Երևան
22 °C
Արցախյան 44-օրյա պատերազմում նահատակված հերոս Ալբերտ Հովհաննիսյանի հայրը՝ Արտակ Հովհաննիսյանը, երեկ ահազանգել էր, որ Եռաբլուրում տարատեսակ գողություններ են կատարվում: Հերոսի հայրը գրել էր, որ որդու շիրիմին դրված ծաղիկները եւս անհետացել են:
Այսօր մեր այցելության ժամանակ Եռաբլուրը սովորականից պակաս մարդաշատ էր: Իրենց վերջին հանգրվանն այստեղ գտած զինծառայողների հարազատները, որոնց հանդիպեցինք, ասացին, որ գողության դեպքերի չեն բախվել: Մարդիկ կային, որ ասացին՝ ամեն օր են այնտեղ, բայց դեռ նման բան չեն նկատել:
Եռաբլուրում ամփոփված ռազմական բժիշկ, հերոս Նարեկ Մեսրոպյանի այրին ու հարազատները, սակայն, «Հայկական ժամանակի» հետ զրույցում հայտնեցին, որ այսօր գալով Եռաբլուր՝ հայտնաբերել են, որ կոտրված է իրենց հարազատի շիրիմին դրված լուսամփոփը:
«Արդեն 6 ամիս է՝ սա դրված էր այստեղ, քամուն, անձրեւին, ցրտին ոչ մի բան չէր լինում, բայց այսօր մի կողմ էր ընկած ու երկու տեղից ճաքած: Չեմ կարող ասել, գուցե ծանրությունից ու քամուց է եղել, կամ գուցե ինչ-որ մեկը կպել է: Բայց ավելի շուտ չեմ ուզում մտածել, որ դիտավորության հետեւանքով է, կամ ինչ-որ մեկը նման բաներ անելու համար է այստեղ գալիս»,- ասաց Նարեկ Մեսրոպյանի այրին:
Մի քանի քայլ այն կողմ էլ հերոս Սամվել Ամիրյանի հարազատներն էին: Եկել էին՝ նրա ծննդյան տարեդարձը շնորհավորելու: Սամվելն այսօր կդառնար 25 տարեկան: Նրա քույրը բացառեց ծաղկի կամ որեւէ իրի անհետացումը:
Հերոսներից Արսենի մայրը՝ տիկին Սուսաննան, ասաց, որ այսքան ժամանակ որեւէ նման դեպք չի նկատել, սովորաբար տղայի շիրիմի արեւից չորացած ծաղիկները միշտ էլ ինքն է վերցնում, թարմով փոխարինում: Միայն նկատեց՝ որոշ ժամանակ առաջ որդու խնկամանն էր կորել, սակայն չի կարծում, թե դա դիտավորություն լինի: «Կարող է վերցրել, խունկ են վառել ու դարդերի մեջ թաղվելով՝ մոռացել վերադարձնել: Տղայիս մոտ այս փոքրիկ նստարանն ենք դրել: Երբ կողքի տղայի մոտ են գալիս, սա են վերցնում, օգտվում: Երբեմն մարդիկ մոռանում են նորից տեղը դնել, մենք ենք գալիս տեղափոխում: Այստեղ ես նման բաներ եմ միայն նկատել»,- ասաց Տիկին Սուսաննան՝ հավելելով՝ դրանք գողության վերագրելը ճիշտ չէ:
Ի դեպ, մեր այցելության ժամանակ Ալբերտ Հովհաննիսյանի շիրիմի կողքի նստարանին երեխայի հետ մի կին էր նստած: Երիտասարդ կինը, սակայն, հայտնեց, որ Ալբերտի հարազատը չէ, պարզապես հարգանքի տուրք մատուցելու է եկել եւ դստեր հետ հերթով այցելում է բոլոր հերոսների շիրիմներին:
ՀՀ ՊՆ Եռաբլուր զինվորական հուշահամալիր-պանթեոն պետական հիմնարկի պետ Սմբատ Գալստյանը «Հայկական ժամանակի» հետ զրույցում հայտնեց, որ Ալբերտ Հովհաննիսյանի հոր բարձրաձայնած խնդրից տեղյակ է, սակայն միանշանակ ասել, թե գողություն է եղել, չի կարող: «Երեկ ամբողջ օրը Եռաբլուրը բավականին բազմամարդ էր, եւ հետո, ըստ Ալբերտի հոր պատմածի, դեպքը օրը ցերեկով է եղել: Անկեղծ ասած՝ գաղափար չունեմ, թե ինչ կարող է եղած լինել: Մեզ մոտ հաճախ դեպքեր են լինում, որ քամին ծաղիկը քշում-գցում է մի կողմի վրա, անցորդները վերցնում, առաջին պատահած շիրիմի մոտ են դնում՝ մտածելով, թե դա այդտեղից է ընկել»,- ասաց նա:
Հարցին, թե վերջին շրջանում էլի եղե՞լ են գողության ահազանգեր, Գալստյանն ասաց. «Եղել է, որ խունկի կամ խնկամանի համար են ասել, փոքր, ինչ-որ խաղալիքի համար: Բայց գողության լուրջ դեպքեր չեն արձանագրվել»: Վերջինս նաեւ բացառեց ցերեկային ժամերին նման դեպքերը՝ հավելելով՝ Եռաբլուրից երբեք ոչ ոք ծաղիկներով չի հեռանում, դա բացառված է:
Ըստ հիմնարկի պետի՝ Եռաբլուրում հսկողություն է սահմանված, շուրջօրյա հերթապահություն է իրականացվում: Բայց քանի որ տարածքն ամբողջությամբ բաց է, ցանկապատ չկա, վերահսկել բոլոր այցելուների շարժը, ելումուտը անհնար է: «Անհնար է նաեւ ամեն մի շիրիմի կողքին վերահսկողություն իրականացնել: Մեր ուժերի ներածին չափով ամեն ինչ անում ենք, որ բացառենք նման դեպքերը, բայց մի քիչ էլ մեր քաղաքացիներից է կախված: Գիտակցությունը գոնե այնքան պիտի լինի, որ այստեղ գալիս չմոռանան՝ ուր են եկել կամ ինչի համար: Նախկինում նման դեպքեր էլ կային, երբ ինչ-որ մեկը գալիս էր մի հերոսի շիրիմին, ալարում էր գնալ, ծաղիկ առնել, փոխարենը մեկ ուրիշ հերոսի շիրիմից վերցնում-դնում մյուսի վրա, ու դա դառնում էր պատմություն: Նման անհեթեթ բաների այնքան շատ ենք ականատես լինում, որ արդեն չգիտենք էլ՝ ինչ անենք»,- ասաց նա:
Եռաբլուրում ժամանակին տեսահսկման համակարգ եղել է, բայց հուղարկավորությունների ժամանակ վնասվել է ու այդպես էլ չի վերանորոգվել: Գալստյանը փոխանցեց, որ այժմ այդ ուղղությամբ լուրջ աշխատանքներ են իրականացնում: Ինչն էլ շեշտակի կհեշտացնի տեղանքի վերահսկողությունը:
«Ամեն հերթափոխի մեջ մի պահակ կա, այժմ աշխատանքներ ենք տանում նաեւ այդ ուղղությամբ, որպեսզի առնվազն երկու պահակ լինի ամեն մի հերթափոխին, մի հոգի էլ՝ ընդհանուր պատասխանատու»,- եզրափակեց Սմբատ Գալստյանը:
Ոսկեպարում ըստ էության արձանագրվել է այն, ինչ մենք պայմանավորվել ենք ոսկեպարցիների հետ․ Նիկոլ Փաշինյան
Որոշումը նվազեցնելու է անվտանգային ռիսկը, որը կա Բաղանիս-Կիրանց-Ոսկեպար հատվածում և ՀՀ սահմանի ողջ երկայնքով․ վարչապետ
Խնդիրները և թերությունները շտկված են․ վարչապետը երկրորդ անգամ է այցելել Մեդովկայի նորակառույց դպրոց (տեսանյութ)
3 նոր ժայթքում՝ անցած 24 ժամում․ Ինդոնեզիայում Ռուանգ հրաբուխը կրկին անհանգիստ է (տեսանյութ)
Տյումենում ջրհեղեղի գոտուց երկու հազարից ավելի մարդ է տարհանվել
Հիմա կտեսնենք, թե ովքեր են դեմ սահմանազատմանը, այսպիսով՝ ովքեր են փորձում պատերազմի մեջ ներքաշել Հայաստանը․ Հակոբյան
Գետափնյա գյուղի մոտակա կամրջով երթևեկությունը դեռևս փակ է
Շատ կարևոր է արձանագրել, որ առաջին անգամ Հայաստանի Հանրապետությունն ու Ադրբեջանը հարց են լուծել սեղանի շուրջ․ վարչապետ
Երևանում քամին տանիքի թիթեղներ է պոկել, ծառ տապալել
Արտակարգ դեպք Երևանում․ հիմնական դպրոցներից մեկում 14-ամյա երեխան ատրճանակով կրակել է 15 տարեկան աշակերտների վրա
ՀՀ-ի համար սա խաղաղ և լեգիտիմ ճանապարհով տարածքային ամբողջականության վերականգնման գործընթացի սկիզբ է․ Խաչատրյան
2017-ին «Սևան ազգային պարկ»-ում առանձնապես խոշոր չափով հափշտակությունների, փողերի լվացման բազմադրվագ դեպքը բացահայտվել է
Վիճաբանության ժամանակ 38-ամյա տղան դանակի մի քանի հարված է հասցրել հորը․ վերջինս հիվանդանոցում մահացել է
Արարատի մարզում ապօրինի ընդերքօգտագործման հետևանքով պատճառված 13 մլն 736 հազար դրամի վնասն ամբողջությամբ վերականգնվել է
Դոլարն ու եվրոն կրկին էժանացել են․ ինչ փոփոխություններ է արձանագրել տարադրամի շուկան ապրիլի 20-ին
ՄԱԿ գլխավոր քարտուղարն ուշադիր հետևում է Հայաստանի ու Ադրբեջանի ձեռք բերած սահմանազատման համաձայնությանը և ողջունում
Նյու Յորքի դատարանի դիմաց երիտասարդն ինքնահրկիզվել է (տեսանյութ)
Հայաստանի գյուղերից, տարածքներից զիջելու մասին ցանկացած խոսակցություն լկտի սուտ է․ Հակոբ Արշակյան
Ողջունում ենք Հայաստանի և Ադրբեջանի՝ Ալմա Աթայի հռչակագիրը սահմանազատման հիմք ընդունելու հայտարարությունը․ Բլինքեն
Այդ 4 գյուղը կեղծ օրակարգ է, կեղծ նարատիվ, որը, ցավոք, նաև ՀՀ սահմաններից դուրս է օգտագործվում․ Արայիկ Հարությունյան
Ոսկեպարի ճանապարհի դելիմիտացիայի հարցն առայժմ օրակարգում չէ․ վարչապետն ականջալուր է եղել ոսկեպարցիների մտահոգությանը
Հայաստան-Ադրբեջան սահմանին ԶՈՒ-ն երբ իր տեղը կզիջի սահմանապահներին․ Հարությունյանն ասաց՝ ինչ քննարկումներ են լինելու
ՀՀ իշխանությունները մեզ տեղյակ են պահել, որ համաձայնությունը ձեռք է բերվել միջազգային սահմանի հիման վրա․ Իրանի դեսպան
Ինչու հայ-ադրբեջանական սահմանազատման գործընթացը մեկնարկեց Տավուշից․ Արայիկ Հարությունյանը մանրամասնել է
Գոյություն չունի «Տավուշից տարածքներ հանձնելու» թեմա, համատեղ հայտարարության մեջ նշվում են գյուղերի անունները․ Գրիգորյան
Ռուսաստանը, ՀԱՊԿ-ը չեն ճանաչում Հայաստանի տարածքային ամբողջականությունը. Լավրովի «ինքնախոստովանությունը»
Այս բարդ գործընթացում պետք է լինենք առավել քան զգոն, տուրք չտանք մանիպուլյացիաներին ու կեղծ տեղեկատվությանը․ Մինասյան
Հուսադրող լուրեր կան Հայաստանի և Ադրբեջանի սահմանազատման գործընթացի մեկնարկի վերաբերյալ․ Կլաար
Ովքեր դեմ են փոխհամաձայնեցված սահմանազատմանը, փորձում են պատերազմի մեջ ներքաշել Հայաստանը, վերածել ծայրագավառի․ Չախոյան
Վարչապետը Զառի միջնակարգ դպրոցի աշակերտների հրավերով ներկա է գտնվել «Պապ թագավոր» ներկայացմանը
Եթե Ստեփանակերտում ոչ թե «քֆուրով» որոշում ընդունող, այլ ադեկվատ իշխանություն լիներ, կսահմաներ ԼՂ շփման գիծը․ Աթանեսյան
Մենք ԵՄ-ի հետ սկսում ենք սերտ համագործակցության նոր ճանապարհ․ Արարատ Միրզոյան
Խաղաղության գործընթացը հիմնականում բաղկացած է որոշումներից, որոնք դուրս են «հակամարտելու» տրամաբանությունից․ Թորոսյան
Շուտով հայտնի ուժերը «մետոձիչկաները» կստանան, ու 10 կոպեկանոց լացի նոր եթերաշրջանը կհամարենք բացված․ Ալեքսանյան
Հայաստանը կստանա հնարավորություն սահմանազատման գործընթացը կազմակերպել քաղաքակիրթ և լեգիտիմ ընթացքով․ Ղազարյան
Աշխարհի գավաթ․ մարմնամարզիկ Վահագն Դավթյանը Փարիզի Օլիմպիական խաղերի ուղեգիր է նվաճել
Կողմերը կառաջնորդվեն Ալմա Աթայի 1991թ. հռչակագրով, մի բան, որից Ադրբեջանը արդեն տևական ժամանակ խուսափում էր․ Եղոյան
Հուսանք՝ այցից հետո կհայտնվի մեր հարաբերությունների զարգացման «ճանապարհային քարտեզ»․ Միրզոյանի հարցազրույցը Arab News-ին
Վկան գլխի ճակատային մասով 3 անգամ հարվածել է աշխատասեղանին․ ինչ է կատարվել Շենգավիթի քննչական բաժնում
Սահմանազատման հանձնաժողովների հրապարակած փաստաթղթում երկու բավականին դրական և հուսադրող միտում տեսա․ Արամ Սարգսյան
© 2024 Հայկական ժամանակ