Զարիֆը վաղը կհանդիպի ՀՀ ղեկավարության հետ. ինչ է քննարկվել ավելի վաղ Բաքվում ու այսօր Մոսկվայում

Հունվարի 26-ին Հայաստան է ժամանել Իրանի Իսլամական հանրապետության արտաքին գործերի նախարար Մոհամադ Ջավադ Զարիֆը: Հունվարի 27-ի առավոտյան ժամը 10:00-ին նախատեսված է նրա եւ ՀՀ ԱԳ նախարար Արա Այվազյանի հանդիպումը: Զարիֆին այնուհետ կընդունի նաև ՀՀ վարչապետ Նիկոլ Փաշինյանը։

Իրանի ԱԳ նախարարի այցը Հայաստան նախավերջին կանգառն է նրա՝ նախապես հայտարարված եւ ծրագրված տարածաշրջանային այցից: Հայաստան ժամանելուց առաջ իրանցի պաշտոնյան եղել է Ադրբեջանում, Ռուսաստանում, լինելու է նաև Վրաստանում ու Թուրքիայում: Ավելի վաղ նա նշել է, որ սա տարածաշրջանային վեց երկրների միջև համագործակցության հնարավորություն է:

Ռուսաստան կատարած այցի ժամանակ նա այսօր հանդիպել է Սերգեյ Լավրովի հետ: Բանակցությունների ավարտին Լավրովը հայտնել է, որ Մոսկվան և Թեհրանը հաստատում են իրենց փոխադարձ շահագրգռվածությունը`խորացնելու երկխոսությունը մի շարք տարածաշրջանային հարցերի շուրջ, այդ թվում` Լեռնային Ղարաբաղի շուրջ ստեղծված իրավիճակի:

«Հաշվի առնելով տարածաշրջանում մեր երկրների դերը` մենք շահագրգռված ենք խորացնել երկխոսությունը այնպիսի հարցերի շուրջ, ինչպիսիք են Պարսից ծոցում անվտանգությունը, Աֆղանստանի կարգավորման խնդիրները և, իհարկե ստեղծված իրավիճակը Լեռնային Ղարաբաղում», - ասել է ՌԴ արտգործնախարարը:

Նա նաև մատնանշել է ռուս-իրանական փոխգործակցության կարևոր դերը ինչպես երկկողմ ձևաչափով, այնպես էլ ահաբեկչության, թմրանյութերի ապօրինի շրջանառության և կազմակերպված հանցավորության այլ տեսակների դեմ պայքարի միջազգային հարթակներում:

Լավրովը նշել է նաև, որ Մոսկվան և Թեհրանը անկեղծորեն շահագրգռված են բոլոր կողմերի կողմից իրանական միջուկային ծրագրի վերաբերյալ գործողությունների համատեղ համապարփակ ծրագրի լիարժեք իրականացման մեջ: «Այսօր ամենահրատապ թեմաներից մեկը Իրանի միջուկային ծրագրի շուրջ կարգավորման համար Համապարփակ գործողություններիծրագիրը փրկելու խնդիրն է: Եվ՛ մենք, և՛ Իրանը անկեղծորեն շահագրգռված ենք, որ բոլոր կողմերը, որոնք ստորագրել են միջուկային համաձայնագիրը, լիարժեք իրականացնեն գործընթացով ստանձնած պարտավորությունները»,-նշել է ՌԴ արտգործնախարարը:

Զարիֆը, խոսելով ղարաբաղյան հակամարտության մասին, ասել է, որ Մոսկվայի միջնորդությամբ հնարավոր է եղել հասնել խաղաղության ու ղարաբաղյան հակամարտության կարգավորումը տարածաշրջանում կայունության առաջին երաշխիքն է:

«Հաշվի առնելով տարածաշրջանում մեր երկրների դերը,  մենք շահագրգռված ենք խորացնել երկխոսությունը օրակարգային հարցերի շուրջ: Մեր ընդհանուր մտահոգությունն այն էր, որ հակամարտությունը տեղի էր ունենում մեր և ձեր հարևանությամբ, սրում էր իրավիճակը, և այնտեղ մարդիկ էին զոհվում։ Ես կարծում եմ, որ այդ հակամարտությունը մեզ համար ինչ-որ ընդհանուր գիծ ունի։ Իմ շրջագայության նպատակներից մեկն է մշակել հնարավորություններ, որոնք բխում են Ռուսաստանի նախագահի ղեկավարությամբ Ադրբեջանի և Հայաստանի ղեկավարների ձեռք բերած պայմանավորվածություններից»,- ասել է Զարիֆը։

Նա հավելել է, որ  Իրանն աշխարհագրորեն մյուսներից ավելի մոտ է հակամարտության վայրին և այդ ընթացքում անկայունություն է եղել նաև իր սահմաններին: Ըստ Զարիֆի, Թեհրանը «հսկայական ջանքեր է գործադրել» հակամարտության տարածաշրջանային լուծում առաջարկելու համար։ 

«Մեզ համար այս հակամարտության կարգավորումը շատ կարևոր է ազգային անվտանգության տեսանկյունից»,-ասել է նա:

ՌԴ այցից առաջ Զարիֆը եղել է Բաքվում: Ի դեպ, այնտեղ արել հայտարարություններ, որոնք այցից հետո որոշ աղբյուրներ որպես ոչ դիվանագիտական ու  «տգեղ» են որակել:

Իրանի ԱԳ նախարարը նախ հանդիպել է Ադրբեջանի նախագահ Իլհամ Ալիևի, այնուհետև Ադրբեջանի ԱԳ նախարար Ջեյհուն Բայրամովի հետ:

Ադրբեջանում  Զարիֆը հայտարարել էր, որ ադրբեջանական կողմի հետ նախատեսված բանակցությունների օրակարգում քննարկելու էին ղարաբաղյան խնդիրները և այլ հարցեր: Այդպես էլ եղել էր, քննարկվել էր հետպատերազմյան իրավիճակը՝ Ղարաբաղում կայունության ապահովման, տարածքների վերականգնման, ինչպես նաև տարածաշրջանային համագործակցության, այդ թվում՝ Հյուսիս-հարավ և Հարավ-արևմուտք տրանսպորտային միջանցքների փոխգործակցության հետ կապված հարցերը:

Զարիֆը Բաքվում հայտարարել է, որ Իրանը պատրաստ է օգնելու տարածաշրջանում խաղաղության ու կայունության հաստատմանը: Նա Ադրբեջանի կառավարությանն ու ժողովրդին շնորհավորել է «վերջին հաղթանակների կապակցությամբ»։ Զարիֆը նշել է, որ Իրանը պատրաստ է ակտիվ մասնակցել «ազատագրված տարածքների» վերակառուցմանը՝ տրամադրելով տեխնիկական ու ինժեներական ծառայություններ, էլեկտրաէներգիա, օգնել ականազերծման, վերանորոգման  և այլ աշխատանքներում։

Իրանի արտգործնախարարի խոսքով, նոր փուլ է սկսվել, որը նպաստում է տարածաշրջանում խաղաղության ու կայունության  հաստատմանն բոլոր կողմերի շահերին։

Զարիֆը հայտարարել էր, որ այցելելու է այն երկրներ, որոնք «կօգնեն ղարաբաղյան ճգնաժամից դուրս գալ և տարածաշրջանում խաղաղություն եւ կայունություն հաստատել»: Նա մտադիր է Բաքվից այցելել Մոսկվա, Թբիլիսի եւ Երեւան: Եվ ահա, Բաքվում նա մասնավորեցրել է, թե ինչ նկատի ուներ իր այդ հայտարարությամբ:

Իրանի արտգործնախարարի խոսքով, նոր փուլ է սկսվել, որը նպաստում է տարածաշրջանում խաղաղության ու կայունության  հաստատմանն բոլոր կողմերի շահերին։

Ըստ Զարիֆի,  Իրանը ցանկանում է, որ Ադրբեջանի կողմից պատերազմի միջոցով «ազատագրված տարածքների» բնակիչները հնարավորինս արագ վերադառնան իրենց նախկին բնակավայրեր:

Ադրբեջանի նախագհն էլ իր հերթին ասել է, որ  որ ադրբեջանական կողմը շատ ուրախ կլինի իրանական ընկերություններին տեսնել այն կազմակերպությունների շարքում, որոնք կաշխատեն Ղարաբաղի տարածքում ու հրավիրել է իրանական ընկերություններին համագործակցության: Նա Իրանը եղբայրական երկիր է անվանել՝ հավելելով, որ «եղբայր Իրանի հետ կապված են  տնտեսական, տրանսպորտային, էներգետիկ  ընդհանուր շահերով»:

Զարիֆի հաջորդ այցերը լինելու են Վրաստան ու Թուրքիա: Ավելի վաղ ԻԻՀ արտաքին գործերի նախարարությունից հայտնել էին, որ այցերի օրակարգը նախապես համաձայնեցված է:

Տպել
1323 դիտում

«Հայփոստ»-ը պարզաբանում է ներկայացրել կենսաթոշակի վճարման գործընթացի փոփոխման վերաբերյալ

Եղվարդի բնակչին մեղադրանք է առաջադրվել՝ մոտ 17 մլն դրամի զինվորական հանդերձանքը ոչնչացնելու փորձի համար

Տնտեսական ազատության միջազգային ինդեքսում Հայաստանը բարելավել է դիրքերը

ԱԺ-ում կքննարկվի «Անհայտ կորած անձանց մասին» ՀՀ օրենքի նախագիծը

Սյունիքի մարզում ձյուն է տեղում. միջպետական ու հանրապետական բոլոր ավտոճանապարհները բաց են

Մարտակերտի զորամասերից մեկի հավաքակայանից ԱԻ ծառայությանն է փոխանցվել 2 զինծառայողի մասունք

Հրդեհ «Կոշ» քրեակատարողական հիմնարկում

Անկարայում հետաքննություն է սկսել ԱՄՆ-ում «Կանգնեցրեք Էրդողանին» գրությամբ պաստառների առթիվ

1 օրում ձյան մեջ արգելափակումից տարբեր մարզերում դուրս է բերվել 9 ավտոմեքենա

Մայրաքաղաքում և 5 մարզերում էլեկտրաէներգիայի պլանային անջատումներ են սպասվում

Զբոսաշրջության ոլորտը սկսվում է վերականգնվել, մարդիկ ուզում են ճանապարհորդել. Վարդան Սարգսյան

Գերմանիայի Բունդեսթագն անձեռնմխելիությունից զրկել է պատգամավորներից մեկին՝ Ադրբեջանից կաշառք ստանալու կասկածանքով

«Թումո» տուփն ամռանն արդեն Կապանում կլինի

«Վահագնի Սիթին» Ա-Լիգայի եզրափակչի երկրորդ խաղում ևս հաղթեց «Դվինին»

Վարդենյաց լեռնանցքում հարկավոր է երթևեկել անվաշղթաների կիրառմամբ, Քաջարանում և Կապանում ձյուն է

Կոնգրեսականները չեղյալ են հայտարարել մարտի 4-ի նիստը՝ Կապիտոլիումի վրա հարձակման սպառնալիքի պատճառով

Դեղի հետկանչ․ կարգադրագիր է տրվել դեղերի վաճառքով զբաղվող 7 ընկերության

Սլովակիայի արտգործնախարարը ներողություն է խնդրել Ուկրաինայից վարչապետի կատակի համար

Ազատ ոճի ըմբշամարտի Հայաստանի հավաքականի գլխավոր մարզիչը՝ Կիևի մրցաշարի, Պատրիկեևի հեռանկարների և հավաքականի կազմի մասին

Արմավիրի մարզպետն ընդունել է Հայաստանի մանուկներ հիմնադրամի տնօրենին․ քննարկվել են մարզի զարգացմանն ուղղված հարցեր

ՄԻՊ-ը Բունդեսթագում բարձրացրել է Ադրբեջանում պահվող գերիների անհապաղ վերադարձի հարցը

Վերակառուցվել է Նշավան համայնքի ամբուլատորիայի շենքը

Շիրակի փոխմարզպետն Արեգնադեմում ծանոթացել է կառուցվող սպանդանոցին և ֆերմերային տնտեսությանը

Արմավիրի Արևաշատ գյուղում մոտ 2500 հակ անասնակեր է այրվել

Նախադպրոցական կրթական բոլոր ծառայությունները, մանկական ժամանցի կենտրոնները կլիցենզավորվեն. նոր նախագիծ

Ամենայն Հայոց Կաթողիկոսն ընդունեց «Հայոց Եկեղեցու պատմություն» առարկայի հանրապետական օլիմպիադայի հաղթողներին

Քոչարյանը երբեք առանց «տանիքի» հաջողության չի հասել. չլիներ Վազգեն Սարգսյանը՝ նա ՀՀ տեղը մոռացած կլիներ. Վիգեն Խաչատրյան

Զինված ուժերի գլխավոր շտաբում իրականացվում են պլանների ճշգրտման աշխատանքներ

Կայացել է «Երկրաֆիզիկոս Սերգեյ Նազարեթյանի գիտական 50-ամյա գործունեությունը» խորագրով գրքի շնորհանդեսը

ՀՀ-ԵՄ Համապարփակ և ընդլայնված գործընկերության համաձայնագրի ուժի մեջ մտնելուն նվիրված միջոցառում է կազմակերպվել ԱԳՆ-ում

Բերման է ենթարկվել քրեական հեղինակություն Զապն ու նրան ուղեկցող 10-ից ավելի անձ

Փլուզում «ՉԱԱՐԱՏ Կապան» հանքում. 25-ամյա աշխատակիցը մահացել է

37-ամյա տղամարդը գողացել էր Հյուսիս-հարավ ճանապարհաշինության համար նախատեսված ավազից (տեսանյութ)

«Սա այն բացառիկ դեպքերից է, երբ ես ուրախ եմ, որ դեմ քվեարկեցիք». խնդրահարույց օրինագիծը էլի կքննարկվի

Մեսրոպ Առաքելյանը և Հայաստանում Շվեդիայի դեսպան Պատրիկ Սվենսոնն ընդգծել են մի շարք առաջնահերթություններ

Արայիկ Հարությունյանն ընդունել է Հադրութի մի խումբ բնակիչների

Հրդեհ է բռնկվել Բալահովիտում գտնվող «Գոլդ Շին» ընկերության փրփրապլաստի արտադրամասում (տեսանյութ)

4 կիլոգրամ հերոին և 2 կիլոգրամ ափիոն. Սյունիքում խոշոր չափի թմրանյութ է հայտնաբերվել (տեսանյութ)

Կորոնավիրուսի դեմ զանգվածային պատվաստումները Հայաստանում սկսվել են. 200 բուժաշխատող արդեն պատվաստվել է

Առաջիկայում կգործարկվի շուրջ 400 ծառայությունների էլեկտրոնային մատուցման հարթակը․ Ավինյանն ընդունել է Մոլինեուսին