել»,- ասաց Բաղդասարյանը:

Հորաքույրը երեխաներին խնամքի կենտրոն տեղափոխելու համար, ըստ Բաղդասարյանի, իրենց չի դիմել, գրավոր դիմում չի ներկայացրել, և միայն դեպքից մեկ օր առաջ «Երիտասարդ Տավուշ» հասարակական կազմակերպությունից իրենք ահազանգ են ստացել, որ երեխաների խնամքը պատշաճ չի կազմակերպվում: «Նախատեսում էինք խնդիրն ուսումնասիրել, երբ այդ դեպքի մասին իմացանք»,- ասաց նա:

Քննչական կոմիտեի խոսնակ Ռիմա Եգանյանը «Հայկական ժամանակ»-ի հարցերին ի պատասխան՝ հաղորդեց, որ երեխաների պապիկը կալանավորվել է, իսկ մայրը՝ ոչ: «Տավուշի մարզային քննչական վարչությունում քննվող քրեական գործով կատարված քննչական եւ դատավարական այլ գործողությունների արդյունքում պարզվել են Խաշթառակ համայնքի 57-ամյա բնակչի եւ նրա դստեր կողմից անչափահաս երեխաներին ֆիզիկական ուժեղ ցավ կամ հոգեկան ուժեղ տառապանք պատճառելու, ինչպես նաեւ՝ նրանցից մեկին ծանր մարմնական վնաս պատճառելու դեպքերի հանգամանքները»,- նշեց նա:

Քննությամբ ձեռք բերված տվյալների համաձայն՝ պարզվել է, որ պապիկը պարբերաբար, դիտավորությամբ ձեռքերով եւ ոտքերով բազմաթիվ հարվածներ է հասցրել իր 2 անչափահաս թոռների մարմնի տարբեր մասերին՝ վերջիններիս պատճառելով ֆիզիկական ուժեղ ցավ եւ հոգեկան ուժեղ տառապանք: Վերջինիս 28-ամյա դուստրը եւս պարբերաբար, դիտավորությամբ ձեռքերով, ոտքերով, փայտով եւ այլ առարկաներով բազմաթիվ հարվածներ է հասցրել իր 5 անչափահաս երեխաների, ինչպես նաեւ՝ համատեղ բնակվող եղբոր 2 անչափահաս որդիների մարմնի տարբեր մասերին՝ վերջիններիս պատճառելով ֆիզիկական ուժեղ ցավ եւ հոգեկան ուժեղ տառապանք:

Պապիկին մեղադրանք է առաջադրվել՝ ՀՀ քրեական օրենսգրքի 112-րդ հոդվածի (դիտավորությամբ առողջությանը ծանր վնաս պատճառելը) 1-ին մասով (պատժվում է ազատազրկմամբ՝ երեքից յոթ տարի ժամկետով) եւ ՀՀ քրեական օրենսգրքի 119-րդ հոդվածի (ֆիզիկական ուժեղ ցավ կամ հոգեկան ուժեղ տառապանք պատճառելը)  2-րդ մասի 1-ին եւ 3-րդ կետերով (պատժվում է ազատազրկմամբ՝ երեքից յոթ տարի ժամկետով), իսկ նրա դստերը մեղադրանք է առաջադրվել՝ ՀՀ քրեական օրենսգրքի 119-րդ հոդվածի 2-րդ մասի 1-ին եւ 3-րդ կետերով։ Միջնորդություն է ներկայացվել դատարան՝ վերջինիս նկատմամբ կալանավորումը՝ որպես խափանման միջոց կիրառելու վերաբերյալ, սակայն միջնորդությունը չի բավարարվել։

Լուսանկարը՝ «Ազատություն» ռադիոկայանի

Տպել
1258 դիտում

Հայաստանի հումանիտար առաքելության խմբի ականազերծած տարածքները հանձնվել են Հալեպի իշխանություններին

Հոլիվուդյան աստղերը տարիներ առաջ և այսօր. նրանց դեմ ժամանակն անզոր է (լուսանկարներ)

Կալանավորվել է ԲՀԿ-ական նախկին պատգամավոր Ջանիբեկ Հայրապետյանը

Հրդեհ Զանգակատուն գյուղում

ԿԽՄԿ-ն ջանքեր է գործադրում գերեվարված զինծառայողների և պատանդառված քաղաքացիական անձանց շուտափույթ վերադարձի համար

Երևանի էներգաարդյունավետության ծրագրի շրջանակում ստորագրվել է ևս 6 մանկապարտեզի հիմնանորոգման պայմանագիր (տեսանյութ)

33 տնտեսվարողի մոտ անցկացված ստուգայցերի ընթացքում կազմվել է 14 արձանագրություն. ՍԱՏՄ

Կոտայքում կորոնավիրուսի դեմ պատվաստվել է 2227 քաղաքացի

Գեղարքունիքի 4 համայնքում նշանակվել են համայնքների ղեկավարների պաշտոնակատարներ

Տարեվերջին տնտեսական համագործակցություն կհաստատվի Գեղարքունիքի և Օմսկի մարզերի միջև

STARMUS-ը երիտասարդներին քաջալերելու լավագույն ձևն է. ներկայացվել է STARMUS 6-րդ փառատոնը (տեսանյութ)

Այս պահի դրությամբ Հայաստանի վարչապետի և Ադրբեջանի նախագահի միջև որևէ հանդիպում նախատեսված չէ. ԱԳՆ

Հայաստանի գինու գործարանները հիմնված են ավանդույթների և հայկականության պահպանման վրա (տեսանյութ)

Եթե ՌԴ-Հայաստան-Ադրբեջան հանդիպման անցկացման մասին պայմանավորվածություն ձեռք բերվի, Կրեմլը կտեղեկացնի. Պեսկով

44 անշարժ գույք, 1 մլրդ դրամ, 15 ընկերությունում բաժնեմաս․ ինչ ունեցվածք ունի Մհեր Սեդրակյանի որդին՝ Դավիթ Սեդրակյանը

ԱՆ ենթակայության կազմակերպությունների 16034 աշխատողների 88%-ը պատվաստվել են

«Մտքերի հայկական գագաթնաժողովի» շրջանակում ՀՀ նախագահը զրուցել Ռոմանո Պրոդիի հետ

Օդի ջերմաստիճանը ցերեկը կնվազի 4-6 աստիճանով. սպասվում են տեղումներ

Միջանցքի հարց օրակարգում չկա. Ալիևը դարձել է իր խոստումների գերին

Վաղը օպերայի և բալետի ազգային ակադեմիական թատրոնի բակում կտեղադրվեն շարժական պատվաստումային կետեր

Այս գագաթնաժողովը ապագայի մասին է. ՀՀ նախագահը՝ Մտքերի հայկական երրորդ գագաթնաժողովին (տեսանյութ)

Թուրքիան սկսել է ԱՄՆ-ից F-16 կործանիչներ գնելու ընթացակարգը

Ոստիկնները ապօրինի ծառահատման դեպքեր են բացահայտել

Բազմաթիվ նորարարությունների համար Հայաստանը կարող է դառնալ տուն. ԿԲ նախագահ

Արցախի «Մոր և մանկան առողջության պահպանման կենտրոն»-ում Աթենքից ժամանած բժիշկը հետազոտություններ կիրականացնի

Գանձաքար համայնքում ղեկավարի պաշտոնակատար է նշանակվել

Արցախում ստացիոնար բուժում է ստանում կորոնավիրուսի 124 վարակակիր. 14-ի վիճակը ծայրահեղ ծանր է

Իմ քաղաքի բնակիչներին օգտակար լինելու առաքելության ավարտից հետո քաղաքականության մեջ էլ չեմ լինի․ Դիանա Գասպարյան

Երբ մոդելավորում ենք աշխարհը, սկսում ենք ավելի լավ ճանաչել այն. վարչապետը մասնակցել է «Մտքերի հայկական գագաթնաժողովին»

Երևանում ևս 6 մանկապարտեզ կհիմնանորոգվեն. Հայկ Մարությանը ստորագրել է պայմանագրերը (տեսանյութ)

Առաջիկա օրերին Երևանի Արաբկիր վարչական շրջանի և Կոտայքի մարզի որոշ հասցեներում ջուր չի լինի

Հաստատվել է կորոնավիրուսային հիվանդության 1962 նոր դեպք, գրանցվել է 31 մահ

Երևանի 17-ամյա բնակիչն իր վարած մեքենայով բախվել է կայանված 8 մեքենայի

Արտակ Բեգլարյանը Լոս Անջելեսում հանդիպումներ է ունեցել համայնքային հոգևոր առաջնորդների, Հայ դատի անդամների հետ

Ջերմուկում ընթանում են լայնածավալ շինարարական աշխատանքներ. ընդհանուր արժեքը 3 միլիարդ դրամ է

Երևանի Արցախի պողոտայում մեքենա է հրդեհվել

Պատգամավոր Դավիթ Սեդրակյանը պատգամավորական մանդատից հրաժարվելու դիմում է ներկայացրել

Երևան-Սևան ավտոճանապարհին ավտոմեքենան գլորվել է ձորը․ կա տուժած

«Վարչապետի գավաթ» սիրողական կրոսավազքի հայտերի ընդունման վերջնաժամկետը հոկտեմբերի 26-ն է. ԿԳՄՍՆ

Այս շաբաթ Երևանում իրականացվել է 2830 ստուգայց, արձանագրվել՝ 184 խախտում. ԱԱՏՄ