Հանրահավաքին չմասնակցելու պատճառով «Տոյոտա Երեւան» ՍՊԸ-ի մի քանի աշխատակիցների ազատել են աշխատանքից

Հանրապետության հրապարակում անհնազանդության ակցիաներին մասնակցելուց հրաժարվելու պատճառով «Տոյոտա Երեւան» սահմանափակ պատասխանատվությամբ ընկերության մի քանի աշխատակիցներ ազատվել են աշխատանքից։

Այս ընկերության համասեփականատեր է Ռոբերտ Քոչարյանի ավագ որդին՝ Սեդրակ Քոչարյանը։ «Տոյոտա Երեւան» ընկերությունում հավասարաչափ՝ 30-ական տոկոս բաժնեմասեր ունեն նաեւ գործարար, Երեւանում մի շարք էլիտար շենքերի սեփականատեր Սամվել Մայրապետյանը եւ «Հայկական երկրորդ հեռուստաալիքի»՝ Հ2-ի 50 տոկոս բաժնեմասի սեփականատեր Նատալյա Մատինյանը:

Աշխատանքը կորցրած Գոռ Մելիքբեկյանի կինը՝ Գայանե Հովհաննսիյանը, «Հայկական ժամանակի» հետ զրույցում պատմեց, որ դեկտեմբերի 21-ի առավոտյան է դեպքը տեղի ունեցել։ «Աշխատավայրում ժողով է եղել, ասել են՝ պետք է վաղը (երեկվա հանրահավաքի մասին է խոսքը` հեղ․) բոլորդ մեքենաներով գնաք։ Մեքենաները կթողնեք հյուրանոցի մոտ ու ոտքով կմիանաք հանրահավաքի մասնակիցներին։ Գոռն էլ ընդհատելով հարցրել է՝ իսկ եթե չգնանք։ Պատասխանել են, որ էդ դեպքում չեն կարող աշխատել իրենց մոտ»,- պատմեց Գայանեն։

Գայանե Հովհաննսիյանի խոսքով՝ «Տոյոտա Երեւան» ՍՊԸ-ում աշխատող մոտ 70 հոգուց միայն 6-ն են հրաժարվել մասնակցել հանրահավաքին։ Մեր զրուցակցի փոխանցմամբ՝ մերժած աշխատակիցներին «Տոյոտա Երեւան»-ի գլխավոր տնօրեն Վահե Գզրարյանը հերթով կանչել է իր աշխատասենյակ ու բացատրություն պահանջել։

«Գոռն ասել է՝ եկեք էլ քննարկում չծավալենք, իրենք էլ ասել են՝ դե, դիմումդ գրիր»,- մանրամասնեց մեր զրուցակիցը՝ հավելելով, որ ամուսինը դիմում չի գրել, պարզապես թողել ու հեռացել է։ Ամուսինները հետո տեղեկացել են, որ աշխատանքից ազատվել են նաեւ հանրահավաքին մասնակցելու պահանջը մերժած մյուս աշխատակիցները։

Գայանե Հովհաննսիյանից հետաքրքրվեցինք, թե պատրաստվում են արդյոք անհիմն ազատման համար դիմել դատարան կամ իրավասու այլ մարմինների, վերջինս բացասական պատասխան տվեց։ Նշեց, որ առայժմ ոչ մի տեղ չեն դիմելու։ 

«Ես պարզապես գրառում կատարեցի, որ մարդիկ իմանան ու հասկանան, թե ինչ է կատարվում։ Ամուսինս մասնագետ է ու կարող է իր ընտանիքը պահել, բայց լիքը մարդիկ կան, որ այսօր ստիպված են գնում, որպեսզի սոված չմնան։ Այդ մարդիկ չեն կարող ոչինչ անել, բացի գնալուց, որովհետեւ վարկեր ու լիքը խնդիրներ ունեն»,- եզրափակեց Գայանեն։

«Տոյոտա Երեւան» ՍՊԸ-ից մեկնաբանություն ստանալ մեզ չհաջողվեց։ «Սփյուռ» տեղեկատվական համակարգում հասանելի երկու համարներից մեկի բազմաթիվ զանգերն այդպես էլ անպատասխան մնացին, իսկ երկրոդին պատասխանեց սպասարկման բաժնի աշխատողը։

Վերջինիս խնդրեցինք հեռախոսահամար փոխանցել կամ պատասխանատու մեկին միացնել, որը կպատասխանի մեր հարցերին։ Աշխատակիցը հորդորեց կապի մեջ մնալ, իսկ ավելի ուշ փոխանցեց, որ այս պահին մենեջերներից ոչ ոք տեղում չէ։ Իսկ թե երբ կլինեն, ասաց՝ չի կարող պատասխանել։

Գոռ Մելիքբեկյանի ազատման մասին կնոջ ֆեսյբուքյան գրառման մեկնաբանություններում օգտատերերը նշել էին Մարդու իրավունքների պաշտպանին։ Խոսնակ Նունե Հովսեփյանն էլ արձագանքելով գրել է․ «Մարդու իրավունքների պաշտպանը մասնավոր կազմակերպություններում կոնկրետ դեպքերով զբաղվելու իրավասություն չունի (Պաշտպանի իրավասությունը կոնկրետ դեպքերով տարածվում է պետական մարմինների նկատմամբ)։ Այս հարցով կարող եք դիմել դատարան կամ հիմքերի առկայության դեպքում՝ իրավապահ մարմիններին։ Եթե դժգոհություններ ունենաք իրավապահ մարմիններից, այդ դեպքում կարող եք դիմել Մարդու իրավունքների պաշտպանին»։

Մեկ այլ օգտատեր էլ ի պատասխան այդ հայտարարության՝ արձագանքել է՝ «Սիսիանի քահանան պետական կառույցի ներկայացուցի՞չ էր, որ ՄԻՊ-ը հայտարարություն արեց»։

Այս մեկնաբանությանը Նունե Հովսեփյանը պատասխանել է․ «Մարդու իրավունքների պաշտպանի սահմանադրական գործառույթն է մարդու իրավունքների համակարգի պաշտպանությունը երկրում: Այդ տեսանկյունից Մարդու իրավունքների պաշտպանի առաջնահերթ ուշադրության ներքո են լարվածության, առավել ևս բռնության ցանկացած դրսևորման, իրավունքների խախտումների բացառումը: Այդ խնդիրը Պաշտպանը լուծում է ինչպես համակարգային մակարդակով, այնպես էլ կոնկրետ դեպքերով: Հայ առաքելական սուրբ եկեղեցու հոգևոր հովիվի նկատմամբ սպառնալիքների ու բռնության կոչերի դեպքին անդրադարձել է համակարգային տեսանկյունից՝ հաշվի առնելով նաև այլ եկեղեցիներում վերջին օրերի մի քանի կրկնվող նույնատիպ մտահոգիչ դեպքերը: Պաշտպանը եկեղեցուն վերաբերող հայտարարությամբ հատուկ է ընդգծել եկեղեցու հոգևոր հովիվների նկատմամբ ոտնձգությունների անթույլատրելիությունը երկրում մարդու իրավունքների ու համերաշխության երաշխավորման տեսանկյունից»,- գրել է խոսնակը:

Նունե Հովսեփյանը նաեւ շեշտել է, որ նույն սկզբունքով Պաշտպանը երեկ անդրադարձել է նաեւ մարդկանց նկատմամբ սպառնալիքներին ու բռնության կոչերին կամ ցանկացած տեսակի ակցիայի կամ հավաքի մարդկանց մասնակցելու կամ չմասնակցելու հարկադրելու մասին տեղեկություններին։ «Կոնկրետ դեպքով, եթե Պաշտպանի իրավասությանն է վերաբերում, նախաձեռնվում է վարույթ, պարզաբանումներ են պահանջվում պետական մարմիններից, իսկ մասնավոր կազմակերպությունների դեպքում Պաշտպանին օրենքն իրավունք չի վերապահում կոնկրետ դեպքով պարզաբանումներ պահանջել։ Իսկ թե ինչ պետք է անել նման դեպքերում, արդեն վերևում անդրադարձել եմ»,- հավելել է նա։

Տպել
8613 դիտում

Գորիսի համայնքապետի «Քաղաքացիական պայմանագիր» կուսակցության թեկնածու Վլադիմիր Աբունցը ուղերձով դիմել է գորիսեցիներին

Տավուշի մարզպետ Հայկ Ղալումյանն ընդունել է ՀՀ-ում Ճապոնիայի արտակարգ և լիազոր դեսպան Մասանորի Ֆուկուշիմային

Արմավիրում մեկնարկել են 3 փողոցների ասֆալտապատման աշխատանքները

Արարատ Միրզոյանը ՄԱԿ-ի նախարարական հանդիպմանը կոչ է արել ուժեղացնել ճնշումն Ադրբեջանի վրա, նաև աջակցել ԵԱՀԿ ՄԽ ջանքերին

Հրդեհ է բռնկվել Գետափ գյուղում

Արարատ Միրզոյանը հանդիպում է ունեցել Ֆինլանդիայի ԱԳ նախարար Պեեկա Հաավիստո Օլավիի հետ

Ալցհայմերի հիվանդություն ունեցողի խնամատարի ուղեցույց է մշակվել․ ուսուցողական նյութերը կտարածվեն բուժհաստատություններում

Ռումբի բեկորներից քանդակներ, թիթեռներից կոմպոզիցիաներ. կայացել է վիրավոր զինվորների ձեռքով պատրաստված իրերի ցուցահանդեսը

