Թանկարժեք նվերներ, կարևոր թեմաներ ու 3,5-ժամյա հանդիպում. ամենակարևորը՝ Բայդեն-Պուտին հանդիպումից (լուսանկարներ)

Այսօր միջազգային ամենահեղինակավոր ու առաջատար բոլոր լրատվամիջոցների ուշադրության կենտրոնում 2 գերհզոր տերությունների՝ ԱՄՆ-ի ու Ռուսաստանի ղեկավարներ Ջո Բայդենի ու Վլադիմիր Պուտինի  հանդիպումն էր, որի մասին խոսվում էր ամիսներ շարունակ:

Ինչպես և նախատեսվում էր, հանդիպումը տեղի է ունեցել Ժնևի Վիլլա Լա Գրանժ կալվածքում: Այն ավարտվել է նախատեսվածից ավելի շուտ, քանի որ ինչպես ամերիկյան կողմն է պարզաբանել, ընթացել է առանց հանգստի ընդմիջման, այլ ոչ՝ ինչպես նախատեսվում էր ըստ օրակարգի: Ընդհանուր առմամբ, գագաթնաժողովը տևել է 3,5 ժամ ու ավարտվել Հայաստանի ժամանակով 19:05-ին: Կողմերը համատեղ ասուլիսով հանդես չեն եկել, այլ ամփոփել են արդյունքները՝ առանձին-առանձին: Ընդ որում, ԱՄՆ-ի նախագահը մամուլի հետ հանդիպել է ոչ թե Լա Գրանժում, այլ ասուլիս է տվել այլ վայրում՝ Վիլլա Պարկ դե Հաուտ-Վիվեսում:

Ըստ ծրագրի ՝ շուրջ մեկ ժամ 40 րոպե տրամադրվելու էր նեղ կազմով հանդիպման համար, բայց իրականում զրույցը տևել է գրեթե 2 ժամ ՝ ավարտվելով ՀՀ ժամանակով 17:19-ին: Ընդմիջում է հայտարարվել ընդլայնված կազմով պատվիրակությունների մասնակցությամբ հանդիպումից առաջ միայն, որը տևել է 15 րոպե, սակայն այն ընթացիկ հարցերի կարգավորման, ոչ թե հանգստի համար է եղել:

Շվեյցարիան այս հանդիպմանը նախապատրաստվում էր մի քանի ամիս շարունակ, իսկ վերջին 2 շաբաթներին՝ հատկապես: Այսօր Ժնևի օդային տարածքն ամբողջությամբ փակ է եղել, արգելված է եղել որևէ օդանավի թռիչք, փակ են եղել կենտրոնական ու դեպի Լա Գրանժ կալվածք տանող բոլոր ճանապարհները, ամենուր խիստ հսկողություն ու ոստիկանական հատուկ ծառայություն է եղել սահմանված, 2 օրով փակվել են մի  շարք արտադրամասեր, գործարաններ, սահմանափակվել է տրանսպորտի երթևեկությունը: Դեպի Լա Գրանժ տանող հատվածում բարձր պարիսպներ են տեղակայվել: Հայտարարվել է, որ շվեյցարական իշխանությունները փոխհատուցելու են բոլոր այն քաղաքացիների աշխատավարձը, որոնք ստիպված են եղել հարկադիր պարապուրդի ենթարկվել՝ հանդիպման պատճառով:

Նախապես գծագրված օրակարգի համաձայն, առաջինը պետք է հանդիպման վայր ժամաներ ՌԴ նախագահը, այնուհետ՝ Բայդենը: Շվեյցարիայի նախագահը նրանց դիմավորել է կալվածքի մուտքի մոտ:

Պուտինը Ժնևի օդանավակայանից Վիլլա Լա Գրանժ էր ժամանել ՀՀ ժամանակով ժամը 15:05-ին, 12 րոպե անց՝ ժամը 15: 17-ին էլ Բայդենի ավտոշարասյունն էր ժամանել գագաթնաժողովի անցկացման վայր: Շվեյցարիայի նախագահ Գի Պարմելինն իր հերթին հանդիպել է երկու ղեկավարներին, լուսանկարվել նրանց հետ, հայտնել, որ ուրախ է նման մակարդակի հանդիպման կազմակերպումը ստանձնելու համար ու մաղթել արդյունավետ բանակցություններ:

ՌԴ նախագահ Պուտինի համար սա ԱՄՆ-ի արդեն հինգերորդ նախագահի հետ հանդիպումն էր, սակայն ինքն ու Բայդենն ավելի վաղ առանձին հանդիպում ունեղել են, երբ տարիներ առաջ Պուտինը զբաղեցնում էր ՌԴ վարչապետի, իսկ Բայդենը՝ ԱՄՆ-ի փոխնախագահի պաշտոնը:

Ռուսաստանի նախագահ Վլադիմիր Պուտինը և ԱՄՆ-ինախագահ Ջոզեֆ Բայդենը նեղ ձևաչափով բանակցություններ են սկսել  Վիլլա Լա Գրանժի առաջին հարկում գտնվող գրադարանի դահլիճում:

Դրանից առաջ մամուլի ներկայացուցիչներին թույլատրվել է մտնել սենյակ՝ պրոտոկոլային լուսանկարման համար, երկու առաջնորդներն այստեղ մի քանի խոսք են փոխանակել միայն այն բանից հետո, երբ ՌԴ նախագահի մամուլի քարտուղար Դմիտրի Պեսկովը դիմել է նրանց՝ ասելով. «մի քանի բառ, խնդրում եմ», մինչ այդ, մի քանի րոպե քար լռություն է եղել: Բացի այդ, նրանք նաև խոսել են, երբ լրատվամիջոցներն արդեն դուրս էին գալիս սենյակից:

«Պարոն Նախագահ, ես ուզում եմ շնորհակալություն հայտնել ձեզ այս հանդիպման նախաձեռնության համար», - դիմելով Բայդենին իր խոսքը սկսել է Ռուսաստանի ղեկավարը:

«Ես գիտեմ, որ դուք երկար ճանապարհորդություն եք ունեցել, շատ աշխատանք եք կատարել: Այնուամենայնիվ, ռուս-ամերիկյան հարաբերություններում կուտակվել են բազմաթիվ խնդիրներ, որոնք քննարկում են պահանջում ամենաբարձր մակարդակով: Հուսով եմ, որ մեր հանդիպումը արդյունավետ կլինի», - ասել է Պուտինը:

Politico- ի թղթակիցը Բայդենին հարց է ուղղել, թե վստահու՞մ է նա, արդյոք, Պուտինին, ինչին Բայդենը գլխով դրական պատասխան է տվել:

Ինչպես վերը նշվեց, ողջույնի խոսքն առաջինն ասել է Պուտինը, այնուհետ ռուս-ամերիկյան գագաթնաժողովը շարունակվել է լրագրողների համար փակ դռների ետևում:

Երկու երկրների ղեկավարների հետ միասին գրադարանում են եղել Ռուսաստանի արտաքին գործերի նախարար  Սերգեյ Լավրովը և ԱՄՆ-ի Պետքարտուղար  Էնթոնի Բլինկենը, ինչպես նաև թարգմանիչները:

Հանդիպումից անմիջապես հետո Բայդենը դուրս է եկել Լա Գրանժից ու նրա ավտոշարասյունը լքել է կալվածքի տարածքը՝ ուղևորվելով Villa Parc des Haut Vives, որտեղ արդեն նրան էին սպասում մի քանի տասնյակ լրատվամիջոցների ներկայացուցիչները: Հասնելով տեղադրված ամբիոնին, Բայդենը հայտնել է, թե Ժնևում սաստիկ շոգ է ու հանել է կոստյումը, ասուլիս տվել վերնաշապիկով (Ժնևում այսօր +31 աստիճան է եղել): Ջո Բայդենը պատասխանել է մի շարք հարցերի, այնուհետ դրել արևային ակնոցը, մի ձեռքով վերցրել պիջակը, մյուսով՝ թղթապանակն ու փորձել հեռանալ, սակայն կրկին վերադարձել է ամբիոնի մոտ ու պատասխանել ևս մի քանի հարցի:

