Ինչպես ՀՀ-ում իշխող քաղաքական ուժին հաջողվեց հաղթել ընտրություններում. վերլուծում են միջազգային լրատվականները

Հունիսի 20-ին Հայաստանում տեղի ունեցան խորհրդարանական արտահերթ ընտրություններ, որի արդյունքներով ՀՀ վարչապետի պաշտոնակատար Նիկոլ Փաշինյանի գլխավորած «Քաղաքացիական պայմանագիր» կուսակցությունը զգալի ձայներով հաղթանակ տարավ՝ ստեղծելով խորհրդարանական մեծամասնություն:

Նախորդ տարվա 44-օրյա պատերազմից, այնուհետեւ պատերազմին հաջորդած քաղաքական ճգնաժամից հետո նախընտրական վայրիվերումներն ու բուն ընտրական գործընթացն ամբողջ աշխարհի ուշադրության կենտրոնում էին:

Ընտրությունների լուսաբանման համար հավատարմագրվել էր 49 օտարերկրյա լրատվամիջոց, որոնց ներկայացուցիչները պարբերաբար հրապարակումներ էին անում ընթացքի, այնուհետ՝ արդյունքների վերաբերյալ:

ALJazeera-ն, գրելով ընտրությունների մասին, արձանագրել էր, որ հիմնական մրցակցությունը սպասվում էր վարչապետի պաշտոնակատարի առաջնորդած ուժի և ՀՀ երկրորդ նախագահ Ռոբերտ Քոչարյանի միջև: Լրատվականը հիշեցրել է, որ նոր ընտրությունների անհրաժեշտություն էր առաջացել պատերազմում պարտությունից հետո աճող ճգնաժամի ու լարվածության պայմաններում: Նշվում է, որ նախընտրական շրջանն էլ է անցել լարվածության, փոխադարձ վիրավորանքների պայմաններում, սակայն ակնկալվում էր իշխող ուժի հաղթանակը:

Al Jazeera-ի թղթակից Ռորի Չելենդսը գրել է, որ Հայաստանի բնակիչները պատրաստվել են ընտրություններին՝ դեռ չմոռացած պատերազմի դառնություններն ու կորուստները, եւ չի եղել նախկին ոգևորությունը:

The Guardian-ը, տեղեկացնելով ընտրությունների մասին, նշել է, որ կիրակնօրյա քվեարկությանը ռեկորդային թվով քաղաքական ուժեր էին մասնակցում՝ 21 կուսակցություն և 4 դաշինք, իսկ նախընտրական շրջանն անցկացվել է բուռն պայմաններում: Հոդվածի հեղինակի խոսքով՝ թե՛ 46-ամյա Փաշինյանը, թե՛ 66-ամյա Քոչարյանը նախընտրական շրջանում կարողացել էին համակիրների հսկայական բազմություն համախմբել իրենց շուրջը:

Նշվում է, որ քվեաթերթիկների միայն 30 տոկոսի հաշվարկից հետո երկու հիմնական մրցակիցների համար պարզ են եղել իրավիճակն ու արդյունքը, ինչից հետո ՀՀ գործող վարչապետը հայտարարել է, որ ժողովուրդն իր ղեկավարած ուժին ու իրեն Հայաստանն առաջնորդելու նոր մանդատ է տվել, իսկ նախկին նախագահ Քոչարյանի ուժն էլ հայտարարել է, որ չի ճանաչում արդյունքները:

Հեղինակավոր պարբերականը նաև արձանագրել է ընտրակաշառքի դեպքերի մասին ահազանգերի փաստն ու դրանցով հարուցված քրեական գործերի մասին հայտնել:

Associated Press գործակալությունը, հայտնելով արդյունքների հրապարակման մասին, նշել է, որ դրանք ցույց են տալիս, որ, չնայած պատերազմում կրած պարտությանը, Նիկոլ Փաշինյանը հանրության լայն հատվածի աջակցությունն է վայելում: Հոդվածում նշվում է, որ քվեների մի մասը ոչ թե կոնկրետ Փաշինյանին աջակցելու համար է, այլ նախկինների վերադարձը մերժելու պատճառով: Իրավիճակն այդպես է դասավորվել, որովհետև, ըստ փորձագետի, Քոչարյանը թերագնահատել է Փաշինյանի ուժն ու հնարավորությունները:

«Փաշինյանի կուսակցությունը հաշվարկի հենց սկզբից ցույց տվեց ուժեղ առաջատար դիրքորոշում, իսկ վարչապետի պաշտոնակատարը բոլոր տեղամասերի հաշվարկից ժամեր առաջ արդեն հայտարարեց հաղթանակի մասին, քանի որ պատկերը պարզ էր:

«Մենք հաղթահարեցինք այս ծանր շրջանը, և այժմ ժամանակն է կանգնել և առաջ գնալ»,- Փաշինյանի խոսքերն է մեջբերում AP-ը կուսակցության շտաբում ունեցած խոսքից ու նաև հավելում, որ երկրորդ տեղը զբաղեցրած ուժի առաջնորդ Քոչարյանը մտադիր է բողոքարկել արդյունքները, քանի որ կեղծիքների մասին կասկածներ ունի: AP-ն նաև մեջբերել է ԵԱՀԿ դիտորդների արձանագրումը, որտեղ նրանք նշել են՝ ընտրությունները «մրցակցային էին և ընդհանուր առմամբ լավ կազմակերպված կարճ ժամանակահատվածում», ընտրությունների օրը և քվեների հաշվարկը գնահատվել է «ընդհանուր առմամբ դրական»:

France 24-ը գրում է, որ հայաստանյան ընտրություններին ուշադրությամբ հետևում էին Հայաստանի ռազմավարական դաշնակից Ռուսաստանի Դաշնությունը, երդվյալ թշնամին՝ Ադրբեջանը և Թուրքիան, որն աջակցում էր Ադրբեջանին Լեռնային Ղարաբաղի համար մղվող վեցշաբաթյա պատերազմում: 

Չնայած խեղդող շոգին, ըստ լրատվականի բնորոշման, քվեարկել է ընտրելու իրավունք ունեցող մոտ 2,6 միլիոն ընտրողների գրեթե 50 տոկոսը: Որոշ դիտորդներ ասում էին, որ մասնակցությունը մոտ 3 միլիոն բնակչությամբ հարավկովկասյան երկրում ավելի բարձր էր, քան սպասվում էր: France 24-ն աշխատել է տեղում՝ սկսած նախընտրական շրջանից, և լրատվամիջոցի կատարած հարցումները Երևանում թույլ չեն տվել միանշանակ կարծիք կազմել ընտրությունների ելքի մասին, քանի որ բնակիչների կարծիքները խիստ հակասական են եղել:

Լրատվականը հիշեցնում է, որ նախորդ անգամ՝ 2018 թվականին, Հայաստանն առաջին անգամ միջազգային գովեստների է արժանացել երկրում արդար ու թափանցիկ ընտրությունների անցկացման համար: Հեղինակը նաեւ ընդգծում է, որ բացի Քոչարյանից, Նիկոլ Փաշինյանի դեմ պայքարի էին դուրս եկել ՀՀ նախկին 2 առաջնորդները ևս:

Գերմանական Deutch Welle պարբերականը ևս հայտարարել է ընտրություններում իշխող ուժի հաղթանակի մասին եւ նշել, որ նրանց հիմնական մրցակից ուժը որոշել է բողոքարկել արդյունքները: Տեղում աշխատող DW-ի թղթակից Նիք Քոնոլին հայտնել է, որ, դատելով նախընտրական փուլի թեժ պայքարից, սպասվում էին բողոքի ցույցեր ընտրությունների արդյունքների հրապարակումից հետո, ինչը, սակայն, չեղավ:

Reuters-ը գրում է, որ հիմնական մրցակից երկու կուսակցություններն էլ նախընտրական շրջանի սոցհարցումների արդյունքներով զգալի առաջատարներ էին ընտրություններում, որ կազմակերպվել էին երկիրը քաղաքական ճգնաժամից դուրս բերելու համար:

Ընտրությունների արդյունքների մասին հրապարակում է արել նաև BBC-ն՝ նշելով, որ մասնակցել է երկրի բնակչության գրեթե կեսը, հաղթանակ է տարել «Քաղաքացիական պայմանագիր» կուսակցությունը, իսկ երկրորդ տեղը զբաղեցրած Քոչարյանի դաշինքը համաձայն չէ արդյունքների հետ:

The New York Times-ը գրում է, որ սկզբնապես անհասկանալի էր՝ հաջողվելո՞ւ էր Նիկոլ Փաշինյանին հաղթանակ տանել Հարավային Կովկասի մի հատվածում, որտեղ Թուրքիան և Ռուսաստանը պայքարում են ազդեցության համար:

Բայց երկուշաբթի օրը հայտարարված ընտրությունների արդյունքները, ըստ հոդվածի հեղինակ Էնդրյու Քրամերի, ցույց տվեցին, որ հայ ընտրողները ակնհայտորեն պատրաստ են ընդունել Փաշինյանի ստորագրած փաստաթուղթը և դրանով հստակ պատկերացնել իրենց երկրի անվտանգության բարդ խնդիրների լուծումը:

Բացի այդ, ըստ հոդվածագրի, նախընտրական հարցումները ցույց են տվել, որ հայերն ավելի շատ կենտրոնացած են տնտեսական խնդիրների վրա, քան կորցրած տարածքների: Իսկ Նիկոլ Փաշինյանի ներքին հակակոռուպցիոն քաղաքականությունը և ճանապարհաշինությանն ու գյուղական զարգացմանը ուղղված քայլերը մեծացրել են նրա հեղինակությունը: Բացի այդ, ընդդիմությունը երկրում պառակտվել է: Այս ամենը, ըստ NYT-ի հոդվածագրի, օգնել է Փաշինյանին հաղթանակի հարցում:

Տպել
5971 դիտում

Իշխանության յուրացման փորձ կատարելու համար մեղադրվողների գործն ուղարկվել է դատարան

Գեղարքունիքի մարզպետն ու Ռուսաստանի դեսպանը քննարկել են տարածաշրջանում սոցիալ-տնտեսական զարգացման հարցերը

Արմավիրի մարզում պատվաստվել է 104 889 քաղաքացի

Ստեփանծմինդա-Լարս ավտոճանապարհը բաց է․ ՀՀ տարածքում կան փակ ավտոճանապարհներ

ԵԱՀԿ Մինսկի խմբի համանախագահող երկրների ԱԳ նախարարները Լեռնային Ղարաբաղի վերաբերյալ հայտարարություն են ընդունել

Գրիգոր Լուսավորիչ եկեղեցում կատարվել է 44-օրյա պատերազմում նահատակված 9 զինծառայողի հոգեհանգստի արարողություն

Լենինգրադյան փողոցում ավտովթար է տեղի ունեցել․ թիվ 63 երթուղայինի վարորդն ու 4 ուղեւոր հոսպիտալացվել են «Արմենիա» ՀԲԿ

Առաջին ձյունը նախընտրական շահարկումների պատճա՞ռ, գործ ունենք նախընտրական քաղաքական սաբոտաժի հետ․ Վանիկ Օհանյան

Միգուցե շատերի համար ես բնավ էլ համարձակ կին չեմ, որովհետեւ իրենց մտքի թռիչքն այլ բան է ուզում. Լուիզա Ներսիսյան

Ստեփանավանի մշակույթի պալատն այսօրվանից կկրի Սոս Սարգսյանի անունը․ Արփի Դավոյան

Ուժի կիրառումը երբեք խաղաղության հասնելու ճանապարհ չի եղել․ Միրզոյանը ելույթ է ունեցել ԱՀԿ նախարարական 28-րդ համաժողովին

Հայաստանի և Էստոնիայի ԱԳ նախարարները անդրադարձել են տարածաշրջանային անվտանգության և կայունության հարցերի

Սերգեյ Լավրովն ու Մևլութ Չավուշօղլուն քննարկել են Անդրկովկասում իրավիճակի կայունացման հարցը

Ավտոմեքենան մոտ 8 մ բարձրությունից ընկել է Աղստև գետը․ ուղեւորները հոսպիտալացվել են

Մհեր Գրիգորյանը Մոսկվայում մասնակցել է Երկրորդ եվրասիական համագումարին

ՊՆ վարչական համալիրում ստորագրվել է 2022թ. Հայաստանի և Լիտվայի միջև երկկողմ ռազմական համագործակցության ծրագիրը

Ոստիկանների արարքները պաշտոնեական լիազորություններն անցնելու հանցակազմ չեն պարունակել, վարույթը կարճվել է

Պապիկյանը ԱՄՆ դեսպանին է ներկայացրել է սահմանագոտում առկա իրավիճակը և խնդիրների կարգավորման հայկական կողմի մոտեցումները

Հաագայում տարածվել է ՀՀ հայտարարությունը՝ Արցախում Ադրբեջանի կիրառած քիմիական տարրեր պարունակող զենքի վերաբերյալ. ԱԳՆ

Միրզոյանը Բլինքենին է ներկայացրել ՀՀ ինքնիշխան տարածք ադրբեջանական զինուժի ներթափանցման հետևանքով ստեղծված իրավիճակը

Տեղի են ունեցել «ԵՄ-ն՝ հանուն երիտասարդության» ծրագրի գործողությունների ներկա իրավիճակը և 2022-ի պլանները քննարկում

Կոդավորված դաջվածքի բանալի բառը գտնելով՝ հնարավոր էր կարդալ կնոջ անունը. զոհված հետախույզի կինը գիրք է գրել նրա մասին

Հայաստան կժամանի ՌԴ ԱԻՆ պատվիրակությունը. կանցկացվի Միջազգային գիտաժողով երկրաշարժի 33-րդ տարելիցի կապակցությամբ

Սյունիքի մարզի Սիսիան-Գորիս ավտոճանապարհին մառախուղ է

Փոփոխություն Վանաձորից դեպի Վրաստան և հետադարձ ուղղությամբ երթևեկության սխեմայում

Արարատ Միրզոյանը հանդիպել է ԱՄՆ պետքարտուղար Էնթոնի Բլինքենի հետ

Մհեր Գրիգորյանը Մոսկվայում մասնակցել է ԵԱՏՀ խորհրդի նիստին

ՍԱՏՄ-ն ստուգայցեր է իրականացրել Կենտրոն վարչական շրջանի իրացման ցանցում և հանրային սննդի օբյեկտներում

Դոլարն ու եվրոն շարունակում են թանկանալ․ Կենտրոնական բանկը սահմանել է նոր փոխարժեքներ

Արարատի բնակիչը «Ալեն Սիմոնյանի», «Հայկ Սարգսյանի», «Սասի Արտակի» և այլ անուններով սոցցանցերում գրանցել է կեղծ էջեր․ ՔԿ

Քարաթափում է տեղի ունեցել Եղեգնաձոր-Գետափ ավտոճանապարհին

Ճապոնիայի դեսպանատան աջակցությամբ Արմավիրում կբարելավվի կոշտ թափոնների կառավարման համակարգը

«Քովիդ-19»-ի դեմ պատվաստվելուց 7 օր անց անձը կարող է դառնալ արյան դոնոր

ՀԱՊԿ-ում նախագահող Հայաստանի ԱԳ նախարարի համակարգմամբ տեղի է ունեցել անդամ պետությունների ԱԳ նախարարների հանդիպումը

ՀՀ Էկոնոմիկայի նախարարության աջակցությամբ Արաբական Միացյալ Էմիրություններում կկազմակերպվի SSSholidays միջոցառումը

Սահմանվել են հունվարին անցկացվելիք պետական ավարտական քննությունների ժամկետները

Վարչապետի մոտ քննարկվել են քաղաքաշինության ոլորտի խոշորամասշտաբ ներդրումային ծրագրերի առաջարկներ (լուսանկարներ)

Ավարտվել է Ստեփանավանի թիվ 2 դպրոցի տնօրենի և աշխատակիցների կողմից կատարված չարաշահումների գործի նախաքննությունը. ՔԿ

Հեռուստատեսության զարգացման գործում ներդրած նշանակալի ավանդի համար պարգևատրվել են Հանրայինի աշխատակիցները

Սյունիքում բացվել է առաջին մագնիսա-ռեզոնանսային տոմոգրաֆիայի բաժանմունքը (լուսանկարներ)