Երևան
23 °C
searchclose
today
menuclose
Երևան
23 °C
90-ամյա Բուրաստան տատը մեր բանակին ու զինվորներին իր ձեւով է օգնում․ տան մի անկյունում ակնոցն աչքերին, կծիկով հաստ թելն ու շյուղերը ձեռքին՝ զինվորների համար գուլպա է գործում, որ հանկարծ չմրսեն։
Սահմանի տղերքին Բուրաստան տատից արդեն 7 զույգ գուլպա է ուղարկվել։ Երբ պատերազմը սկսվել է, թոռնուհին է առաջարկել գուլպաներ ուղարկել սահման, տատն էլ առաջարկով ոգեւորվել, իր ու թոռան ժակետները քանդել ու սկսել է գործել։ Որ իմանար այսպիսի պատերազմ է սկսվելու, այն ժամանակ, երբ հարյուրավորներին՝ ծանոթ, անծանոթ, իր գործածներից էր տալիս, չէր բաժանի, ամբողջը կպահեր զինվորներին։
Զինվորների համար վերջին գուլպան տատը դժվարությամբ է գործել, տանն ընկել է, ձեռքն ու ոտքը վնասել, ցավեցրել, այդ պատճառով մի ձեռքը կողքին հենելով է գործն ավարտին հասցրել։ Թոռանն ասել է, որ նորից կգործի 2 օր անց․ մի քիչ թեւը հանգստանա, հետո: Բացի այդ, թելն էլ վերջացել է։
Մեզ հետ խոսելիս տատի ձեռքը դեռ ցավում էր։
Մեր տարած թելը տանտիկինը հավանեց․ ձիգ է, այ մյուս կծիկը, որի գույնը մի քիչ բաց է, ավելի բարակ է, պիտի երկու հատն իրար միացնի, բայց կարծում է՝ գուլպա դուրս կգա։
Թե սահման ուղարկածը քանի օրում է գործել, հիմա չի հիշում․ եղել է՝ երկու օրում է մի զույգը ավարտել, եղել է՝ երեք օրում։
Մեր զրուցակցին ասացինք, որ տղերքին տաք գուլպա հիմա հաստատ պետք է, լսածից ուրախացավ ու մի րոպե լռությունից հետո նշեց․
«Թեկուզ սենց ցավելով էլ կգործեմ, թել չունեի, թելը հեսա եկավ հասավ, սեւից կսկսեմ, ինչքան կարողանամ, կգործեմ, թող հագնեն տղերքը, մենակ թե Աստված կամք ու առողջություն տա, խելք ու շնորհք տա, շուտ հաղթեն, խաղաղություն լինի, բոլորը վերադառնան իրենց ընտանիքներ»։
Այնուհետեւ Բուրաստան տատի բարեմաղթանքներն են՝ տղաներն առողջ լինեն, ուժ ունենան, հաղթեն, կարիք չունենան օգնության։
90-ամյա կինն իր կյանքի արդեն քանիերորդ պատերազմն է հաղթահարում, Արցախյանի ժամանակ այստեղ չէր, սակայն հայրենականը լավ է հիշում․ 10 տարեկան էր, մայրը չկար, մորաքրոջ հետ էր ապրում։
Պատերազմներից վերջինը՝ այս մեկը, իր կարծիքով, ուրիշ է։
«1942 թվին հավաքեցինք ինչքան թել ունեինք ու մորաքրոջս հետ գործեցինք, ուղարկեցինք բանակ։ 11 տարեկանից սկսել եմ գործել ու օգնել բանակին։ 1941 թվի պատերազմն էլի ահավոր էր, շատ դժվար էր, դաժանությամբ անցկացրինք, դե հիմա սաղ ենք։ Այս անգամ, որ նայում եմ, ամբողջ մարմնով սարսռում եմ, որովհետեւ անօդաչու սարքերը սարսափ են առաջացնում, դա արդեն անտանելի է»,- նշեց նա։
Խոսելով պատերազմից՝ վրդովված խոսքը ահաբեկիչ վարձկաններին ուղղեց։
Զարմանում է, որ մի քանի կոպեկի համար գալիս, այստեղ մեռնում են, ո՛չ իրենց է պետք այդ գումարը, ո՛չ իրենց տնեցիներին, որ մի քանի օրում պիտի ծախսեն, հաց ուտեն, վերանա։
«Խելք ունենան՝ չեն գա, Էրդողանը՝ աֆերիստը, մի քանի մանեթ տալիս է, փափուկ բարձ դնում գլխների տակ, ուղարկում կոտորվելու, ինքն այդ գումարը շահագործում է իր համար»,- ասաց տատին՝ ահաբեկիչներին խորհուրդ տալով տանը խաղաղ աշխատել, վաստակել ու ապրել իրենց դռանը, իրենց ընտանիքների հետ։ Եթե, իհարկե, խոսքը լսեն։
Թուրքիայի նախագահ Էրդողանին նա հին վառված քոթուկի նմանեցրեց, որ ծխում է ու ծխում, չի հանգչում։
Խոսելով Էրդողանի մասին՝ հիշեց նաեւ պատմության հին ու արյունոտ, այս անգամ ոչ թե տեսած, այլ լսած դեպքերը։ Իր հայրը Ղարսից է եղել, փոքր տարիքում գաղթել են, տեսել, թե հայ աղջիկներն իրենց ինչպես էին ցած նետում բարձունքից՝ թուրքին չհանձնվելու համար։ Թուրքերն էլ գրազ էին գալիս ու հղի կնոջ փորը բացում, որ տեսնեն՝ տղա՞ է, թե՞ աղջիկ, հաղթե՞ցին, թե՞ պարտվեցին։
Այս ամենը պատմեց ու աչքի պոչով հեռուստացույցին նայեց․ լուրերի թողարկումն էր, հետո մի քիչ ավելի ցածր ավելացրեց․ «Աստված ջան, դու օգնիր, հասնես մեր հայ ազգին, որովհետեւ քրիստոնեությունն առաջինը հայն է ընդունել, օգնիր ու տեր կանգնիր»։
Բուրաստան տատն այսօր շատ բան կցանկանար անել մեր զինվորների համար․ համով ճաշեր եփեր, ուղարկեր կամ տղերքի շորերը բերեր, լվանար, բայց չի կարող, գուլպա գործելով է օգնում։
Մեր զրուցակցի գործած գուլպաները, որոնք չի ուղարկել, քանի որ փոքր են զինվորների համար
«Աչքս լավ չի տեսնում, ձեռս արագ չի աշխատում, ակնոցով երկար մնում եմ, երբեմն գլուխս պտտվում է, հանում եմ գցում, առանց ակնոցի եմ անում, բայց պիտի օգնեմ՝ ինչքան կարող եմ, կարեւորը ցանկությունն է»,- նշեց նա։
Գուլպաներից բացի, տատին բացիկի մեջ զինվորներին ոգեւորող խոսքեր էլ է ուղարկել, հավատում է, որ հաղթելու ենք։
«Ձեզ մատաղ, զինվոր տղերք,
Մի զարկ տվեք թուրքի գանգին,
որ խորտակվի նա հիմնովին։
Բուրաստան տատ»։
Հ.Գ. Բուրաստան տատը սկզբում չէր համաձայնում մեզ հետ խոսել, հետո էլ չէր ուզում լուսանկարվել: Ասում էր՝ մարդիկ կարող են տեսնել ու մտածել, թե իրեն գովազդում է ու իր մասին վատ խոսքեր ասեն, ինչպես, օրինակ, շատերի մասին են ասում, իսկ ինքը գովազդի համար չի անում:
Սևանում հրկիզել են «Աուդի A4»-ը. սեփականատերը ենթադրյալ հրկիզողի մասին տեղեկություններ է փոխացել իրավապահներին
Հայոց ցեղասպանության զոհերի հիշատակի անարգանքը․ Թորոսյանը՝ Ծիծեռնակաբերդում Աննա Հակոբյանի և դստեր հետ կատարվածի մասին
Մարդկանց ուղեղը մխտռում են՝ ցույց տալով, թե մարտնչող ողորմելիությունը ուժի դրսևորում է. Մեհրաբյանը՝ դրոշ այրելու մասին
Մի խումբ քաղաքացիներ փորձել են փակել Իսակովի պողոտան. կան բերման ենթարկվածներ
Սիրիայի Ժողովրդական ժողովի պատվիրակությունը հարգանքի տուրք է մատուցել Հայոց ցեղասպանության զոհերի հիշատակին
Հայոց ցեղասպանության հիշատակի օրը մտորումների և ոգեկոչման ժամանակ է, պետք է հիշենք և հարգենք․ Կանադայի վարչապետի ուղերձը
ՀՀ վարչապետ Նիկոլ Փաշինյանը լուսանկար է հրապարակել տիկնոջ՝ Աննա Հակոբյանի հետ
Սենատի Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր (լուսանկարներ)
Ադրբեջանում հանդիպել են Ալիևն ու Ղրղզստանի նախագահ Սադիր Ժապարովը․ համագործակցության վերաբերյալ փաստաթղթեր են ստորագրվել
Պաշտոնական Անկարան, խեղաթյուրելով պատմական փաստերը, ժխտել է Հայոց ցեղասպանության իրողությունը և հայտարարություն տարածել
Արարատ Միրզոյանը ՀՀ բարձրագույն ղեկավարության հետ այցելել է Ծիծեռնակաբերդի հուշահամալիր (լուսանկարներ)
Իմ մայրն այստեղ հաճախ էր գալիս՝ թոռան ձեռքը բռնած, իբրև իր ծնողների գերեզման, ո՛չ ծնող տեսավ, ո՛չ գերեզման․ Մանսուրյան
Բախվել են «Մերսեդես»-ը, «ՎԱԶ 2106»-ն ու տրակտորը․ պապը, տատը, նրանց դուստրն ու անչափահաս թոռները հիվանդանոցում են
Թուրքիան դեռ չի ճանաչել ցեղասպանությունը, և դա խայտառակություն է, բայց մենք հիշում ենք և չենք ների․ Ջամբասկի
«Լադանիվա» խմբի անդամներն այցելել են Ծիծեռնակաբերդ, հարգանքի տուրք մատուցել զոհերի հիշատակին (լուսանկարներ)
Եվրոն էժանացել է․ ինչ փոփոխություններ է արձանագրել տարադրամի շուկան ապրիլի 24-ին
5-րդ շարասյունը կասի «Бьет, значит любит», իմացի հերդ ա, դիմացի, Ցոլակ ջան. Խաչատրյանը՝ Մատվիենկոյի հայտարարության մասին
Ալիևի ներկայացուցիչը հայտարարել է, թե ՀՀ-ի և Ադրբեջանի միջև խաղաղության պայմանագրի կնքման իրական հնարավորություն կա
Պետք է աշխատենք հայ ժողովրդի եվրոպական բարեկեցիկ ապագայի համար. Ֆաբիո Մասիմո Կաստալդո
«Հողատու» են գոռում մի կնոջ ու մի աղջնակի ուղղությամբ, ովքեր որդի ու եղբայր են ուղարկել պատերազմ, որ հող պահեն. Սաֆարյան
Աբխազիան հարգում է Հայոց ցեղասպանության զոհերի հիշատակը․ երկրի նախագահ Ասլան Բժանիա
Հայոց ցեղասպանության զոհերը երբեք չպետք է մոռացվեն․ Հունաստանի նախագահ
«Զինվորի տուն» վերականգնողական կենտրոնի տղաները այցելել են Ծիծեռնակաբերդի հուշահամալիր (լուսանկարներ)
Օդի ջերմաստիճանը կբարձրանա
Հայաստանում Լիտվայի դեսպանը հարգանքի տուրք է մատուցել Հայոց ցեղասպանության զոհերի հիշատակին
Հիշում ենք Հայոց ցեղասպանության ժամանակ կորսված կյանքերն ու վերահաստատում երբեք չմոռանալու մեր խոստումը․ Բայդեն
Մի քանի լայքի համար 7-8 տարեկան երեխայի մոտ ոհմակի նման հարձակվողներ, մի՞թե դուք եք սգացողը, բարոյականը. Հակոբյան
Վարչապետի տիկնոջն ու մանկահասակ դստերը թիրախավորողները զերծ են ամեն տեսակ սրբություններից. Չախոյան
Նոյեմբերյանում տեղի ունեցած բախումների և ԵԿՄ մեքենայով միջադեպի դեպքով քրեական վարույթ է նախաձեռնվել. կա 5 ձերբակալված
Մատվիենկոն հանձնարարել է հարցում ուղարկել Հայաստանի խորհրդարան՝ կապված Ալեն Սիմոնյանի հայտարարությունների հետ
Աննա Հակոբյանի Ծիծեռնակաբերդ այցի ժամանակ «Ազգային ժողովրդական բևեռի» անդամները սանձարձակ վարք են դրսևորել
Պատմության այս մռայլ էջը հիշեցնում է բռնության դեմ պայքարի անհրաժեշտության մասին․ Հաջա Լահբիբ
Քանի մարդ է ձերբակալվել Բագրատաշենի մոտ ցուցարարների ու ոստիկանների միջև բախման ընթացքում
Հայտնաբերվել է տղամարդու մարմին, կողքին՝ «Մակարով» ատրճանակ. մահացածի որդուն ամիսներ առաջ սպանել են
Շոյգուի տեղեկալը կալանավորվել և ուղարկվել է քննչական մեկուսարան. ինչով է նա հայտնի և ինչում է մեղադրվում
Անդադար աշխատել եմ՝ հասնելու նրան, որ պարոն Ալիևի հանդեպ գործողություններ և պատժամիջոցներ կիրառվեն. ֆրանսիացի պատգամավոր
Սգում ենք հայ ժողովրդի հետ միասին. ՀՀ-ում ՌԴ դեսպանություն
Հայոց ցեղասպանությունը պարզապես անցյալի ողբերգություն չէ, այն շարունակական իրականություն է. ԵԽ գերմանացի պատգամավոր
Մեր ազգը ենթարկվեց զանգվածային կոտորածների, ցավոք, սա չի դադարում լինել առօրյա մարտահրավերներից մեկը. Ալեն Սիմոնյան
ԱՄՆ դեսպանը հարգանքի տուրք է մատուցել Հայոց ցեղասպանության զոհերի հիշատակին
