Ստվարաթղթե մահճակալներ, թեստավորում ամեն օր. Ինչպես է Տոկիոն պատրաստվել 32-րդ օլիմպիական խաղերին (լուսանկարներ)

Ամբողջ աշխարհում սրտատրոփ սպասում են օլիմպիական նոր խաղերի մեկնարկին, որին մնացել են հաշված օրեր: Այս անգամ խաղերը կանցկացվեն Ճապոնիայում. մարզական համաշխարհային իրադարձությանը երկրում պատրաստվել են դեռ նախորդ տարվանից, սակայն այն 2020-ին չկայացավ՝ կորոնավիրուսի հավարակի պատճառով: Իսկ ինչ աշխատանքներ են տարվում վերջին շաբաթներին, ինչ հիմնական պահանջներ կան և ինչպիսին է լինելու Տոկիո-2020-ը՝ ստորև:

ՀԱՕԿ-ը գրում է, որ Տոկիոյի օլիմպիական ավանը, որտեղ և սպասվում է մարզական հնչեղ իրադարձությունը, կառուցվել է մեկ տարի առաջ, բայց մինչ այժմ դատարկ էր: Երբ խաղերն ավարտվեն, հատուկ օլիմպիական նպատակներով կառուցված գյուղը կդառնա սովորական բնակելի տարածք:

Ճապոնական  ավանը գրեթե ոչնչով չի տարբերվում նախորդներից, բացառությամբ COVID-19 համաճարակի հետ կապված խիստ պահանջների և կանոնների: 

Ստեղծված են հրաշալի պայմաններ. տարբերվող սննդի կետ, հանգստի գոտի, ֆիթնես կենտրոն և կլինիկա: 

Կազմակերպիչները հատուկ ուշադրություն  են դարձրել   բնապահպանական խնդիրներին: Օլիմպիական ավանում իրերի մեծ մասը պատրաստված է վերամշակված նյութերից և  կարող են կրկին վերամշակվել, ինչպիսիք են ստվարաթղթե մահճակալները և պլաստիկե  ներքնակները: 

Մարզիկները կտեղափոխվեն Toyota- ի  ստեղծած էլեկտրոնային  ինքնավար  մեքենաներով: Տրանսպորտային այդ  միջոցները երթուղի դուրս կգան յուրաքանչյուր 20 րոպեն մեկ՝ գյուղ, մարզավայր և մրցավայր  սահմանված երթուղիներով: Սա նախատեսվում է այն բանի համար, որպեսզի  հնարավորիս նվազեն միմյանց հետ շփումները:

Սկզբնապես ենթադրվում էր ճաշարանում  տեղավորել 4300 մարդ, բայց կորոնավիրուսի դեմ պայքարի շրջանակներում, ճաշարանի տարողությունը կրճատվեց՝  մինչև 3000 –ի: Օդափոխման համակարգը յուրաքանչյուր 15-20 րոպեն մեկ ամբողջությամբ կմաքրի սրահի օդը: 

Ճաշացանկում կներառվեն ճապոնական ուտեստներ և այլ մթերք, որոնք համապատասխանում են սպորտային սննդի նորմերին: 

Մարզիկները կկարողանան օգտվել ֆիթնես կենտրոնից, որտեղ տեղադրված են թափանցիկ միջնապատեր՝ դարձյալ շփումը սահմանափակելու նպատակով:

Օլիմպիականները ամեն օր  պետք է  թեստեր հանձնեն, ինչը նշանակում է, որ կազմակերպիչները ստիպված կլինեն օրական մշակել մինչև 80,000 թեստ: 

Ի դեպ, միջազգային օլիմպիական կոմիտեն (ՄՕԿ) ներկայացրել է կարևոր  փաստաթուղթ՝ մշակված հատուկ այս խաղերի համար: Փաստաթղթում ուշադրության են արժանի 3հիմնական կետեր.

1. Ոչ մի մարզիկ կամ թիմ չպետք է որակազրկվի կորոնավիրուսի դրական թեստի պատճառով: Փոխարենը, կօգտագործվի «չմեկնարկած»  կամ  սպորտում ընդունված որևէ համարժեք տերմին:

2.  Մարզիկների և թիմերի արդյունքները կարձանագրվեն  `հաշվի առնելով մրցումների այն փուլը, որտեղ արդյունքը դրական է եղել:

3. Հնարավորության դեպքում հիվանդ մարզիկի կամ թիմի տեղը կտրվի այն մարզիկներին և  հավաքականներին, որոնք համապատասխանում են կանոնակարգում նշված  չափանիշներին:

Ամառային Օլիմպիական 32-րդ  ամառային օլիմպիական խաղերը բազմասպորտային ամենամեծ իրադարձություն է, որը տեղի է ունենում չորս տարին մեկ անգամ։ 2021 թվականի օլիմպիական խաղերը նաև կոչում են Տոկիո 2020, քանի որ այն կայանալու է Տոկիոյում,։ Խաղերը սկզբում նախատեսված էին անցկացնել 2020 թվականի հուլիսի 24-ից մինչև օգոստոսի 9-ը, սակայն COVID-19 համավարակի պատճառով հետաձգվել են 2021 թվականի հուլիսի 23-ից օգոստոսի 8։

Տոկիոն հայտարարվել է օլիմպիական խաղերի ընդունող քաղաք ՄՕԿ-ի 125-րդ նստաշրջանում, որը տեղի է ունեցել Բուենոս Այրեսում, Արգենտինա, 2013 թվականի սեպտեմբերի 7-ին: Տոկիոն նախկինում ընդունել է 1964 թվականի ամառային օլիմպիական խաղերը և 2021 թվականին կլինի հինգերորդ քաղաքը (և առաջինը Ասիայում), որը կընդունի Ամառային օլիմպիական խաղերը երկրորդ անգամ։ Տոկիոյում նաև կայանալու են 2020 թվականի Պարալիմպիական խաղերը: Չնայած այն կայանալու է 2021 թվականին, XXXII Օլիմպիական խաղերը կպահպանեն Տոկիո 2020 անվանումը մարքեթինգային նկատառումներով:

Խաղերի մեկնարկին մնացել է 5 օր: