Զանգահարեցի, ասացի՝ վեր կաց, գնում ենք մեր հերոսի տուն․ Արցախի նոր հերոսների մասին պատմում են ծնողներն ու ուսուցիչները

Դպրոցներում արդեն նոր հերոսների, նրանց սխրագործությունների ու ճկուն քայլերի մասին են պատմում աշակերտներին: Արդեն հերոս նախկին դպրոցականները տարիներ առաջ այդ նույն նստարաններին նստած լսում էին Արցախյան, ապրիլյան մարտերին հերոսացած անձանց մասին: Ուսուցիչները վստահ են. հայ մայրերը նորից հերոսներ են ծնում:

Էդգար Մարկոսյան. Թալիշի ուղղությամբ խոցել է 10 տանկ

Երեւանի թիվ 78 հիմնական դպրոցի բակում այսօր կանգնած աշակերտուհիների զրույցի թեման համապատասխան էր երկրում տիրող տրամադրությանը. ուզում են զենք վերցնել ու գնալ սահման: Նույն դպրոցում է սովորել նաեւ Արցախում 10 տանկ խոցած եւ Արցախի հերոսի կոչման արժանացած Էդգար Մարկոսյանը:

«Էդգարին ճանաչո՞ւմ եք»,- հարցնում ենք՝ մոտենալով աշակերտուհիներին: Ի պատասխան գոհ ժպիտն է դեմքներին․ անձամբ չգիտեն, բայց լսել են հերոսի մասին: «Մեր դպրոցի ուսուցիչներից մեկի տղան է»,- պատասխանում են աղջիկները:

Արդեն դպրոցի ներսում Էդգարին առաջինը հենց ֆրանսերենի ուսուցչուհին՝ նրա մայրն է ներկայացնում՝ որպես իր որդու։ Որպես աշակերտի չի կարող, անաչառության համար տղային ինքը դաս չի տվել:

Էդգարը, մոր պատմելով, շատ շուտ փոխհարաբերության մեջ մտնող է, շփվող: Դպրոցը գերազանց է ավարտել, հետո արդեն անվճար ընդունվել համալսարան, ավարտելուց հետո էլ ընդունվել է մագիստրատուրա ու մեկնել ծառայության:

«Տարիների ընթացքում իմ հարազատ երեխային, որին սնել, պահել, մեծացրել եմ, ամեն անգամ նոր կողմով բացահայտում եմ»,- նշեց մայրը՝ Անահիտ Սարիբեկյանը, պատմելով, որ այն ժամանակ, երբ մեր հերոսը փոքր էր, շատ էր սիրում զինվորական համազգեստը, գլխարկը դնում էր գլխին ու ման գալիս:

Այս պատերազմի ժամանակ Էդգարի հերոսությունների մասին տանը ոչինչ չեն իմացել, զանգել է ասել՝ ինքը հեռու է, չանհանգստանան, դուխով լինեն:

Մայրը հեռուստացույցով ու համացանցից չի իմացել 10 տանկ խփելու մասին, իր ծանոթներից մեկն է զանգել, շնորհավորել հերոսի կոչման համար: Հեռախոսով խոսելիս շփոթված ասել է.

«Էդ ի՞նչ ես ասում, ի՞նչ, էդգարն ի՞նչ է արել, որ ազգային հերոս է»,- ու այդ պահին ուղեղս գնաց մարտի դաշտ՝ այն տարածություն, որտեղ ինքը կրակում է այդ տանկերին, ես շոկի մեջ ընկա»,- նշեց մայրը, որն այսօր էլ դեռ շոկի մեջ էր, խոսում էր, բայց մտքերով հեռու էր:

Մեզ հետ զրույցում հերոսի լավ հատկանիշների մասին պատմում էր նրա դասղեկը՝ Կարինե Դավթյանը:

«Ես հիշում եմ, երբ պատմության դասեր էի ներկայացնում, աչքերից երեւում էր՝ ինքը սպասում է՝ երբ է գնալու կռվի: Ռազմագիտության դասերին տեսել եմ՝ ինչ արագությամբ էր այդ ավտոմատը քանդում, հավաքում»,- նշեց դասղեկը:

Լեզվի եւ գրականության ուսուցչուհի Օվսաննա Վարդանյանն էլ պատմեց, թե Էդգարը ոնց է մաքուր գրել, ոչ մի բիծ տետրի մեջ չի եղել: Նրա խոսքով՝ խելացի լինելուց բացի, հետաքրքիր մտածողություն ունի, ամեն ասածի հետ չէ, որ կարող է համաձայնել:

Ուսուցիչները հրճվանքով են նշում. դպրոցում ժամանակին ասում էին Անահիտի տղան, հիմա ասում են՝ Էդգարի մաման:

Դավիթ Գրիգորյան. խոցել է 15 տանկ եւ 1 ՀՄՄ

Արմավիրի մարզի Սարդարապատ համայնքի միջնակարգ դպրոցի տնօրենը, երբ իմացել է, որ դպրոցի շրջանավարտը Արցախի հերոս է, միանգամից իրենց նախկին աշակերտի դասղեկին է զանգել:

«Զանգահարեցի ու ասացի՝ վեր կաց, գնում ենք մեր հերոսի տուն, հերոսական Սարդարապատի հերոս քաջորդու տուն»»,- մեզ պատմեց տնօրեն Կարինե Սմբատյանը:

Տանը Դավիթի ծնողները շփոթված, հուզված են եղել, չեն հասկացել՝ ինչ է կատարվում: Մայրը նույնիսկ չի իմացել, որ որդին կռվին մասնակցում, տանկ է խփում:

Տղայի մասին խոսելիս տնօրենը միանգամից սկսեց թվարկել բոլոր դրական կողմերը՝ լավ ընտանիքից է, կարատեի խմբակ է գնացել, մաթեմատիկայի «Կենգուրու» մրցույթի հաղթողներից մեկն է, շատ լավ է սովորել ու եղել գերմաներենի ուժեղ խմբում, անկարգություններ էլ չի արել:

«Դպրոցում լավ շախմատ էր խաղում, շատ համեստ եւ տրամաբանող աշակերտ էր, իրեն այնտեղ շատ օգնել է իր տրամաբանությունը»,- նշեց նա:

Սմբատյանը մի քանի անգամ շեշտեց՝ որքան հպարտ են իրենց շրջանավարտով ու հույս հայտնեց, որ ծնողների աչքերին միայն երջանկության արցունքներ լինեն, որ մեր բոլոր տղաները գան, հասնեն իրենց ծնողներին:

Յուրա Ալավերդյան. խոցել է 9 տանկ եւ 1 ավտոտեխնիկա

Երեւանի թիվ 150 դպրոցի տնօրենին, երբ խնդրեցինք մի քիչ պատմել այս դպրոցի շրջանավարտ հերոսի մասին, միանգամից շեշտեց՝ Յուրան 1-9-րդ դասարանում եղել է գերազանցիկ: Հետո արդեն ավելացրեց մնացած դրական հատկանիշները՝ աշխատասեր, պատրաստակամ, գրագետ:

Տնօրեն Մանիկ Հայրապետյանը հիշեց, որ երբ Յուրան ավարտել էր դպրոցը, փոքրամարմին էր, հաջորդ սեպտեմբեր, երբ եկել է ուսուցիչներին տեսնելու, նկատել են, որ նա էլ նախկինը չէ։ «Ասացի՝ այ տղա ջան, էս ինչքան ես փոխվել։  Ժպտաց, ծիծաղեց։ Հենց հարց ես տալիս, ժպտում է»:

Հայրապետյանի խոսքով՝ Յուրան համեստ տղա է, գործն անում է ու ոչինչ չի ասում: Բացի գերազանցիկ լինելը, լավ ֆուլտբոլ է խաղում՝ եղել է Ալաշկերտի պատանիների խմբում. «Միշտ մեդալներով են հետ եկել երեխաները»:

Սովորելու ժամանակ բոլոր միջոցառումներին մասնակցել է, ավելին՝ հաստատությունում ինչ աշխատանք պետք էր լինում, անում էին տղաներով:

Տնօրենը խոսեց նաեւ զինվորի ընտանիքի մասին՝ շեշտելով, որ հիանալի ընտանեկան դաստիարակություն է ստացել տղան, Յուրայի մայրն էլ, որ ժամանակին գնում էր դպրոց, միշտ լուռ ու մունջ էր, ինչպես որդին:

Այդ օրը, երբ Արցախի նախագահ Արայիկ Հարությունյանը հայտնել է հերոսի կոչում շնորհելու լուրը, տնօրենը հեռուստացույցի առաջ գամված է եղել: Լուրը լսել է ու միանգամից հայտնել ուսուցիչներին, ասել, որ Յուրան ինչպես այն ժամանակ էր անակնկալեր անում, Ուսուցչի տոնին ավելի մեծն է արել:

Տնօրենի կարծիքով՝ շրջանավարտի կատարած սխրանքն իրենց համար ամենամեծ գնահատականն էր. աշխարհի ամենամեծ ծաղկեփունջը, որ ստացան:

Նա շնորհակալություն հայտնեց զինվորի ընտանիքին ու երկրի բոլոր ուսուցիչներին․ «Մեր առյուծածին մայրերը մեզ են նվիրում իրենց առյուծներին, մենք էլ իրենց ավելի հզոր առյուծ դարձրած ուսումնական հաստատություններից ուղարկում ենք մեր երկրի կառուցման համար»:

Դավիթ Ղազարյան. վարել է մարտը ոչ մի քայլ նահանջ սկզբունքով

Հետմահու Արցախի հերոսի կոչմանն արժանացած Դավիթ Ղազարյանը սովորել է Վեդու թիվ 1 հիմնական դպրոցում։ Կրթական հաստատության տնօրեն Ալվարդ Պապոյանը մեզ հետ մեծ ցավով էր խոսում, բայց խոստովանում, որ նաեւ մեծ հպարտությամբ է լցվում, որ այսպիսի սերունդ են դաստիարարակել:

Նա պատմեց, որ Դավիթն իրենց դպրոցի արդեն երկրորդ հերոսն է, որ նահատակվել է Արցախում: Առաջինը՝ Անդրանիկ Զոհրաբյանը, ապրիլյան պատերազմի մասնակից, հերոս է, որի անունով դպրոցում նաեւ դասասենյակ կա:

Խոսելով Դավիթի մասին՝ նշեց, որ լավ էր սովորում բոլոր առարկաները, թեեւ հումանիտար առարկաները՝ ավելի: Սիրում էր հայոց պատմությունն ու հայ գրականությունը, ռազմագիտությունն ու ֆիզկուլտուրան: Վերջին երկու առարկաների սպորտային միջոցառումներին էլ հաճախ մասնակցում էր:

«Դավիթը շատ զուսպ, համեստ, կազմակերպված տղա էր: Իր տարիքի երեխաներից տարբերվում էր: Իրեն նայողը երբեք չէր պատկերացնի, որ այդքան կարողությունների տեր էր»,- պատմեց տնօրենը:

Ինչպես հավելեց, կամքի ուժ ուներ, ու եթե երեւէ խնդիր կար, օրինակ, տղաների հետ կապված, կարողանում էր իր զուսպ ու կազմակերպված բնավորությամբ հարցերը կարգավորել:

Դավիթը մասնակցել էր նաեւ Ապրիլյան քառօրյա պատերազմին ու պարգեւի արժանացել:

Հիշեցնենք, որ Արցախի Հանրապետության նախագահի հրամանագրով «Արցախի հերոսի» կոչմանն է արժանացել 5 հոգի: Նրանցից չորսը Հայաստանի դպևոցների շրջանավարտներ են, մեկը՝ Արցախի։ Գնդապետ Սերգեյ Շաքարյանի մասին չենք կարողացել զրուցել՝ հաշվի առնելով այս պահին Արցախում տիրող իրավիճակը։ 

Նա Արցախյան գոյապայքարի առաջամարտիկներից է: Այս պատերազմի ժամանակ կազմակերպել է բազմաթիվ տանկային եւ հետեւակային գրոհներ՝ հակառակորդին պատճառելով մեծ կորուստներ:

Հիշեցնենեք, որ ՀՀ կրթության, գիտության, մշակույթի եւ սպորտի նախարար Արայիկ Հարությունյանը ֆեյսբուքյան իր էջում հայտնել էր, որ որոշում է կայացրել 5 նոր հերոսների դպրոցներին պարգեւատրել ԿԳՄՍՆ ոսկե մեդալներով:

Տպել
4602 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում