Սիսիան, Գորիս, Կապան եւ Մեղրի համայնքներում ստուգումներն ավարտվել են. հարցազրույց ՊՎԾ ղեկավարի հետ (տեսանյութ)

ՀՀ պետական վերահսկողական ծառայությունը ավարտել է ստուգումները Սյունիքի մարզի Սիսիան, Գորիս, Կապան եւ Մեղրի համայնքներում: Այս պահին ստուգումներ են իրականացնում առողջապահության նախարարությունում եւ Երեւանի քաղաքապետարանում: ՊՎԾ-ի հիմնական նպատակն ըստ էության ոչ թե բացահայտումներ անելն է, այլ խախտումներ անելու հնարավոր ռիսկերը վերացնելը:

Ստուգումների եւ իրականացվող աշխատանքների մասին ՀԺ-ն զրուցել է ՀՀ պետական վերահսկողական ծառայության ղեկավար Տիգրան Ուլիխանյանի հետ:

- Պարո՛ն Ուլիխանյան, մարտի վերջին գործուղվել էիք Սյունիք՝ ուսումնասիրություններ իրականացնելու Սիսիան, Գորիս, Կապան եւ Մեղրի համայնքներում: Ավարտվե՞լ են այդ ստուգումները:

- Ուսումնասիրություններն ավարտվել են, դրանց արդյունքների վերաբերյալ տեղեկանքները զեկուցվել են: Կարող եմ ասել, որ այն գործերը, որտեղ կան ակնհայտ քրեական հատկանիշներ, ուղարկվել են գլխավոր դատախազություն՝ հետագա ընթացքը որոշելու համար: Դրանցից որոշները նաեւ քրեական գործ հարուցելու առիթ են դարձել: Նախաքննական մարմինների աշխատանքից հետո ավելի մանրամասն կիմանանք, թե այդ ենթադրյալ հանցագործությունների վերջնական հետեւանքը ինչը կլինի:

- Ի՞նչ բնույթի խախտումներ են հիմնականում հայտնաբերվել: Հաճախ այդ ստուգումները Սյունիքի համայնքապետները կապում են իրենց ընդդիմադիր գործունեության հետ եւ դրանք բնորոշում որպես իշխանության կողմից իրականացվող ռեպրեսիա:

- Իշխանության կողմից իրականացվող ռեպրեսիա կլիներ, եթե մենք որեւէ իրական բացահայտում չունենայինք: Այնուամենայնիվ, մեր տեղեկանքների վերաբերյալ այդ թվում նաեւ ձեր նշած համայնքապետները տվել են իրենց կարծիքները եւ ապագայում էլ ցանկացած պարագայում իրենք կարող են պաշտպանել իրենց շահերը: Ինչ վերաբերում է խախտումների բնույթին՝ դրանք տարբեր են, հիմնական մասը պետական միջոցներով իրականացված շինարարություններում թերակատարումներն են: Երեւի բոլորդ եք հասկանում՝ թղթով ամեն ինչ նորմալ է, բայց իրականում, երբ մենք գնում ենք չափումներ անելու. պարզ է դառնում, որ էական թերակատարումներ կան: Փաստը հետեւյալն է՝ հարկատուների միջոցով վճարվում է մի ծրագիր, որը կա՛մ ամբողջությամբ չի արվում, կամ  ավելի էժան ձեւերով է արվում. արդեն քրեական հետապնդում իրականացնող մարմինները թող որոշեն, թե մնացած գումարն ինչ ճակատագիր է ունենում:

- Շուրջ 7 ամիս է ՊՎԾ պետի պաշտոնում եք, այս ընթացքում ո՞ր գերատեսչություններում եք հասցրել ստուգումներ իրականացնել եւ ընդհանուր առմամբ ինչպիսի՞ պատկեր ունենք: Այս պահին որտե՞ղ է ստուգումներ իրականացվում:

- Ես կարծում եմ ՊՎԾ-ից ակնկալիքները ճիշտ չեն ներկայացվում հանրությանը: Տեսեք. դուք հարցնում եք, թե որ հիմնարկներում ենք հասցրել ուսումնասիրություն անել, բայց ես ձեզ կարող եմ ասել, որ ՀՀ բոլոր պետական հիմնարկները ամեն օր կա՛մ գրություն են ստանում ՊՎԾ-ից կա՛մ հեռախոսազանգ: Այդ շփումները մշտադիտարկման տեսանկյունից ամենօրյա եւ ամենժամյա են: Իսկ կոնկրետ ոլորտային ուսումնասիրությունների առումով ինչը որ անհրաժեշտ է հրապարակել՝ հրապարակվում է: Մեր աշխատանքը շատ հանրային չէ, կարծում եմ բոլորն էլ հասկանում են, թե ինչու: Մեր աշխատանքը պետական հիմնարկների հետ է եւ հետեւյալ խնդիրն ենք լուծում՝ բացահայտել տարբեր ռիսկեր, այդ ռիսկերի հնարավորությունը ստեղծող ուղիները հասկանալ որոնք են ու փակել դրանք: Մեր նպատակն այն է, որ մի բանը բացահայտես ու գնաս մինչեւ վերջ, հասկանաս, թե դա ինչի համար է եղել, որ պաշտոնյաներն են թերացել, ինչ իրավական ակտեր կան, որոնք պետք է փոխել, որ այսուհետեւ դա հնարավոր չլինի: Եթե մենք նպատակ ունենանք միայն բացահայտել, ամեն տարի միեւնույն բանը միեւնույն տեղը կբացահայտենք, եւ իմ տեսակետից դա անարդյունավետ աշխատանք է: Իսկ հետեւանքները տարբեր են լինում, թե՛ վարչական պատասխանատվություն, թե՛ քրեական:

Մենք արդեն տեւական ժամանակ ուսումնասիրություններ ենք բացել առողջապահության նախարարությունում, Երեւանի քաղաքապետարանում:

- Երեւանի քաղաքապետարանում մի քանի ամիս է ստուգումներ են ընթանում, անգամ մամուլը գրեց, որ ՊՎԾ-ի եւ քաղաքապետարանի միջեւ փաստաթղթեր տրամադրելու հետ կապված խնդիրներ են առաջացել: Այժմ ի՞նչ իրավիճակ է:

- Ուսումնասիրությունը վերաբերում է շինթույլտվությունների եւ ապօրինի շինարարությունների հետ կապված գործընթացներին, որպեսզի մենք հասկանանք, թե ինչպես է տեղի ունենում, որ մի շինթույլտվությունը տրվում է 10 օրում, մյուսը, ասենք, 5 ամսում: Դա միանշանակ չի կարելի գնահատել լավ կամ վատ, մենք պետք է հասկանայինք այդ պրոցեսը: Ծավալը ահռելի մեծ է ու նաեւ չթվայնացված էր, դրա համար էլ մեր ծառայության աշխատակիցները Երեւանի քաղաքապետի հետ նախապես համաձայնեցնելով՝ որոշ ժամանակ այնտեղ այդ փաստաթղթերն են ուսումնասիրել: Դրանից հետո տարբեր պատճառներով՝ պատերազմ, ներքաղաքական իրավիճակներ, մենք նպատակահարմար համարեցինք սառեցնել այդ ստուգումները, բայց այնուամենայնիվ այդ թեման դեռ ակտուալ է եւ մոտ օրերս կվերսկսենք մեր աշխատանքները: Վստահ եմ, որ համագործակցությունը Երեւանի քաղաքապետարանի մեր գործընկերների հետ եղել եւ լինելու է շատ ավելի արդյունավետ:

- Ընտրություններից հետո՝ ինչպես վարչապետի պաշտոնակատար Նիկոլ Փաշինյանն է նշում՝ իշխանությունը պողպատե մանդատ է ստացել, դուք որպես ՊՎԾ ղեկավար այդ մանդատի շրջանակում ավելի կոշտացրե՞լ եք ձեր ստուգումները:

- Ըստ էության վարչապետի նաեւ հրապարակային արտահայտած հանձնարարությունների շրջանակում ոչ միայն ես, բոլորը պետք է վարքագծի փոփոխություն ունենան: Կարծում եմ՝ կարեւորագույնը հետեւյալն է լինելու. մենք պետք է դադարենք երկար ժամանակ փնտրել ճշմարտությունը եւ այդպես որոշումներ չկայացնել: Մենք պետք է կամք դրսեւորենք եւ որոշումներ կայացնենք: Իմ գնահատմամբ՝ մեր պետական համակարգի լրջագույն խնդիրն այն է, որ մարդիկ տարբեր վախերից, կաշկանդվածություններից ելնելով՝ դժվարանում են որոշում կայացնել: Նրանք վախենում են սխալվել: Մենք պետք է հասկանանք, որ ավելի լավ է սխալ որոշում կայացնես, քան խուսափես որոշում կայացնելուց: Սխալ որոշումն իհարկե, վատ բան է, պատժելի է, բայց որոշումից խուսափելը, որպեսզի չսխալվես՝ ավելի խիստ պատժելի է:

- Ձեր նշանակումից հետո ծառայությունում ի՞նչ փոփոխություններ են իրականացվել:

- Աշխատանքներ են տարվել մասնավորապես ներքին անհրաժեշտ փաստաթղթավորում իրականացնելու համար: Նաեւ ֆունկցիոնալ նշանակության որոշ նորամուծություններ ենք արել: Գնումների մոնիթորինգը հասցրել ենք այն մակարդակին, որ պետական գնումների առնվազն այն մասը, որը էլեկտրոնային հարթակների միջոցով է արվում՝ գրեթե 100 տոկոսն ուսումնասիրվում է: Մենք նաեւ այս պահին մեխանիզմ ենք մշակում, որ ՊՎԾ-ն իր ներկայությունն ունենա մրցույթների միջոցով արդյունքներն արձանագրելուց, որովհետեւ գնման ընթացակարգի ամենակարեւոր պրոցեսը վերջիվերջո այն է, թե ինչ վճարեցիր եւ արդյոք ստացար այն, ինչ պետք է ստանայիր:

- Այս պահին արդեն հստակություն կա՞ նոր ձեւավորվող Կառավարությունում շարունակելո՞ւ եք աշխատել: 

- Ես նշանակովի պաշտոնյա եմ, վարչապետի կողմից եմ նշանակվում եւ պաշտոնավարելու եմ այնքան, քանի դեռ չկա վարչապետի որոշում ինձ աշխատանքից ազատելու մասին:

Տպել
2072 դիտում

ՀՀ նախագահի պարտականությունները ժամանակավոր կկատարի Ազգային ժողովի նախագահը

Էմիլ Տարասյանն ազատվել է Հանրապետության նախագահի աշխատակազմի ղեկավարի պաշտոնից

Արմեն Սարգսյանը հայտարարել է ՀՀ նախագահի պաշտոնից հրաժարականի մասին

Յուրաքանչյուրը կարող է նպաստել իր համայնքի խնդիրների լուծմանը. Աննա Ասատրյանը՝ հայկական արտադրության չրերի հեղինակ

Վարորդներին խորհուրդ է տրվում երթևեկել բացառապես ձմեռային անվադողերով

Փրկարարներն արգելափակումից դուրս են բերել 38 բեռնատար ավտոմեքենա

Իջևանի գարեջրի չգործող գործարանում հրդեհ է բռնկվել

Ալմաթիում երկրաշարժ է տեղի ունեցել

Իտալիայում մոտ 2000 բժիշկ աշխատանքից հեռացվել է կորոնավիրուսային պատվաստումների բացակայության պատճառով

Տիչինայի փողոցում պայթյունի պատճառ է դարձել ստորգետնյա գազատարից արտահոսքը, այն վերականգնվում է․ «Գազպրոմ Արմենիա»

Հրդեհ Երևանում գտնվող կահույքի խանութի տանիքում

Վրաերթ-վթար Երևանում. բժիշկները պայքարում են տուժողի կյանքի համար. վարորդը դիմել է փախուստի

Արցախում հաստատվել է կորոնավիրուսով վարակվելու 4 նոր դեպք. 6 հիվանդի վիճակը ծայրահեղ ծանր է

Շրջանների զգալի մասում սպասվում է ձյուն. ինչ եղանակ է սպասվում առաջիկա օրերին

Բայդենը քննարկել է Ուկրաինայի շուրջ ստեղծված իրավիճակն ու Ռուսաստանի հետ բանակցություններն իր օգնականների հետ

Հրդեհ «Ապաչի» գործարանի տարածքում, այրվել է վագոն-տնակը

Ժամանակավորապես դադարեցվել է Մալաթիա-Սեբաստիա վարչական շրջանի մի շարք հատվածների գազամատակարարումը

Պեկինը ձմեռային Օլիմպիական խաղերին ընդառաջ կպահպանի կորոնավիրուսով պայմանավորված արտակարգ իրավիճակը

Սև ծովում հրդեհ է բռնկվել 700 տոննա մազութ տեղափոխող լցանավի վրա

Փրկարարները օգնության են հասել Ֆրանսիայի Հանրապետության քաղաքացիներին

Երևանի Տիչինայի փողոցում տեղի է ունեցել պայթյուն՝ հրդեհի բռնկմամբ

Վաղը վարչապետ Նիկոլ Փաշինյանը հանդես կգա առցանց ասուլիսով (պաշտոնական)

Փրկարարներն արգելափակումից դուրս են բերել 13 բեռնատար ավտոմեքենա

Եվրոպայի 2022 թվականի մշակութային մայրաքաղաք է դարձել Լիտվայի Կաունաս քաղաքը

Այրվել է Երևանի Նանսենի փողոցի շենքերից մեկի տանիքը

Հայաստանում հաստատվել է կորոնավիրուսի 814 նոր դեպք․ առողջացել է 109 մարդ

Համավարակի ազդեցությամբ կրթական աղքատությունը դարձել է աշխարհում նոր տիպի անհավասարության ցայտուն ցուցանիշ․ Անդրեասյան

Սյունիքի մարզի Գորիս-Սիսիան և Տաթև-Շինուհայր ճանապարհահատվածներում բուք է

Էլեկտրաէներգիայի պլանային ընդհատումներ են սպասվում Երևանում և երեք մարզերում

«Սիրում եմ». պաշտպանության նախարարի ու նրա կնոջ պարը՝ սիրո երգիչ Հայկոյի երգի հնչյունների ներքո (տեսանյութ)

Տիկին Դավոյանը տեղյակ է խնդրի վերաբերյալ. նախարարությունն արձագանքել է պատգամավորի հրապարակած լուսանկարին

Ինչու պիտի այսօր այսքան անտեսվի հայ մամուլը. զրույց Պոլսի «Մարմարա» թերթի խմբագրապետ 95-ամյա Ռոպէր Հատտէճյանի հետ

Հետախուզվողները ներկայացել են ոստիկանություն. նրանցից մեկը կալանավորվել է

Տեր Սահակ քահանա Սահակյանն ազատվել է Արագածոտնի թեմի հոգևոր պարտականություններից

Վարչապետն այս պահին խորհրդակցություն է անցկացնում Կառավարությունում, նա դեռ չի ժամանել Պապիկյանի հարսանյաց միջոցառմանը

Շինուհայր-Տաթև ավտոճանապարհը դժվարանցանելի է

Երևանի Շիրազի փողոցում բախվել են ավտոբուսը և «Մերսեդես» մակնիշի մեքենան. մեկ օրում 13 պատահար է գրանցվել

Հայ-հունական դիվանագիտական հարաբերությունների 30 ամյակը նշում ենք քաղաքական ամենաբարձր մակարդակի կապերով. Մկրտչյան

Վերին Խոտանան-Տաթև ավտոճանապարհին ավտոմեքենաներ են արգելափակվել

Սիրուշոն վարակվել է կորոնավիրուսով