«Հին օրերի երգը» ֆիլմի պես լիներ՝ ներկայացման պահին մեկն ու մեկդ բղավեիք՝ վերջացա՜վ․ Վերելք ներկայացումը էլ չի հետաձգվի

Դերասան, սցենարիստ Վարդան Պետրոսյանը տասնհինգ տարի անց վերաբեմադրել է «Վերելք» ներկայացումը։ Գյումրու պետական դրամատիկական թատրոնում այդ թատրոնի ստեղծագործական կազմի հետ Վարդան Պետրոսյանի ներկայացման առաջնախաղը պետք է կայանար հոկտեմբերի 7-ին՝ Գյումրիում, ապա հոկտեմբերի 12-ին հանդես էին գալու Երեւանի Հակոբ Պարոնյանի անվան թատրոնում։

Սակայն ադրբեջանական ագրեսիան, սահմանային լարվածությունները ստիպեցին դադար առնել։ Վարդան Պետրոսյանը գրեց, որ հասկանալի պատճառներով ներկայացման առաջնախաղը հետաձգվում է․ «Առայժմ ավելի կարեւոր գործեր կան՝ ի ծառայություն ռազմաճակատի։ Բոլորս մեր տեղերում ենք՝ անսասան կանգնած մեր բանակի թիկունքին»։

Դերասանի այդ գրառման տակ բազմաթիվ մեկնաբանություններ էին գրել, որ անհամբեր սպասում են հաղթանակած գնալուն եւ ներկայացումը դիտելուն, որոշ մարդիկ էլ կարծիք էին հայտնել, որ այդ ներկայացումով հանդես գալն այս օրերի համար լավագույնը կլինի։ Ֆեյսբուքյան օգատատերերից Հռիփսիմե Գալստյանն էլ գրել է․ «Հին օրերի երգը ֆիլմի պես լիներ - ներկայացման պահին մեկն ու մեկդ բղավեիք. «Վե՜ր-ջա՜-ցաաաա՜վ»»։

Եվ ահա Վարդան Պետրոսյանը Ֆեյսբուքյան իր պաշտոնական էջում հրապարակված տեսանյութով հայտնել է, որ Գյումրու պետական թատրոնի հետ որոշել են աշխատել նաեւ ստեղծագործական ճակատում՝ բեմում։ Եվ որքան էլ դա դժվար լինի, որոշել են ներկայացումով հանդես գալ հոկտեմբերի 24-ին․ աշխատել բարձրացնել թիկունքի մարդկանց մարտական ոգին, ոգեշնչել հաղթանակի, մարդկանց պայքարելու, ապրելու ուժ տալ։

«Հարգելի՛ հայրենակիցներ, ինչպես ասել է հայ մեծ զորավար Մարշալ Հովհաննես Բաղրամյանը, պատերազմում թիկունքը հաղթանակի կեսն է: Մենք պարտավոր ենք ամուր թիկունք լինել մեր բանակի համար։ Ամուր ֆիզիկապես եւ հոգեպես: Եվ այս դժվար ու ծանր օրերին կատարելով մեր հայրենասիրական պարտքը, քաղաքացիական պարտքը՝ մեր բանակի հանդեպ ամուր թիկունք կանգնելու համար Գյումրու պետական թատրոնի հետ որոշեցինք աշխատել նաեւ ստեղծագործական ճակատում»,-նշում է նա:

Խոսելով «Վերելք» ներկայացման բովանդակության մասին՝ Վարդան Պետրոսյանը հիշեցնում է՝ այն վկայություն է Հայոց ցեղասպանության մասին, Կոմիտասի հանճարի, հայ ժողովրդի տառապանքի, աննկուն կամքի, հերոսական անցյալի եւ հատկապես այսօրվա աննկարագրելի, անհավատալի հերոսությունների մասին: «Մենք հաղթում ենք Աստծո զորությամբ, մեր հերոսների բազկի ուժով եւ մեր միասնականությամբ»,- հավելում է նա։

«Վերելքը» Գյումրու պետական դրամատիկական թատրոնում ներկայանալուց հետո խաղալու են հայաստանյան բոլոր բեմերում։

Ավելի վաղ, ներկայացման մասին հայտնելիս Վարդան Պետրոսյանը ֆեյսբուքյան իր էջում գրել էր․ «Պատրաստելով այս տարվա հերթական նոր ներկայացումս, մտածում էի՝ ի՞նչ պետք է ասել մեր այսօրվա լարված, չարացած, պառակտված, բզկտված հասարակական-քաղաքական կյանքում, ու հասկացա... «Վերելք»: Ահա, այսօրվա հրամայականը։ Հոգեւոր վերելք, համախմբում, միավորում, փոխադարձ սեր, հարգանք, մարդկային բարձր, վսեմ հարաբերություններ... »։

Ներկայացումը բեմադրվել եւ առաջին անգամ խաղացվել է 2005 թվականին Երեւանի Կ. Ստանիսլավսկու անվան ռուսական դրամատիկական թատրոնում:

Տպել
665 դիտում

Բուհերի ընդունելության քննությունները կլինեն երկուսը՝ որոշ բացառություններով

Որևէ մեկը չփորձի ինձ թիրախավորել. Գյումրիում ժամեր առաջ անժամկետ հացադուլ հայտարարեց թիվ 2 դպրոցի տնօրենը

Համացանցում հայհոյանքը կարծես դարձել է պարտադիր պայման, բայց դա մեր ազգին չի սազում. Արամե

Նախկին նախագահը՝ ամբաստանյալի աթոռին. Ֆրանսիայում սկսվել է Սարկոզիի գործով դատավարությունը

Երևանի Բաղյան փողոցում հայտնաբերվել է վրաերթի ենթարկված անձը չպարզված քաղաքացու դի

Գեղարքունիքի մարզի ավտոճանապարհներին տեղ-տեղ առկա է մերկասառույց, Սպիտակի ոլորաններում մառախուղ է

Ավտովթար է տեղի ունեցել Երևան-Սևան ավտոճանապարհին․ վարորդն արգելափակվել է մեքենայի մեջ

Պարգևատրվել են մարտական գործողություններին մասնակցած փրկարարները (տեսանյութ)

Թուրքիայի ծավալապաշտական նկրտումները կարող են խիստ կործանարար հետևանքներ ունենալ ողջ տարածաշրջանի համար. Արա Այվազյան

Կապանի օդանավակայանը մնում է հայկական տարածքում. Հայկական միասնական տեղեկատվական կենտրոն

Աշակերտներին գրատախտակի մոտ կանչելու արգելքը հանվել է․ ԿԳՄՍ փոխնախարարը՝ առկա ուսուցմանն անցնելու մասին

Երկրաշարժ Դմանիս քաղաքից 19 կմ հարավ-արևմուտք, ցնցումները զգացվել են Լոռու մարզի Մեծավան և Ձորամուտ գյուղերում

Գյումրիում մարտական վիճակում գտնվող հակահետևակային ական է հայտնաբերվել

Շիրակի փոխմարզպետ Վարդան Գրիգորյանն աշխատանքից ազատման դիմում է ներկայացրել

ՔԿ-ում հանդիպումներ են տեղի ունեցել արգելված զինատեսակների կիրառման գծով միջազգային փորձագետների հետ

Վաղարշակ Հարությունյանն ընդունել է ՀՀ-ում ԱՄՆ արտակարգ և լիազոր դեսպանին

Առաջին անգամը չէ, երբ գործադիր, օրենսդիր և դատական իշխանության ներկայացուցիչները հանդիպում են․ Վիգեն Քոչարյան

Ոստիկանն ազգի նվիրյալ զինվոր է. պատերազմին մասնակցած ոստիկանության 184 ծառայող խրախուսվել է

Դեկտեմբերի 7-ից դպրոցներում առկա ուսուցումը կվերսկսվի նաեւ 5-12-րդ դասարաններում

Հայաստանի որոշ մարզերում մառախուղ է․ ԱԻՆ