Ալեն Սիմոնյանն ընդունել է Հայաստանում ՄԱԿ-ի մշտական համակարգող Շոմբի Շարփի գլխավորած պատվիրակությանը

Մի խումբ անձինք ոստիկանության բաժիններում հանձնել են հրազեն ու ռազմամթերք (տեսանյութ)

Լևոն Տեր-Պետրոսյանն իր առանձնատանը հյուրընկալել է Ղրղզստանի Հանրապետության նախկին նախագահ Ասկար Ակաևին

Սեպտեմբերի 23-ի դրությամբ Գեղարքունիքի մարզում պատվաստվել է 29 133 քաղաքացի

ՀՀ անկախության տոնի առթիվ ԱԺ նախագահ Ալեն Սիմոնյանին շնորհավորել է Մոլդովայի խորհրդարանի նախագահ Իգոր Գրոսուն

ԱԳ նախարար Արարատ Միրզոյանը հանդիպել է Եվրոպայի Խորհրդի Գլխավոր քարտուղար Մարիա Պեյչինովիչ Բուրիչի հետ

Վարչապետը շնորհավորական ուղերձ է հղել Տանն Կիլիկիո կաթողիկե Հայոց կաթողիկոս պատրիարքին

Նիգերիայի նորանշանակ դեսպանը իր հավատարմագրերի պատճենն է հանձնել ՀՀ ԱԳ նախարարի տեղակալին

Հիմնանորոգվում է Արթիկ-Անուշավան-Փանիկ ավտոճանապարհը

Վարչապետը հանձնարարել է շահագրգիռ պետական կառույցներին ապահովել հոկտեմբերի 1-ից ուժի մեջ մտնող հրամանի կիրարկումը

Մրցակցության պաշտպանության հանձնաժողովի նախագահ Գեղամ Գևորգյանն ընդունել է Արցախի իր գործընկեր Գևորգ Գրիգորյանին

Մարտի 1-ից 13 տարի անց ՍԴ-ն հակասահմանադրական է ճանաչում 300,1 հոդվածը, ՄԻԵԴ-ն էլ՝ արձանագրել խախտումներ

Ջերմուկի ճանապարհին մեքենան ձորն է գլորվել. 38-ամյա վարորդը մահացել է

Առաջին անգամ Հայաստանում իրականացվել է նոր կորոնավիրուսի 12 ամբողջական գենոմի վերծանում

Տեխնոլոգիական ոլորտի հայրենադարձներն աշխատանքով կապահովվեն

Արդարադատության փոխնախարար Քրիստիննե Գրիգորյանն ընդունել է շվեդական Ազգային դատարանների վարչության պատվիրակությանը

UCOM-ում գործում է «մատչելին՝ զեղչով» առաջարկը

Ղազախստանում կայացել է եռակողմ հանդիպում Հայաստանի, Ռուսաստանի և Ադրբեջանի գլխավոր դատախազների միջև

Արտաշես Խալաթյանը նշանակվել է ՔԿԱԳ պետ

Մալաթիա-Սեբաստիայում հայտնաբերվել է հակահամաճարակային կանոնների խախտման 16 դեպք

Վարանդայից հայտնաբերվել է ևս մեկ զինծառայողի աճյուն

Հատուկ նշանակության ստորաբաժանումների զորավարժությունները շարունակվում են (լուսանկարներ)

Ստեփանակերտում բնակելի առանձնատուն է այրվել (լուսանկարներ)

Մայրաքաղաքի «Երեւան» ձուլվածքով նստարանների մեծ մասը կոտրված են, որոշներն արդեն պիտանի չեն նստելու համար

Ալեն Սիմոնյանն առաջիկայում պաշտոնական այցով կմեկնի Ռուսասաստան․ ԱԺ նախագահն ընդունել է դեսպան Սերգեյ Կոպիրկինին

Հայ խաղաղապահները Կոսովոյում նշել են Անկախության օրը (լուսանկարներ)

Զրո հանդուրժողականություն բոլոր ապօրինությունների նկատմամբ․ Կարեն Անդրեասյանը ներկայացրել է ՔԿ ծառայության նոր պետին

Զորամասերի պատասխանատուների հավաք-խորհրդակցություն է անցկացվել

Գազալցակայաններում իրավունք չեն ունենա լիցքավորել Էլեկտրոնային շտեմարանում չգրանցված մեքենաներին. որքան է տուգանքի չափը

Արտաշես Խալաթյանն ազատվել է վարչապետի աշխատակազմի հանրային խորհրդի քարտուղարության պետի պաշտոնից

Համոզված եմ, որ Ուզբեկստան-Հայաստան փոխշահավետ համագործակցությունը կշարունակի զարգանալ. Շավքաթ Միրզիյոևի ուղերձը

Խախտվել են պահպանվող բնական օբյեկտների պահպանության կանոնները. տեսչական մարմինը հաշվետվություն է ներկայացրել