Մեզ սպառնում են. Մորգենշտերնի համերգի կազմակերպիչները մեկնաբանում են կատարվածը

Մարտի 11-ին Երեւանի Կարեն Դեմիրճյանի անվան մարզահամերգային համալիրում սպասվող արտասովոր ու էքսցենտրիկ ռեփեր Մորգենշտերնի (Ալիշեր Վալեեւ) համերգը չեղարկվել է: Տեղեկությունը պաշտոնապես «Հայկական ժամանակ»-ին հաստատեցին համերգի կազմակերպիչ «Prime Production» կազմակերպությունից՝ պարզաբանելով, որ դրա չեղարկման հիմնական պատճառը համերգի շուրջ ստեղծված քննադատություններն ու բողոքներն են եղել:

Հիշեցնենք՝ համերգի անցկացման մասին հայտարարվել էր բոլորովին վերջերս, սակայն այն համացանցում սուր քննադատությունների էր արժանացել, իսկ կազմակերպիչների դեմ՝ ակցիա սկսվել:

«Prime Production կազմակերպության հատուկ ներկայացուցիչ Է. Հ.-ն, անվտանգության նկատառումներից ելնելով, անգամ չցանկացավ, որ իր ամբողջական անուն-ազգանունը հրապարակվի, քանի որ այն, ինչ կատարվել է այս օրերին, ազդել է նաեւ իր վրա: «Prime Production»-ի անդամներն այս օրերին տարատեսակ սպառնալիքներ են ստացել, հայտնվել անախորժ իրադրություններում: «Համերգն արդեն երկու օր է՝ չեղարկված է, բայց մտնում են մեր էջ ու ինչ ասես, գրում են, անձնական տիրույթ են տեղափոխում»,- նշեց, Է. Հ.-ն՝ հավելելով, որ անգամ իր տան տեղն են փնտրել՝ հաշվեհարդար տեսնելու համար:

«Եթե պատրաստ չեն ընդունել իրենց երկրում մեկին, որն ընդամենն արտիստ է, իսկ նրանք, ովքեր ցանկանում էին լինել այդ արտիստի համերգին, լռում են, չեն պայքարում իրենց իրավունքների համար, մենք ոչինչ չենք կարող անել»,- ասաց կազմակերպության ներկայացուցիչը:

Հարցին՝ ճի՞շտ են այն տեղեկությունները, որ տոմսերի մեծ մասը վաճառված է եղել, Է. Հ.-ն բացասական պատասխան տվեց՝ նշելով, որ այդ հայտարարություններն իրականությանը չեն համապատասխանում: «Պատվերները շատ-շատ էին, բայց դեռ չնչին տոկոսն էր վաճառվել: Ով հասցրեց, այս թեմայից իր դիվիդենտները քաղեց: Սա կարծես պատվերով ստեղծված բողոքի ակցիա լիներ: Հիմա էլ բողոքներ ենք ստանում համերգի չեղարկման համար»,- նշեց նա:

Ի դեպ, համերգի տոմսերի արժեքն սահմանված էր 6-35 հազար դրամի սահմաններում:

Անդրադառնալով այն տեղեկություններին, թե Մորգենշտերնի՝ Հայաստան գալուն մարդիկ դեմ արտահայտվեցին հատկապես այն պատճառով, որ երգիչը պատերազմի օրերին ծաղրել է Հայաստանն ու հայերին՝ մեր զրուցակիցն ասաց՝ դրանք խոսակցությունների մակարդակից այդպես էլ փաստարկված նյութի չեն վերածվել. որեւէ մեկը որեւէ ակտիվ հղում կամ ստույգ մեջբերում չի ներկայացրել, ըստ այդմ՝ արժանահավատ չէ:

«Prime Production»-ից դեռեւս Մորգենշտերնին չեն հայտնել լուրը: Կազմակերպության ներկայացուցչի խոսքով՝ բացատրություն չեն գտնում, չեն էլ պատկերացնում՝ ի՞նչ են ասելու: Կազմակերպության ներկայացուցիչը նկատեց՝ իրենք մի բացատրություն կգտնեն, կկարողանան ցույց տալ, որ մեղավորություն չունեն, սակայն մեր երկրի համար դրական չի լինի դա: «Նախ եւ առաջ սա դրսում հեղինակության մեծ խնդիր է. բողոքի հետեւանքով արտիստին երկիր չեն թողել: Ի վերջո, խոսում ենք երաժշտության, մշակույթի մասին: Այլակարծությունը չընդունելը հավասարազոր է ռասիզմի»,- նկատեց Է. Հ.-ն:

Նա նաեւ նշեց, որ կազմակերպությունը մեծ վնաս է կրում կատարվածի հետեւանքով. «Բացի այդ, մեծ փրոդաքշն է, բազմաթիվ այլ արտիստների հետ ենք աշխատում, այս դեպքից հետո շատերը գուցե երկմտեն մեզ հետ համագործակցելու համար»:

Մեր զրուցակցին զարմացրել է այն, թե ի՞նչն էր պատճառը, որ բոլորի խոսակցության ու երկրի քննարկման թոփ կարեւոր թեման Մորգենշտերնն էր դարձել. «Չեմ կարող ասել, թե ո՞վ օգտվեց սրանից: Ոչ ոք երբեք չքննարկեց՝ մեր կազմակերպությունը քանի-քանի բարեգործական համերգներ է արել կիսադատարկ դահլիճներում: Ոչ ոք չասաց, որ Արա Գեւորգյանի համերգը բարեգործական էր, հիվանդ երեխաների համար էր արվում...»:

Կազմակերպության ներկայացուցիչը նշեց, որ իրենց դեմ մեծ բանակ է աշխատել. «Սփյուռքից եւս մասնակցում էին այդ արշավին: Մարդիկ գնում են դրսում ապրելու, այնտեղ ինչ ասես տեսնում են, ընդունում եւ հարմարվում, բայց հեռվից որոշում են, թե այս երկիր ո՞ր արտիստը պիտի գա»: Ապա խոսելով Մորգենշտերնի ոչ միանշանակ կերպարի մասին՝ կազմակերպության ներկայացուցիչն ասաց. «Մարդն էպատաժային արտիստ է, իր յուրահատկությունն էլ հենց դրանում է, ինքն իրեն հենց այդպես է փիառ արել: Երիտասարդները նրան սիրում են: Սատանիստ չէ, նույնիսկ իր ճակատին գրված «666»-երին էլ բազմիցս անդրադարձել է, որ հատուկ է արել, որպեսզի «օֆիսային պլանկտոն» չդառնա, իրեն ոչ մի տեղ գործի չվերցնեն: Սակայն ասել է նաեւ, որ ցանկացած պահի կարող է հրաժարվել իր այդ հորինովի կերպարից»:

Ալիշեր Մորգենշտերնը 23-ամյա հայտնի ռուս ռեփեր է, որը հայտնի է դարձել իր արտառոց կերպարի ու էպատաժային արարքների շնորհիվ: Նրա ճակատին «666» է դաջված, ինչը շատերը սատանիզմ են որակում։ Իր առաջին հոնորարներից մեկի մի մասը նա ցուցադրաբար այրել է տեսանյութում՝ առաջացնելով համացանցի օգտատերերի դժգոհությունը: Ըստ մամուլում առկա տեղեկատվության՝ Մորգենշտերնին անցյալ տարվա նոյեմբեր ամսին ՌԴ ներքին անվտանգությունը վտարել է երկրից, եւ այժմ վերջինս գտնվում է Դուբայում: Ըստ որոշ տեղեկությունների էլ՝ նա հայտնի է անբարոյականության, թմրամոլության եւ հակաքրիստոնեական քարոզներով: Թերեւս երգչի տեսքն ու նրա մասին տարատեսակ նման տեղեկություններն էլ հիմք են դարձել վերջիս մուտքը Հայաստան բոյկոտելուն:

Հիշեցնենք, որ ռեփերի Հայաստան գալու հետ կապված բազմաթիվ բողոքներին միացել էին նաեւ եկեղեցական ծառայողներ, որոնք իրենց խոր մտահոգությունն էին հայտնել այդ առիթով:

Դիցուք՝ հոգեւոր հովիվ Տեր Եզնիկ քահանա Մարդիրյանը, անդրադառնալով երգչի՝ Հայաստանում համերգ ունենալու լուրին, նշել էր, որ նա Արցախյան 44-օրյա պատերազմի ընթացքում ծաղրել եւ հայհոյել է հայերին: «Եվ այս անձը պատրաստվում է մարտ ամսին Մարզահամերգային համալիրում մենահամերգի՝ համերգի, որի բառերի մեծամասնությունը հայհոյություն է եւ անպատվություն: Իսկ Հայաստանում սպառել ենք վերոնշյալ սատանիստի, Հայ Ազգ ծաղրողի գրեթե բոլոր տոմսերը եւ սրտատրոփ սպասում ենք հայհոյախառն «երգեր» լսելուն»,- մասնավորապես գրել էր նա:

Տպել
8709 դիտում

Նախագահ Վահագն Խաչատուրյանը կմասնակցի Համաշխարհային տնտեսական համաժողովին

Գետափում դարձյալ բնակարանամուտ է նշվել

Միրզոյանը Բույար Օսմանիին է ներկայացրել ԼՂ հակամարտության խաղաղ կարգավորման հայկական կողմի դիրքորոշումը (տեսանյութ)

Այսքան բացահայտ իրար ուտու՞մ են. Ստյոպա Սաֆարյանը Սաղաթելյան-Վանեցյան փոխհարաբերությունների մասին

ԱՄՆ դեսպանի հետ կապված հայտարարությունները և ակցիաները ունեն միայն ներքաղաքական շարժառիթ. քաղաքագետ

Ընդդիմության ակցիաներում ոստիկանների դեմ եղած հաղորդումներով ծառայողական 47 քննություն, 5 ուսումնասիրություն է կատարվում

Հիշողությանս մեջ վառ է Մարտի 1-ը, այն սարսափը, որով հայ հասարակությունն անցավ, մենք կոչ էինք արել չցրել հավաքը. Վիկտորին

ՊՆ-ն հայտարարում է երաժիշտ և պարող զորակոչիկների մասնագիտական լսումներ և դիտումներ

Որոշ տարածաշրջաններում և Վարդենյաց լեռնանցքում թույլ ձյուն է տեղում

Շարունակվում է Սուրեն Պապիկյանի այցը 3-րդ բանակային զորամիավորում

Ամենայն հայոց կաթողիկոսն ընդունել է Լիտվայի Հանրապետության նախագահին

Երևանում կայացել է Հայաստան-Իրաքյան Քուրդիստան գործարար համաժողով

Դաշնակցությունը ցանկանում է վիժեցնել ՀՀ իշխանությունների ջանքերը՝ ուղղված երկրի անվտանգությանը. քաղաքագետ

Ինչ ունեցվածք են հայտարարագրել ընդդիմադիր պատգամավոր Ագնեսա Խամոյանը և նրա ամուսինը՝ Արթուր Մուրադյանը

Եղանակային անբարենպաստ պայմանների պատճառով ընդդիմությունն այսօր հանրահավաք չի անցկացնի

Աննա Հակոբյանը հյուրընկալել է Դիանա Նաուսեդիենեին. վերջինս ՀՀ վարչապետի կնոջը հրավիրել է Լիտվա

Ջավադյանին բնորոշ էին համեստությունը, ուշադրությունը մարդկանց հոգսերի հանդեպ. ՀՀ նախագահը ցավակցական հեռագիր է հղել

Ես՝ որպես իշխանական ուժի պատգամավոր, ավելի հաշտ եմ ընդդիմության մի շարք անհատների հետ, քան իրենք իրար հետ. Աղազարյան

«Հայրենիք» կինոթատրոնի մոտ մեքենաներ են բախվել. կա զոհ

«Առանց բոթաս Հայաստան». Անահիտ Մութաֆյանի գրառումը ծաղրանքի առարկա է դարձել համացանցում (լուսանկարներ)

Ռուբինյանն Իրանի դեսպանին է ներկայացրել հայ-թուրքական հարաբերությունների կարգավորման գործընթացում ՀՀ-ի դիրքորոշումը

Կայացել է ԱՀ ՄԻՊ-ին առընթեր բռնի տեղահանված և փախստական անձանց իրավունքների պաշտպանության հարցերով խորհրդի առաջին նիստը

Ատելության խոսքը, վիրավորանքը, թշնամանքի հրահրումը բարիք չեն կարող լինել. Գերագույն հոգևոր խորհրդի հայտարարությունը

Դոլարի փոխարժեքը մի փոքր նվազել է. ՀՀ կենտրոնական բանկը հրապարակել է նոր փոխարժեքներ

Նիկոլ Փաշինյանը ցավակցական ուղերձ է հղել Յուրի Ջավադյանի մահվան կապակցությամբ

Ամառային սուրդլիմպիկ խաղերում հայ մարզիկները 5 բրոնզե մեդալ են նվաճել

Գնել Սանոսյանն ու Չեխիայի դեսպանը քննարկել են չեխական ընկերության կողմից Ստեփանավանում փոքր օդանավերի արտադրության հարցը

Սկսել ենք կարևոր երկխոսություն, որը պետք է շարունակվի. ՀՀ վարչապետը՝ Լիտվայի նախագահին

«Մարիոթ»-ի ֆորումին հրավիրված բոլոր պատգամավորների ու այլ հյուրերի մուտքը եղել է անխոչընդոտ. Դանիել Իոաննիսյան

Իրացման ցանցում հայտնաբերվել է ժամկետանց սննդամթերք (լուսանկարներ)

Արարատ Միրզոյանը հանդիպում է ունեցել Իսպանիայի ԱԳ նախարարի հետ. անդրադարձել են տարածաշրջանային նշանակության հարցերի

Թատրոնում աշխատելով՝ մի բոթասով ահագին մարդու սոցիալական ապահովություն է ստեղծում. Սաֆարյանը՝ Մութաֆյանի գրառման մասին

Արայիկ Հարությունյանն ընդունել է Նարեկ Մկրտչյանին. կարևորվել է երկու հայկական պետությունների փոխգործակցության սերտացումը

Պատերազմի քննիչ հանձնաժողովն աշխատանքը չի համապատասխանեցնելու որոշ թերթերի խարդավանքների տրամաբանությանը. Քոչարյան

Ատեստավորման նպատակով այս տարի կվերապատրաստվեն ավելի քան 14 հազար ուսուցիչներ

Անձնագիր ձեռք բերելիս անձի նույնականացման գործիքակազմը բարելավման կարիք ունի. ՀՀ գլխավոր դատախազը միջնորդագիր է հղել

ՀՀ ոստիկանությունը պարզաբանում է տարածել համակարգի աշխատողներին պարգևատրումներ տրամադրելու վերաբերյալ

Վրաստանի ՊՆ ներկայացուցիչներն այցելել են Վազգեն Սարգսյանի անվան ռազմական համալսարան

Ալեն Սիմոնյանն ընդունել է Գիտանաս Նաուսեդային. անդրադարձ է կատարվել տարածաշրջանային անվտանգության խնդիրներին

Վահագն Խաչատուրյանը հյուրընկալել Լիտվայի Հանրապետության նախագահին. նրանք հանդես են եկել հայտարարություններով (տեսանյութ)