Ովքեր են Դիլիջանի համայնքապետի թեկնածուները եւ ինչ կենսագրություն ունեն նրանք

Սույն թվականի հոկտեմբերի 17-ին մի շարք համայնքներում տեղի են ունենալու ՏԻՄ ընտրություններ, որոնցից մեկը Տավուշի մարզի Դիլիջան քաղաքն է:

Դիլիջանի ՏԻՄ ընտրություններին մասնակցում է 5 քաղաքական ուժ՝ «Ապրելու երկիր», «Քաղաքացիական պայմանագիր», «Հայրենիք», «Հանրապետություն» և «Քաղաքացու որոշում» կուսակցությունները:

Դիլիջանի ՏԻՄ ընտրություններին առաջադրված միակ կին թեկնածուն Արմինե Հովհաննիսյանն է, որը «Ապրելու երկիր» կուսակցությունն է ներկայացնում:

Հովհաննիսյանն ավարտել է Երևանի կառավարման և ինֆորմացիոն տեխնոլոգիաների համալսարանի տեղեկատվական համակարգեր բաժինը:

Աշխատանքային գործունեությունը

2006-2008թթ. - «Գալիք» կրթարան՝ փոխտնօրեն:

2008-2015թթ. - «ԱՄՆ Խաղաղության կորպուս»՝ հայերենի դասուսույց

2009-2014թթ. - «Ռենկո Արմէստեյտ» ՍՊԸ ՄՌ մասնագետ

2014-2015թթ. - Դիլիջանի զարգացման հիմնադրամ գրասենյակի ղեկավար

2014-2016թթ. - Կանանց նախաձեռնող խմբի հիմնադիր

2016-2020թթ. - «Արմմատ» սոցիալական ձեռնարկատիրության համահիմնադիր

2015-2020թթ. - «Դիլիջանի համայնքային կենտրոն» ծրագրի համայնքային կապերի ավագ կառավարիչ

2020 - Լիտվայի Հանրապետության դեսպանատան «Հզորացնելով գյուղական համայնքները» ծրագրի ղեկավար

2020 թվականից մինչ օրս՝ Դիլիջանի սոցիալական համագործակցության աշխատանքները համակարգող խորհրդի անդամ

2020 թվականից մինչ օրս՝ «Դիլիջանի համայնքային կենտրոն» ՀԿ-ի նախագահ

ՔՊ-ի թեկնածուն Դիլիջանի քաղաքապետի պաշտոնակատար Դավիթ Սարգսյանն է:

Սարգսյանը ծնվել է 1984 թվականի մայիսի 26-ին, Դիլիջան քաղաքում: 2002-2004թթ. ծառայել է ՀՀ զինված ուժերում:

2001-2006 թթ. ընդունվել և ավարտել է Դիլիջանի պետական քոլեջը, ստացել տնտեսագետի և հաշվապահական հաշվառման մասնագետի որակավորում: Հեռակա կարգով ընդունվել է Եվրոպական համալսարանի տնտեսագիտություն և կառավարում ֆակուլտետը:

Զբաղվել է անհատ ձեռնարկատիրությամբ:

2016թ. ընտրվել է Դիլիջան համայնքի ավագանու անդամ:

Ամուսնացած է, ունի երկու զավակ:

«Հայրենիք» կուսակցության թեկնածուն Արմեն Օրդինյանն է:

Օրդինյանը ծնվել է 1966թ.-ի նոյեմբերի 30-ին, Իջեւանի շրջանի գյուղ Ենոքավանում:

Ավարտել է Պենզայի բարձրագույն զինվորական հրետանային ուսումնարանը

Աշխատանքային գործունեություն

1989-1989թթ. շտաբի պետի օգնական

1989-1990թթ. դասակի հրամանատար

1990-1991թթ. Նոյեմբերյանի զինկոմի օգնական

1991-1993թթ. Դիլիջանի զինկոմի տեղակալ

1993-1998թթ. Դիլիջանի զինկոմ

1998-1999թթ. Իջևանի զինկոմի տեղակալ

1999-2001թթ. Ճամբարակի զինկոմ

2001-2003թթ. կադրերի տրամադրության տակ

2003-2006թթ. գնդի ավտոծառայության պետ

2006թ.-ից անցել է թոշակի:

«Հանրապետություն» կուսակցության թեկնածուն Արմեն Ուլիխանյանն է:

Ուլիխանյանը ծնվել է 1957 թվականին: 1992-2015 թվականներին աշխատել է որպես զինկոմ Կոտայքում, Երևանի Կենտրոն և Արաբկիր վարչական շրջաններում: Այժմ պահեստազորի սպա է:

«Քաղաքացու որոշում» կուսակցության թեկնածուն Արա Մարտիրոսյանն է: Մարտիրոսյանը ծնվել է 1971թ. հունիսի 13-ին

1988-1993 թվականներին սովորել է Երևանի ժողովրդական տնտեսության ինստիտուտում:

Աշխատանքային գործունեություն

1993 թվականին եղել ՀՀ կենսաթոշակային և զբաղվածության ֆոնդի Դիլիջանի բաժնի 1-ին կարգի մասնագետ

1993-1995 թթ. - ՀՀ կենսաթոշակային և զբաղվածության ֆոնդի Դիլիջանի բաժնի գլխավոր մասնագետ

1995-1996 թթ. - ՀՀ կենսաթոշակային և զբաղվածության ֆոնդի Դիլիջանի բաժնի բաժանմունքի պետի պաշտոնակատար

1996-1997 թթ. - ՀՀ կենսաթոշակային և զբաղվածության ֆոնդի Դիլիջանի բաժանմունքի պետ

1997-2000թթ. - Դիլիջանի կենսաթոշակային ապահովության տարածքային կենտրոնի տնօրեն

2000-2002թթ. - Դիլիջանի կենսաթոշակային ապահովության տարածքային կենտրոնի տնօրենի տեղակալ-բաժնի պետ

2002-2004թթ. - Դիլիջանի կենսաթոշակային ապահովության տարածքային կենտրոնի տնօրեն

2005-2019թթ. - Դիլիջանի համայնքապետարանի աշխատակազմի քարտուղար, /ՀԾ առաջին դասի խորհրդականի դասային աստիճան/

2019-2021թթ. - Դիլիջան համայնքի ղեկավարի տեղակալ

Ամուսնացած է, ունի երկու որդի: