Հունահռոմեական ոճի ըմբշամարտի Հայաստանի հավաքականը երկրորդ տեղն է զբաղեցրել Եվրոպայի Մ23 առաջնության թիմային հաշվարկում

24/05/2021 schedule13:49

Հունահռոմեական ոճի ըմբշամարտի Հայաստանի հավաքականը գերազանց ելույթ ունեցավ մայիսի 23-ին Հյուսիսային Մակեդոնիայի մայրաքաղաք Սկոպյեում ավարտված ըմբշամարտի մինչև 23 տարեկանների ԵՎրոպայի առաջնությունում։

Հավաքականի գլխավոր մարզիչ Էդուարդ Բաղդասարյանի գլխավորությամբ՝ Սկոպյե էին մեկնել 10 ըմբիշներ։ Հատկապես մեծ էին սպասելիքները Մալխաս Ամոյանից, Դավիթ Օվասափյանից և Հրաչյա Պողոսյանից, որոնք ոչ միայն փայլուն ելույթներ էին ունեցել պատանիների և երիտասարդների մրցաշարերում, այլև արդեն հասցրել էին իրենց նորամուտը նշել մեծահասակների Հայաստանի հավաքականում։ Սպասելիքներ կային նաև Տիգրան Մինասյանից և Սամվել Գրիգորյանից։ Մինասյանն աչքի է ընկել երիտասարդների մրցաշարերում՝ դառնալով Եվրոպայի չեմպիոն և աշխարհի փոխչեմպիոն, իսկ Գրիգորյանն այս տարի հիանալի ելույթ էր ունեցել Ռուսաստանում կայացած միջազգային մրցաշարում։ Նշված ըմբիշներն արդարացրին սպասելիքները: 

Փայլուն ելույթ ունեցան 63 կգ քաշային Հրաչյա Պողոսյանն ու 72 կգ քաշային Մալխաս Ամոյանը։ Պողոսյանին շատ դժվար վիճակահանություն էր բաժին հասել, բայց էջմիածնեցի ըմբիշը համառ պայքարներում կարողացավ հաղթել Ռուսաստանի և Վրաստանի ներկայացուցիչներին, իսկ եզրափակչում էլ ուժեղ գտնվեց շվեդ Պելսենից։ Ամոյանին էլ ավելի բարդ վիճակահանություն էր հասել, բայց նա իրար հետևից պարտության մատնեց Վրաստանի, Ադրբեջանի, Ռուսաստանի և Ուկրաինայի ներկայացուցիչներին ու դարձավ չեմպիոն։ Ընդ որում, Ամոյանը շատ ակտիվ էր գոտեմարտում, լավ հարձակվում էր, իսկ երբ կարիք էր լինում պաշտպանվել պարտերում, մրցակցին հնարք անելու հնարավորություն չէր տալիս։ 

Դավիթ Օվասափյանը ևս շատ լավ հանդես եկավ․ նա միայն մեկ պարտություն կրեց՝ եզրափակչում՝ ռուս մրցակցից և դարձավ արծաթե մեդալակիր։ Տիգրան Մինասյանը բրոնզե մեդալ նվաճեց, թեև կարող էր և ավելին․ կիսաեզրափակչում նրա մրցակիցը ռուսաստանցի շատ ուժեղ ըմբիշ, ապագա չեմպիոն Անվար Ալիախիարովն էր, որին Տիգրանը պարտվեց 0-7 հաշվով, բայց գոտեմարտի ընթացքն այնպիսին էր, որ կարող էր և Տիգրանի օգտին դասավորվել․ գոտեմարտի սկզբում հենց ինքն էր գրոհում, բայց սխալվեց, և միավոր վաստակելու փոխարեն ինքը 4 միավոր տվեց մրցակցին։ Իր մյուս երկու գոտեմարտերը Մինասյանն ավարտեց շատ արագ՝ հենց առաջին մրցափուլում։ Ընդ որում, 9-0 հաշվով հաղթեց նաև ռումինացի Ռազվան Արնաուտին, որը վերջին մեկուկես ամսվա ընթացքում արդեն երրորդ գոտեմարտն էր անցկացնում հայ ըմբիշների հետ․ Գևորգ Ղարիբյանին նա հաղթեց Եվրոպայի առաջնությունում, իսկ Արմեն Մելիքյանը դժվարին պայքարում պարտության մատնեց ռումինացուն օլիմպիական վարկանիշային մրցաշարում։ Մինասյանը, անկասկած, լավ ապագա ունի այս քաշային կարգում։

Սամվել Գրիգորյանը ևս մրցաշարում իր միակ պարտությունը կրեց ռուս մրցակցից, որը հետագայում դարձավ չեմպիոն։ Մյուս երեք գոտեմարտերում Գրիգորյանը բացահայտ առավելությամբ ժամանակից շուտ հաղթեց մրցակիցներին, այդ թվում՝ վրացի Չիկաձեին բրոնզե մեդալի համար պայքարում։ Գրիգորյանը շատ արագ է առաջադիմում և բացառված չէ, որ մոտ ապագայում լուրջ մրցակցություն ցույց տա Հայաստանում այս քաշային կարգի առաջատար Կարապետ Չալյանին։

Լավ մրցաշար անցկացրեց նաև 87 կգ քաշային Գևորգ Թադևոսյանը, որը դարձավ բրոնզե մեդալակիր։ Նա միայն կիսաեզրափակչում զիջեց վրացի Չկուասելիձեին, իսկ մյուս գոտեմարտերում համառ պայքարում հաղթանակներ տարավ։ Ընդ որում, խորվաթ մրցակցի հետ քառորդ եզրափակչում պարտվում էր 0-7 հաշվով, բայց կարողացավ հետո 8 անպատասխան միավոր վաստակել։ Սկոպյեում Եվրոպայի չեմպիոն դարձավ նաև Ռուսաստանը ներկայացնող Արթուր Սարգսյանը, որը իր բոլոր գոտեմարտերը հաղթեց բացահայտ առավելությամբ՝ ընդհանուր առմամբ վաստակելով 35 միավոր և մրցակիցներին ոչ մի միավոր չտալով։

Հայ ըմբիշներից ձեռնունայն են վերադառնում միայն Աշոտ Մխիթարյանը (55 կգ), Գուրգեն Ալեքսանյանը (67 կգ), Գագիկ Հակոբյանը (82 կգ) և Արմեն Եղիկյանը (97 կգ)։ Նրանք բոլորն էլ պարտվել են հենց առաջին գոտեմարտերում։

Հունահռոմեական ըմբշամարտի Հայաստանի հավաքականը թիմային պայքարում 123 միավորով զբաղեցրել է երկրորդ հորիզոնականը՝ հետ մնալով միայն Ռուսաստանի ընտրանուց (203 միավոր) ու առաջ անցնելով Թուրքիայի, Վրաստանի հավաքականներից։ Նշենք, որ ազատ ոճի ըմբշամարտի Հայաստանի հավաքականը, որը մեկնել էր Սկոպյե 7 ըմբիշներով և նվաճել էր երկու արծաթե և երկու բրոնզե մեդալ, թիմային պայքարում զբաղեցրել էր 6-րդ տեղը։

Ռաֆայել Խալաթյան

Տպել
439 դիտում

Քաղաքացին պետք է բավարարված և գոհ հեռանա՝ առանց ավել րոպե կամ դրամ ծախսելու. Կարեն Անդրեասյանը ներկայացրեց ՔԿԱԳ պետին

Սեպտեմբերի 27-ին կկատարվի հոգեհանգիստ զոհված հայրենյաց պաշտպանների համար

Տեղի է ունեցել Հայաստանի և Ադրբեջանի ԱԳ նախարարների հանդիպումը

ԵԱՀԿ Մինսկի խմբի համանախագահների հետ հանդիպմանը ՀՀ ԱԳ նախարարը շեշտել է ռազմագերիների հայրենադարձման անհրաժեշտությունը

Զորամասերից մեկում պատերազմի զոհերին նվիրված հուշաքար և մատուռ է բացվել (լուսանկարներ)

Ջանֆիդայի մանկապարտեզի հիմնանորոգումն ավարտվել է

Լևոն Տեր-Պետրոսյանն առանձնազրույց է ունեցել Արցախի Հանրապետության պետնախարար Արտակ Բեգլարյանի հետ

«Օպելի» վարորդը սպառնացել է ոստիկանին, կոտրել մատնեմատը, պոկել կրծքանշանը, հարուցվել է քրեական գործ. Քննչական կոմիտե

