Վկան կաշկանդվել է Ալրաղացի Լյովիկի հետ առերեսումից. նրա դեմ ցուցմունք տված անձինք նախկինում դատապարտվածներն են

27/01/2021 schedule01:30

Լուսանկարը՝ Ֆոտոլուրի 

Այսօր հայտնի կլինի՝ ՀՀ Ազգային ժողովի նախկին պատգամավոր Ալրաղացի Լյովիկ անունով հայտնի Լեւոն Սարգսյանը կմնա՞ կալանքի տակ, թե՞ ազատ կարձակվի:

Երեւան քաղաքի ընդհանուր իրավասության դատարանը դատավոր Տաթեւիկ Գրիգորյանի նախագահությամբ երեկ քննեց Լեւոն Սարգսյանի խափանման միջոց կալանավորումը փոփոխելու, վերահաստատելու կամ անփոփոխ թողնելու հարցը: Նախկին պատգամավորը դիմում էր գրել դատարանին նշելով, որ չի ցանկանում ներկա գտնվել դատական նիստին: Սարգսյանը խնդրել էր փոխել իր նկատմամբ որպես խափանման միջոց ընտրված կալանքը:

Լեւոն Սարգսյանը, հիշեցնենք մեղադրվում է 11 տարի առաջ ՀՀ մաքսային պետական կոմիտեի նախկին պետ Արմեն Ավետիսյանի առանձնատան վրա կատարված ավազակային հարձակումը պատվիրելու, ղեկավարելու եւ կազմակերպելու համար: Նրա նկատմամբ հետախուզում էր հայտարարվել 2018 թ. հոկտեմբերից։ 2019-ի նոյեմբերին նա Մոսկվայում ձերբակալվել, կալանավորվել, ապա տեղափոխվել է Հայաստան: Արմեն Ավետիսյանն այս գործով որպես տուժող հարցաքննվել է:

Երեկվա նիստում մեղադրող դատախազ Վաչե Ղազարյանը պնդեց՝ Սարգսյանի խափանման միջոց կալանքը պետք է մնա անփոփոխ: Ըստ դատախազի ներկայացրած հիմքերի՝ ազատության մեջ մնալով, Սարգսյանը կարող է թաքնվել վարույթն իրականացնող մարմնից եւ խոչընդոտել գործի քննությանը՝ դատավարության մասնակիցների վրա ճնշում գործադրելով: Որպես թաքնվելու հիմք, դատախազը շեշտեց այն հանգամանքը, որ Լեւոն Սարգսյանի նկատմամբ արդեն իսկ մեկ անգամ հետախուզում է հայտարարվել: Թեեւ հետախուզման հիմքի մեջ դրվել է այն, որ նրա գտնվելու վայրը հայտնի չէ, սակայն դատախազի խոսքով՝ հետագայում Լեւոն Սարգսյանը տեղեկացել է իր նկատմամբ իրականացվող քրեական հետապնդման մասին, բայց դրանից հետո չի ներկայացել վարույթն իրականացնող մարմնին:

Ավելին՝ ըստ Ղազարյանի՝ գտնվելով Ռուսաստանի Դաշնությունում, դիմել է այդ երկրի քաղաքացիություն ստանալու նպատակով, սակայն դիմումը մերժվել է: Ուստի, դատախազի խոսքով՝ առկա է ողջամիտ հավանականություն, որ Լեւոն Սարգսյանը կարող է կրկին թաքնվել վարույթն իրականացնող մարմնից: «Ինչ վերաբերում է դատավարության մասնակիցների վրա ազդեցություն գործելուն, ապա նշեմ, որ քրեական գործով տվյալներ են ձեռք բերվել այն մասին, որ իրականացված ավազակային հարձակման բացահայտումից հետո Լեւոն Սարգսյանը սույն քրեական գործով դատակոչված անձանցից մեկին հրահանգել է հարցաքննությունների ընթացքում իր անունը չտալ: Բացի այդ, սույն քրեական գործով նախաքննության ընթացքում հարցաքննված անձանցից մեկը վարույթն իրականացնող մարմին ներկայացված դիմումով խնդրել է իր եւ Լեւոն Սարգսյանի միջեւ նախաքննության փուլում առերեսում չիրականացնել, պայմանավորված Լեւոն Սարգսյանի անձով եւ նրա ունեցած կապերով»,- հավելեց Վաչե Ղազարյանը: Եզրափակելով, դատախազն ասաց, որ այլ խափանման միջոցը ի զորու չէ կանխել Լեւոն Սարգսյանի ոչ իրավաչափ վարքագիծը, ուստի դատարանից խնդրեց Սարգսյանի նկատմամբ ընտրված խափանման միջոց կալանավորումը թողնել անփոփոխ:

Հակադարձելով դատախազին, նախկին պատգամավորի պաշտպան Աշոտ Սարգսյանն ասաց, որ իր պաշտպանյալին կալանքի տակ պահելու հիմքերը բացակայում են: Ըստ նրա՝ Սարգսյանի կալանավորման հիմքում 4 ցուցմունք է դրվել: Ցուցմունք տված անձինք 2009 թվականին Արմեն Ավետիսյանի տան վրա կատարված ավազակային հարձակման գործով անցնող մեղադրյալներն են՝ Սուրեն Մելքոնյան, Արա Կարապետյան, Արմեն Նիկողոսյան, Արսեն Սողոմոնյան: Պաշտպանի խոսքով, 4 ցուցմունքից մնացել է միայն Արա Կարապետյանի ցուցմունքը, մյուսներն, ըստ նրա՝ հրաժարվում են ցուցմունքից եւ առերես հարցաքննությունից: «Արմեն Նիկողոսյանը հրաժարվել է իր ցուցմունքից, Լեւոն Սարգսյանի հետ հանդիպումներից, Սուրեն Մելքոնյանը հրաժարվում է առերեսումից: Ես իմ պրակտիկայում չեմ տեսել, որ մարդն ասի՝ առերեսում մի արա, ես կաշկանդվում եմ Լեւոն Սարգսյանից, քննիչն էլ ասի՝ հա ճիշտ ա ասում, էլի»,- ասաց Սարգսյանը: Խոսելով Լեւոն Սարգսյանի՝ հետախուզման մեջ գտնվելու հանգամանքի եւ դա որպես թաքնվելու ռիսկ գնահատելու մասին՝ Աշոտ Սարգսյանը նշեց, որ հետախուզում հայտարարելու ժամանակ հայտնի է եղել, որ Լեւոն Սարգսյանը գտնվում է ՌԴ-ում, ավելին, ԱԱԾ հակահետախուզական վարչության պետն, ի թիվս այլ տեղեկությունների, քննիչին տվել է նաեւ Սարգսյանի հեռախոսահամարը, սակայն գործում առկա չէ որեւէ տեղեկություն այն մասին, որ Սարգսյանին որեւէ մեկը զանգահարել եւ հայտնել է, որ իր նկատմամբ քրեական հետապնդում է հարուցված։  «Դատախազը, որ ասում է՝ Լեւոն Սարգսյանը կարող է թաքնվել, ո՞նց, ոչ անձնագիր կա, քրեական գործը վրեն կախված, ո՞ւր է գնալու, ես ուզում եմ հասկանալ՝ ոնց է թաքնվելու: Ասում է՝ խոչընդոտելու է. ո՞նց է խոչընդոտելու: Սուրեն Մելքոնյանն ասում է՝ ես նրա հեղինակությունից կաշկանդվում եմ, Լեւոն Սարգսյանի կարգավիճակը ո՞րն ա, «Երեւան-Կենտրոն» ՔԿՀ-ում կալանքի տակ գտնվող անձ»:

Նախկին պատգամավորի պաշտպաններից Դավիթ Կարապետյանն էլ նշեց, որ գործը ոչ թե ԱԱԾ-ում պետք է քննվեր, այլ՝ ՀՔԾ-ում:  Ըստ նրա՝ երբ Լեւոն Սարգսյանի վերաբերյալ վարույթ է սկսվել, ԱԱԾ քննիչը, գիտակցելով, որ Մաքսային պետական կոմիտեի նախկին պետի վերաբերյալ գործը պետք է Հատուկ քննչական ծառայությունում քննվի, այն ուղարկել է դատախազություն, սակայն գործը գլխավոր դատախազության գրությամբ՝ կրկին վերադարձվել է ԱԱԾ քննչական դեպարտամենտ՝ նախաքննություն իրականացնելու համար։  Ըստ նրա՝ այս գործով միայն գլխավոր դատախազը կարող էր ՀՔԾ-ի գործը վերցնել եւ հանձնել ԱԱԾ-ին, այնինչ դա արել է գլխավոր դատախազի տեղակալ Դավիթ Մելքոնյանը: Ըստ պաշտպանի՝ վարույթն իրականացնող մարմինը Լեւոն Սարգսյանին դիտավորյալ այնպիսի հոդվածով է մեղադրանք առաջադրել, որի վաղեմության ժամկետն անցած չէ։ Սարգսյանը, հիշեցնենք մեղադրվում է ՀՀ քր. օր. 175-րդ հոդվածի 3-րդ մասի 1-ին եւ 2-րդ կետերով (ավազակությունը, որը կատարվել է կազմակերպված խմբի կողմից՝ առանձնապես խոշոր չափի գույք հափշտակելու նպատակով):

Անդրադառնալով այն հանգամանքին, որ վկա Սուրեն Մելքոնյանի՝ Սարգսյանի հետ առերեսվելուց հրաժարվել է կաշկանդվելու պատճառով նրա եւ Սարգսյանի միջեւ առերեսում չի իրականացվել՝ Կարապետյանը նշեց, որ բավական չէ՝ առերեսում չիրականացնելով՝ վարույթն իրականացնող մարմինը Լեւոն Սարգսյանի հակընդդեմ հարցման իրավունքը խախտել է, դեռ այդ հանգամանքը ներկայացնում է որպես նրա կալանավորման հիմք։

Ըստ պաշտպանական կողմի, եթե դատարանն այնուամենայնիվ կգտնի, որ Լեւոն Սարգսյանը ամեն դեպքում առնչություն ունեցել է իրեն մեղսագրվող արարքին, ապա միջնորդում են նրա նկատմամբ կիրառել այլընտրանքային խափանման միջոց գրավ, գումարի չափը  թողնելով դատարանի հայեցողությանը: Պաշտպանների գնահատմամբ՝ եթե Լեւոն Սարգսյանն ազատ արձակվի՝ ե՛ւ արդարադատությունը դրանով կշահի, ե՛ւ դատաքննությունը:

Դատարանը հեռացավ խորհրդակցական սենյակ՝ որոշում կայացնելու. այն կհրապարակվի այսօր:

Տպել
1249 դիտում

ԱԺ-ում կքննարկվի «Անհայտ կորած անձանց մասին» ՀՀ օրենքի նախագիծը

Սյունիքի մարզում ձյուն է տեղում. միջպետական ու հանրապետական բոլոր ավտոճանապարհները բաց են

Մարտակերտի զորամասերից մեկի հավաքակայանից ԱԻ ծառայությանն է փոխանցվել 2 զինծառայողի մասունք

Հրդեհ «Կոշ» քրեակատարողական հիմնարկում

Անկարայում հետաքննություն է սկսել ԱՄՆ-ում «Կանգնեցրեք Էրդողանին» գրությամբ պաստառների առթիվ

1 օրում ձյան մեջ արգելափակումից տարբեր մարզերում դուրս է բերվել 9 ավտոմեքենա

Մայրաքաղաքում և 5 մարզերում էլեկտրաէներգիայի պլանային անջատումներ են սպասվում

Զբոսաշրջության ոլորտը սկսվում է վերականգնվել, մարդիկ ուզում են ճանապարհորդել. Վարդան Սարգսյան

Գերմանիայի Բունդեսթագն անձեռնմխելիությունից զրկել է պատգամավորներից մեկին՝ Ադրբեջանից կաշառք ստանալու կասկածանքով

«Թումո» տուփն ամռանն արդեն Կապանում կլինի

«Վահագնի Սիթին» Ա-Լիգայի եզրափակչի երկրորդ խաղում ևս հաղթեց «Դվինին»

Վարդենյաց լեռնանցքում հարկավոր է երթևեկել անվաշղթաների կիրառմամբ, Քաջարանում և Կապանում ձյուն է

Կոնգրեսականները չեղյալ են հայտարարել մարտի 4-ի նիստը՝ Կապիտոլիումի վրա հարձակման սպառնալիքի պատճառով

Դեղի հետկանչ․ կարգադրագիր է տրվել դեղերի վաճառքով զբաղվող 7 ընկերության

Սլովակիայի արտգործնախարարը ներողություն է խնդրել Ուկրաինայից վարչապետի կատակի համար

Ազատ ոճի ըմբշամարտի Հայաստանի հավաքականի գլխավոր մարզիչը՝ Կիևի մրցաշարի, Պատրիկեևի հեռանկարների և հավաքականի կազմի մասին

Արմավիրի մարզպետն ընդունել է Հայաստանի մանուկներ հիմնադրամի տնօրենին․ քննարկվել են մարզի զարգացմանն ուղղված հարցեր

ՄԻՊ-ը Բունդեսթագում բարձրացրել է Ադրբեջանում պահվող գերիների անհապաղ վերադարձի հարցը

Վերակառուցվել է Նշավան համայնքի ամբուլատորիայի շենքը

Շիրակի փոխմարզպետն Արեգնադեմում ծանոթացել է կառուցվող սպանդանոցին և ֆերմերային տնտեսությանը

Արմավիրի Արևաշատ գյուղում մոտ 2500 հակ անասնակեր է այրվել

Նախադպրոցական կրթական բոլոր ծառայությունները, մանկական ժամանցի կենտրոնները կլիցենզավորվեն. նոր նախագիծ

Ամենայն Հայոց Կաթողիկոսն ընդունեց «Հայոց Եկեղեցու պատմություն» առարկայի հանրապետական օլիմպիադայի հաղթողներին

Քոչարյանը երբեք առանց «տանիքի» հաջողության չի հասել. չլիներ Վազգեն Սարգսյանը՝ նա ՀՀ տեղը մոռացած կլիներ. Վիգեն Խաչատրյան

Զինված ուժերի գլխավոր շտաբում իրականացվում են պլանների ճշգրտման աշխատանքներ

Կայացել է «Երկրաֆիզիկոս Սերգեյ Նազարեթյանի գիտական 50-ամյա գործունեությունը» խորագրով գրքի շնորհանդեսը

ՀՀ-ԵՄ Համապարփակ և ընդլայնված գործընկերության համաձայնագրի ուժի մեջ մտնելուն նվիրված միջոցառում է կազմակերպվել ԱԳՆ-ում

Բերման է ենթարկվել քրեական հեղինակություն Զապն ու նրան ուղեկցող 10-ից ավելի անձ

Փլուզում «ՉԱԱՐԱՏ Կապան» հանքում. 25-ամյա աշխատակիցը մահացել է

37-ամյա տղամարդը գողացել էր Հյուսիս-հարավ ճանապարհաշինության համար նախատեսված ավազից (տեսանյութ)

«Սա այն բացառիկ դեպքերից է, երբ ես ուրախ եմ, որ դեմ քվեարկեցիք». խնդրահարույց օրինագիծը էլի կքննարկվի

Մեսրոպ Առաքելյանը և Հայաստանում Շվեդիայի դեսպան Պատրիկ Սվենսոնն ընդգծել են մի շարք առաջնահերթություններ

Արայիկ Հարությունյանն ընդունել է Հադրութի մի խումբ բնակիչների

Հրդեհ է բռնկվել Բալահովիտում գտնվող «Գոլդ Շին» ընկերության փրփրապլաստի արտադրամասում (տեսանյութ)

4 կիլոգրամ հերոին և 2 կիլոգրամ ափիոն. Սյունիքում խոշոր չափի թմրանյութ է հայտնաբերվել (տեսանյութ)

Կորոնավիրուսի դեմ զանգվածային պատվաստումները Հայաստանում սկսվել են. 200 բուժաշխատող արդեն պատվաստվել է

Առաջիկայում կգործարկվի շուրջ 400 ծառայությունների էլեկտրոնային մատուցման հարթակը․ Ավինյանն ընդունել է Մոլինեուսին

ԲՈՒՀ-երը դեռևս քաղաքականությունից զերծ չեն. պատգամավորը՝«Բարձրագույն կրթության և գիտության մասին» օրենքների փաթեթի մասին

Բարձր լեռնային պայմաններում անցկացվել է զինվորների մասնագիտական պարապմունք

Քերոբյանը և «Էս-Ջի-Էս»-ի ներկայացուցիչները քննարկել են բեռնափոխադրումներին և մաքսային ընթացակարգերին վերաբերող հարցեր