Պուտինն իր հերթին համբերատար պատասխանել է լրատվամիջոցների ներկայացուցիչների հարցերին՝ իրեն հատուկ ժպիտով խորհրդավորությամբ:  Ռուսաստանի ղեկավարի խոսքով ՝ բանակցությունները կառուցողական էին եւ անցել են առանց թշնամանքի:

Պուտինը նշել է, որ կողմերը պայմանավորվել են բանակցել ռազմավարական կայունության հարցերի շուրջ: Բացի այդ, ըստ ՌԴ նախագահի, մտադիր են ապագայում վերադարձնել ԱՄՆ դեսպանին Մոսկվա, իսկ ՌԴ դեսպանին՝ Վաշինգտոն, բայց հստակ չի նշվել, թե երբ դա տեղի կունենա: Հիշեցնենք, դեսպանները հետ էին կանչվել ԱՄՆ-ի ու ՌԴ-ի հարաբերությունների լարվածության ֆոնին:

ԱՄՆ-ում Ռուսաստանի դեսպան Անատոլի Անտոնովը 2021-ի մարտից գտնվում է Մոսկվայում. նրան հետ են կանչել այն բանից հետո, երբ ԱՄՆ նախագահը ABC- ին տված հարցազրույցում դրական պատասխան է տվել հարցին, թե համարու՞մ է Ռուսաստանի նախագահին «մարդասպան»: Ռուսաստանում ԱՄՆ դեսպան Ջոն Սալիվանը հետ է կանչվել Վաշինգտոն ապրիլին՝ խորհրդակցությունների համար ու դեռևս գտնվում է այնտեղ:

Սա վերջին 3 տարվա ընթացքում, 2018-ի հուլիսն Հելսինկիում Դոնալդ Թրամփի հետ Վլադիմիր Պուտինի հանդիպումից հետո առաջին ռուս-ամերիկյան գագաթնաժողովն էր:

Հանդիպման ավարտին նախագահները նվերներով են փոխանակվել: Ռուսաստանի նախագահ Վլադիմիր Պուտինը, ըստ Դմիտրի Պեսկովի խոսքերի, իր ամերիկացի գործընկերոջը «Մոսկվա» անունով գրասեղանային հավաքածու է նվիրել խոխլոմյան նկարազարդմամբ:

Համաձայն Սպիտակ տան մամուլի ծառայության ավելի վաղ տարածած հայտարարության, Բայդենն էլ Պուտինին նվիրել է բյուրեղյա բիզոնի արձանիկ և ավիատորային ակնոցներ: Ինչպես նշվել է, բիզոնը ԱՄՆ-ում «ամենաշքեղ կենդանիներից մեկն է» և խորհրդանշում է «ուժ, միասնություն և դիմացկունություն»: Սպիտակ տունը հայտարարել է, որ ակնոցները պատրաստել է Randolph-ը՝ անձամբ Բայդենի անհատական պատվերով: Բայդենը այս ակնոցների երկրպագուն է և բազմիցս հայտնվել է լուսանկարիչների ուշադրության կենտրոնում՝ տարբեր գույների նմանատիպ ակնոցներով:

Պուտինն ու Բայդենը քննարկել են հիմնական օրակարգային հարցերը՝ Ռուսաստանի ռազմական միջամտությունը Ուկրաինայում, ընդդիմության հետապնդումների և մասնավորապես Ալեքսեյ Նավալնիի մասին, կիբերհարձակումների մասին, որոնց հետքերը տանում են դեպի Ռուսաստան և նրա պետական ինստիտուտներ, երկկողմ հարաբերությունների կարգավորման,  տարբեր կետերում ռազմական բախումների ու քնած հակամարությունների մասին՝ ներառյալ Սիրիայում, Լիբիայում, Աֆղանստանում ու Լեռնային Ղարաբաղում առկա իրավիճակի ու աշխատանքների մասին:

Լրատվամիջոցների ներկայացուցիչները իրատեսորեն գնահատում են Ռուսաստան-ԱՄՆ գագաթնաժողովի հեռանկարները. նրանք միակարծիք են այն կարծիքի շուրջ, որ հանդիպումը դժվար թե հանգեցնի դիրքերի փոփոխության: Այժմ գլխավորը երկխոսության պահպանումն է, և դժվար թե պետք է սպասել որևէ կոնկրետ որոշման:

Հանդիպումից հետո արվել է 1 համատեղ հայտարարություն, որը եղել է  ռազմավարական կայունության վերաբերյալ:

Այդ հայտարարության մեջ ասվում է.

«Մենք ՝ Ռուսաստանի Դաշնության Նախագահ Վլադիմիր Պուտինը և Ամերիկայի Միացյալ Նահանգների Նախագահ Ջոզեֆ Ռ. Բայդենը, նշում ենք, որ Ռուսաստանը և Միացյալ Նահանգները ցույց են տվել, որ նույնիսկ լարվածության պայմաններում նրանք ի վիճակի են առաջընթաց գրանցել համատեղ նպատակների իրականացման մեջ և կանխատեսելիություն ռազմավարական ոլորտում, ի վիճակի են նվազեցնել զինված բախումների ռիսկերը և միջուկային պատերազմի սպառնալիքը:

ՍՏԱՐՏ պայմանագրի վերջերս ընդլայնումը վկայում է միջուկային զենքի վերահսկմանը մեր նվիրվածության մասին: Այսօր մենք վերահաստատում ենք մեր նվիրվածությունը այն սկզբունքին, որ միջուկային պատերազմում չեն կարող լինել հաղթողներ և դրանք երբեք չպետք է սանձազերծվեն:

Այս նպատակներին հասնելու համար Ռուսաստանը և Միացյալ Նահանգները շուտով կսկսեն ռազմավարական կայունության վերաբերյալ համապարփակ երկկողմ երկխոսություն, որը կլինի բովանդակային և աշխույժ: Այս երկխոսության միջոցով մենք նպատակ ունենք հիմք դնել ապագայում զենքի վերահսկման և ռիսկերի մեղմացման միջոցառումների»:

Բայդենը և Պուտինը նաև հայտարարել են, որ գագաթնաժողովը ցույց տվեց՝ իրենք կարող են կարևոր թեմաներով կայունության հասնել անգամ լարվածության պայմաններում»:

Տպել
3491 դիտում

ԶՈւ հակաօդային պաշտպանության զորքերի համալիր մարզումների շրջանակում անցկացվել են գործնական վարժանքներ

Որոնողական աշխատանքներն այսօր Վարանդայում արդյունք չեն տվել

Հայաստանի և Սլովենիայի արտգործնախարարները քննարկել են տարածաշրջանային և միջազգային հրատապ հարցեր

Արմավիրի մարզպետը հանդիպել է խաղողագործների հետ

Միրզոյանը և Ռաուն մտքեր են փոխանակել Լեհաստանի գալիք ԵԱՀԿ նախագահության ձևաչափում համագործակցության վերաբերյալ

Արարատ Միզրոյանը Նյու Յորքում հանդիպել է Ավստրիայի ԱԳ նախարար Ալեքսանդր Շալենբերգի հետ (տեսանյութ)

Գավառի ոստիկանները թմրանյութ են հայտնաբերել. բերման են ենթարկվել 23 և 25 տարեկան երիտասարդներ (տեսանյութ)

«Արևիկ» ազգային պարկի տարածքում հրդեհաշիջման աշխատանքները ժամանակավորապես դադարեցվել են

ՀՀ ոստիկանապետն այցելել է Հայրենիքի պաշտպանի վերականգնողական կենտրոն

Ովքեր են Գորիսի համայնքապետի թեկնածուները եւ ինչ կենսագրություն ունեն նրանք

Հուսով եմ միջխորհրդարանական ոլորտում համագործակցության ամրապնդման ականատեսը լինել. Մոհամմադ Բաղեր Ղալիբաֆի ուղերձը

Պաշտպանության նախարարի գլխավորությամբ հավաք-խորհրդակցություն է անցկացվել

Երթևեկության կազմակերպման փոփոխություն Երևանում

Միրզոյանը Լիտվայի իր գործընկերոջն է ներկայացրել Ադրբեջանի կողմից ՀՀ տարածք ներթափանցման հետևանքով ստեղծված իրադրությունը

Խոշոր ավտովթար Սյունիքում. Կապանում մեքենաներ են բախվել, կա վիրավոր

Խախտումներ Կենտրոն վարչական շրջանի սուպերմարկետներում. ՍԱՏՄ-ն կազմել է արձանագրություն

ՌԴ-ն Մինսկի խումբը ԼՂ խնդրի կարգավորման տեսանկյունից կարևոր գործիք է համարում

Գնել Սանոսյանը Հայկ Խանումյանի հետ քննարկել է Արցախի վարչատարածքային բարեփոխումների ընթացքը

ԲԴԽ անդամներն ընդունել են Շվեդիայի ազգային դատարանների վարչության պատվիրակությանը

Ճարտարապետության և շինարարության Հայաստանի ազգային համալսարանում բացվեց ճանապարհաշինարարական փորձարկումների լաբորատորիա

Հոկտեմբերի 1-ին ընդառաջ թեստավորվելու համար լաբորատորիաները ավելի ցածր գին են առաջարկում

«Արևիկ» ազգային պարկի հրդեհաշիջման աշխատանքներին մասնակցում է 125 փրկարար, 70 զինծառայող

Ուսումնասիրվել է Կենտրոնում ուղևորափոխադրում իրականացնող տրանսպորտը, վարչական արձանագրություններ են կազմվել

Վարչապետն ինքն է հայտարարել՝ պատրաստակամ է մասնակցել. Քոչարյանը՝ 44-օրյա պատերազմի ստեղծվելիք քննիչ հանձնաժողովի մասին

Հայ ժողովրդին մաղթում եմ խաղաղություն և բարգավաճում. Զելենսկին շնորհավորական ուղերձ է հղել

Նիդերլանդացի գործարարներին ներկայացվել է Հայաստանի ներդրումային միջավայրը և տնտեսական ներուժը

Արմեն Ջիգարխանյանի ղեկավարած Մոսկվայի դրամատիկական թատրոնը նոր անուն ունի

«Կյանքս՝ կյանքիդ գնով». N զորամասում հուշապուրակ է բացվել (լուսանկարներ)

Մեր դրոշի վրա եռագույնն է, և այդ եռագույնն էր հրապարակում. Բագրատյանը՝ Անկախության 30-ամյակին նվիրված միջոցառման մասին

ԿԳՄՍ նախարարի տեղակալ Արթուր Մարտիրոսյանը Բուխարեստում մասնակցում է Ֆրանկոֆոն համաժողովին

Բռունցքով հարվածել է մորեղբոր դեմքին, դանակով՝ կրծքավանդակին. քրեական գործի նախաքննությունն ավարտվել է (լուսանկարներ)

«Քանդակն իսկապես յուրահատուկ եւ խոսուն է». Հյուսիսային պողոտայում տեղադրվել է Արտո Չաքմաքչյանի «Քայլող մարդը» արձանը

Երևան-Մեղրի ավտոճանապարհին մահվան ելքով ավտովթար է տեղի ունեցել․ նախապատրաստվում են նյութեր

Դիվերսիոն-հետախուզական խմբերն իրականացրել են վիրավորների տարհանման հատուկ գործողություն. ՊՆ (լուսանկարներ)

Վարչատարածքային փոփոխություններով նախատեսվում է ունենալ 78 համայնք, որոնցից 71-ը՝ միավորված. ԱԺ-ում հանրային լսումներ են

Իրանի և ՀՀ նոր կառավարությունների գործունեության մեկնարկի համընկումը համարում եմ բարեբախտություն. Իրանի նախագահի ուղերձը

Սահմաններ կան, որոնք չի կարելի հատել. նախարարի հորդորը բժշկական կազմակերպություններին և մամուլի ներկայացուցիչներին

Մենք պետք է չկորցնենք տարիների ընթացքում վաստակած կապն աշխարհի հետ. նախագահը մասնակցել է աստղադիտարանի 75-ամյակի նիստին

15-ամյա աղջիկը որոնվում է որպես անհետ կորած

Երևանում կայացել է ԱՊՀ մասնակից երկրների և Մոնղոլիայի աշխատանքի տեսչությունների տարածաշրջանային դաշինքի համաժողողովը