Ինչ անում է իշխող ուժը, բնական է, ընթացք է, որից նեղանալ պետք չէ. Բաբայանը՝ քաղաքապետին անվստահություն հայտնելու մասին

Նախորդ շաբաթ հայտնի դարձավ, որ Երեւանի ավագանու «Իմ քայլը» խմբակցությունը մուտքագրել է Երեւանի քաղաքապետին անվստահություն հայտնելու նախագիծը, որը կքննարկվի դեկտեմբերի 22-ին հրավիրված ավագանու արտահերթ նիստի ժամանակ:

Թեմայի վերաբերյալ «Հայկական ժամանակ»-ը զրուցել է ռեժիսոր, Երեւանի պետական տիկնիկային թատրոնի ղեկավար, ՀՀ արվեստի վաստակավոր գործիչ Ռուբեն Բաբայանի հետ:

- Պարոն Բաբայան, նախորդ շաբաթվանից ակտիվ քննարկվում է Երեւանի քաղաքապետի շուրջ ստեղծված իրավիճակը: Ավագանու «Իմ քայլը» դաշինքի անդամները, որոնք պատրաստվում են անվստահություն հայտնել Մարությանին, ներկայացրել են մի շարք պատճառներ՝ հիմքում դնելով Երեւանի ավագանու անդամներ եւ քաղաքապետ կապի բոլորովին խզումը, որն էլ, նրանց կարծիքով, անհամատեղելի է դարձնում քաղաքային իշխանության արդյունավետ աշխատանքը: Ինչ եք կարծում՝ քաղաքապետի եւ ավագանու անդամների խզված հարաբերությունները կարո՞ղ են պատճառ դառնալ քաղաքի կառավարման ճգնաժամի:

- Կարծում եմ՝ մենք քաղաքական ճգնաժամի հետ գործ չունենք, բայց մտածելու շատ բան ունենք, ինչը կապված է վերջին ՏԻՄ ընտրությունների հետ: Եթե մենք լուրջ վերլուծենք մեր հասարակության վերաբերմունքը ՏԻՄ ընտրություններին, ապա պիտի հասկանանք, որ մեզ մոտ այդ ընտրությունները բացարձակապես չեն քաղաքականացվում: Հանրությունը շատ անտարբեր է, թե որ կուսակցությունից է ներկայացուցիչը, կամ ով է հաղթում. սա հետագայում պիտի հաշվի առնել: Շատ ճիշտ կլինի, որ համակարգը փոխվի, կուսակցական ցուցակներով չընտրվեն ավագանու անդամները: Սա հասարակական գործունեություն է, չվարձատրվող: Բազմաթիվ լավ մարդիկ, Երեւանին նվիրյալ մասնագետներ կան, որոնք հաստատ շատ օգտակար կլինեին Երեւանի քաղաքապետարանում, բայց քանի որ չեն ուզում մտնել որեւէ կուսակցության մեջ, նրանք այդ ավագանու կազմից դուրս են մնում: Քաղաքապետ-ավագանի աշխատանքի եւ համագործակցության մասին ես չեմ կարող գնահատական տալ, դա իրենք պիտի ասեն: Ամեն դեպքում, այս գործընթացներից էլ մեծ ողբերգություն պետք չէ սարքել:

- Նկատի ունեք այն, որ Հայկ Մարությանն ուզում է զբաղեցնել քաղաքական պաշտոն, բայց չզբաղվե՞լ քաղաքականությամբ:

- Կա մի պարզ ճշմարտություն, եթե դու մտնում ես քաղաքականություն որեւէ կուսակցության միջոցով, առավել եւս՝ դառնում տվյալ կուսակցության անդամ, ապա պիտի հստակ հասկանաս, որ մտնում ես մեծ պատասխանատվության տակ, միեւնույն ժամանակ որոշակի սահմանափակումների մեջ ես հայտնվում: Այն, ինչ այսօր անում է իշխող ուժը, բնական է, սա մի ընթացք է, որից նեղանալ պետք չէ: Իմ օրինակով կասեմ՝ երեւի վերջին 20 տարվա ընթացքում այդպիսի կուսակցություն չեղավ, որ ինձ չառաջարկեր իրենց անդամակցել՝ պատգամավորության մանդատի կամ ավագանու անդամ լինելու համար: Ես բոլորին մերժել եմ, ոչ թե նրա համար, որ չեմ համակրել տվյալ կուսակցությանը, այլ որովհետեւ համարել եմ, որ դա սահմանափակելու է իմ ազատությունը:

- Պատերազմից հետո՝ շուրջ մեկ տարի է՝ քաղաքապետը չի մասնակցում համապետական նշանակության միջոցառումներին: Ըստ Ձեզ՝ պետական գործչի պարագայում սա արդյո՞ք արդարացված մոտեցում է:

- Պիտի նշեմ, որ նույնիսկ, եթե քաղաքապետը լիներ ընդդիմադիր կուսակցությունից, (շատ երկրներում քաղաքապետն իշխող կուսակցության անդամ չէ, եւ դա նորմալ է), կան որոշակի նորմեր, որ պարտավոր է պահել: Ինչպես պաշտոնյային հատուկ դրեսկոդն ու կեցվածքն է, այդպես էլ քաղաքական գործունեություն ծավալող անձանց վարքը պիտի լինի: Պաշտոնյաները կարող են լինել շատ վատ անձնական հարաբերություններում, բայց մենք պիտի դրա մասին չիմանանք, մենք պետք է տեսնենք պետության ամուր դեմք, իսկ տվյալ պարագայում պետության դեմքն իրենք են: Պետության ամրության գրավականն այն է, որ միեւնույն քաղաքական տեսակետ չունեցող պաշտոնատար անձինք հարգում են միմյանց տեսակետները, գործում են ի շահ պետության եւ վարում այնպես, ինչպես պահանջում է քաղաքակրթություն ունեցող պետությունը:

- Պարոն Բաբայան, քաղաքապետն արված աշխատանքները ներկայացնելիս պարտադիր ընդգծում է, որ դրանք արվել են քաղաքի միջոցներով, այսինքն՝ դրանով ցույց տալով, որ իր աշխատանքն է: Իշխող ուժի անդամներն էլ ասում են, որ քաղաքապետի այդ քայլը միտում ունի ստվերելու այն օժանդակությունը, որը Երեւան քաղաքին ցուցաբերում է ՀՀ կառավարությունը: 

- Սա մի պետություն է, սա մի քաղաք է: Եթե լավ գործ է արվում, դա բոլորիս է վերաբերում, եթե վատ է գնում, բոլորս ենք մեղավոր: Երկրում չի կարող լինել օտարի մոտեցում, որը ցավոք, այսօր շատ-շատ է: Մարդիկ կան, որ նույնիսկ ուրախանում են անհաջողությունների վրա եւ, հակառակը, տխրում հաջողություններից: «Մանկական Եվրատեսիլ»-ը վառ օրինակ էր. մեր ներկայացուցիչը՝ 14 տարեկան երեխան, հաջողության է հասել, փոխանակ ուրախանան, ոգեշնչեն, անհարկի մեկնաբանություններ են անում: Վերցնել ու վերագրել, թե սա ես արեցի, դու արեցիր, կներեք շատ գավառական մոտեցում է:

- Որոշները պնդում են, որ քաղաքապետի փոփոխությունը կարող է քաղաքի կառավարման գործում առաջացնել ճգնաժամ: Դուք ունե՞ք նման մտահոգություն:

- Կարծում եմ՝ լավ կառավարումն այն է, որ քեզնից հետո ճգնաժամ չի առաջանում: Մենք պետք է այնպիսի մեխանիզմներ, կառավարման մոդելներ ստեղծենք, որ անհատից շատ բան կախված չլինի, իսկ նրա հեռանալուց հետո որեւէ պարագայում ճգնաժամ չառաջանա: Մենք շատ ենք անհատականացնում մեր համընդհանուր խնդիրները եւ, ցավոք սրտի, անձնականացնում ամեն ինչ: Բայց եկեք չմոռանանք մի պարզ ճշմարտության մասին՝ անփոխարինելի մարդիկ չկան: Ինչքան սահուն ես հանձնում իշխանությունը, (ոչ թե սթրեսներով, որին մենք սովոր ենք), այդքան դա խոսում է այն մասին, որ կարողացել ես ստեղծել կառավարման ճիշտ մոդել: Պաշտոնյան հաջողակ է, եթե նա կարողանում է որոշակի ժամկետում իր կառավարած կառույցը դարձնել այնպիսին, որ այն ինքնաբերաբար ու համակարգված աշխատի, մեկ անձից կախված չլինի:

Տպել
1085 դիտում

Փաշինյանն ու Ղարիբաշվիլին ներկա են եղել հայ-վրացական Բարեկամության կամրջի գործարկման պաշտոնական միջոցառմանը (տեսանյութ)

Ակնկալում ենք, որ իրավապահ մարմինները կհայտնաբերեն մեղավորներին. Սուքասիանների ընտանիքը հայտարարություն է տարածել

Անցկացվել է «Խաղաղության մարտիկ» մրցույթի «Էրուդիտ» մրցաձևը

«Սուրմալուում» տեղի ունեցած ողբերգական իրադարձություններով պայմանավորված՝ ԱԻ նախարարի այցը Ռուսաստան չեղարկվել է

Նախաձեռնվել է քրեական վարույթ՝ սպանության և հրազեն ապօրինի ձեռք բերելու, պահելու, փոխադրելու, հատկանիշներով (տեսանյութ)

ՀՌՀ-ն պարզաբանում է հանրային մուլտիպլեքսում գործող հինգ ծրագրի եթերազրկման պատճառները

Հայ-վրացական սահմանին տեղի է ունեցել Նիկոլ Փաշինյանի և Իրակլի Ղարիբաշվիլիի առանձնազրույցը (լուսանկարներ)

Արդարադատության փոխնախարարն այցելել է «Աբովյան» ՔԿՀ, որտեղ ընթանում են վերանորոգման աշխատանքներ

Վարչապետը ծանոթացել է Բագրատաշենի մաքսակետի գործունեությանն ու նախատեսվող բարեփոխումներին

Ներկայիս բարդագույն մարտահրավերների պայմաններում ակնառու աճ է արձանագրվել հայ-վրացական հարաբերություններում. Փաշինյան

Քննարկվում է «Սուրմալուի» պայթյունից զոհվածների ընտանիքներին եւ տուժածներին աջակցության տրամադրելու հարցը

Իսակովի պողոտայի բնակարաններից մեկում տեղի է ունեցել գազի բալոնից արտահոսք՝ հրդեհի բռնկմամբ

Տրակտորավարն ընկել է տրակտորի տակ ու մահացել

Քննարկվել է Սևանա լճում կողակ ձկնատեսակի վերականգնման գործընթացը

Օգոստոսի 1-12-ը իրականացված ԲԸՏՄ ստուգումների արդյունքում արձանագրվել է 32 դեպք

Վրաստանում 3,6 մագնիտուդով երկրաշարժ Է տեղի ունեցել

Մենք հրաժարվել ենք անբավարար գնահատման շեմից. Ժաննա Անդրեասյան

Գնել Սանոսյանը ծանոթացել է Տաթև-Լծեն և Լծեն-Շամբ ճանապարհահատվածների շինարարության ընթացքին

Տավուշում արձանագրվել է շան կատաղություն հիվանդության դեպք. գյուղացիներից մեկի շունը կծել է մեկ այլ համագյուղացու

Հանրապետությունում օդի ջերմաստիճանն աստիճանաբար կնվազի 2-3 աստիճանով

Այսուհետ IDBank-ի միջոցով վճարելիս Հարկադիր կատարումն ապահովող ծառայության ապաարգելադրումը կկատարվի ավտոմատ

Հայաստանի ու Վրաստանի վարչապետները այսօր կհանդիպեն հայ-վրացական սահմանին

«Երևանի օրեր՝ Գյումրիում» միջոցառումը տեղափոխվում է սեպտեմբերի 2-ին և 3-ին

Ազատ ոճային ըմբիշները 1 արծաթե և 1 բրոնզե մեդալ են նվաճել Մ20 տարեկանների աշխարհի առաջնությունում

Բարդ է անհետ կորածի մարմինը հայտնաբերելը, նա պատահարի էպիկենտրոնում է եղել. ՓԾ տնօրեն

Տիգրան Մեծ փողոցում գտնվող հանրային սննդի օբյեկտի գործունեությունը կասեցվել է

«Սուրմալու» առևտրի կենտրոնում որոնողական աշխատանքները շարունակվում են. անհետ կորած է համարվում երկու քաղաքացի

ՌԴ ԱԻ նախարարը ցավակցություն է հայտնել Երևանին «Սումալու» առևտրի կենտրոնում տեղի ունեցած պայթյունի կապակցությամբ

Հայաստանի և Արգենտինայի արտաքին գերատեսչությունների միջև քաղաքական խորհրդակցությունների հերթական փուլն է սկսվել

ՊՎԾ-ն տվյալներ ունի քաղաքապետարանի պաշտոնատար անձանց կողմից օրենքի խախտումներով համայնքային հողատարածքների օտարման մասին

Երևանի մետրոպոլիտենի տնօրենի պաշտոնակատարն ազատվել է պաշտոնից․ ով է նրան փոխարինում

Արցախի ԱԽ քարտուղարը դիմել է ռուս խաղաղապահ զորակազմին

Հայաստանում մեկնարկում է սիրողական որսաշրջանը. ՇՄ նախարարությունը հրապարակել է որսի ենթակա կենդանիների ցանկը

Հրազդանի մի շարք փողոցներում այսօր 8 ժամ գազ չի լինի

Գործազուրկ, այդ թվում՝ նպաստառու քաղաքացիներին աշխատանքի ընդունելու դեպքում գործատուները կխրախուսվեն

Ողբերգական դեպք Գեղարքունիքի մարզում. Գետիկի գյուղապետարանի մոտ՝ տրակտորի տակ, հայտնաբերվել է տղամարդու դի

Գյումրիում ահաբեկչության մասին կեղծ ահազանգ հնչեցրած անձը կալանավորվել է. դատախազություն

Երևանի և 9 մարզերի բազմաթիվ հասցեներում այսօր սպասվում են հոսանքազրկումներ

Կարմիր նախազգուշացում Ադրբեջանին. Ցեղասպանության կանխարգելման Լեմկինի ինստիտուտի հայտարարությունը

Երևանի որոշ հասցեներում մի քանի ժամով ջրանջատում կլինի