Օդի ջերմաստիճանը կնվազի, սպասվում է անձրև

Գետերի մեծ մասում դիտվել է ջրի ելքերի մեծացում

«Օպելի» ուղղությամբ կրակած վարորդը ներկայացել է և կալանավորվել

Հայաստանի Հանրապետությունում սեպտեմբերի 27-ին կհայտարարվի մեկ րոպե լռություն

Ռուստամ Մուրադովը Արշակ Կարապետյանին է ներկայացրել ՌԴ խաղաղապահ ուժերի նորանշանակ հրամանատար Գենադի Անաշկինին

Սահմանվել են տուգանքի նոր չափեր

Զբոսաշրջության ոլորտի առաջատար fvw Travel Talk գերմանական լրատվականի 10 էջը նվիրված է Հայաստանին

Արմեն Խաչատրյանն ազատվել է Էկոնոմիկայի նախարարության գլխավոր քարտուղարի պաշտոնից

«Արևիք» ազգային պարկի տարածքում հրդեհաշիջման աշխատանքները վերսկսվել են

«Ֆիթչ» վարկանիշային գործակալությունն անփոփոխ է թողել Հայաստանի Հանրապետության սուվերեն վարկանիշը` «կայուն» հեռանկարով

Հանդիպել են ՀՀ և Արցախի հանրային ծառայությունները կարգավորող հանձնաժողովների նախագահները

«Երևանի ոսկերչական գործարանի» գույքը վաճառվել է հաշվեկշռային արժեքից շուրջ 4 անգամ ցածր գնով. հարուցվել է քրեական գործ

Ֆրանսիական Շամոնիից՝ հայկական Դիլիջան. հոկտեմբերին Հայաստանում կանցկացվի «Մտքերի հայկական գագաթնաժողովը» (տեսանյութ)

Մեծ աշխարհի այս գողտրիկ անկյունում է բաբախում Արցախի սիրտը. նշվում է Ստեփանակերտի օրը

Երևանի կանաչապատման հիմնարկը նոր տեխնիկա ունի. հիմնարկում վարորդների խնդիր կա (տեսանյութ)

ԵԱՀԿ Մինսկի խմբի համանախագահների միջնորդությամբ հանդիպել են Հայաստանի և Ադրբեջանի արտգործնախարարները

Կորոնավիրուսային իրավիճակն ավելի է վատթարանում. երեկ հաստատվել է 1066 նոր դեպք, գրանցվել՝ 23 մահ

Էդուարդ Հարությունյանն ազատվել է վարչապետի աշխատակազմի արարողակարգի բաժնի պետի պաշտոնից

Միրզոյանը Բոռելի հետ հանդիպմանն ընդգծել է գերիների հայրենադարձման խնդրի քաղաքականացման անընդունելիությունը (տեսանյութ)

Հատուկ ծրագիր Հովհաննես Շարամբեյանի անվան ժողովրդական արվեստների թանգարանում

Շենաթաղում բռնկված հրդեհն ինքնամարվել է

Երևանի մի քանի փողոցում և 4 մարզի որոշ համայնքներում լույս չի լինի

Ազգային գրադարանի մեծ ցուցասրահում կբացվի Ալեքսանդր Սպենդիարյանի ծննդյան 150-ամյակին նվիրված բացառիկ ցուցահանդես

Սուրեն Պապիկյանը մասնակցել է կառուցապատման ոլորտի` Հայաստանում անցկացված առաջին ամենամեծ էքսպոյի բացմանը

Ովքեր են Մեղրիի համայնքապետի թեկնածուները և ինչ կենսագրություն ունեն նրանք

Մեղադրանք է առաջադրվել հրապարակում սեպտեմբերի 21-ին պայթուցիչի գործադրմամբ խուլիգանություն նախապատրաստելու համար․ ՔԿ

Վայոց ձորի մարզպետ Արարատ Գրիգորյանն ընդունել է Իրանի Իսլամական Հանրապետությունից ժամանած պատվիրակությանը

Համատեղ ուժերով գտնել լուծումներ. Ավանեսյանը հանդիպել է բուժհաստատությունների ղեկավարների հետ

ՀՀ ՊՆ ռազմական ոստիկանությունում անցկացվել է մեկշաբաթյա դասընթաց

Հայաստանը պատրաստ է կառուցողական երկխոսության, որը կբերի տարածաշրջանում հարատև խաղաղության․ վարչապետի ելույթը ՄԱԿ-ում

Մեկնարկել է «100 գաղափար Հայաստանի համար» նորարարական նախագծերի և գիտատեխնիկական մշակումների մրցույթը

Արարատ համայնքում ընթանում են փողոցների ասֆալտապատման աշխատանքներ