ՀՀԿ թեկնածուի օգտին քվեարկելու համար թոշակառուին կաշառք տված թաղապետարանի նախկին աշխատակիցը դատապարտվել է

20/01/2021 schedule16:51

Լուսանկարում՝ Ղուկաս Ուլիխանյանը

2017 թվականին Հայաստանի հանրապետական կուսակցության թեկնածուի օգտին քվեարկելու համար թոշակառուին ընտրակաշառք տալու համար մեղադրվող Նոր Նորք վարչական շրջանի աշխատակիցը դատապարտվել է տուգանքի:

Խոսքը Արտուր Բաբայանի մասին է, որը դատավճռով մեղավոր է ճանաչվել այն բանի համար, որ 2017 թվականի ապրիլի 2-ին կայացած ՀՀ Ազգային ժողովի հերթական ընտրությունների նախընտրական փուլում ընտրողին տվել է կաշառք՝ Հայաստանի Հանրապետական կուսակցության համապետական ընտրական ցուցակում ընդգրկված պատգամավորի թեկնածուի օգտին կողմ քվեարկելու համար: Երեւան քաղաքի ընդհանուր իրավասության դատարանի դատավճռով Բաբայանը դատապարտվել է տուգանքի՝ նվազագույն աշխատավարձի երկուհազարապատիկի՝ 2.000.000 (երկու միլիոն) ՀՀ դրամի չափով:

Նշենք, որ ընտրակաշառքի դեպքը բացահայտվել է 2019 թվականին, որը քննվել է ՀՀ հատուկ քննչական ծառայության վարույթում: Մեղադրական եզրակացության համառոտ բովանդակության համաձայն՝ Արտուր Բաբայանը 2017թ.-ին զբաղեցրել է Նոր Նորք վարչական շրջանի աշխատակազմի քարտուղարի պաշտոնը, իսկ վարչական շրջանի ղեկավար Արմեն Ուլիխանյանի եղբայրը ՀՀԿ ցուցակով առաջադրված է եղել պատգամավորի թեկնածու: Խոսքը ՀՀԿ ցուցակի 75-րդ համարով առաջադրված Ղուկաս Ուլիխանյանի մասին է, որն այժմ «Հանրապետություն» կուսակցության անդամ է: Ըստ մեղադրանքի՝ թոշակառու կինը գրավոր դիմել է վարչական շրջանի ղեկավարին՝ պետական պատվերի շրջանակներում աչքի վիրահատություն իրականացնելու համար: Բաբայանը հանդիպել է թոշակառու կնոջը և ասել, որը վիրահատությունը կիրականացվի, եթե կինը և ընտանիքի անդամները քվեարկեն Ղուկաս Ուլիխանյանի օգտին: Կինը համաձայնել է առաջարկած պայմանին եւ խորհրդարանական ընտրությունների ժամանակ ընտանիքի հետ քվեարկել Ղուկաս Ուլիխանյանի օգտին: Թեև թեկնածուն բավարար ձայներ չստանալու պատճառով չի անցնում խորհրդարան, սակայն «Սուրբ Գրիգոր Լուսավորիչ» ԲԿ-ում կնոջ վիրահատությունը իրականացվում է: Ըստ ՀՔԾ-ի՝ պետական միջոցներից վիրահատության համար հիվանդանոցին է փոխանցվել 77.200 ՀՀ դրամ:

Բաբայանի դեմ հաղորդում է ներկայացրել, սակայն, ոչ թե վիրահատության ենթարկված կինը, այլ երրորդ անձ, որը ելումուտ է ունեցել վարչական շրջանի տարածք: Վերջինս նախաքննական մարմնին հայտնել է, որ պատահաբար գտել է տեսաձայնագրություններ, որտեղ երևում է Բաբայանի և կնոջ խոսակցությունը, բացի այդ՝ ձայնագրություններում երևում է Բաբայանի և ևս երկու անձի նույնաբովանդակ խոսակցություն: Թոշակառու կինը հրավիրվել է ոստիկանություն, ընունել իր մեղքը և զղջացել: Նախաքննության ընթացքում ենթադրյալ կաշառք ստացած անձի վերաբերյալ քրեական գործ չի հարուցվել:

Նախաքննության ընթացքում Բաբայանը չի ընդունել իրեն առաջադրված մեղադրանքը, սակայն դատարանում փոխել է դիրքորոշումը՝ ընդունել մեղադրանքը եւ արագացված դատաքննություն պահանջել: Նշենք, որ ՀՀ քրեական դատավարության օրենսգրքի 375․1 հոդվածի համաձայն՝ մեղադրյալն արագացված դատական քննության կարգ կիրառելու միջնորդությամբ հանդես գալու իրավունք ունի, եթե համաձայն է իրեն առաջադրված մեղադրանքին։

Արտուր Բաբայանի պաշտպան Կարինե Խաչատրյանից այսօր հետաքրքրվեցինք, թե ինչպես ստացվեց, որ Բաբայանը փոխեց մեղադրանքի վերաբերյալ իր դիրքորոշումը: Ի պատասխան՝ Խաչատրյանը նշեց, որ դատավարության մասնակիցի իրավունքն է գործի քննության ցանկացած փուլում փոխել իր դիրքորոշումը: Պաշտպանը, սակայն, չպատասխանեց գործի հանգամաքներին վերաբերող այլ հարցերի: Նշենք, որ դատաքննության ընթացքում որպես վկա ցուցմունք է տվել նաեւ նախկին թաղապետ Արմեն Ուլիխանյանը, բայց թե ինչ է նշել, պաշտպանը կրկին չպատասխանեց: Հայտնի չէ նաեւ, թե պատգամավորի թեկնածու Ղուկաս Ուլիխանյանը գործով ինչ կարգավիճակ է ունեցել:

Երեւան քաղաքի ընդհանուր իրավասության դատարանի դատավճիռն արդեն բողոքարկվել է Վերաքննիչ քրեական դատարանում: Բողոքը ներկայացրել է մեղադրող դատախազը եւ խնդրել մասնակի բեկանել առաջին ատյանի դատարանի կայացրած դատավճիռը և Բաբայանի նկատմամբ նշանակել ազատազրկման ձեւով համաչափ պատիժ: Դատական տեղեկատավական համակարգից տեղեկացանք, որ բողոքն արդեն վարույթ է ընդունվել. այն կնախագահի դատավոր Ռուբիկ Մխիթարյանը:

Գլխավոր դատախազի խորհրդական Գոռ Աբրահամյանը Հայկական ժամանակին հայտնեց, որ բողոքի ներկայացումը հիմնավորվել է նրանով, որ առաջին ատյանի դատարանը ամբաստանյալի նկատմամբ որպես պատիժ տուգանք նշանակելու որոշումը կայացնելիս հաշվի չի առել նաև ՀՀ վճռաբեկ դատարանի նախադեպային իրավունքով արտահայտված այն հստակ դիրքորոշումը, որ նման հանցագործության կատարմամբ խախտվել են ընտրությունների ժամանակ քվեարկության՝ օրենքով սահմանված կարգի ապահովմանն ուղղված հասարակական հարաբերությունները: Այսինքն խորհրդականի խոսքով՝ դատախազությունը գտնում է, որ դատարանը պատշաճ կերպով հաշվի չի առել կատարած հանցանքի հանրային վտանգավորության աստիճանն ու բնույթը, մասնավորապես այն, որ ամբաստանյալի կողմից կատարված հանցանքը վնաս է պատճառում սոցիալական մեծ նշանակություն ունեցող հասարակական հարաբերություններին, քանի որ ուղղված է մարդու և քաղաքացու սահմանադրական իրավունքների ու ազատությունների դեմ:

Աննա Ավետիսյան

Տպել
722 դիտում

ԲՀԿ-ն ծանր երկընտրանքի առջեւ է, իսկ Քոչարյանը երկակի խաղ է խաղում. քաղաքագետ

Վարչապետ Նիկոլ Փաշինյանը հեռախոսազրույց է ունեցել ԱՄՆ պետքարտուղար Էնթոնի Բլինքենի հետ

Անճաշակ հարուստներն ու պաշտոնյաները էլ չեն կարող 10.000 $-ի կապոցով ապտակել երգչիկների այտին ու երգել տալ. Մադլենյան

120 օրվա գերությունից վերադարձած Ա.Գ.-ի համար հայրենի գյուղում տուն կկառուցենք՝ մետաղական տնակի փոխարեն. Արեն Մկրտչյան

Հռոմի Ֆրանցիսկոս Պապը Իրաքում է. ոչ անվտանգ ու պատմական այց՝ 10 հազար անվտանգության աշխատակիցների ուղեկցությամբ

Fitch-ը Երևանին վերադարձրել է երկարաժամկետ «B+» վարկանիշը՝ «Կայուն» կանխատեսմամբ

ԵՏՀ այսօրվա որոշումը բավականաչափ զգայուն հարված կարող է հասցնել թուրքական տնտեսությանը. պատգամավոր

Արցախում առողջապահությունը պետք է լինի որակյալ ու անվճար. Արայիկ Հարությունյան, «Արցախպրես»

Գեղարքունիքի մարզպետը ծանոթացել է Գավառի թիվ 4 հիմնական դպրոցում առկա խնդիրներին

Քննարկվել են դեղատոմսով բաց թողնվող դեղերն առանց դեղատոմս իրացնելու, դեղերի հետկանչի իրականացման խնդիրները

«Նոայի» իտալական դժվարություններն ու գերմանական կասկածները

Գործնական պարապմունքներ են անցկացվել մարտական հերթապահության մեկնող ստորաբաժանումների անձնակազմի հետ

Շիրակի մարզում կորոնավիրուսային ստաբիլ վիճակ է, թվերը չեն աճել

Ինչպիսի տարի էր 2020-ը ԵԱՏՄ երկրների համար եւ ինչ է սպասվում 2021-ին. պատասխանում է ԵՏՀ նախարարը

Մարդու իրավունքների պաշտպանը առաջարկում է Սյունիքում ապառազմականացված անվտանգության գոտի ստեղծել

Մանկապարտեզներում երեխաների թիվը մեծացնելու խնդիրը դեռեւս չի լուծվում. դժգոհող ծնողներն ԱՆ-ում քննարկման են մասնակցել

Պատգամավորն առաջարկում է պատվին, կամ գործարար համբավին պատճառված վնասի հատուցման գործերը քննել 2 ամսում

Կոտայքի մարզպետն ընդունել է ՀՀ-ում Ֆրանսիայի դեսպան Ջոնաթան Լաքոտին

Սոնան պատերազմի մասնակիցների համար հանդես կգա մենահամերգով

ՊՆ-ն՝ հայ-ադրբեջանական շփման գծի իրավիճակի մասին

Լարսը բաց է բոլոր տեսակի տրանսպորտային միջոցների համար․ ռուսական կողմում կուտակված է մոտ 600 բեռնատար

Կայացել է շրջակա միջավայրի նախարարին կից հասարակական խորհրդի առաջին նիստը

ՀՀ պաշտպանության նախարարն աշխատանքային շրջայցեր է կատարել ԶՈՒ ստորաբաժանումներ (լուսանկարներ)

Հայ խաղաղապահների հերթական զորախումբը վերադարձել է հայրենիք

Վաղարշակ Հարությունյանը պարգևատրել է կին զինծառայողներին և կուրսանտներին (լուսանկարներ)

Ամենայն Հայոց Կաթողիկոսը հյուրընկալել է «Նագգաշյան մանուկների տան» մանկավարժներին և շրջանավարտներին

Քննարկվել է Հայաստանում խոշոր եղջերավոր կենդանիների համարակալման և հաշվառման ծրագրի ընթացքը

ԳՇ հայտարարությունը ռազմական հեղաշրջման փորձ է. Արամ Սարգսյան

Վերսկսվում է Կորոնավիրուսի տնտեսական հետևանքների չեզոքացման 17-րդ միջոցառման դրամաշնորհների տրամադրումը

Եղվարդի 29-ամյա բնակիչը փորձել է հրկիզել 17 մլն 375 հզ դրամին համարժեք զինվորական հանդերձանք. ոստիկանների բացահայտումը

«Հայաստան» համահայկական հիմնադրամի դրամահավաքի միջոցներով ձեռքբերված ոտքի պրոթեզների նոր խմբաքանակն արդեն Հայաստանում է

Հաստատվել են 4-րդ, 9-րդ և 12-րդ դասարաններում սովորողների քննությունների օրերը

Մենք պարտք ունենք քո առջեւ, սպարապե՛տ, մենք պարտք ունենք մեր հերոս նահատակների առաջ․ Սպարապետն այսօր կդառնար 62 տարեկան

ՃՈ հաշվառման-քննական ստորաբաժանումների երկու տեսուչի մեղադրանք է առաջադրվել (տեսանյութ)

Գերիների ծնողները բացել են Շիրակի մարզպետարանի մուտքը. կառույցն անցել է բնականոն աշխատանքի

Վերաքննիչ քրեական դատարանի որոշմամբ Արա Սաղաթելյանը ազատ արձակվեց

Գորիսի տարածաշրջանի ավտոճանապարհներին և Մեղրիի լեռնանցքում մառախուղ է, տեսանելիությունը՝ 50-100 մետր

Ապառիկ վարկերի ակցիա գարնանային տոների նախօրեին

Վահագն Թեւոսյանն ու Վահրամ Մարտիրոսյանը նշանակվել են Հանրային հեռարձակողի խորհրդի անդամներ

Ամերիաբանկ. 2021 թ. լավագույն ներդրումային բանկը Հայաստանում ` ըստ «Global Finance» հեղինակավոր ամսագրի