Պատվաստվել, թե չեն պատվաստվել մշակույթի ու շոուբիզնեսի գործիչները. հարցում

Հայաստանում կորոնավիրուսային հիվանդության դեմ պատվաստումները դանդաղ են առաջ գնում: Մեր քաղաքացիների թվում դեռ բազմաթիվ են այնպիսիք, որոնք չեն վստահում որեւէ տեսակի պատվաստանյութի կամ պարզապես վախենում են դրա կողմնակի ազդեցություններից:

«Հայկական ժամանակը» այս անգամ հարցումներ է իրականացրել մշակութային գործիչների եւ շոու բիզնեսի ներկայացուցիչների շրջանում՝ պարզելու, թե ինչպիսին է նրանց վերաբերմունքը պատվաստանյութերի հանդեպ, ովքեր են պատվաստվել, ովքեր են մտադիր, ովքեր՝ չէ: Հարցվածների մի մասը, պարզվեց, դեռ չեն կողմնորոշվել, թե որ տեսակի պատվաստանյութով են ուզում պատվաստվել, կամ առհասարկ՝ ուզում են, թե՝ չէ, մի մասը չեն վստահում, մյուս մասն անգամ չի էլ մտածել այդ մասին: Իհարե, կային նաեւ մարդիկ, ովքեր պատվաստվելու որոշում ունեին:

Երգիչ Արսեն Սաֆարյանը «Հայկական ժամանակի» հետ զրույցում ասաց, որ չի պատվաստվել եւ դեռ այդ մասին չի էլ մտածում: Սաֆարյանը հայտնեց, որ ցանկություն չունի պատվաստվելու: Առայժմ ոչինչ իրեն չի պարտադրում պատվաստվել: Երգիչն ասաց՝ դեռ այլ երկիր մեկնելու մտադրություն եւս չունի, որ բազմաթիվ թեստավորումներից խուսափելու համար ստիպված պատվաստվեր:

Իսկ ահա երգիչ-երգահան Վահագ Ռաշը մտադիր է առաջիկայում պատվաստվել, քանի որ աշխատանքի բերումով Հանրապետությունից շատ է բացակայում եւ ամեն անգամ թեստ հանձնելը ժամանակատար ու հավելյալ ծախսեր պահանջող գործընթաց է: Ռաշը պատվաստմանը նորմալ է վերաբերվում: «Ամենայն հավանականությամբ մոտ ժամանակներս կպատվաստվեմ»,- ասաց երգիչը:

Երգիչ-երգահան, հայկական շոու բիզնեսում բազմաթիվ փոփ երգերի հեղինակ Ռիչարդ Մադլենյանն էլ ասաց, որ ժամանակի սղության պատճառով դեռ չի պատվաստվել, սակայն առաջիկայում անպայման պիտի պատվաստվի: Հարցին, թե ի՞նքն էլ մշակույթի որոշ գործիչների նման հյուրախաղերի կամ երկրից մեկնելու համար է պատվաստվում, ասաց, իհարկե՝ ո՛չ. «Առողջապահական ու մի շարք նկատառումներից ելնելով եմ առաջին հերթին պատվաստվելու»:

Իսկ ահա երգչուհի Սոնա Շահգելդյանը չի վստահում որեւէ տեսակի պատվաստանյութի: «Չեմ ուզում փնովել կամ վատ արտահայտվել առհասարակ, բայց չեմ վստահում: Ընտանիքիս անդամներն էլ չեն պատվաստվել: Անկեղծ ասած իմ ընկերական շրջապատում էլ շատ-շատ են այն մարդիկ, որոնք չեն վստահում ու չեն ուզում պատվաստվել»,-ասաց Շահգելդյանը: Հարցին, թե կորոնավիրուսով վարակվե՞լ է, ասաց, որ չի զգացել. «Գուցե վարակվել եմ, բայց գլխի չեմ ընկել: Ես բնույթով թեթեւ մարդ եմ, կորոնավիրուսին էլ սովորական գրիպի նման եմ վերաբերվում: Եթե այդպես նայենք, ամեն տարի հնարավոր է մի նոր վիրուս ի հայտ գա, պատկերացնում եք ինչ կլինի, եթե դրանց բոլորի դեմ սկսենք պայքարել»: Երգչուհու կարծիքով՝ կորոնավիրուսն էլ սովորական մնացած վիրուսների նման է եւ անհատական է, յուրաքանչյուր օրգանիզմ յուրովի է հաղթահարում ու դիմադրում:

ՀՀ վաստակավոր արտիստ, երգիչ Համլետ Գեւորգյանն էլ ասաց, որ ցանկություն ունի պատվաստվելու, սակայն չի պատկերացնում, թե որ պատվաստանյութով, քանի որ մտավախություն ունի, որ հետագայում կարող է առանձին երկրներ գնալու համար խնդրի առաջ կանգնի. «Մտածում էի ռուսականով պատվաստվել, բայց դա Եվրոպան չի ընդունում»: Երգիչը ենթադրում է, որ կորոնավիրուսով վարակվել է, որովհետեւ ունեցել է բոլոր այն ախտանշանները, որոնք սովորաբար ունենում են վարկվածները: «Բայց չեմ էլ ստուգվել, որովհետեւ առանձնակի ծանր չեմ տարել, խնդիր չի եղել»,-ասաց Գեւորգյանը:

Երգիչ Մավր Մկրտչյանն էլ դեռ չի պատվաստվել: «Չեմ եմ էլ պատրաստվում, եթե, իհարկե, էնպիսի վիճակ չստեղծվի, որ պարտադիր լինի դա»,- ասաց նա:

Հաղորդավար, հումորիստ, «Վիտամին ակումբ»-ից հայտնի Չարենցը՝ Կարեն Սահակյանը դեռեւս չի պատվաստվել: Հարցին, թե մտադի՞ր է առաջիկայում, ասաց. «Դեռ չեմ ուզում: Անկեղծ ասած այդ մասին չեմ էլ մտածել»:

Իսկ ինչ են մտածում թատերարվեստի ոլորտի գործիչները

Հովհաննես Թումանյանի անվան տիկնիկային թատրոնի տնօրեն Ռուբեն Բաբայանը, ինչպես ինքն է ասում, պատվաստվողների թվում առաջին ծիծեռնակն է եղել։ Պատվաստվել է մարտին: «Ապրիլին արդեն պատվաստանյութի երկրոդ չափաբաժինն եմ ստացել: Թե՛ պատվաստվելուց անմիջապես հետո, թե հիմա ինձ շատ լավ եմ զգում»,- ասաց Բաբայանը:

ՀՀ վաստաավոր արտիստ, դերասանուհի Ջուլիետա Ստեփանյանն ասաց, որ չի պատվաստվել ու ցանկություն չունի պատվաստվելու: Հարցին, թե ինչն է պատճառը ասաց. «Տարիքիցս ելնելով վախենում եմ, չեմ ուզում պատվաստվել, չգիտեմ օրգանիզմիս վրա ինչպես կանդրադառնա: Ասեմ, որ ես կորոնավիրուսով էլ եմ վարակվել, անգամ հիվանդանոց եմ պառկել, բայց փառք Աստծո, հաղթահարեցի»,- ասաց դերասանուհին:

Թատերական գործիչների միության նախագահ, Հակոբ Պարոնյանի անվան երաժշտական կոմեդիայի թատրոնի գեղարվեստական ղեկավար Հակոբ Ղազանչյանն էլ հայտնեց, որ ճիշտ է դեռ չի պատվաստվել, բայց անպայման մտադիր է:

ՀՀ արվեստի վաստակավոր գործիչ, «Հովեր» երգչախմբի հիմնադիր-ղեկավար, Երեւանի Կոմիտասի անվան պետական կոնսերվատորիայի ռեկտոր Սոնա Հովհաննիսյանն էլ դեռ չի պատվաստվել: «Ուղեւորություններ ունենք դեպի արտերկիր ու հարկադրված ենք պատվաստվելու: Նորմալ եմ վերաբերվում, դա եթե կարող է վիճակը նորմալացնել ու սեպտեմբերին էլ մեր դասընթացները չխաթարվեն»,-ասաց նա:

Իսկ ահա ՀՀ ժողովրդական արտիստ, ռեժիսոր, բեմադրիչ Նիկոլայ Ծատուրյանն էլ կտրականապես դեմ է պատվաստումներին: «Հայկական ժամանակի» հետ զրույցում Ծատուրյանն ասաց, որ չի վստահում որեւէ տեսակի պատվաստանյութի:

Երեւանի Հրաչյա Ղափլանյանի անվան դրամատիկական թատրոնի դերասանուհի Լուսինե Վարդանյանն էլ ասաց, որ չի պատվաստվել, քանի որ վախենում է հակառակ ռեակցիայից: «Ամեն օրգանիզմ չէ, որ ընդունում է պատվաստանյութը, կարծում՝ եմ դեռ ժամանակ է պետք այն փորձարկելու եւ վստահ լինելու համար, որ արժե ընդունել: Ինչ խոսք՝ նաեւ չպատվաստվելու դեպքում եմ վախենում անդառնալի հետեւանքներից, բայց դեռ գերադասում եմ չպատվաստվել»,- ասաց դերասանուհին:

Դերասանուհի, հեռուստահաղորդավարուհի Անուշիկ Առաքելյանն էլ ասաց, որ չի պատրաստվում պատվաստվել, առավելեւս որ արդեն վարակվել ու լավացել է:

Խորեգորաֆ Ռիմա Պիպոյանը եւս ի պատասխան մեր հարցի ասաց. « Դեռ չեմ պատրաստվում պատվաստվել, բայց ապագայում միգուցե ճարահատյալ պատվաստվեմ»: Հարցին, թե ինքն էլ դեռ չի վստահում, Պիպոյանն ասաց. «Չվստահելու հարց չէ: Նախ պատվաստանյութը պետք է մինիմում մի քանի տարի փորձաշրջան անցնի, որ լիովին հաստատվի արդյունավետությունը։ Իսկ ինչ վերբերում է կորոնավիրուսի վարակին, ապա հիվանդությունը կա, ու ամեն դեպքում պետք է զգույշ լինել»։

Հ.Գ. Մեր հարցվածների թվում եղան նաեւ շոու բիզնեսի եւ մշակույթի ոլորտի մի շարք ներկայացուցիչներ, ովքեր հրաժարվեցին այս թեմայի վերաբերյալ խոսել:

Տպել
2101 դիտում

Գորիսի համայնքապետի «Քաղաքացիական պայմանագիր» կուսակցության թեկնածու Վլադիմիր Աբունցը ուղերձով դիմել է գորիսեցիներին

Տավուշի մարզպետ Հայկ Ղալումյանն ընդունել է ՀՀ-ում Ճապոնիայի արտակարգ և լիազոր դեսպան Մասանորի Ֆուկուշիմային

Արմավիրում մեկնարկել են 3 փողոցների ասֆալտապատման աշխատանքները

Արարատ Միրզոյանը ՄԱԿ-ի նախարարական հանդիպմանը կոչ է արել ուժեղացնել ճնշումն Ադրբեջանի վրա, նաև աջակցել ԵԱՀԿ ՄԽ ջանքերին

Հրդեհ է բռնկվել Գետափ գյուղում

Արարատ Միրզոյանը հանդիպում է ունեցել Ֆինլանդիայի ԱԳ նախարար Պեեկա Հաավիստո Օլավիի հետ

Ալցհայմերի հիվանդություն ունեցողի խնամատարի ուղեցույց է մշակվել․ ուսուցողական նյութերը կտարածվեն բուժհաստատություններում

Ռումբի բեկորներից քանդակներ, թիթեռներից կոմպոզիցիաներ. կայացել է վիրավոր զինվորների ձեռքով պատրաստված իրերի ցուցահանդեսը

Ալեն Սիմոնյանն ընդունել է Հայաստանում ՄԱԿ-ի մշտական համակարգող Շոմբի Շարփի գլխավորած պատվիրակությանը

Մի խումբ անձինք ոստիկանության բաժիններում հանձնել են հրազեն ու ռազմամթերք (տեսանյութ)

Լևոն Տեր-Պետրոսյանն իր առանձնատանը հյուրընկալել է Ղրղզստանի Հանրապետության նախկին նախագահ Ասկար Ակաևին

Սեպտեմբերի 23-ի դրությամբ Գեղարքունիքի մարզում պատվաստվել է 29 133 քաղաքացի

ՀՀ անկախության տոնի առթիվ ԱԺ նախագահ Ալեն Սիմոնյանին շնորհավորել է Մոլդովայի խորհրդարանի նախագահ Իգոր Գրոսուն

ԱԳ նախարար Արարատ Միրզոյանը հանդիպել է Եվրոպայի Խորհրդի Գլխավոր քարտուղար Մարիա Պեյչինովիչ Բուրիչի հետ

Վարչապետը շնորհավորական ուղերձ է հղել Տանն Կիլիկիո կաթողիկե Հայոց կաթողիկոս պատրիարքին

Նիգերիայի նորանշանակ դեսպանը իր հավատարմագրերի պատճենն է հանձնել ՀՀ ԱԳ նախարարի տեղակալին

Հիմնանորոգվում է Արթիկ-Անուշավան-Փանիկ ավտոճանապարհը

Վարչապետը հանձնարարել է շահագրգիռ պետական կառույցներին ապահովել հոկտեմբերի 1-ից ուժի մեջ մտնող հրամանի կիրարկումը

Մրցակցության պաշտպանության հանձնաժողովի նախագահ Գեղամ Գևորգյանն ընդունել է Արցախի իր գործընկեր Գևորգ Գրիգորյանին

Մարտի 1-ից 13 տարի անց ՍԴ-ն հակասահմանադրական է ճանաչում 300,1 հոդվածը, ՄԻԵԴ-ն էլ՝ արձանագրել խախտումներ

Ջերմուկի ճանապարհին մեքենան ձորն է գլորվել. 38-ամյա վարորդը մահացել է

Առաջին անգամ Հայաստանում իրականացվել է նոր կորոնավիրուսի 12 ամբողջական գենոմի վերծանում

Տեխնոլոգիական ոլորտի հայրենադարձներն աշխատանքով կապահովվեն

Արդարադատության փոխնախարար Քրիստիննե Գրիգորյանն ընդունել է շվեդական Ազգային դատարանների վարչության պատվիրակությանը

UCOM-ում գործում է «մատչելին՝ զեղչով» առաջարկը

Ղազախստանում կայացել է եռակողմ հանդիպում Հայաստանի, Ռուսաստանի և Ադրբեջանի գլխավոր դատախազների միջև

Արտաշես Խալաթյանը նշանակվել է ՔԿԱԳ պետ

Մալաթիա-Սեբաստիայում հայտնաբերվել է հակահամաճարակային կանոնների խախտման 16 դեպք

Վարանդայից հայտնաբերվել է ևս մեկ զինծառայողի աճյուն

Հատուկ նշանակության ստորաբաժանումների զորավարժությունները շարունակվում են (լուսանկարներ)

Ստեփանակերտում բնակելի առանձնատուն է այրվել (լուսանկարներ)

Մայրաքաղաքի «Երեւան» ձուլվածքով նստարանների մեծ մասը կոտրված են, որոշներն արդեն պիտանի չեն նստելու համար

Ալեն Սիմոնյանն առաջիկայում պաշտոնական այցով կմեկնի Ռուսասաստան․ ԱԺ նախագահն ընդունել է դեսպան Սերգեյ Կոպիրկինին

Հայ խաղաղապահները Կոսովոյում նշել են Անկախության օրը (լուսանկարներ)

Զրո հանդուրժողականություն բոլոր ապօրինությունների նկատմամբ․ Կարեն Անդրեասյանը ներկայացրել է ՔԿ ծառայության նոր պետին

Զորամասերի պատասխանատուների հավաք-խորհրդակցություն է անցկացվել

Գազալցակայաններում իրավունք չեն ունենա լիցքավորել Էլեկտրոնային շտեմարանում չգրանցված մեքենաներին. որքան է տուգանքի չափը

Արտաշես Խալաթյանն ազատվել է վարչապետի աշխատակազմի հանրային խորհրդի քարտուղարության պետի պաշտոնից

Համոզված եմ, որ Ուզբեկստան-Հայաստան փոխշահավետ համագործակցությունը կշարունակի զարգանալ. Շավքաթ Միրզիյոևի ուղերձը

Խախտվել են պահպանվող բնական օբյեկտների պահպանության կանոնները. տեսչական մարմինը հաշվետվություն է ներկայացրել