Վարչապետի օգնականը վերցրել է երթով Կառավարություն գնացած ուսանողների դիմումը, ասել, որ խնդիրն անպայման կքննարկվի

Այսօր Երեւանի պետական համալսարանից քայլերթով դեպի ՀՀ Կառավարություն շարժված ուսանողների պահանջը մեկն է, դրա հիմքում դրված փաստերը՝ մի քանիսը: Նրանք Կառավարությանը ներկայացրին 5000 ուսանողի ստորագրությամբ դիմում՝ պահանջով, որ կատարվի ուսման վարձավճարների մասնակի փոխհատուցում:

Քայլերթի ժամանակ մասնակիցները նշեցին՝ ինչո՞ւ պետք է հարցին անհապաղ լուծում տրվի:

ԵՊՀ ուսանողական խորհրդի նախագահ Դավիթ Ափոյան

ԵՊՀ ՈՒԽ նախագահի կարծիքով՝ Կառավարությունը պետք է իր հոգածության տակ գտնվող պետության կրթության ոլորտը հնարավորինս ուշադրության կենտրոնում պահի, ուսանողներին ընդառաջի: Նոր ուսումնական տարին արդեն սկսվել է, շուտով պետք է վճարվեն վարձավճարները, այդ պատճառով որքան հնարավոր է, շուտ են դիմում Կառավարությանը։ ԵՊՀ-ում շուրջ 500 ուսանող դեռեւս չի վճարել նախորդ տարվա ուսման վճարը: Կառավարությունը պետք է ինչ-որ որոշում, նախաձեռնություն իրականացնի, որ ուսման վարձը չվճարելու պատճառով դուրս չմնան երիտասարդները: 

«Հեռավար ուսուցման պատճառով կրթության որակը տուժել է, բացի դրանից, ուսանողներն ունեն սոցիալական մեծ խնդիրներ, ընտանիքի անդամները ֆինանսների հետ կապված խնդիրներ ունեն, հարկադիր պարապուրդի են մատնվել եւ չեն կարողանում ուսման վարձը վճարել: Ի վերջո, կրթությունը մեր ապագան է, եւ կրթության վրա կատարված ցանկացած ներդրում արդարացված է, ամենաարդարացված ներդրումն է»,- նշեց Դավիթ Ափոյանը:

Էլինա Արսիտակեսյան, սոցիոլոգիայի ֆակուլտետ

ԵՊՀ սոցոլոգիայի ֆակուլտետի ուսանողուհի Էլինա Արսիտակեսյանի խոսքով՝ հարցով դիմում են ՀՀ Կառավարությանը, այլ ոչ թե հենց իրենց բուհից են փոխհատուցում ակնկալում, քանի որ բուհին դիմելու դեպքում կարող է կրճատվել դասախոսի կամ որեւէ աշխատակցի աշխատավարձը: «Չենք ցանկանում, որ փոխհատուցման դեպքում տուժի դասախոսը: ԵՊՀ-ն հենց դասախոսն է եւ մնացած աշխատակիցները, այդ պատճառով դիմեցինք Կառավարությանը: ՀՀ-ում այս պահին կրթությունը շատ է որակազրկվել հեռավար ուսուցմամբ: Ինչո՞ւ պետք է նույն գինը վճարենք, ինչ առկա ուսուցման պարագայում»:

Լեմզա Հունանյան, աշխարհագրության ֆակուլտետի ՈՒԽ նախագահ

Նույն բուհի աշխարհագրության ֆակուլտետի ՈՒԽ նախագահ Լեմզա Հունանյանն էլ հեռավարի եւ ուսանողների սոցիալական խնդիրների մասին նշելուց զատ՝ տեխնիկական խնդիրների մասին հիշեցրեց. շատերը դուրս են մնում դասապրոցեսից, ոմանք նույնիսկ համացանցից օգտվելու հնարավորություն չունեն, սակայն պետք է նույն վարձը վճարեն: Նա նաեւ Կառավարության նախկին որոշման մասին խոսեց, որով զեղչվեցին բարձր ՄՈԳ (միջին որակական գնահատական) ունեցող ուսանողների վարձերը:

«Վարձերը զեղչել են ՄՈԳ-երի բարձր լինելու դեպքում: Իհարկե, շատ խրախուսելի է, որպեսզի ուսանողներն ավելի լավ սովորեն, բայց մնացածը եւս ուսանող են»,- ընդգծեց նա:

Մերի Վարդումյան, արեւելագիտության ֆակուլտետ

Համավարակի պայմաններում շատ ծնողների ու ուսանողների չաշխատելուց բացի, այս տարվա դիմորդների համար թանկացել են վարձերը, ինչն արեւելագիտության ֆակուլտետից Մերի Վարդումյանն անարդար է համարում: «Այս սոցիալական ճգնաժամը բոլորիս վրա է ազդում: Արդարացի կլինի, որ որոշակի զեղչ լինի, քանի որ համալսարանի ծանրաբեռնվածությունն այդքան էլ մեծ չէ, առկա դասերին երեւի 50 տոկոսով էլ չենք գնալու: Կա վարձերի թանկացում, ինչն այս պարագայում անարդար է, նույնիսկ նախկին վարձը չէինք կարողանում մուծել, հիմա թանկացրել են»:

Նշենք, որ այսօր ուսանողներից համապատասխան դիմումը վերցրեց ՀՀ վարչապետի օգնական Նաիրի Սարգսյանը: Նա ընդգծեց, որ առաջիկա օրերին վարչապետի մոտ նոր քննարկումների շարք է սկսվելու սոցիալ-տնտեսական անելիքների վերաբերյալ։ Նամակն անպայման հիմք կընդունեն որոշումներ կայացնելու համար։

Ուսանողների հետ զրուցեցին նաեւ ԱԺ «Լուսավոր Հայաստան» խմբակցության պատգամավորներ Կարեն Սիմոնյանը եւ Արմեն Եղիազարյանը: Սիմոնյանը հույս հայտնեց, որ Կառավարությունը կընդառաջի եւ գոնե հարկային արտոնություններ կտրամադրի բուհերին: Բոլոր բուհերում խնդիրը կապված է վճարունակության հետ, նաեւ այն բանի, որ ամբողջությամբ ծառայությունները չեն մատուցվում: Կարեւոր է, որ աջակցության համար բուհը ստիպված չլինի գնալ կրճատումների ճանապարհով: 

Տպել
478 դիտում

Սուրբ Գրիգոր Լուսավորիչ բկ-ում սննդային թունավորումը վերաբերում էր 33 հոգու, 25-ը՝ բուժանձնակազմից

Երեւանի Վարդավառի լճում հայտնաբերվել է մոտ 50-ամյա տղամարդու դի

Ովքե՞ր են ցուցարարների իրական դաշնակիցները

Արցախի նախագահն այցելել է Մատենադարան. Ստեփանակերտի գրադարանում նմանատիպ պայմաններ կստեղծվեն

Գավառի ոստիկանները տաք հետքերով կանխել են 40 ոչխարի գողության փորձը. կան բերման ենթարկվածներ

Վաղաշեն գյուղի նախկին դպրոցի չուգունե ռադիատորները գողացած 4 պատանի բերման է ենթարկվել

Կորոնավիրուսից մահացել է Ուզբեկստանի փոխվարչապետը

Ջերմաստիճանը սեպտեմբերի 20-22-ին կնվազի 2-3 աստիճանով, մոտակա օրերին սպասվում են անձրեւներ

Ալիեւի հայտարարություններն ի ցույց են դնում նրա անկարողությունը. ՀՀ ԱԳՆ խոսնակի պատասխանը՝ Ադրբեջանի նախագահին

Վրաստան մուտքն արգելող որոշումը շարունակում է ուժի մեջ մնալ. բացառություն են բեռնափոխադրումները

«Սուրբ Գրիգոր Լուսավորիչ» ԲԿ-ում գրանցվել են թունավորումներ բուժանձնակազմի որոշ անդամների եւ մի քանի պացիենտի մոտ

Հրդեհ Սպիտակ-Վանաձոր ավտոճանապարհի անտառամերձ հատվածում. այրվել են ծառեր, բուսածածկույթ

Նախկինները մի հաջողություն այնուամենայնիվ արձանագրեցին

Ամսական դրամաշնորհ՝ զբոսաշրջության և հարակից ոլորտների տնտեսվարողներին. Կառավարության նոր ծրագիրը

Հայ դիպուկահարը սահմանել է սպորտային սեփական ռեկորդ՝խոցելով նշանակետը 2574 մետրից

Երկար դադարից հետո Ալիևը երեկ որոշել է արձագանքել Փաշինյանի հրապարակած յոթ կետերին. Տ. Հայրապետյանը՝ արձագանքի մասին

Շատ օգտակար քննարկում ենք ունեցել Արցախում «Թումո» կենտրոնների ցանցն ընդլայնելու ուղղությամբ. ԱՀ նախագահը Երևանում է

Գեղադիր գյուղում այրվել է մոտ 100 հակ անասնակեր

Թուրքիան Ադրբեջանին ուժեղ ռազմական աջակցության է ցուցաբերում. ԱԳ նախարարի հարցազրույցը՝ «Sky News Arabic»-ին

Անկախության տոնը պետք է նշվեր Վանաձորում, բայց համավարակն այն սփռեց Հայաստանով մեկ