Մերկելը խոստացել է մի քանի միլիարդ հատկացնել ջրհեղեղի հետևանքների վերացման համար. Հեղեղումներ են Եվրոպայի մեծ մասում

Հզոր ջրհեղեղների պատճառով տուժած Գերմանիայի և Բելգիայի բնակիչները սկսում են մաքրել իրենց փողոցները, տները և հարակից տարածքները աղետի հետևանքներից: Աղետի պատճառով զոհվել է առնվազն 188 մարդ, շատերը դեռ անհայտ կորած են, ուստի զոհերի թիվը կարող է աճել:

Գերմանիայի կանցլեր Անգելա Մերկելը, ով այցելել էր Ռեյնլանդ-Պալատինյան դաշնային նահանգի Շուլդ գյուղ, սարսափելի է անվանել երկրում ջրհեղեղի հետ կապված իրավիճակը: Այս մարզը հեղեումներից առավել տուժածներից մեկն է:

«Սա անհավատալի, սարսափելի իրավիճակ է, գերմաներենում երևի ոչ մի հարմար բառ չկա նկարագրելու իրավվիճակը», - ասել է Մերկելը լրագրողներին:

«Բայց աներևակայելի ու մխիթարական է այն, թե ինչպես են մարդիկ միասին աշխատում, ինչպես են օգնում միմյանց, ինչպիսի համերաշխություն է մարդկանց միջև հետևանքների վերացման աշխատանքներում»,-ավելացրել է կանցլերը:

Մինչ ամենաշատ տուժած տարածքներում տեղումները սկսում են պակասել, հորդառատ անձրևի պատճառով Եվրոպայի այլ մասերում ջրհեղեղները շարունակվում են:

Գրեթե 60 տարի Գերմանիայում նման ջրհեղեղներ չեն եղել: Հիմնական հարվածը հասցվեցլ է Գերմանիայի արևմտյան շրջաններին ՝ Ռեյնլանդ-Պֆալցիայի, Հյուսիսային Ռեյն-Վեստֆալիայի և Սաարլանդի դաշնային նահանգներին: Գերմանական օդերևութաբանական գործակալության տվյալներով՝ որոշ շրջաններում 1 օրում երկամսյա տեղումների չափով անձրև է տեղացել:

Ջհեղեղները շարունակվել են կիրակի էլ՝ Բավարիայում, Գերմանիայի հարավում, ինչի արդյունքում զոհվել է առնվազն մեկ մարդ:

Կանցլեր Անգելա Մերկելը Ռեյնլանդ-Պֆալցին նահանգ այցելության ժամանակ  խոստացել է  շուտափույթ ֆինանսական օգնություն ցուցաբերել: Նա նշել է, որ կառավարությունը կտրամադրի ավելի քան 300 միլիոն եվրոյի անհապաղ օգնություն և  մի քանի միլիարդ եվրո էլ կտրամադրի՝ ավերված տները, փողոցներն ու կամուրջները վերականգնելու համար: Այս մասին Bild թերթին ասել է ֆինանսների նախարար Օլաֆ Շոլցը:

Վերջին օրերին միայն Գերմանիայում ջրհեղեղի պատճառով զոհվել է առնվազն 157 մարդ: Ոստիկանությունը հայտնել է, որ ջրհեղեղի նահանջից հետո ավելի շատ մարմիններ կարող են հայտնաբերվել:

Գերմանիայի Ռեյնլանդ-Պֆալցինա նահանգի Բադ Նոյենահր-Ահրվելեր զբոսաշրջային քաղաքում գտնվող բնակիչներն արդեն սկսել են փողոցներից աղբի կույտեր մաքրել: Ավերվել են քաղաքի բազմաթիվ գործարաններ և ընկերություններ, անջատվել են էլեկտրականությունն ու գազը, ոչնչացվել են կապի գծերը: Ոստիկանության տվյալներով, Արվեյլերում մահացել է ավելի քան 110 մարդ, 670-ը վիրավորվել են:

Տեղի հացաբուլկեղենրի արտադրամասի սեփականատեր Գրեգոր Դեգինը Agence France-Presse-ին ասել է, որ ինքը հավաքել է մի խումբ մարդկանց, որպեսզի սկսեն մաքրել կեղտը և աղբը. «Ամեն ինչ ավերված է, բնությունն անճանաչելի է», - Reuters- ին ասել է խմիչքների խանութի սեփականատեր Մայքլ Լանգը:

Հյուսիսային Ռեյն-Վեստֆալիա քաղաքում փրկարարները սկսել են ջրհեղեղից վնասված ճանապարհի վրայից հանել լքված մեքենաները: Հրշեջ ծառայության խոսնակ Էլմար Մեթկեն ասել է, որ տրանսպորտային միջոցները ստուգվել են այնտեղ մարմինների առկայության համար, երբ դրանք դեռ գտնվում էին ջրի տակ:

Աղետը հարցեր է առաջացրել այն մասին, թե արդյո՞ք ջրհեղեղի նախազգուշացման գերմանական համակարգերը ունակ են ժամանակին տեղեկատվություն տրամադրել գլոբալ տաքացման պայմաններում ավելի ու ավելի անկանխատեսելի եղանակային իրադարձությունների վերաբերյալ:

Արտակարգ իրավիճակների նախազգուշացումները և տարհանման մասին ծանուցումները թողարկվել են, երբ սենսորները ջրի մակարդակի կտրուկ բարձրացում են հայտնաբերել: Բայց ավելի փոքր հոսանքներում և վտակներում ջուրը, որը  նախկինում որպես սպառնալիք չէր ընկալվում, այնքան ուշադիր չէր վերահսկվել, խոստովանել է Ռայնլանդ-Պֆալցիայի շրջակա միջավայրի նախարարը:

Չնայած շատ շրջաններում ջրհեղեղի հոսքերն արդեն նահանջել են, իշխանությունները շարունակում են պատրաստ լինել բարձր պատրաստվածության:

Այս հանգստյան օրերին Գերմանիայի օդերևութաբանական ծառայությունը վատ եղանակի մասին նախազգուշացումներ տվեց նաև Բավարիայի հարավ-արևելքում, նշվեց, որ ջրհեղեղ է սպասվում Դանուբում ևս: Վերին Բավարիայի մարզում հորդառատ անձրևները հեղեղել են նկուղներն ու ճանապարհները:

Կիրակի գիշերը շարունակական հորդառատ անձրևը ջրհեղեղի պատճառ է դարձել հարավային Գերմանիայում և հարևան Ավստրիայում ևս, որի հետևանքով զոհվել է ևս մեկ մարդ սահմանի գերմանական կողմում: 

Մինչ այդ, ավստրիական Զալցբուրգ երկրամասի քաղաքներից մեկի հեղեղման մասին էր հայտնի դարձել,  փրկարարները ստիպված էին տարհանել այնտեղի բնակիչներին: Ըստ հրշեջ ծառայության, շաբաթ երեկոյան ժամերին Վիեննայում ավելի շատ անձրևներ են տեղացել, քան նախորդ յոթ շաբաթվա ընթացքում միասին:

Բելգիայում  տուժել է 4 նահանգ: Վարչապետ Ալեքսանդր Դե Կրոսը հուլիսի 20-ը հայտարարել է ազգային սգո օր: Նա ասել է, որ ջրհեղեղները, որոնց արդյունքում զոհվել է առնվազն 27 բելգիացի, կարող են լինել «ամենաաղետալին, որ երբևէ տեսել է մեր երկիրը»:

Նիդեռլանդներում հազարավոր մարդիկ լքել են իրենց տները Լիմբուրգի նահանգում, երբ ջուրն անցել է արգելապատնեշը: Մաաստրիխտում և հարակից քաղաքներում ջուրը նահանջել է, և ուրբաթ օրը բնակիչները կարողացել են վերադառնալ իրենց տները:

Շվեյցարիայում հորդառատ անձրևներից հետո լճերն ու գետերը սկսել են հեղեղել բնակավայրերը: Արե գետը, որը հոսում էր Շվեյցարիայի մայրաքաղաք Բեռնով, դուրս է եկել ափերից: Բազելի բնակիչներին խորհուրդ է տրվել հեռու մնալ Հռենոս գետից, ջրհեղեղ է տեղի ունեցել  նաև Լյուցեռն լճի հարակից բնակավայրերում: