Երբ հայտարարեցին անունս, մտքումս ասացի՝ ես արեցի դա. «Միսս Տիեզերք Արմենիա 2021»-ի հաղթող

Սեպտեմբերի 22-ին Հայաստանում կայացավ «Միսս Տիեզերք Արմենիա 2021» գեղեցկության մրցույթը, որի հաղթող ճանաչվեց 24-ամյա Նանե Ավետիսյանը։ Նանեն ծնվել, մեծացել է Երևանում: Մասնագիտությամբ իրավաբան է, ավարտել է Հայաստանում ֆրանսիական համալսարանը և ունի նաև Ֆրանսիայի Ժան Մուլեն 3-րդ համալսարանի դիպլոմ: Հասցրել է անցնել կայացման իր ճանապարհն ու այժմ էլ աշխատում է «Թովմասյան» միջազգային հիմնադրամում՝ որպես գործառնությունների տնօրեն:

Նանեն Հայաստանը ներկայացնելու է «Միսս Տիեզերք» հեղինակավոր մրցույթում, որը տեղի կունենա Իսրայելում։

«Միսս Տիեզերք Արմենիա 2021»-ի հաղթող Նանե Ավետիսյանի հետ «Հայկական Ժամանակը» խոսել է մրցույթին մասնակցելու, հաղթանակի հասնելու և այլ երազանքների մասին:

- Նանե, նախ կպատմե՞ք Ձեր մասին:

- Աշխատել սկսել եմ դեռ 13 տարեկանից և ամենատարբեր բնագավառներում: Համալսարանը ավարտելուց հետո չնայած նրան, որ ունեի իրավաբանական կրթություն, աշխատել եմ՝ որպես պրոդուկտի մարկետինգ մենեջեր: Բայց միշտ ունեի այն համոզմունքը, որ ես մասնավոր ոլորտի համար չեմ, որ պիտի իմ փորձն ու գիտելիքներն օգտագործեմ մարդկանց և երկրիս օգնելու համար: Համալսարանը ավարտելուց հետո նաև կամավորական հիմքերով իրավունքի հիմունքներ էի դասավանդում այն դպրոցում, որտեղ սովորել էի, ու հասկացա, որ միայն դասավանդելը քիչ է. ավելի մեծ ոլորտ է պետք՝ մեր պետությանն առավելագույն օգուտ տալու համար: Հատկապես պատերազմից հետո այլևս պետք չէր ժամանակ կորցնել. զանգահարել եմ տարբեր ընկերությունների ու փորձել աշխատանք գտնել: Գտա աշխատանք Թովմասյան միջազգային հիմնադրամում, որի գործունեության ոլորտն ինձ շատ հոգեհարազատ էր՝ սպորտ, մշակույթ ու գիտություն: Դրանք այն երեք ոլորտներն էին, որոնք ինձ միշտ հուզել են: Համոզված եմ, որ պետության զարգացման հիմքում առավելապես ընկած է կրթության և մշակույթի զարգացումը:

Չնայած նրան, որ գրեթե բոլորը միաբերան պնդում էին՝ այդ հաստիքը ստանալու համար ազդեցիկ կապեր և ծանոթություններ են պետք, որ «Հայաստանում ամեն բան ծանոթով է», ես ստացա այդ աշխատանքը, որն այժմ ինձ համար ոչ միայն գործ է, այլև կենսակերպ:

- Ինչպե՞ս որոշեցիք մասնակցել մրցույթին. աջակցում էին Ձեզ Ձեր հարազատները:

- Դեռ մանկուց մեծ հիացմունքով և կլոր աչքերով հետևում էի միջազգային ցուցադրություններին: Երազում էի, որ ես էլ մի օր կլինեմ մոդել, բայց միշտ առաջնահերթությունը տալիս էի կրթությանը և բազմակողմանի զարգացվածությանը: Համալսարանը ավարտելուց հետո որոշեցի գրանցվել մրցույթի համար, բայց քովիդը հայտնվեց, և մրցույթը այդ տարի չանցկացրին: Արդեն այս տարի ինձ զանգահարեցին ու ասացին, որ կարող եմ գնալ մրցույթի քասթինգին: Վստահ էի, որ քասթինգը կանցնեմ, բայց չէի մտածում, որ կհաղթեմ: Անգամ մի պահ կար՝ այնքան էի հուզվել, որ ցանկանում էի մրցույթի կեսից հրաժարվել և դուրս գալ, բայց որոշեցի՝ սկսել եմ, պետք է գնամ մինչև վերջ՝ առանց վախենալու, առանց մտածելու: Ես պայքարող եմ ու շատ եմ սիրում դժվարություններ, որոշեցի, որ սա էլ է դժվարություն ու պետք է հաղթահարեմ: Մրցույթի ընթացքում մենք երեք օր անցկացրինք Ծաղկաձորում, ու այդ ընթացքում աղջիկներն ինձ հաճախ ասում էին՝ դու ես հաղթելու: Միջավայրն այնպես էր, որ յուրաքանչյուրս բացահայտել էինք իրար, ու մենք պայքարում էին ոչ թե առաջին տեղի համար, այլ յուրաքանչյուրս մեր երազանքի համար: Իսկ իմ երազանքը ոչ թե մրցույթում հաղթելն էր, այլև ասելիքս առավել մեծ լսարանին հասցնելը: Աջակցություն միշտ ստացել եմ ընկերներիցս, հարազատներիցս, բոլորն ասում էին՝ դու ես հաղթելու, քաջալերում էին:

- Միջավայրը նոր էր, և Դուք էլ առաջին անգամ էիք բեմում, ի՞նչ զգացողություններ ունեիք:

- Սկզբում տեսախցիկներից շատ էի լարվում, չէի հավանում իմ լուսանկարները, որովհետև նոր էր այդ ամեն ինչը, ու ես չգիտեի՝ ինչպես պետք է ճիշտ աշխատել տեսախցիկների հետ: Անսովոր էր, կաշկանդող: Լինում էին օրեր, որ տեսախցիկները նկարահանում էին մեզ, և ես զգում էի, որ հոգնել եմ, ոչ թե մեր առօրյայից, այլ որ չորս կողմից շարունակ նկարահանումներ էին: Բայց հետո հարմարվեցի նոր միջավայրին: Ինձ թվում է՝ այս կյանքում ամեն ինչը որոշում ընդունելու հիման վրա է, ու որոշեցի, որ այլևս չհուզվեմ, չանհանգստանամ, թե ինչպես եմ դուրս գալիս կադրում, սկեսցի վայելել ընթացքը: Առաջին անգամ բեմում, իհարկե, լարվածություն, հուզմունք ես զգում: Երբ որ մրցույթ է, հավաքված մարդիկ քեզ չեն ճանաչում, առաջինը քո քայլվածքով պետք է մարդկանց տպավորես: Դու ունես մի քանի վայրկյան, և քեզ պետք է ներկայացնես լավագույն ձևով:

MyCollages - 2021-09-24T153823.952.jpg (107 KB)

- Երբ իմացաք, որ հաղթել եք, ի՞նչ զգացիք: Սպասո՞ւմ էիք, որ կլսեք Ձեր անունը՝ որպես «Միսս Տիեզերք Արմենիա 2021»:

- Այդ օրը շատ լարված էի, րոպեններն էի հաշվում՝ երբ է միջոցառումը սկսվելու, որովհետև երբ սկսվեց, ամեն ինչ շատ ավելի հանգիստ էր, բայց ուզում էի՝ շուտ ավարտվեր: Հիշում ես անցած ուղին, հետո լարված սպասում ես, որ քո անունը լսես, քեզ հայատարեն: Այդ ընթացքը ժամեր էր թվում: Երբ հայտարարեցին իմ անունը, մտքումս ասացի՝ ես արեցի դա: Կարծում եմ՝ ես չհաղթեցի, որովհետև ամենագեղեցիկն էի, այլ մրցույթում հաղթեցին համապարփակ մարդկային հատկությունները, այսինքն՝ կրթությունը, խոսելու ընդունակությունը, համարձակությունը, ինքնավստահությունը: Մարդիկ մտածում են՝ եթե գեղեկցության մրցույթ է, ուրեմն արտաքնապես գեղեցիկը պետք է հաղթի, և գեղեցկության մրցույթներում ուրիշ բան փնտրելը անիմաստ է, բայց այդպես չէ: Կյանքի ամեն պարագայում՝ լինի դա մրցույթ, աշխատանքի համար հարցազրույց կամ ինչ-որ այլ իրավիճակ, հաղթելու է ունակությունների կոմպլեկտը:

- Հիմա ո՞րն է Ձեզ համար ավելի հոգեհարազատ՝ մոդելային գործունեությո՞ւնը, թե՞ այն աշխատանքը, որով զբաղվում եք:

- Երկուսն էլ շատ հոգեհարազատ են, երկուսն էլ իմ կենսակերպն են: Ես ընտրություն չեմ կարող անել, ուղղակի իմ կենսակերպը մի նոր ոճով զարդարվեց: Տարանջատումներ չեմ անում: Այնպես չէ, որ հաղթել եմ, ես արդեն «Միսս Տիեզերք Արմենիա 2021»-ն եմ, իմ կյանքում ամեն ինչ փոխվեց ու վերջ: Չկա նման բան: Նույն կերպով շարունակում եմ աշխատանքս, հանդիպումներս, միայն թե հիմա այդ ամենին զուգահեռ պետք է նաև պատրաստվել մրցույթի միջազգային փուլին:

242938774_536342177658547_8192600906201279264_n.jpg (195 KB)

- Ապագայում Հայաստանը կներկայացնեք «Միսս Տիեզերք» հեղինակավոր մրցույթում։ Սա մեծ պատասխանատվությո՞ւն է Ձեզ համար:

- Առաջին հերթին պատիվ եմ զգում ներկայացնելու իմ երկիրը: Դեռ փոքրուց երազում էի լինել ինչ-որ մեկը, որը կկարողանա ներկայացնել իր երկիրը: Նպատակադրված ուզում էի դառնալ Ֆրանսիայում Հայաստանի դեսպանը, չէի մտածում որ այսպիսի հնարավորություն էլ կընձեռվի: Ուզում եմ մարդկանց պատմել իմ փոքր երկրի մասին, որը ժամանակին եղել է շատ ավելի մեծ, քան հիմա է: Ցանկանում եմ պատմել, թե ինչ վիճակում է իմ երկիրը, ցույց տալ իմ ժողովրդի ուժն ու կամքը, որը մեր գենետիկ կոդն է և ուրիշ այլ երկիր չի կարող ունենալ: Ուզում եմ խոսել իմ երկրի մասին, իմ երկրի մարդկանց մասին, հայի տեսակի մասին: Իհարկե, մեծ պատասխանատվություն է ներկայացնել իմ երկիրը միջազգային հեղինակավոր մրցույթում, բայց ես այդ պատասխանատվությունից չեմ վախենում, ընդհակառակը, պատրաստ եմ ամեն բան անել իմ փոքր երկիրը լավագույնս ներկայացնելու համար: Փոքր, բայց շատ մեծ ապագա ունեցող երկիրս:

Մերի Խաչատրյան

Տպել
6424 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում