«Ժողովուրդ, լավ կլինի՝ այս արձանը հանենք». Վիտալի Բալասանյանը Մարտունիում առաջարկել է ապամոնտաժել Նժդեհի արձանը

Երեկ՝ մայիսի 4-ին, Արցախի անվտանգության խորհրդի քարտուղար Վիտալի Բալասանյանը Արցախի Մարտունի քաղաք է այցելել այնտեղ տեղադրված Գարեգին Նժդեհի արձանի ապամոնտաժման հարցով ու ասել. «Ժողովուրդ, լավ կլինի՝ այս արձանը հանենք»: Այս մասին «Հայկական ժամանակին» հայտնեց Մարտունի քաղաքի ավագանու անդամ Արտակ Մկրտչյանը:

«Տեղյակ չեմ՝ Բալասանյանը Մարտունու մյուս շրջաններում այլ հարցերով շրջել է, թե չէ, բայց Մարտունի քաղաք գալու նպատակն է եղել ասելու, որ լավ կլինի՝ Նժդեհի արձանը հանենք»,- ասաց Մկրտչյանը:

Մարտունու ավագանու անդամի խոսքով՝ արձանի ապամոնտաժմանը դեմ մարդկանց ընդամենը մի փոքր մասն է տեղյակ եղել Բալասանյանի այցի նպատակի մասին, լսելով՝ շտապել են կանխել, առայժմ դա նրանց հաջողվել է: Մկրտչյանի խոսքով՝ երեկվա հավաքված մարդիկ պահանջել են Նժդեհի արձանի ապամոնտաժման համար կոնկրետ պատճառներ նշել, Վիտալի Բալասանյանն էլ մի քանի պատճառներ է բերել, սակայն դրանք, ըստ Արտակ Մկրտչյանի, նրանց չի բավարարել: Բալասանյանն էլ ասել է՝ «ձեր գործն է», թողել, գնացել է: Ավագանու անդամից հետաքրքրվեցինք, թե Բալասանյանն ինչ պատճառաբանություններ է բերել: «Որոշ հանգամանքներից ելնելով՝ չեմ ուզում հանրայնացնել նրա ասածները, բայց մի բան կարող եմ հստակ ասել՝ կոնկրետ պատճառ չի եղել»,- ասաց նա:

Արտակ Մկրտչյանի խոսքով՝ արդեն մի քանի անգամ քննարկումներ են ունեցել ինչպես քաղաքապետարանի ներկայացուցիչների, այնպես էլ Վիտալի Բալասանյանի հետ, թեման եղել է արձանի ապամոնտաժումը: «Մեզ արդեն քանի անգամ է՝ ժամանակ առ ժամանակ ասում՝ լավ կլինի՝ հանենք, մենք էլ հստակ պատճառներ ենք ուզում, թեման փակում են, ասում՝ լավ, հետո կզրուցենք, բայց որոշ ժամանակ հետո կրկին սկսում են ապամոնտաժման քննարկումները»,- պատմեց Արտակ Մկրտչյանը:

Ավագանու անդամի խոսքով՝ եթե կան կոնկրետ փաստեր, որ արձանի՝ իր տեղում մնալը վնաս կբերի Արցախին կամ Հայաստանին, իրենք պատրաստ են հասկանալ ու հեռացնել: Ամեն դեպքում, հանրությունը նման պատճառ չի տեսնում, ավելին՝ Նժդեհի արձանի ապամոնտաժումը թուլություն են որակում: «Եթե այն վնաս չի բերում, ինչո՞ւ պիտի ինչ-որ մեկի քմահաճույքի համար այն հեռացնենք: Խոսակցություններ կան, որ դա ինչ-որ ռուս գեներալ է ուզում, բայց թե չգիտենք՝ գեներալն ով է, իրոք դա այդպես է, թե չէ: Մենք հանդիպումների ժամանակ ասել ենք՝ կոնկրետ ով է ուզում, որ այս արձանն ապամոնտաժվի, թող գա, մեզ հետ հանդիպի, հասկանանք՝ ով է ու ինչի համար է այդպես ուզում»,- ասաց նա:

Վերջերս սկսեցին խոսակցություններ տարածվել, որ պետք է արձանը հեռացվի, բայց թե ում կողմից եւ ինչու, Մարտունիում չգիտեն: «Մենք մի քանի անգամ հանդիպում ենք ունեցել Վիտալի Բալասանյանի հետ, նա ասել է՝ լավ կլինի, որ արձանը հանենք, բայց դա ասվել է առանց որեւէ լուրջ հիմնավորումների: Մենք հարց ենք տվել Բալասանյանին, թե ինչո՞ւ հանենք, բայց հստակ պատճառներ չեն եղել»: 

Նախքան արձանի տեղադրումն այդ հարցը Մարտունու ավագանու նիստի օրակարգում է եղել, քննարկել են, ավագանին որոշում է կայացրել, որ այն դրվի հենց հերոսի անունը կրող՝ Գարեգին Նժդեհ փողոցում:

«Նախքան պատերազմն էինք որոշել, որ բացումը լիներ, բայց քանի որ պատերազմն ամեն ինչ հիմքից փոխեց, հետաձգվեց նաեւ արձանի բացումը: Կիսանդրին դեռ թերություններ էլ ունի, պիտի ամեն ինչ շտկվի, նոր բացումը լինի: Հենց այդ փողոցում էլ ընթանում են ասֆալտապատման աշխատանքներ, այդ իսկ պատճառով պատվանդանն էլ դեռ նորմալ չէ»,- ասաց նա:

Ըստ Մկրտչյանի՝ խոսակցություններ կան, որ արձանը պիտի մինչեւ Մայիսի 9-ը հանեն:

Մարտունու քաղաքապետի պաշտոնակատար Ազնավուր Սաղյանից հետաքրքրվեցինք՝ ճի՞շտ է, որ Վիտալի Բալասանյանը այցով եղել է Մարտունիում, որի նպատակը արձանի ապամոնտաժումն է եղել: Քաղաքապետն ասաց, որ այդ հարցը չի մեկնաբանում: Խնդրեցինք մեկ բառով պատասխանել՝ արձանը հանվելո՞ւ է, թե՞ ոչ, քաղաքապետն ասաց. «Չէ՛, երեւի չի հանվելու»:

Ազնավուր Սաղյանը հայտնեց, որ Մարտունու քաղաքապետարանը երեկ հրապարակում է արել, դրան ավելացնելու ոչինչ չունի:

Ստորեւ ներկայացնում ենք Մարտունու քաղաքապետարանի հայտարարությունը.

«Ի պատասխան համացանցային որոշ լրատվական միջոցներում շրջանառվող տեղեկությունների՝ հայտնում ենք, որ Արցախի անվտանգության խորհրդի քարտուղարը 2021 թվականի մայիսի 4-ին հերթական անգամ այցելել է քաղաք Մարտունի՝ տեղում բնակարանաշինության, անվտանգային ոլորտին առնչվող մի շարք հարցերի կատարման ընթացքը քննարկելու նպատակով։

Վիտալի Բալասանյանի՝ Մարտունի քաղաք կատարած այցելության տեղեկությունը որոշ զանգվածային լրատվամիջոցների կողմից խեղաթյուրված ներկայացնելու առթիվ կոչ ենք անում պահպանել զսպվածություն, տուրք չտալ էժանագին և ստահոդ քարոզչական հնարքներին և զերծ մնալ զրպարտություններ տարածելուց»:

«Հայկական ժամանակը» առավոտից փորձում էր մեկնաբանություն ստանալ Արցախի անվտանգության խորհրդի քարտուղար Վիտալի Բալասանյանից, սակայն վերջինս այդպես էլ հեռախոսազանգերին չպատասխանեց:

Տպել
3481 դիտում

ԱԺ «Իմ քայլը» խմբակցության պատգամավոր Նարեկ Զեյնալյանը դիմել է «Իզմիրլյան» ԲԿ-ի աշխատակիցներին

ՔՊ-ի դրամահավաքի ելույթիցս հետո գրել էին՝ նախկին իշխանությունից բնակարան ստացող արվեստագետը, ծիծաղս եկավ. Վ. Հայրապետյան

Հունիսի 20-ին միասին փակենք անցյալի դռները և կառուցենք Հայաստանը նորովի. Արսեն Թորոսյան (տեսանյութ)

Սադախլո-Բագրատաշեն անցակետի տարածքում՝ Դեբեդ գետի վրա, մեկնարկել են «Բարեկամություն» կամրջի աշխատանքները. «Ալիք մեդիա»

Նուբարաշենի աղբավայրում բռնկված հրդեհը մարվել է

Հորդորում ենք զերծ մնալ հանիրավի դատախազության գործունեությանն արհեստականորեն քաղաքական երանգավորում տալ. դատախազություն

Լին Թրեյսին հանդիպել է Պարեկային ոստիկանության նոր վերապատրաստված ղեկավար անձնակազմի հետ

Արմեն Չարչյանը կասկածվում է ընտրություններին հարկադրելու համար, նա ձերբակալվել է․ ՀՔԾ

Առաջին ատյանի դատարաններում և Դատական դեպարտամենտի կենտրոնական մարմնում սահմանվել է հերթապահություն

Քոչարյանի հանրահավաքին մասնակցելու նպատակով Արցախից մարդիկ բերող վարորդի կյանքը փրկելու համար երկու բժիշկ մեկնել է Գորիս

«Հայաստան» դաշինքի հանրահավաքին Ղարաբաղի և Հայաստանի քաղաքացիները ժամանել են խմբերով․ ունեն իրենց հրահանգիչները․ Civic

Ավարտվեց «Հայաստան» դաշինքի ամփոփիչ հանրահավաքը․ այժմ երթ է անցկացվում

ՊՆ-ն հայտարարում է զինվորական նվագախմբերը, ԶՈՒ երգի և պարի համույթի պարային խումբը համալրելու մասնագիտական լսումներ

Տնտեսության զարգացման համար առաջնային է այն ոլորտը, որը մեզ շատ արագ փող է բերելու. Հովասափյան

Հոգեկան առողջության կենտրոնի պացիենտները հանրահավաքին չեն մասնակցել, կենտրոնի տնօրենը դիմել է ՄԻՊ-ին. Հռիփսիմե Խաչատրյան

Զոհված և անհետ կորած զինծառայողների աճյունների որոնումներն այսօր ավարտվել են ապարդյուն. ԱՀ ՆԳՆ

«Ականատես եղա, թե ինչպես է «թաղային հեղինակություն» կոչվածը մեծաթիվ խմբերով մարդկանց ուղեկցում դեպի հրապարակ». քաղաքագետ

«Իզմիրլյան» ԲԿ-ի տնօրեն Արմեն Չարչյանը ձերբակալվեց

Տավուշի դպրոցներում նոր չափորոշչի փորձարկմանն ընդառաջ կանցկացվեն վերապատրաստումներ. ԿԳՄՍՆ

Արցախից մոտ 100 ավտոբուսով մարդ է բերվել Քոչարյանի հանրահավաքին. civic.am

Ձեզ ոչ ոք չի կարող ստիպել ընտրել այս կամ այն ուժին, առավել ևս, սպառնալ. Ռուբինյանը «Իզմիրլյան» ԲԿ աշխատակիցներին

«Հայաստան» դաշինքով առաջադրված ՇՄ մի քանի համայնքի ղեկավարներ ահաբեկում և սպառնում են բնակիչներին. Նազելի Բաղդասարյան

Եվս 2 անձ է ձերբակալվել ընտրակաշառք առաջարկելու կասկածանքով. ՀՔԾ

Ընտրելիս ժողովուրդը պետք է հաշվի առնի՝ այդ մարդը մաքուր է, թե ոչ. «5165» շարժման համահիմնադիր

«Իզմիրլյան» ԲԿ-ի տնօրեն Արմեն Չարչյանի կողմից աշխատակիցներին սպառնալու դեպքի առթիվ քրեական գործ է հարուցվել. ՀՔԾ

Ընտրակաշառք տալու կասկածանքով ձերբակալվել է դաշինքի պատգամավորության թեկնածու և մեկ անձ.ԿԸՀ միջնորդություն է ներկայացվել

Հունիսի 17-ի դրությամբ ստացվել է առերևույթ ընտրական հանցագործության մասին 231 հաղորդում. հարուցվել է 14 քրեական գործ

Փրկարար ծառայությունը ԱԹՍ-ներ կտրամադի մարզային փրկարարական վարչություններին

Կրեմլը գնահատել է Ադրբեջանում ռազմաբազա ստեղծելու Թուրքիայի ծրագրերը

Ծեծկռտուք՝ ոստիկանների մասնակցությամբ․ Հետք (տեսանյութ)

Մենք մեր ընտրությամբ Հայաստանին ուժ ու վստահություն ենք հաղորդելու․Արմավիրի քաղաքապետ Դավիթ Խուդաթյան

Քոչարյանի հանրահավաքի համար Արցախից մարդկանց բերող ավտոբուսներից մեկը վթարվել է, կա 5 վիրավոր․ Civic.am

Գորիսի քաղաքապետի գործն ուղարկվել է դատարան

Սպասվում է առանց տեղումների եղանակ

Պաշտոնանկություններ Գյումրիում. Շիրակի մարզպետն ու ՔՊ թեկնածուն հերքում են իրենց ուղղված մեղադրանքները

Զինված ուժերի գլխավոր շտաբը դատապարտում է զինծառայողներին քաղաքական գործընթացներում ներգրավելու փորձերը

Արցախում որոնողական աշխատանքները շարունակվում են Հադրութի շրջանում․ «Արմենպրես»

«Իզմիրլյան» ԲԿ-ի տնօրեն Արմեն Չարչյանի կողմից աշխատակիցներին սպառնալու ձայանգրությունն ուղարկվել է ՀՔԾ. Գոռ Աբրահամյան

«Իզմիրլյան» ԲԿ-ի տնօրեն Արմեն Չարչյանը սպառնում է աշխատակիցներին (ձայնագրություն)

Միջազգային կառույցների ներկայացուցիչները խրախուսում են, որ ընտրությունները գերազանցեն 2018 թվին սահմանված բարձր նշաձողը