Դասերը մեկնարկում են նաեւ արվեստի դպրոցներում. ո՞ր դեպքում դիմակը կլինի պարտադիր եւ ո՞ր դեպքում դասը կանցնի առանց դիմակի

Այսօր՝ սեպտեմբերի 15-ին, առաջին դասարանցիների համար իրենց դռներն են բացում մեր հանրապետությունում գործող երաժշտական, արվեստի, գեղարվեստի եւ պարարվեստի դպրոցները, վաղվանից դրանք կընդունեն նաեւ բարձր դասարանների իրենց սաներին:

Ինչպես տեղեկանում ենք Կորոնավիրուսային հիվանդության (COVID-19) պայմաններում երաժշտական, արվեստի, գեղարվեստի եւ պարարվեստի դպրոցների գործունեության կազմակերպման ուղեցույցից, ուսումնառությունը կազմակերպվելու է ե՛ւ առկա, ե՛ւ հեռավար տարբերակներով: Ինչպես եւ հանրակրթական դպրոցներում ու բուհերում, արվեստի դպրոցներում եւս աշակերտները եւ ուսուցիչները կարող են ներկայացնել խոցելի խմբում լինելու մասին տեղեկանք եւ դասավանդել-դասերին մասնակցել հեռավար:

Ուսուցիչներին հնարավորություն է տրվում համավարակի շրջանում առհասարակ չհաճախել դպրոց ու նաեւ չուսուցանել հեռավար: Այդ դեպքում եւս նրանք պահպանելու են իրենց աշխատավարձը, բայց ոչ ավելի, քան մեկ դրույքի չափով: Տվյալ դեպքում դպրոցը կարող է ներգրավել փոխարինող ուսուցիչների:

Դպրոցների ուսումնական պլանները կազմվում են սովորականի պես՝ օրինակելի ուսումնական պլանի հիման վրա, 2020-2021 ուսումնական տարվա 1-ին կիսամյակն ունի 13 շաբաթ:

Անհատական եւ խմբային դասընթացների տեսական եւ գործնական դասաժամերին դիմակ դնելը պարտադիր է, բացառություն են կազմում ձայնարտաբերման եւ մարմնապլաստիկական գործողություն ենթադրող առարկաները (օրինակ՝ փողային նվագարաններ, երգեցողություն, երգչախումբ, բեմական խոսք, ռիթմիկա եւ մարմնամարզություն եւ այլն):

Խմբային առարկաներն անցկացվում են՝ ելնելով 1.5 մետր սոցիալական հեռավորություն ապահովելու հնարավորություններից հետեւյալ սկզբունքներով.

ա. Մինչեւ 12 սովորող ունեցող դասարանի կամ խմբի համար ուսումնական գործընթացը կազմակերպվում է նվազագույնը 32 մ/ք մակերես ունեցող դասասենյակներում կամ այդ նպատակով կահավորված դահլիճներում, միջանցքներում եւ բացօթյա տարածքներում.

բ. Մինչեւ 6 սովորող ունեցող դասարանի կամ խմբի համար ուսումնական գործընթացը կազմակերպվում է նվազագույնը 16 մ/ք մակերես ունեցող դասասենյակներում կամ այդ նպատակով կահավորված դահլիճներում, միջանցքներում եւ բացօթյա տարածքներում:

Դասերի ժամանակ սովորողների նստեցումը իրականացվում է մեկական՝ խաչաձեւ: Աշակերտները դասին մասնակցում են տեղից, նրանց գրատախտակի մոտ կանչելն արգելվում է:

Արգելվում է խմբային աշխատանքների կազմակերպումն այն բոլոր դեպքերում, երբ հնարավոր չէ պահպանել սոցիալական հեռավորություն:

Գրավոր աշխատանքների համար արգելվում է տետրեր օգտագործելը: Դրանք կազմակերպվում են թերթիկների վրա: Գրավոր աշխատանքի ավարտից հետո դրանք դասատուն հավաքում է դրանց համար նախատեսված արկղի մեջ: Գրավոր աշխատանքների ստուգումն իրականացվում է 1 օր հետո:

Ելնելով անհրաժեշտությունից՝ ուսումնական գործընթացի կազմակերպումը կարող է իրականացվել հեռավար եղանակով՝ արվեստի դպրոցի հաստատած կանոնակարգով՝ 2020-2021 ուս. տարվա օրինակելի ուսումնական պլանի հիման վրա:

Արվեստի դպրոցների համար էլ պարտադիր է մակերեսների պարբերաբար ախտահանումը, աշխատողներին ու աշակերտներին դիմակներով ու անհատական ախտահանիչ միջոցներով ապահովելը, մուտքերի մոտ բոլորին ջերմաչափելը, կուտակումների բացառումը, դասասենյակների ու միջանցքների պարբերաբար օդափոխումը, օճառով լվացվելու հնարավորության ապահովումը: Առողջ եւ անվտանգ աշխատանքային ու կրթական միջավայր ապահովելու պարտականությունն ամբողջ ծավալով կրում է դպրոցի տնօրենը։

Նկատենք, որ այս ուղեցույցում կան աբսուրդային թվացող դրույթներ, օրինակ՝ ջութակի ու դաշնամուրի պարապմունքներն անցկացվելու են դիմակով, թեպետ նվագելու ընթացքում վարակի փոխանցումը գրեթե զրոյական է, իսկ ուսուցչի խոսքը՝ ուղղորդումը, եթե գոռալով չէ, ապա անհամեմատ ավելի նվազ է, քան, օրինակ, երգեցողության դասի ժամանակ միմյանց վարակի մասնիկների փոխանցման հնարավորությունը. վերջինի ժամանակ, սակայն, թույլատրվում է դիմակ չդնել: Ամենայն հավանականությամբ այն դասերը, որ հնարավոր է կազմակերպել դիմակով, որոշվել է պարտադիր կազմակերպել դիմակով:

Թույլատրվում է նաեւ առանց դիմակի անցկացնել պարի, ռիթմիկայի, մարմնամարզության հետ կապված մյուս դասերը: Հայտնի է, սակայն, որ ինտենսիվ շարժվելիս մարդը շնչում է ավելի արագ, հաճախ՝ նաեւ բաց բերանով, եւ կրկին անհամեմատ ավելի մեծ է վարակի փոխանցման հավանականությունը: Հնարավո՞ր է արդյոք դիմակով անցկացնել պարի ու մարմնակրթական դասերը. մասնագետները բացառում են. «Դասի առաջին իսկ րոպեներին՝ մկանները տաքացնելու վարժությունների ժամանակ արդեն, արագանում է սրտի աշխատանքը, շնչառությունը հաճախանում է, մի քիչ թմբլիկների մոտ դժվարանում է. երեխաները, ինչու չէ, նաեւ մենք, անընդհատ կվատանանք»,- մեզ հետ զրույցում նշեց ազգային երգուպարի խմբակի շուրջ տաս տարվա պարուսույցը: Նա ընդգծեց, որ վարակի տարածումից խուսափելու համար ճիշտ է, որ անընդհատ հիշեցնեն դասասենյակները եւ հանդերձարանները օդափոխելու մասին, երեխաներին թույլ չտալ, որ քրտնած դուրս գան, անդադար հորդորեն, որ իրենց քնի, սննդի ռեժիմներին, ըստ եղանակային պայմանների՝ հագնվելուն հետեւելով՝ առողջությունն ամուր պահեն: «Իսկ պարն ու մյուս ակտիվ դասերը միայն օգտակար են թե՛ երեխաներին վարակից պաշտպանելու առումով եւ թե՛ առհասարակ: Այս ամիսներին տանը նստած երեխաների մկանները լրիվ թուլացել են, հիվանդությունը դա է, պարը առողջություն է»,- նշեց ուսուցիչը:

Մարտից պարի դասեր չունեցած երեխաները շատ ուրախ էին առկա դասերով. «Միայն թե շուտ չփակեն դպրոցները, պարերը կրկնենք, բեմ բարձրանանք»,- ասացին: Նշենք, որ, ըստ ուղեցույցի, արվեստի դպրոցի անձնակազմի՝ 10 տոկոս եւ ավելի կորոնավարակով հիվանդանալու դեպքում հաստատությունը ժամանակավորապես առկա չի գործելու: 

Տպել
483 դիտում

Նորից ԱԹՍ զգետնեցինք. Արծրուն Հովհաննիսյան

Մերժելի եւ արատավոր մոտեցում է. Ջ.Ավետիսյանի Արցախի մասին պատմող ֆիլմը հանվել է Մոսկվայի կինոփառատոնի ծրագրից

Մեկ շաբաթվա, 10 օրվա մեջ ադրբեջանական բանակը փլուզվելու է, ռազմաճակատի գծից զինվորները փախչելու են. քաղաքագետ

Երեւանի գովազդային վահանակներին քարոզչական հոլովակներ են պտտվում. ինչի մասին են դրանք

Թուրքական մասնակցությունը պատերազմին և վարձկանների ներկայությունը ռազմական գոտում փաստացի ճանաչվեցին. Ռուբեն Ռուբինյան

Ադրբեջանն անգամ թուրքական օգնության հետ բախվում է ծանր հարվածների, Թրամփը դեռ լուռ է, Մակրոնը՝ մտահոգ. ԶԼՄ-ներ

Ջավախքցիները խաղաղվել են, Արցախին ուղարկված օգնությունը Հայաստան հասավ

Պատերազմն ավարտվելու է Ադրբեջանի պարտությամբ, կամ ոչ հաղթանակով. Արայիկ Հարությունյան

Արցախն իր պատմության մեջ երբեք չի գրավվել և երբեք չի գրավվելու. Արայիկ Հարությունյան

Մեր դրոշներն Ազգային Ժողովի շենքի վրա. Արարատ Միրզոյանը լուսանկար է հրապարակել

Ունենք 18 տարեկան երիտասարդ, որն արդեն հասցրել է ոչնչացնել հակառակորդի 9 զրահատեխնիկա. Արցախի նախագահ

Մոսկվան պատրաստ է հարթակ տրամադրել Հայաստանի, Ադրբեջանի և Ռուսաստանի արտգործնախարարների հանդիպման համար

Կան բազմաթիվ փաստեր, որ հակառակորդը սա պլանավորել էր վաղուց. Արայիկ Հարությունյան

Հարյուրավոր դիակներ են թողել առաջնագծում եւ շատ անտարբեր են իրենց կորուստների հանդեպ. Արցախի նախագահ

Նիկոլ Փաշինյանը հեռախոսազրույց է ունեցել Եվրոպական խորհրդի նախագահ Շարլ Միշելի հետ

Վալերի Դանելին. վերջին թռիչքը՝ դեպի անմահություն (տեսանյութ)

Ադրբեջանական ագրեսիան հետ մղելու ընթացքում զոհվել է եւս 23 զինծառայող. ԱՀ ՊՆ

Գորիսում քաղաքացին նետվել է «Մինա» հյուրանոցի տանիքից

Հավաքված սննդի ու պարագաների ծավալն այնքան մեծ է, որ մի մասը պահեստավորվում է (տեսանյութ)

Ադրբեջանի ռազմաքաղաքական ղեկավարության՝ շփման գծում ռազմական հանցագործություններ սանձազերծելու դեպքով հարուցվել է քրգործ