Գործադո՞ւլ, թե՞ բողոքի ակցիա ՀՊՏՀ-ում ու ի՞նչ է սահմանում Աշխատանքային օրենսգիրքը

Հայաստանի պետական տնտեսագիտական համալսարանից ( ՀՊՏՀ) այսօր տեղեկություն էին տարածել, որ բուհում ժամանակավորապես դադարեցվում է ուսումնական գործընթացը, մինչեւ Դիանա Գալոյանի՝ օրենքով սահմանված կարգով ռեկտորի պաշտոնում նշանակումը:

Բուհի հայտարարությունից հետո սոցիալական ցանցերում ոմանք հարց էին ուղղել՝ արդյո՞ք օրինական է այսպես գործադուլ իրականացնելը:

Նկատենք, որ ՀՀ աշխատանքային օրենսգրքի 74-րդ հոդվածում նշված է, որ նախատեսվող գործադուլի մասին արհեստակցական միությունը պարտավոր է գործատուին գրավոր տեղեկացնել գործադուլը սկսելու օրվանից առնվազն յոթ օր առաջ: Տեղեկացման հետ միաժամանակ գործատուին է ուղարկվում սույն հոդվածով սահմանված կարգով ընդունված որոշումը` կցելով առաջադրված պահանջները: 

Հավելենք նաեւ, որ նույն օրենսգրքով՝ մինչեւ գործադուլ սկսելը կարող է կազմակերպվել նախազգուշական գործադուլ: Այն չի կարող շարունակվել երկու ժամից ավելի: Այդ գործադուլի մասին գործատուն պետք է գրավոր տեղեկացվի ոչ ուշ, քան երեք օր առաջ:

Արդյո՞ք բուհը պահպանել է այս ամբողջ ընթացակարգը: ՀՊՏՀ լրատվական բաժնից մեզ պատասխանեցին, որ գործադուլ չի հայտարարվել, կոլեկտիվը պարզապես բողոքի ակցիա է իրականացնում:

ՀՊՏՀ-ում ուսումնական գործընթացը դադարեցնելուն անդրադարձել է բուհի նախկին ռեկտորի պաշտոնակատար Ռուբեն Հայրապետյանը:

«Հարգելի՛ Կառավարություն, իրավապահ մարմինների հարգելի՛ ներկայացուցիչներ, խնդրում եմ շտապ միջոցներ ձեռնարկել 6 հազար ուսանողի կրթության սահմանադրական իրավունքը կոպտորեն ոտնահարող այս ծանր հանցագործության մի քանի կազմակերպիչներին քրեական պատասխանատվության ենթարկելու ուղղությամբ»,- ֆեյսբուքյան էր էջում գրել էր նա:

Մեկնաբանություններում մի շարք օգտատերեր հրապարակել էին լուսանկարներ, որտեղ նշված էր. «դասախոսը պետք է լինի լսարանում»:

Հայրապետյանը գրառումներ կատարել էր նաեւ երեկ, երբ ՀՊՏՀ դասախոսներն ու մի շարք ուսանողներ երթով շարժվել էին դեպի ՀՀ կառավարություն՝ դարձյալ նույն պահանջով՝ հաստատել ՀՊՏՀ ռեկտորի մրցույթի արդյունքները, ըստ որոնց՝ հաղթող էր ճանաչվել Դիանա Գալոյանը: Հայրապետյանը նաեւ հրապարակել էր սքրինշոթեր:

Նկատենք, որ երեկ ՀՀ կառավարությունից երթի մասնակիցներին հայտնել էին, որ նրանց կպատասխանեն ավելի ուշ: Այսօր դեռ այդ պատասխանը չկար: 

Բուհում ուսումնական գործընթացի դադարեցմանն անդրադարձել է նաեւ Ազգային ժողովի «Լուսավոր Հայաստան» խմբակցության պատգամավոր Աննա Կոստանյանը:

«Արձանագրենք, որ վարչական լծակներ կիրառելով այսօրվա ՀՊՏՀ ռեկտորատը (կասկածելի է, թե արդյոք որքանո՞վ է օրինական) մոտ 6 հազար ուսանողի զրկել է կրթության սահմանադրական իրավունքն իրացնելուց։ Ի՞նչ իրավունքով, օրենքի ո՞ր կետով եւ ում հետ է սա համաձայնեցված»,- գրել է պատգամավորը:

Հավելենք, որ սույն թվականի հուլիսի 17-ի մրցույթվ ռեկտորի պաշտոնում ընտրված Դիանա Գալոյանի ֆեյսբուքայն էջում եւս կան սատարող մեկնաբանություններ: Բուհի ուսանողները նշում են, որ պայքարում են իր հետ միասին:

Տպել
897 դիտում

Լավրովի նշած «վերահսկման մեխանիզմները» անհրաժեշտ, բայց ոչ բավարար պայման են հրադադարի համար

Մահ ու պայքար՝ Լեռնային Ղարաբաղում. սարսափելի պատերազմի ռազմաճակատից. The New York Times-ի անդրադարձը

Այսօր ՊԲ հակաօդային պաշտպանության ստորաբաժանումները խոցել են 5 անօդաչու թռչող սարք (տեսանյութ)

Պատերազմը չի ավարտվել, դաժան ու սաստիկ պատերազմ է եւ մեր բոլորի ներդրումը չափազանց կարեւոր է. ՊՆ ներկայացուցիչ

Թուրքիայում ապրող հայաստանցիները հայրենիք վերադառնալու ճանապարհներ են փնտրում. նրանք տագնապած են

Արծրուն Հովհաննիսյանը՝ հակառակորդի դիակները հուղարկավորելու մասին

Արցախում զոհվել է «Թևանիկ» ֆիլմի գլխավոր հերոսներից Հովհաննես Խոդերյանը

Ամեն կերպ պետք է օգնել, որ մեր երեխաները դառնան ոչ թե նահատակված, այլ կենդանի հերոսներ. Ալբերտ Հովաննիսյանի հայր

Հյուսիսում թշնամին այսօր կենդանի ուժի զգալի կորուստներ է ունեցել, իսկ հարավում շարունակվել են ծանր մարտերը. Պողոսյան

Այս պահին մարտերի ուժգնությունը որոշակիորեն թուլացել է. Արծրուն Հովհաննիսյան

ԱՄՆ պետքարտուղար Պոմպեոն Վաշինգտոնում առանձին հանդիպումներ կունենա Հայաստանի եւ Ադրբեջանի ԱԳ նախարարների հետ

Մեր տղաները իմիտացիա են անում, իբր նահանջել են, հետևից սողեսող մոտենում են թշնամու տանկին, հարվածում. Հովհաննիսյան

Ադրբեջանի ագրեսիվ գործողությունների հետևանքով վիրավորված Ռոբերտն ու Նարեկը դուրս են գրվել վերակենդանացման բաժանմունքից

Ալեքսանդր Կարապետյանը երրորդ գոլն է խփել Ռուսաստանի առաջնությունում և այն նվիրել հայրենիքի պաշտպաններին

Բախվել են ավտոմեքենաներ․ տուժածները տեղափոխվել է են «Աստղիկ» բժշկական կենտրոն

Վարչապետը հանդիպում է ունեցել արտախորհրդարանական քաղաքական ուժերի ներկայացուցիչների հետ

Կորոնավիրուսը կարող է լսողության կորստի պատճառ դառնալ. կորոնավարակակիրներին սպասարկող բուժկենտրոններն ավելացել են 5-ով

Հայտնաբերվել է արգելված հրապարակումների 108 դեպք. 82-ը՝ լրատվական գործունեություն չիրականացնող անձանց կողմից

Մեր բոլոր միջազգային գործընկերներին կոչ եմ անում պատերազմը դադարեցնելու հստակ հայտարարություն անել. նախագահ

Կոռուպցիայի կանխարգելման հանձնաժողովի մրցութային խորհրդի անդամ է նշանակվել «Իմ քայլի» պատգամավոր Հերիքնազ Տիգրանյանը