Դաշտն ազատականացված է, ուսուցիչն ինքնուրույն կարող է ընտրել. ինչ են առաջարկում վերապատրաստող կազմակերպությունները

31/05/2021 schedule15:35

Ձախից՝ Արտաշես Թորոսյան, Արևիկ Պետրոսյան, Վահրամ Սողոմոնյան

Հերթական ատեստավորման ենթակա ուսուցիչները օգոստոսի երկրորդ կեսից մինչև նոյեմբերի 30-ը պետք է պարտադիր վերապատրաստում անցնեն: Այդ նպատակով երաշխավորվել է 42 կազմակերպություն, այժմ էլ կրթության նախարարությունը վերապատրաստող երաշխավորված կազմակերպությունների և դասընթացների ցանկում ընդգրկվելու համար հայտերի ընդունման երկրորդ փուլ է հայտարարել:

Կրթության զարգացման և նորարարության ազգային կենտրոնի (ԿԶՆԱԿ) տնօրեն Արտաշես Թորոսյանը «Հայկական ժամանակի» հետ զրույցում նշեց, որ երաշխավորման երկրորդ փուլից հետո կազմակերպությունների մասին ինֆորմացիան ամբողջապես հասանելի կլինի դպրոցներին, որից հետո ուսուցիչները հնարավորություն կունենան ընտրելու, թե որ կազմակերպության դասընթացին են ցանկանում մասնակցել: Վերապատրաստումներից մեկ ամիս հետո կիրականցվի պարտադիր ատեստավորումը:

«Վերապատրաստման ծրագրով նախատեսված է, որ յուրաքանչյուր բաժնի ավարտից հետո կազմակերպությունը գիտելիքների ստուգում կազմակերպի: Եթե ամփոփիչ ստուգողական աշխատանքի միջոցով պարզվի, որ ուսուցիչը նյութը յուրացրել է ու աշխատանքից բավարար արդյունք է ապահովել, ուսուցիչը կստանա տվյալ բաժնի համար նախատեսված կրեդիտը: Բացի այդ՝ ԿԶՆԱԿ-ն իր հերթին նույնպես կարող է կա՛մ ներկա լինել գրավոր աշխատանքին, կա՛մ առանձին իրականացնել գիտելիքների ստուգում, ընտրովի եղանակով»,- ասաց նա:

Խոսելով ԿԶՆԱԿ-ի կողմից իրականացվող գնահատման մեխանիզմների մասին՝ Արտաշես Թորոսյանը նշեց, որ դրանք մի քանիսն են լինելու.

«Գնահատման մի քանի մեխանիզմ ունենք, օրինակ՝ ուսումնական պրոցեսի մոնիթորինգի հատուկ մեթոդիկան, երբ աշխատանքների որոշակի հատվածներ 10-15 վրկ տևողությամբ տեսանկարահանվում են, հետո վերլուծվում են, բացի դրանից՝ օրվա ընթացքում զանգելու ենք ուսուցիչներին և հարցեր ենք տալու այդ օրվա թեմայի վերաբերյալ՝ հասկանալու համար մասնակցել են, թե ոչ, ինչ են սովորել և այլն: Եթե զգանք, որ խնդրահարույց ինչ-որ հարցեր կան, մեր փորձագետները կայցելեն և տեղում կծանոթանան իրավիճակին: Փորձագետներ ունենալու ենք նաև մարզերում, որոնք անընդմեջ հաճախելու են վերապատրաստման վայրերը, ստուգելու են մասնակիցների ներկայությունը, դասալսումներ են անելու և հարցազրույցներ են կազմակերպելու մասնակից ուսուցիչների հետ»:

Արտաշես Թորոսյանը նշեց նաև, որ ուսուցիչների կողմից գնահատվելու են նաև վերապատրաստող կազմակերպությունները. անբավարար գնահատականի դեպքում վերապատրաստող կազմակերպությունը կզրկվի վերապատրաստում իրականացնելու իրավունքից:

Հիշեցնենք, որ վերապատրաստման գործընթացը վերջին երկու տարվա ընթացքում չի իրականացվել, քանի որ դրա համար պատասխանատու հիմնական մարմինը՝ Կրթության ազգային ինստիտուտը, լուծարվել էր:

Ուսուցիչների պարտադիր վերապատրաստում իրականացնելու համար երաշխավորություն ստացած «Մասնակցային դպրոց» կրթական հիմնադրամի տնօրեն Վահրամ Սողոմոնյանը նշեց՝ ի տարբերություն նախկին վերապատրաստումների՝ դաշտը հիմա ավելի ազատականացված է, և ուսուցիչն ինքնուրույն կարող է ընտրել, թե որ կազմակերպության դասընթացին է ցանկանում մասնակցել:

«Հավանաբար նախկինում մի փոքր այլ տրամաբանություն է գործել վերապատրաստման գործընթացում, որոշակի ինչ-որ ստվերային պայմանավորվածություններ են եղել, երբեմն տնօրենները շատ մեծ ազդեցություն են ունեցել, թե որտեղ պետք է վերապատրաստվեն ուսուցիչները: Բայց այստեղ շատ կարևոր է, որ իսկապես ուսուցիչն ազատ ընտրություն կատարի, և նրա համար որոշիչը լինի վերապատրաստման որակը, այլ ոչ թե  ծանոթ-բարեկամ և այլ հանգամանքներ: Այդ առումով, կարծում եմ, դրական է այս բազմազանությունը, բայց պետք է նաև անպայման ջանքեր գործադրենք, որպեսզի որակ  ապահովվի»,- նշեց նա:

Վահրամ Սողոմոնյանը, խոսելով իրենց կազմակերպության կողմից իրականացվող վերապատրաստումների մասին, նշեց, որ իրենք բոլոր բաղադրիչներով ծրագիր են ներկայացրել հայոց լեզու և գրականություն, անգլերեն, գերմաներեն, մաթեմատիկա, պատմություն, հասարակագիտություն, կենսաբանություն, ֆիզիկա, աշխարհագրություն, ինֆորմատիկա, տեխնոլոգիա առարկաների համար, ինչպես նաև վերապատրաստումներ կիրականացնեն տարրական դպրոցի ուսուցիչների համար:

«Մենք վերապատրաստումը կիրականացնենք Երևանում և Հայաստանի 7 մարզերում՝ Տավուշում, Լոռիում, Շիրակում, Արագածոտնի մարզում, Կոտայքում, Արարատում, Արմավիրում: Այդ մարզերում ունենք նաև գործընկեր վերապատրաստողներ: Հույս ունենաք, որ հետագայում կարող ենք նաև այլ մարզերում ընդլայնել մեր գործունեությունը»,- ասաց նա, ապա հավելեց.

«Մեր ծրագրում մենք աշխատել ենք իրավական, մասնագիտական զարգացման, տեղեկատվական տեխնոլոգիաների տարբեր հատվածներում ունենալ նաև առանձնակի ու հատուկ շեշտադրումներ՝ մասնակցային մշակույթի, կարողունակությունների՝ կոմպետենցիաների վրա հիմնված ուսուցման վրա ենք շեշտը դրել, նաև հոգեբանության հատվածում ունենք շատ հետաքրքիր թեմաներ, որոնք ուսուցիչների համար, կարծում եմ, հետաքրքիր պետք է որ լինեն: Աշխատել ենք յուրահատուկ ուղղություններով ավելի ընդգծված թեմաներ ունենալ, որոնք կարող են ավելի օգտակար լինել: Օրինակ՝ օրենսդրական հատվածում մենք շեշտը դնելու ենք ժողովրդավարության սկզբունքի վրա, կրթական օրենսդրության մեջ՝ երեխաների իրավունքների, անհատական, անձնական տվյալների պաշտպանության, ընտանեկան բռնության հարցերի վրա, նաև բուլինգի, մասնագիտական այրման հարցերին ենք ուշադրություն դարձնում հոգեբանություն բաժնում, տեղեկատվական տեխնոլոգիաների բաժնում համակցված ուսուցման մոտեցումների վրա ենք շեշտը դնելու: Բայց մասնագիտական զարգացման տեսանկյունից ամենակարևորը կարողունակությունների վրա հիմնված ուսուցումն է, եւ մենք փորձելու ենք հատկապես փորձարկել նոր չափորոշիչներով նախատեսված դրույթները, ուսուցչի համար այն գործիքները, որ կարող են օգտագործվել կոմպետենցիաներ, հմտություններ զարգացնելու համար»:

Վահրամ Սողոմոնյանի խոսքով՝ իրենք փորձել են վերապատրաստողների ուժեղ թիմ հավաքել, որպեսզի բովանդակային մասը դրականորեն աչքի ընկնի. մոտ 50 մասնագետների ցանկում ներառված են Սերոբ Խաչատրյանը, Անուշ Ալեքսանյանը, Թամար Ալեքսանյանը, Միշա Թադևոսյանը, կրթական օրենսդրության մասնագետ Հովհաննես Ստեփանյանը և այլք:

«Նոր ժամանակի կրթություն» հասարակական կազմակերպության փոխնախագահ Արևիկ Պետրոսյանը մեզ հետ զրույցում նշեց, որ իրենց կազմակերպությունը երաշխավորվել է ուսուցիչների պարտադիր ատեստավորման վերապատրաստումներ իրականացնելու համար ինչպես Երևանում, այնպես էլ ՀՀ բոլոր մարզերում հայոց լեզու և գրականություն, մաթեմատիկա, ֆիզիկա, քիմիա, կենսաբանություն, կերպարվեստ, անգլերեն, ռուսերեն, պատմություն առարկաների, ինչպես նաև դասվարների վերապատրաստում իրականացնելու համար:

«Մեր կազմակերպությունը վերապատրաստումներ իրականացնում էր մեր հիմնադրման օրվանից՝ 2020 թվականից: Մինչ հիմա իրականացրել ենք տարբեր ծրագրեր, ունենք հեղինակային մի շարք ծրագրեր՝ «Ուսմասվար», « Քարշիչ ուժ», «Ակտիվ դասարան», «Հզոր դասղեկ» և այլն: Երկու երաշխավորություն ևս ստացել ենք հանրակրթական և միջին մասնագիտական և արհեստագործական ուսումնական հաստատությունների տնօրենների վերապատրաստման գործընթաց կազմակերպելու համար: Մեզ դիմած 70 հավակնորդներից 83 տոկոսը ստացան հավաստագրեր: Մինչ այժմ մոտ 550 ուսուցիչներ մասնակցել են մեր տարբեր վերապատրաստումներին, և նրանց կողմից գոհունակությունը ևս մեծ է»,- նշեց նա:

Արևիկ Պետրոսյանն իրենց վերապատրաստումների առավելություններից նշում է այն, որ ուսուցիչներին լայն հնարավորություն է տրված ինքնուրույն ընտրել վերապատրաստման իրենց հարմար գրաֆիկը.

«Ուսուցիչների պարտադիր վերապատրաստումներն իրականացվելու են ինչպես խմբային համակարգին, այնպես էլ ուսուցման կոլեկտիվ եղանակին բնորոշ մեթոդիկաներով: Յուրաքանչյուր մասնակցի համար կազմվում է անհատական ուսուցման պլան՝ անհատական երթուղի և ժամանակացույց: Կազմակերպությունը մասնակիցներին առաջարկում է մասնակցության 12 տարբերակ՝ թե՛ ժամանակային տարբեր ռակուրսներով, թե՛ մեթոդիկաներով: Առաջարկում ենք և՛ առկա, և՛ հեռավար, և՛ հիբրիդ տարբերակներ՝ երկարաժամկետ և կարճաժամկետ, այսինքն՝ այդ 110 ժամը ուսուցիչն ինքը կարող է ընտրել, ենթադրենք՝ 13-15 օրերի մեջ, թե՞ մեկ ամսվա մեջ անցնի: Նշեմ, որ հեռավար հանդիպումներն իրականացվելու են Zoom և MS Teams, Messenger Room և Gmail հարթակների միջոցով: Ծրագրի ավարտին ուսուցչին տրամադրելու ենք էլեկտրոնային փաթեթ, որտեղ կներառվեն բոլոր փաստաթղթերը, գործիքները, որոնք նրանք կարող են օգտագործել իրենց աշխատանքային պրակտիկայի ընթացքում»,- ասաց նա:

Երաշխավորություն ստացած կազմակերպության փոխնախագահը ընդգծեց, որ կազմակերպության բոլոր վերապատրաստողները երկարամյա վերապատրաստման փորձ ունեցող մասնագետներ են՝ ուսուցիչներ, տնօրեններ, փոխտնօրեններ, նաև տարբեր բուհերում դասավանդող մասնագետներ.

«Մեր թիմը երիտասարդ թիմ է. դրա մեջ է նաեւ մեր ՀԿ-ի առաքելությունը: Հասարակական կազմակերպությունը ավելի շատ թվով երիտասարդների է ներգրավում, դա նպաստավոր դաշտ է ստեղծում բոլորիս համար, բերում է նոր մոտեցումներ ու նոր որակներ։

Ծրագրի յուրաքանչյուր բաժինը համապատասխան մասնագետն է վարելու, այսինքն՝ հոգեբանության մասը հոգեբանն է վարելու, մանկավարժության մասը մանկավարժն է վարելու, ՏՀՏ գործիքները սովորեցնելու և վերապատրաստելու է ՏՀՏ մասնագետը, այսինքն՝ վերապատրաստող մենք մի մասնագետի չենք տալիս բոլորը. մասնագիտական մասն է միայն առարկայական մասնագետը վերապատրաստելու»,- նշեց նա:

Արևիկ Պետրոսյանը հավելեց նաև, որ երկրորդ փուլին երաշխավորություն ստանալու համար դիմել են նաև վերապատրաստման երկու՝  «Ուսմասվար» և «Քարշիչ ուժ» դասընթացների համար, որի արդյունքները պարզ կլինեն առաջիկա երկու շաբաթվա ընթացքում:

«Այդ երկու ծրագրերը մեր ՀԿ-ն դեռ անցած տարվանից է իրականացրել, և արդեն ունենք վերապատրաստվածներ: Հիմա այդ ծրագրում որոշակի փոփոխություններ ենք կատարել և այնպես արել, որ մեզ մոտ վերապատրաստվածներն էլ կարողանան վկայականը ներկայացնել և համապատասխան կրեդիտը ստանալ: Եվ եթե այդ ծրագրերով վերապատրաստված ուսուցիչները դիմեն ատեստավորման, ապա այդ դասընթացի համար պետության կողմից տրամադրված գումարը կազմակերպությունը կփոխհատուցի»,- ասաց նա:

Մարիամ Գևորգյան

Տպել
7327 դիտում

Ընտանիքում բռնության ենթարկված անձանց ապաստարանի ծառայությունների տրամադրումը շարունակվում է

Թուրքի բալեքը իրենք են, ոչ թե ոստիկանը, որի արժանապատվությունը փորձում են նվաստացնել. Մելքոնյանը՝ ընդդիմության մասին

Մինչև 2026 թ. Գյումրիում, Արարատում և Սյունիքում արդյունաբերական 3 գոտի կստեղծվի. Վահան Քերոբյանն այցելել է Շիրակի մարզ

Ականի պայթյունի հետևանքով պայմանագրային զինծառայողը վիրավորում է ստացել. ՊՆ

Թմրանյութ՝ կոնֆետներում. «Արթիկ» ՔԿՀ-ում քրեական գործ է հարուցվել

Ազգային արժանապատվությունը նվաստացնելու դեպքով հարուցված քրգործով ձերբակալվել է Արմեն Գրիգորյանը. ԱԱԾ (տեսանյութ)

Անցկացվել է գումարտակի մարտավարական զորավարժություն՝ հարձակողական մարտի իրականացմամբ

Մեկնարկել է ընդդիմության հանրահավաքը

Վահագն Խաչատուրյանը պետական պարգև է հանձնել Հայաստանում Սուրբ Աթոռի առաքելական նվիրակին (տեսանյութ)

ՀՀ գլխավոր դատախազ Արթուր Դավթյանը հանդիպել է Եգիպտոսի գլխավոր դատախազին. ստորագրվել է համագործակցության հուշագիր

Դոլարի փոխարժեքը նվազել է. ՀՀ կենտրոնական բանկը հրապարակել է նոր փոխարժեքներ

Արցախի Հանրապետության ճանապարհային ոստիկանությունը ծառայությունն իրականացնում է խստացված ռեժիմով

Ձերբակալվել է КВН-ի նախկին անդամ Արմեն Գրիգորյանը

Կյանքը խաթարող խառնակիչները շարունակում են չհասկանալ՝ աղբարկղները գրկած վազվզելը անհնազանդության ակցիա չէ. Դավոյան

ՎՏԲ-Հայաստան բանկը մեկնարկում է ապառիկ վաճառքի կետերում վարկերի ձևակերպումը ոչ թղթային տեխնոլոգիայի կիրառմամբ

Սևանա լճում որոնողական աշխատանքները շարունակվում են

Երկրաշարժ Խաշթառակ գյուղից 3 կմ արևմուտք. զգացվել է նաև Տավուշի մարզի որոշ գյուղերում

Ամերիաբանկն ստացել է «Տարվա գործարքը 2021–Կանաչ առևտուր» մրցանակը ՎԶԵԲ-ի Առևտրի խթանման ծրագրի շրջանակում

ՀՀ մարդու իրավունքների պաշտպանի աջակցությամբ զինծառայողը ստացել է անհրաժեշտ վիրահատական բուժում

Ռուստամ Բադասյանը կմեկնի արձակուրդ

ՀՀ վարչապետն ընդունել է Ռոբին վան Պույենբրոքին. ներկայացվել է Երևանում համաշխարհային առևտրի կենտրոն հիմնելու նախագիծը

Ոստիկանի նկատմամբ բռնություն գործադրելու կասկածանքով ձերբակալվել է Յուրի Խաչատուրովի որդին՝ Իգոր Խաչատուրովը. ՔԿ

Նախագահ Վահագն Խաչատուրյանը շնորհավորական ուղերձ է հղել Կասիմ-Ժոմարտ Տոկաևին՝ ծննդյան տարեդարձի առթիվ

Ավտոմեքենան դուրս է եկել երթևեկելի գոտուց, ընդհարվել սյանը, վարորդը մահացել է. կատարվում է նախաքննություն (տեսանյութ)

Նիկոլ Փաշինյանին ձերբակալելու մասով միջնորդությունը մերժվել է. ՀՀ գլխավոր դատախազության պարզաբանումը

Ոստիկանության ստորաբաժանումները մեկ օրում բացահայտել են հանցագործության 66 դեպք, որից 7-ը՝ նախկինում կատարված

Օդի ջերմաստիճանը աստիճանաբար կբարձրանա. առաջիկա օրերի եղանակային կանխատեսումը

Ազգային ժողովը «проходной двор» չէ, որ երբ ուզես մտնես ու դուրս գաս. Ալեն Սիմոնյանը՝ ընդդիմադիրների բացակաների մասին

Հակոբ Արշակյանը մասնակցել է ՀԱՊԿ ԽՎ մշտական հանձնաժողովների արտահերթ նիստին

Լոռիում խորտկանոցի սեփականատերը կանանց 1000 և 5000 դրամ է տվել՝ պոռնկությամբ զբաղվելու համար (տեսանյութ)

ՀՀ նախագահն ու Ֆուկուսիմա Մասանորին մտքեր են փոխանակել հայ-ճապոնական երկկողմ օրակարգի շուրջ (տեսանյութ)

Մոսկվան Երևանում տեղի ունեցող ցույցերը Հայաստանի ներքին գործն է համարում. ՌԴ ԱԳՆ

Հայտնի է Եվրոպայի բռնցքամարտի առաջնությունում Հայաստանի հավաքականի կազմը

Երևանի Կիևյան փողոցում «Տոյոտա»-ի վարորդը վրաերթի է ենթարկել մի քաղաքացու, այնուհետ՝ բախվել այլ մեքենայի

Գնել Սանոսյանը և Իրանի նավթի նախարարը քննարկել են գազ՝ էլեկտրաէներգիայի դիմաց ծրագրով նոր պայմանագիրը

Խծաբերդում գումարտակի հրամանատարի կողմից մարտադաշտն ինքնակամ լքելու մասին քրգործն ուղարկվել է դատարան

Բողոքի ակցիաներին մասնակցել է ընդամենը 730 մարդ. Չախոյան

Թանգարանները մայիսի 18-ին անվճար կլինեն բոլոր այցելուների համար

Երևանի տարբեր հատվածներից բերման է ենթարկվել ակցիաների մասնակից 414 քաղաքացի

Ոստիկանությունը չի կարող և չպետք է լավամարդ կամ վատամարդ լինի, մենք էլ պարտավոր ենք նեցուկ լինել նրանց. պատգամավոր