Որտեղ է անցկացվելու Պուտին-Բայդեն սպասված հանդիպումը. պատրաստվում են՝ անվտանգության խիստ միջոցառումներով (լուսանկարներ)

Ռուսաստանի և Միացյալ Նահանգների նախագահներ Վլադիմիր Պուտինի և Ջո Բայդենի գագաթնաժողովը կանցկացվի 18-րդ դարի կալվածքում՝ Լա-Գրանժում: Կալվածքը Շվեյցարիայի պատմամշակութային հուշարձան է և Ժնևի բնակիչների սիրված տուրիստական կենտրոն: Հանդիպմանը հաշված օրեր են մնացել ու շատերին են հետաքրքրում նապատրաստական աշխատանքները, հանդիպման վայրն ու բոլոր մանրամասները:

Հայտնի է, որ այս կալվածքը 1660-ականների կառույց է:  1706 թ.-ին այն ձեռք է բերել բանկիր Մարկ Լուլինը, որի որդիները 1768-1773 թվականներին կառուցել են բնակելի հատված և ֆրանսիական ոճի պարտեզ:

1800 թ.-ին ծաղկազարդ պուրակով վիլլան գնել է ժնևցի նավատեր Ֆրանսուա Ֆավրը, որը կարողություն էր հավաքել Արևելքի հետ առևտուր կատարելու և Մարսելի նավահանգստով առաքման միջոցով:

Ֆավր ընտանիքը արդիականացրել է այգին՝ ներառյալ մոնումենտալ մուտքը առյուծներով, պերգոլայով (վեր բարձրացող բույսերով  հովանոց, որը պաշտպանում է արևից) և ջերմոցով:

Ավելի ուշ կալվածքի շենքում հայտնվել է գրադարան: 19-րդ դարում վիլլայում արդեն պաշտոնական ընդունելություններ էին անցկացվում: Այսպիսով, 1864 թ.-ին կալվածքների գլխավոր մասնաշենքում տեղի է ունեցել վերջին ընդունելությունը Ժնևի առաջին կոնվենցիայի ստորագրման կապակցությամբ, որը կարգավորում է պատերազմներում հաշմված և վիրավոր զինվորների վիճակի պաշտպանությունն ու օգնությունը:

1917 թվականին շվեյցարացի քաղաքական գործիչ և բարերար Ուիլյամ Ֆավրը (1843–1918), որի օրոք այգում ստեղծվել էին կոր արահետներ, լճակ և ժայռի այգի, կալվածքը ժառանգեց Ժնև քաղաքին: 1969-ին կալվածքում տեղի ունեցավ մեծ պատարագ ՝ Պողոս 6-րդ Պապի գլխավորությամբ: Դրան մասնակցում էր շուրջ 70 հազար մարդ:

Երկրորդ համաշխարհային պատերազմից հետո այգում տնկվեց վարդի այգի, որի շնորհիվ մեկնարկեց Ժնևի վարդերի նոր տեսակների միջազգային մրցույթը:

2021 թվականին նախատեսվում է կալվածքի արդիականացում, որի ընթացքում այն կվերածվի վարդի պարտեզի, որտեղ ծաղիկները  կաճեն՝ առանց որևէ քիմիական նյութերի օգտագործման:

Այգում ապրում են 200-ից ավելի հին դարավոր կաղնիներ և հաճարենիներ: Բացի այդ, տարածքում կա ժայռոտ դենդրոայայգի:

Լրատվամիջոցների հաղորդմամբ, այս կալվածքը մեկ անգամ չէ, որ աշխարհի առաջին դեմքերի ընդունելությունների համար է ծառայել: Գագաթնաժողովի անցկացման համար կալվածքի դրսի հատվածում նախապատրաստումը սկսվել է այս շաբաթվա սկզբին: Իշխանությունները աշխատում են կանաչապատման և անվտանգության ուղղությամբ: Զինվորականներն ու ոստիկանները շրջափակել են այգու տարածքը ՝ «կարևոր նշանակության» պատճառներով: Պարկի տարածքում տեղադրվել են  ռադարների և հակաօդային պաշտպանության համակարգերով խոչընդոտներ: Մեքենաներն ու հատուկ սարքավորումները շարունակ ելումուտ  են անում տարածքում:

Նաև հանդիպման ժամանակ Ժնևի օդային տարածքում կարգելվի ցանկացած տեսակի օդանավի թռիչքներ:

Քաղաքային իշխանությունները Ժնևի բնակիչներին հորդորել են գագաթնաժողովի օրը հնարավորության դեպքում տանը մնալ ՝ մատնանշելով փակ ճանապարհների և փակ փողոցների անխուսափելիությունը: Տեղական ընկերությունները հորդորել են այս օրն իրենց աշխատակիցներին տրամադրել հեռավար  աշխատանքային ձևաչափ:

Ինչպես TACC-ին հայտնել է Ժնևի՝ միջոցառման կազմակերպման տեղեկատվական ծառայության ղեկավար Էմանուել Կուենոտը, քաղաքային իշխանությունները ողջունում են Վիլա Լա Գրանժի ընտրությունը`որպես հունիսի 16-ին Ռուսաստանի և Միացյալ Նահանգների նախագահների հանդիպման վայր:

 «Parc La Grange- ը, որտեղ գտնվում է վիլլան, շատ սիրված արձակուրդային վայր է Ժնևի բնակիչների և զբոսաշրջիկների շրջանում»,- ասել է Կուենոտը:

«Այդտեղից հիասքանչ տեսարան է բացվում դեպի Ժնև լիճը ՝ ամենագեղատեսիլներից մեկը: Վիլլան նայում է քաղաքին, լճին և Ժնևի շատրվանին»:

Հունիսի 8-ից 18-ը վիլլան փակ է այցելուների համար. այգու տարածքում տեղադրվել են մետաղական ցանկապատեր: Այգում բարեկարգման աշխատանքներ են տարվում: Ժնևի կանտոնական իշխանությունները հունիսի 9-ին հայտարարել են անվտանգության ուժեղացված միջոցառումների մասին, որոնք շարունակվելու են հունիսի 14-ից 17-ը: Ժնևի  ջրային տարածքի, ինչպես նաև Լա Գրանժ պարկի և դրան հարող Haut Vives զբոսայգու տարածքները ներառված են անվտանգության պարագծում ՝ հատուկ վերահսկման ռեժիմով:

Ինչպես ավելի վաղ տեղեկացրել էր Կրեմլը, հունիսի 16-ին Ժնևում սպասվելիք  տետ ա տետ հանդիպմանը Ռուսաստանի Դաշնության և Միացյալ Նահանգների ղեկավարները կքննարկեն 2 պետությունների փոխգործակցությունն ու ռուս-ամերիկյան հարաբերությունների հետագա զարգացման հեռանկարները, ռազմավարական կայունության խնդիրները, ինչպես նաև միջազգային օրակարգի արդիական հարցեր, ներառյալ կորոնավիրուսի համաճարակի դեմ պայքարում փոխօգնությունը: Սա կլինի Պուտինի ու Բայդենի առաջին անձնական հանդիպումը վերջինիս Միացյալ Նահանգների նախագահի պաշտոնը ստանձնելուց ի վեր:

Երկու երկրների պատվիրակությունները և լրագրողները ևս «հնարավորություն կունենան ծանոթանալու Ժնևի տարածաշրջանի գեղեցկություններին»:

1985 թ.-ին էլ Ժնևում տեղի է ունեցել ԱՄՆ-ի այն ժամանակվա նախագահ Ռոնալդ Ռեյգանի և Խորհրդային Միության առաջնորդ Միխայիլ Գորբաչովի բարձր մակարդակի առաջին հանդիպումը, չնայած հանդիպման համար ընտրվել էր այլ առանձնատուն`Մեյսոն Սոսուրը:

Ռուսաստան-ԱՄՆ վերջին լայնամասշտաբ գագաթնաժողովը տեղի է ունեցել 2018-ին Հելսինկիում, երբ Պուտինը հանդիպեց Դոնալդ Թրամփի հետ: Նոր հանդիպումը նախաձեռնել է ամերիկյան կողմը:

Բայդենը առաջարկել էր Պուտինին հանդիպել երրորդ երկրում ապրիլի կեսերին: Կրեմլը այն ժամանակ չէր հստակեցրել՝  արդյո՞ք Մոսկվան ընդունելու է անձնական հանդիպման առաջարկը:

Այս տարվա մարտի սկզբին Բայդենը դրական պատասխանեց լրագրողի այն հարցին, թե նա համարու՞մ էր Պուտինին մարդասպան: Նախագահը հավելել էր, որ Պուտինը «կվճարի» ամերիկյան ընտրություններին Ռուսաստանի միջամտության փորձերի համար: Ի պատասխան՝ Կրեմլը հետ էր կանչել ԱՄՆ-ում իր դեսպանին ավելի քան 20 տարվա ընթացքում առաջին անգամ: Այնուհետև Ռուսաստանի արտգործնախարարությունը խորհուրդ էր տվել ԱՄՆ դեսպան Ջոն Սալիվանին «խորհրդակցությունների համար» մեկնել Վաշինգտոն: Սալիվանը դեռ այնտեղ է:

Պուտինը, ի պատասխան Բայդենի խոսքերի, ասաց, որ «յուրաքանչյուր ոք ուրիշների մասին կարծիք է կազմում սեփական անձի օրինակով»: Միաժամանակ նա ասաց, որ պատրաստ է զրուցել ԱՄՆ նախագահի հետ: «Ես այս հարցը հեռու անկյունում գտնվող արկղի մեջ չէի փակի:  Մենք պատրաստ ենք ամերիկյան կողմին հարմար ցանկացած պահի գնալ քննարկումների ու հանդիպման», - ասել էր նա: Պուտինը նաև առաջարկել էր անցկացնել ուղիղ եթերում հեռուստաբանավեճեր:

Ապրիլին ԱՄՆ նախագահ Ջո Բայդենը նոր պատժամիջոցներ կիրառեց Ռուսաստանի դեմ ՝ պնդելով, որ դա պատասխան է կիբերհարձակումներին և 2020 թ. նախագահական ընտրություններին միջամտելու փորձերին: Դրանից հետո պաշտոնական Վաշինգտոնն ու Մոսկվան հայտարարեցին դիվանագետներին փոխադարձաբար արտաքսելու մասին:

Ավելի վաղ լրատվամիջոցները երկու առաջնորդների պլանավորված հանդիպման մասին հրապարակումներում նշել էին, որ որպես երրորդ երկիր դիտարկվում է  Շվեյցարիան: Բայդենը մայիսի սկզբին հայտարարել էր, թե ինքը սպասում է, որ Պուտինի հետ կհանդիպի հունիսի կեսին, երբ մեկնի Եվրոպա ՝ հանդիպելու ՆԱՏՕ-ի առաջնորդներին  G7- ի գագաթնաժողովի և ԱՄՆ-ԵՄ բանակցությունների շրջանակներում:

«Հայկական Ժամանակ»-ը Telegram-ում
Տպել
1695 դիտում

ՄԱԿ գլխավոր քարտուղար Անտոնիո Գուտերեշը ողջունել է Աբու Դաբիում կայացած Փաշինյան-Ալիև հանդիպումը

Տեղի է ունեցել Եվրոպական քաղաքական համայնքի 8-րդ գագաթնաժողովի կազմակերպման հանձնաժողովի առաջին նիստը

«Tamara food»-ի 4 արտադրատեսակի արտադրություն կասեցվել է. շուկայից հետկանչի և ոչնչացման կարգադրագիր է տրվել

Ռուսաստանը փակում է Կալինինգրադում Լեհաստանի հյուպատոսությունը

Թեհրանը պատրաստ է վերսկսել միջուկային ծրագրի շուրջ բանակցությունները. պայման կա

PKK-ի քուրդ զինյալները թուրքական կողմին են հանձնել զենքերը. լուսանկարներ

Ժաննա Անդրեասյանի գլխավորած պատվիրակությունն այցելել է Թբիլիսիի հայկական պանթեոն

Նաիրի Հունանյանը անուններ է տվել, թե ովքեր են իրեն մոտիվացրել. Բաբաջանյանը հանրայնացրել է դրանք. տեսանյութ

Պայթյուն է տեղի ունեցել Սիսիանի տներից մեկում․ հայտնաբերվել է 22-ամյա տղայի դին

Ժաննա Անդրեասյանն աշխատանքային այցով մեկնել է Վրաստան. նախարարը գործընկերոջը հրավիրել է Երևան

Պետդեպը սկսել է հաստիքների կրճատումը. ծանուցումներ են ուղարկվել 1107 պետծառայողի և 246 դիվանագիտական աշխատողի

Մինչև քացով չտաս աթոռից գցես, չի գնա. վրեն վեղար քաշած ամեն մեկը հոգևորական չէ. Հայկ Սուքիասյան. տեսանյութ

Երևանի փողոցներից մեկում «Հետիոտնային կանչի» ռեժիմով նոր լուսացույց է գործարկվել

ԱԳՆ պատվո մեդալ՝ Հայաստանում ՄԱԿ-ի Պարենի համաշխարհային ծրագրի տնօրենին. Աբիսողոմոնյանն ընդունել է Սկաուին

Սառնաղբյուրի տնամերձ հողամասերից մեկում կանեփի 440 բույս է հայտնաբերվել. տեսանյութ

43-ամյա կինը համագյուղացու տնից ոսկյա զարդեր է գողացել

Կաթվածի ազգային ծրագիրն ընդլայնվում է. նախարարը Գորիսի բժշկական կենտրոնում աշխատանքային քննարկում է ունեցել

«Բեկոն Պրոդուկտ»-ի նրբաբլիթն ու «Պելմենի դասական»-ը շուկայից հետ են կանչվել. ոչնչացնելու կարգադրագիր է տրվել

Կասեցվել է «Տաշիր Հոռեկա» ՍՊԸ-ի արտադրական գործունեությունը. ինչ խախտումներ են հայտնաբերվել

Կանադայի առևտրի միջազգային դատարանը հետաքննություն է սկսել Թուրքիայի դեմ

Իջևան համայնքին է վերադարձվել Խաշթառակի մանկապարտեզի մասնաշենքը. վարչապետ

«Ոսկե Ծիրան»-ի բացման արարողության ժամանակ Երևանում որոշ ճանապարհահատվածներ ժամանակավորապես փակ կլինեն

Ձորաղբյուրի ամառանոցներից մեկում 35-ամյա տղամարդ է սպանվել

Թրամփը՝ Սուպերմենի կապույտ-կարմիր հագուստով. Սպիտակ տունը լուսանկար է հրապարակել

Արգիշտի Մեխակյանը հրաժեշտ է տվել գործընկերներին, վստահեցրել՝ նոր պաշտոնում ևս կշարունակի ծառայել ՀՀ զարգացմանը

Հրդեհ է բռնկվել Հրազդանի կիրճում. լուսանկար

Հայաստանը շարունակում է հանձնառու մնալ Ուկրաինայի վերականգնմանը և եվրոպական խաղաղության նպատակի իրականացմանը

Քրեական ոստիկանության մի շարք ծառայողներ պարգևատրվել են. տեսանյութ

Մեքենան բախվել է բետոնե սյանը, հողաթմբին և շրջվել. կա վիրավոր

Ֆրանսիայի գլխավոր սպառնալիքը Ռուսաստանն է. Թիերի Բուրկար

Վարչապետի գլխավորությամբ քննարկվել է քրեակատարողական համակարգի բարեփոխման հայեցակարգը

Կաշառքի դիմաց վարորդական վկայականներ խոստացել, բայց չեն տվել. քրեական վարույթները դատարանում են

Քննչական կոմիտեի նախագահ Արթուր Պողոսյանն ընդունել է ՀՀ-ում Չինաստանի դեսպանին

Եվրոն էժանացել է, ռուբլին՝ թանկացել. ինչ փոփոխություններ է արձանագրել տարադրամի շուկան հուլիսի 11-ին

«Սիսեռով» լցոնած նռնակը Քոչարյան կրտսերի հրապարակած խաղալիքների կողքին պետք է դնել, թող խաղան. Չախոյան

Գարեգին Բ Ապարանցին բարոյականություն չունի, որ մարդավայել թողնի Լուսավորչի գահը. Ղազարյանը մեջբերում է արել

ԱՄՆ-ն Թրամփի հրամանով առաջին անգամ զենք կուղարկի Ուկրաինա. Reuters

ՅՈՒՆԵՍԿՕ-ի նախնական ցանկում ընդգրկվել են Երևանի ուրարտական ժառանգությունը, Գառնիի համալիրը և Քարերի սիմֆոնիան

Հրապարակումը գրագիտության պակասի ցուցիչ է․ ԱԳՆ արձագանքը՝ նախարարի հայտարարագրի վերաբերյալ

Հետևում ենք իրադրությանը տեղում և աջակցում իրավիճակի կայունությանը տարածաշրջանում. ԵՄ դիտորդական առաքելություն